臺月

营业中

休息中

星期六收工又去左元朗，今次食台灣野，姑姐買餸見到開左間新野，就捉我去試下。我地叫左兩個全日套餐：🐮Top 1牛筯湯麵 $66牛筋好大件，長過手指，好有咬口，湯底濃郁濃厚，麵有勁道 ~ 唔錯🐽Top 2桂林仔豬排湯麵 $66豬排十分入味又夠腍，份量仲好多，好有驚喜，溏心蛋有滷過，好味套餐飲品：熱黑糖冬瓜茶 ~ 滋潤甜入心，解膩一流凍蜂蜜柚子茶 ~ 大杯夠清新Top 3兩款小食 $29：🐥黑麻油雞翼兩隻 ~ 睇色水都知好入味，肉質好juicy芋圓愛玉仙草凍 ~ 呢個叫左後上，仙草凍份量十足，同愛玉形成黑白配咁，芋圓煙韌。炸物拼盤 $56(花枝丸、香菇貢丸、甜不辣、臺灣腸、蔥餡餅、燒賣)蔥餡餅個樣好似小籠包咁一口一個，咬開聞到濃郁的蔥味，呢個幾特別。燒賣都有炸過好香口，甜不辣口感煙韌，其餘都唔錯。下次可以再黎試埋其他，另外出示長者卡或樂悠卡每位均可減$5，姑姐即刻話話下次要拉埋姑媽黎食。

元朗又新街一帶滿佈餐廳，掃街抑或堂食，總有一間適合！今晚和朋友到這邊搵食，誤打誤撞尋到一間高質台灣菜小店：「臺月」。一食愛上他們這碗肉燥拌麵！麵條粗身掛汁，口感帶煙韌。拌上肉燥和醬油，肉燥份量很多，偏瘦不肥，味道濃郁香口。還附有半隻溏心蛋。$36的套餐，還附送一杯台式飲品，非常抵食！鹽酥雞扒就食得多，豬扒就比較少見。豬扒炸至酥脆，帶椒鹽鹹香，肉質軟嫩。配上一碗肉燥飯，粒粒分明的珍珠米飯撈上肉燥，鹹甜味道非常下飯。追加了2款小食。甜不辣整塊炸香切條，同樣是鹽酥的做法，灑了椒鹽，入口Q彈有魚香。而麻油雞翼肉質很滑嫩，煮得十分入味，齒頰間滲出濃濃的麻油香味。港式小食配以台式做法！燒賣外層炸到脆卜卜，再配上椒鹽調味，邪惡惹味！隨餐附送的黑糖薑母茶，選擇了少甜，帶微微薑辣香氣。另一杯以半價選購的珍珠奶茶，珍珠非常Q彈煙韌，深得朋友歡心。

元朗呢邊開咗間新嘅台式餐廳～ 價錢超親民貼地🥹 仲竟然有全日都只係36蚊無加一嘅套餐，住元朗嘅人有福啦😍 每一口都係台灣嘅味道😌1️⃣ 桂林仔便當🐷ᴛᴏᴘ 3之一嘅便當一定要試試佢🤞🏻 雖然底可以揀其他款，但係我就覺得便當嚟講配白飯先至係最ᴍᴀᴛᴄʜ😗豬扒雖然唔係炸到好脆，但食落甜甜哋唔會乾爭爭🤣 加埋半隻糖心蛋超誘人😍2️⃣ 鹽酥雞扒拌麵🐥我就揀咗要拌麵～ 除此之外仲可以揀白飯/肉燥飯/湯麵🍜即叫即炸嘅鹽酥雞扒熱辣辣，大大塊亦超厚身，外脆內嫩好ᴊᴜɪᴄʏ💦 而麵條口感煙靭，醬汁都唔會太鹹，加埋蔥蒜好配搭😋3️⃣ 炸物拼盤🥢呢份拼盤就可以食多幾款嘢啦😌包括有：墨丸、甜不辣、椒鹽燒賣、蔥餡餅、鹽酥雞、牛丸…蔥餡餅金黃香脆，咬落去爆哂肉餡同精華😍 至於甜不辣雖然外貌變成一條條，但食落煙韌好ᴊᴇɴɢ👅4️⃣ 香芋奶茶💜仲有多款台式飲品嫁，連沙冰都有添😌 我呢杯就加咗珍珠，芋頭味好香醇，珍珠就十分ǫ彈🤪 配料仲可以揀要愛玉🥳

