台北倆伴

营业中

休息中

第一次去圍方，亦第一次試這間台灣菜👍🏻餐廳裝修好舒服，坐位亦好闊落。我同朋友兩個好想食台式火鍋，所以點左個沙茶牛肉鍋。個鍋好多料，十分豐富，有津白、金菇、冬菇、甜不辣、芋頭貢丸、福州魚丸、蛋餃、鵪鶉蛋、牛筋、牛肚、牛版腱仲有蜂巢，豆腐。所有材料都好新鮮，當中芋頭貢丸超香，口感一流，牛筋超淋，牛版腱濃濃肉香。超推介大家試古早起司芋泥肉鬆蛋餅。先講佢嘅層次感係多而又多，旦皮煙韌，裡面包住綿綿超香香芋泥，起司拉絲，肉鬆鬆化，食完想encore!!必點推介。彰化花雕雞卷濃濃花雕酒香，雞件肉質結實，伴上新鮮杞子，好睇又好食。

黎到大圍新商場想搵間平平地既餐廳食晏，見到台灣菜「台北倆伴」都幾旺場，望一望menu 2:00就有下午茶，時間岩岩好一於就試下啦。下午茶套餐$46起，包一杯台式飲品，另可加錢升級特飲🍹我地三個要兩個餐再加蛋餅同麵線！好想食蛋餅🥹套餐都幾多選擇，幾鐘意佢有唔同既配搭，紅燒牛肉麵配古早滷肉飯，有麵又有飯食🍜🍚唔洗三心兩意揀唔到食咩，咩都有得食下🤣牛肉麵正常發揮🐮滷肉飯就好啱我口味，滷肉肥瘦均勻，唔會好鹹撈飯食好好味，仲要有啲肉鬆同溏心蛋，加分💯份量仲要好多，女仔呢個set可能都食唔晒🤰🏻另一個set仲豐富，有鹽酥雞、紫菜貢丸湯、地瓜酥、滷肉飯，賣相好靚，味道都唔錯，都係好標準的台灣風味👍🏻古早起司芋泥肉鬆蛋餅😍餡料滿滿，加左芋泥甜甜地，面頭又有醬油膏，鹹鹹甜甜好食呀😋再加左個好懷念的大腸麵線，每次去台灣都會食的。大腸好似食極都有咁，加左啲醋好開胃😍飲品方面都係加$18升級特飲，價錢好合理，要推薦大甲芋頭芋圓鮮奶，好足料，芋圓幾有咬口😋🔸紅燒牛肉麵古早滷肉$58🔸鹽酥雞肉鬆滷肉飯$62🔸大甲芋頭芋圓鮮奶+$18🔸炭培烏龍起司奶蓋+$18🔸逢甲大腸麵線(輕量)$42🔸古早起司芋泥肉鬆蛋餅$62

同同事番夜1645落到圍方應該唔使排隊，試下呢間台灣野～兩杯野嚟到都幾吸引分別係炭培烏龍起司奶蓋愛文芒果起司奶蓋烏龍茶就唔係好飲到炭培味，不過起司奶蓋幾濃有d芝士粒粒我叫左花雕雞卷麻辣拌麵紫菜湯～好似有個甜不辣首先麻辣拌麵個味唔錯過，麵條不過不失，甜不辣正常，花雕雞卷幾入味夠淋，紫菜湯有驚喜，唔似味精湯有少少甜同事叫左麻辣鴨血臭豆腐拌麵一樣都係有甜不辣同紫菜湯同事都覺得紫菜湯同麻辣拌麵唔錯再叫左一個古早起司芋泥肉鬆蛋餅頂頭個醬係咸既，但芋泥係甜既，個醬同甜不辣個醬一樣但同甜味既蛋餅唔多夾，芋泥係唔錯奶香奶香，個皮唔係一咬就斷要比d力，所以咬開一半d餡就會跌出嚟……我地係下午茶時間，呢個價算唔算high tea🤣🤣