突然想食下台灣野，上網search一下見又新街開左間新店叫臺月，睇相唔錯就去試下先。大概兩點嚟到，店員話等一張枱，ok啦，新餐廳試下囉😋⭐鹽酥雞扒拌麵朋友本身想點鹽酥雞，但賣曬，於事就轉咗鹽酥雞扒，個餐本身可以跟飯、湯麵或者拌麵，就揀咗跟拌面。份量好大份，雞扒大大塊仲好厚身，炸得酥香，好食喎。⭐台式椒麻雞拌麵自己就點咗個廚師推介嘅椒麻雞，原本諗住會係雞件，原來都係鹽酥雞扒。雞扒上面淋左椒麻醬，有生蒜、九層塔、小米辣等混成的醬料，麻辣鮮味，好正🤤呢個餐都係揀咗跟拌麵，因為台灣拌麵真係好好食，麵條蛋彈牙，上面個乾蔥醬好香，加埋溏心蛋勁正❤️⭐蔥餡餅跟餐有優惠價加小食，叫咗一份蔥餡餅，煎得香脆，一口咬落蔥油爆開，熱辣辣又香口，好食！可惜係有一隻爆咗口，漏走咗啲蔥油汁🥺⭐泡椒水餃朋友揀咗加泡椒水餃，隻水餃入面加咗泡椒麻麻辣辣好刺激，有驚喜喺個湯汁，有藥膳味又甜甜地咁，唔知跟餐湯麵係咪呢個湯底呢，係就正喎🤤⭐溏心蛋最後就係溏心蛋啦，朋友同我都係溏心蛋嘅愛好者，雖然知道拌麵嗰度有半隻，但真係唔夠喉，加多一人一隻先，軟綿綿嘅蛋心真係好正😍⭐香芋仙草 & ⭐茉莉仙草個餐本身都有餐飲送，但一心想嚟食台灣嘢

下午茶套餐 低至$38起！超級抵食！呢間餐廳質素唔錯👍🏻同係台灣食到既差唔多，好地道，呢啲小店值得比更多人識！雙丸麵線 估唔到下午茶嘅都咁大碗，味道都唔錯！全日套餐 牛筋 牛肉麵 有得揀湯麵定撈麵，想食飯仲可以揀肉燥飯/白飯，友人簡咗湯麵炸物拼盤 (花枝丸、香菇貢丸、甜不辣、臺灣腸、蔥餡餅、燒賣）咩都有啲既拼盤，正常炸物。蔥餡餅就特別啲，外皮好似粒湯圓咁，煙煙韌韌，入面係蔥餡。小食甘梅地瓜角好多梅子粉係地角上面，呢個如果做一條條，口感應該會更好。

今日發現元朗又有間新野未食過 , 仲係我心心念既台灣菜 , 平日中午去人唔算多 , 店鋪坐得寬敞 , 裝潢簡潔企理全日套餐超抵食 ! 牛筋湯麵牛筋份量又多又大件 , 試食左朋友既一啖 . 牛筋彈牙有口感 , 配上湯麵濃郁惹味台味三杯雞肉燥飯雞肉嫩滑易入口 , 調味香噴噴 , 肉燥飯粒粒粒分明 , 送飯食好開胃 炸物拼盤入面超豐富 , 岩哂每樣台式小食都想試 dd 既我地 , 有花枝丸、香菇貢丸、甜不辣、臺灣腸、蔥餡餅、椒鹽燒賣 , 全部炸物都炸得香脆可口 , 仿佛回到台灣特飲加配只要半價 , 就可以飲到台式特飲 , 仲可以自己揀加配 d 咩 , 組合無限多凍頂烏龍茶 + 寒天晶球蜂蜜茉莉茶 + 寒天晶球

餐廳主打台式全日套餐，有主食、跟餐飲品同時亦可追加小食，主食可自由配搭白飯、肉燥飯、拌麵、湯麵或肉燥拌麵，出示長者卡或樂悠卡每位均可減$5。桂林仔豬排配肉燥飯桂林仔豬排口感軟腍，肉質鮮嫩，調味剛剛好，甘香甜美，相當入味，表面灑滿了香蔥，配菜係酸菜，有解油膩既作用。菜肉水餃配肉燥拌麵 菜肉水餃及肉燥拌麵分上，菜肉水餃放在牛肉湯中，水餃隻隻都好飽滿，牛肉湯係台灣有名氣的，帶有淡淡的藥膳味。麻油雞翼追加跟餐小食，雞翼肉質飽滿，有淡淡既麻油香味，將雞肉既鮮味帶出。熱黑糖薑母茶薑母茶好足料，辣味十足，有濃厚黑糖中和番，對女士特別好。香芋珍珠沙冰經典台灣珍珠香芋奶茶以沙冰形式出現，冰淡清爽，香芋味濃厚，沙冰口感綿密。

元朗又新街一向多好嘢食🤩～臺月台灣菜亦都唔例外！性價比高，服務質素同食物質素都一樣好好！全日套餐仲包餐飲，又抵又高質‼️👍🏻𝑭𝑶𝑶𝑫𝑺1〉全日套餐 - 鹽酥雞湯麵 $56 （大推薦🌟）超級推薦鹽酥雞！份量好多，賣相已經好吸引！味道方面，雞件炸得啱啱好，所以好脆好香口！而且內裡肉質好嫩，唔係硬綁綁質感！再配濃郁湯底湯麵非常好食！價錢都好抵食！2〉全日套餐 - 桂林仔豬排肉燥飯 $66 （推薦🌟）餐牌上面寫台式必點主食排行Top2～果然冇失望！豬扒好厚身，但好入味同夠軟腍！口感好豐富！另外飯粒香軟，配上濃郁嘅肉燥，味道層次分明！3〉櫻花蝦娃娃菜 跟餐＋$16 櫻花蝦配搭有提昇鮮味！娃娃菜保持到脆口感！整體味道清淡得嚟又有鮮味！4〉炸物拼盤 $56 （推薦🌟）一份拼盤滿足哂唔同口味！啱哂每樣都想食嘅人！拼盤好豐富～其中貢丸同台灣腸最吸引！貢丸口感彈牙，咬落去有種爽脆嘅感覺！可惜嘅係淨係拼盤先有貢丸～𝑫𝑹𝑰𝑵𝑲5〉柑桔檸檬愛玉 跟餐＋$14 愛玉配料好多，啖啖愛玉～正！柑桔檸檬酸酸甜甜好開胃！唔係好多店舖有檸檬愛玉台式飲品，所以WO妹都覺得幾歡喜～6〉香芋奶茶寒天晶球 跟餐＋$14（推薦🌟）平時

係同益街市附近嘅台式小店，全日套餐唔洗$100‼️最平擺低$36就有，仲要包台式飲品，CP值爆燈👍🏻我地叫左兩個全日套餐🐽桂林仔豬扒 配肉燥飯 豬扒juicy，肉燥飯滷汁香濃，撈暈黎食超好送飯，加配佛手柑茶清新解膩🍜臺味三杯雞 配湯麵三杯雞有驚喜，食落好有鍋氣，加埋牛層塔好香口，送飯一流湯麵嘅湯底唔hea，飲落好香好舒服🍟炸物拼盤$56有好多款小食，花枝丸、台灣腸、甜不辣等等，同朋友share好滿足套餐加配小食 2款$29🍠芋圓愛玉仙草凍 🥬櫻花蝦娃娃菜 $29🧋佛手柑茶+$14🧋黑糖珍珠鮮奶 $18

抱平常心來午飯，誰知味道令人眼前一亮的台菜😳🥩🍜桂林仔豬扒拌肉燥麵豬扒切下去竟然肥瘦相間？很特別呢，所以一點也不「鞋口」，油香肉軟，調味汁也很惹味。肉燥拌麵真是大推特推。麵條粗身而有口感，拌麵每條都掛著肉燥汁，肉燥也炒得香濃，再加半個溏心雞蛋。我願為拌麵再來一趟😍🍡🍢炸物拼盤必點必點！性價比極高，一盤6款。花之丸、香菇貢丸、甜不辣、台灣腸、蔥餡餅和燒賣。炸得出色，亮點是店家灑了點梅粉，真是回到台灣。🍛牛肉牛筋飯一開始點多了個飯，後來發現眼闊肚窄，店家叔叔細心地幫忙打包，乾淨企理。 牛肉牛筋份量足，米飯是珍珠米，底部有紅蘿蔔。

同事特登早15分鐘去食lunch，因為佢話呢間位於又新街嘅臺月，一到飯點超多人，行慢啲都無位。的確一坐低，已經有食客響門口等位。三杯雞肉燥飯濃香四溢，雞肉大件又多。黑麻油雞翼好嫩滑，每啖都食到麻油香味，配埋個麵食簡直無得輸。跟餐既凍蜂蜜柚子茶同凍黑糖冬瓜茶唔止好飲，仲係指定飲品免费飲，凍飲仲唔使加錢，超大杯，爽！炸物拼盤各款都有，口感多樣！最後嘅甜品芋圓愛玉仙草凍，滑溜得嚟唔會太甜，完美收尾。老闆好親切，有台灣人嗰種熱情，令人感覺好有親切感。臺月既份量真係值回票價，食物好味又有誠意，絕對會再光顧！