大圍開咗一個新商場叫圍方，新開關係好多人，間間餐廳都要排隊，我經過攞咗四間嘅飛，有食日式、台式、上海菜同火鍋。大約等咗二十分鐘，最快係台北倆伴，餐廳座位舒適。餐廳選擇食物都好多，價錢合理，午餐有宜蘭蟹肉蟹黃拌麵（限量），當然要試下，包一杯飲品，叫咗桂圓紅棗茶，另外一樣係彰化雞卷便當，飲品係黑糖薑母茶。蟹肉蟹黃拌麵都好大碗，試一啖食不出蟹肉同蟹黃味道，加埋黑醋一起食感覺好食一點，還有一碗海帶湯。花雕雞卷有淡淡嘅花雕味，雞卷味道正常，還有兩片鴨血，飯面有肉燥同半隻糖心蛋，味道好食。整體味道不過不失。

之前去圍方見呢間食店門外咁多人等以為係好野嚟，今日見無咁多人諗住試吓，點知係貼錢買難受。我哋點左一個便當，一個牛肉麵，蛋餅同2杯飲品。牛肉麵點完5分鐘都未夠就嚟到，快到令人吃驚，味道正常。便當等左一陣都到左，肉燥有點甜，焢肉有點乾，食到痴牙，2舊鴨血無味，質感一般，慶幸無單叫鴨血。2杯飲品不過不失，無期望無失望。到接近半個鐘份蛋餅都未見，諗住要1個鐘交枱就同職員講野食仲未到，點知果個戴眼鏡唔知係店員定店長嘅男人就話好多人都叫左蛋餅，呢樣野係得一個人做，係要耐啲架喇，佢語氣好似我催左佢好多次咁，攪到隔離幾枱人都望住我哋，令我地非常尷尬，我地再等多十分鐘都唔見就直接行出去埋單取消個蛋餅就算，費事好似求佢比野我地食咁。呢間野無下次。

2023年10月4日 星期三今日又同老婆去咗圍方幫襯新餐廳，好好彩我哋去嘅時間尚早，所以唔需要等太耐就可以入座餐廳裝修得好雅致又光猛，坐落去好舒適，唔覺得好迫夾入座嘅時間仲係下午茶時段，所以有下午茶餐牌，價錢經濟好多，而且都有幾多款式可以選擇，每個餐仲附有一杯台式飲品添，最後我要左一個台小鍋，而老婆就要咗一份米粉，再另外加小食飲品好快就嚟到，係我點嘅芋香珍珠奶茶，珍珠差唔多有四分之一杯，所以飲落去每一啖都食到珍珠，口感好煙靭，另外好重芋頭香味，同珍珠奶茶好夾之後台式小鍋就嚟到，我要嘅係沙茶牛肉鍋，份量都唔少，裡面嘅配料有米血糕、甜不辣、鵪鶉蛋等等，如果淨係以為會得肥牛，但估唔到仲有牛筋牛肚，浸到入晒味，牛筋膠質好濃郁，而牛肚又唔會煮都好韌，每一款配料都沾滿沙茶醬汁，夠晒惹味，一個人絕對食唔晒原本呢一個沙茶牛肉鍋配咗飯或者粉絲，但係我加錢要左王子麵，同樣地係個鍋食到7788既時候就加落去，麵質吸收晒剩餘嘅沙茶醬汁，口感彈牙又有濃郁嘅沙茶醬味，煮得啱啱好至於老婆就要咗台南芋頭貢丸新竹米粉，份量一個人啱啱好，貢丸咬落去好彈牙，裏面仲有芋頭粒，而米粉都好爽口，真係新竹米粉黎小食方面，呢個係逢甲