上星期約了兩位姊妹食飯傾下計舒緩一下湊仔壓力大家同樣地都係三孩之母加上小朋友是同校小一生家中的大小事也能傾一餐真的好慶幸給我遇到她們大家選了學校附近的台式飯店臺月店子位於又新街出名的雞粥的隔離座位雖不多但欣賞店子堅持不搭枱讓我們幾個繼續坐在一枱不受騷擾初嘗新的台式飯店例牌試鹽酥系列果然每款食品都唔錯，性價比不錯怪不得中午來等位的客人也不少呀❤️鹽酥雞拌麵➡️ 想不到鹽酥雞的份量真不少，而家肉嫩有汁➡️ 鹽酥雞面更灑上椒鹽粉，令雞件更香口好吃➡️ 拌麵的麵質彈牙，是我喜愛的質感➡️ 而拌麵上的麻辣醬油絕對是錦上添花，必點拌麵❤️鹽酥豬排湯麵➡️ 不韌爽脆的鹽酥豬扒一口接一口➡️ 湯是我喜愛的鮮甜牛肉湯底，麵質彈牙，不經意連麵連湯飲完🙈❤️三杯雞配白飯➡️ 帶有少許麻辣香的嫩雞腿真的很好吃，太驚喜👍➡️ 還加入雞脾菇同炒，超好餸飯🍚，這家的白飯也很好吃呀！❤️櫻花蝦娃娃菜➡️ 吃得太多肉，便要有菜菜來平衡一下，份量適中➡️ 娃娃菜非常冧滑入味，不錯❤️熱蜂蜜柚子茶❤️凍鮮檸檬紅茶➡️兩杯飲品正常🧏‍♀️卡卡食後感：這店的性價比不錯食品也比預期驚喜大推三杯雞配白飯下次定必回訪再試賣光的牛肉湯麵呀📍臺月元朗又新街61-63號運興

見到推介，專登黎食，店內雖小但整齊清潔價錢合理升級埋飲品「黑糖奶茶」滑口唔會死甜「香芋奶茶」香濃奶芋主食真心之吸引「牛肉配肉燥飯」牛湯清晰，牛肉又香又甜又好吃😆仲要超嫩。糖心蛋簡直畫龍點睛，令個味覺更豐富。「桂林豬排配肉燥拌麵」，豬排入味軟熟。個肉燥拌麵頂瓜瓜！！肉燥肥瘦適中，麻油搭上醬油香味撲鼻，麵條qq彈牙。難怪咁多人叫「肉燥拌麵」！仲有甜品「芋圓愛玉仙草凍」暢快舒服！總結： 食到材料靚，廚房用心製作

價格親民😎元朗台式餐廳味道同價錢有驚喜！❤️❤️肉燥拌麵⭐️$36輕食啱晒包野飲無加一，味道入味！唔會太濃味麵質粗身煙（好食）配肉燥汁、半隻糖心蛋，好食到想再叫多碗😹泡椒水餃湯麵⭐️水餃入味，同泡椒湯底勁夾！拌麵同湯麵做法唔同，食落同樣滋味～💗叫左三種小食：麻油雞翼、娃娃菜、糖心蛋⭐️加埋只係$36，麻油雞翼好食，娃娃菜作為小食份量唔錯，想食得健康可以叫番碟😹糖心蛋有啲餐本身有，朋友想再食，就再加一隻明明下午茶時間去食，好似食緊好豐富既午餐🤣$100內搞掂🤝🏻

元朗終於有新既台灣餐廳啦，位置都幾方便。晚市時間黎到，見到價錢都幾抵食。桂林仔便當 第一眼就比佢吸引到，有睇過套電影一直都好好奇係咩味。呢款簡左配白飯。便當好豐富，望落好有食慾。有排骨、配菜、溏心蛋，整體份量超足，排骨超厚，好入味。菜都係有醃過，送飯一流。台式椒麻雞 配拌面第一次食呢款雞，雞件好厚肉，入面好juicy，外皮酥脆再淋上椒麻醬。椒麻醬既花椒同埋大蒜味都好突出，食落酸香帶麻味，好惹味。拌面好彈牙，調味岩岩好。另外仲加左小食2款，都係$28咋，叫左台灣腸同甜不辣，份量好足!呢到仲有多款台式飲料，黑糖薑母茶好足料，唔係淡茂茂，飲到好重薑味。蜂蜜茉莉茶大大杯，好解渴。