開咗一段時間終於有機會坐低食, 每晚都好多人排隊, 圍方基本上間間食肆都有人排, 我哋5點幾拎飛, 等上一輪既人走左, 都仲未夠六點, 我地已經可以入座, 疫情真係令所有人都早咗食飯一行四人連工人姐姐, 叫左牛肉麵, 限量蟹黃麵, 豬扒便當, 東坡肉麻辣麵, 小食叫咗蛋卷, 鹽酥雞所有餐都有餐飲, 亦都可以加錢轉特飲.附送嘅紫菜湯, 真係鹹到一個點, 飲咗一啖，直接叫四眼經理收走, 雖然佢話跟進, 但係到我哋走都冇搵我地, 反正係跟餐, 我哋都冇再出聲限量蟹黃麵, 都係好鹹, 冇咩蟹黃味, 芡汁好杰反而牛肉好食, 牛腩夠淋, 唔un蛋卷同埋鹽酥雞, 正常發揮總結 去台式餐廳, 都係食返主打野, 例如牛肉麵麻辣麵

今日晚上和老婆往大圍圍方台北倆伴食晚餐,我們點了古早起司芋泥肉鬆蛋餅,彰化花雕雞件便當和櫻花蝦娃娃菜,古早起司芋泥肉鬆蛋餅芝士味香濃,蛋味香滑,芋泥和肉鬆食落有層次,口感一流,彰化花雕雞件便當賣相豐富,除了花雕雞件外,還有鴨血,紫菜貢丸湯和肉燥飯,花雕雞件肉質鮮嫩,食落有啖啖花雕酒香,鴨血口感扎實,不會一夾就散,紫菜湯鹹度適中,紫菜味道爽口,貢丸肉質彈牙,肉燥飯肉燥肥瘦適中,食落有油花,送飯一流,整份花雕雞卷便當賣相吸引,份量十足,最後櫻花蝦娃娃菜櫻花蝦味道香口,娃娃菜食落爽口,餐廳食物美味,份量十足,食了一頓美味台式晚餐

今日試咗一碗台式酸菜肉鬆蛋餅🥞，同一杯台式冷泡茶🍵同台式凍奶茶🥤，整體嚟講，呢啲菜式真係好好味！😋🌟先講台式酸菜肉鬆蛋餅啦，餅皮鬆軟，口感香脆，裡面配埋酸菜同肉鬆，味道鮮美。每一口食落去都散發出濃郁嘅口感同豐富嘅香氣。🥞💕然後就係台式冷泡茶，清涼怡人，茶香四溢。呢杯冷泡茶口感清爽，有淡淡嘅花香同茶葉嘅香氣，好解渴又提神。🍵🌺最後就係台式凍奶茶，杯中嘅凍奶茶夠濃郁，奶香十足。一啖落肚，奶茶嘅香氣同口感即刻充滿口腔，帶嚟一種濃郁嘅滋味。🥤😍總括嚟講，台式酸菜肉鬆蛋餅🥞、台式冷泡茶🍵同台式凍奶茶🥤都係好值得試嘅台灣特色美食。唔論你鍾意酸辣口味、清涼茶香定係濃郁奶茶，呢啲菜式都會帶嚟一個美味嘅享受。😊👍

同朋友嚟圍方行街見最頂層呢間台灣餐廳好多人以為成個商場都係中高價餐廳望下門口餐牌，係街坊價錢下午茶平均五十幾蚊已經有主菜．湯 同飲品叫咗三個Set 都唔洗$200抵食過去快餐店好多🥢老阿嬤熔肉肉鬆滷肉飯滷肉同飯嘅比例恰好熔肉口感有點似東坡肉軟腍又肥美🥢古早滷肉飯 大腸麵線大腸麵線去台灣必食呢度加上大腸，增添味道同口感味道唔會太鹹🥢鹽酥雞肉鬆滷肉飯 鹽酥雞係我至愛配上有滷水蛋嘅滷肉飯係完美嘅配搭🥢地瓜酥蕃薯味道甜甜又甘香夠乾身．唔油膩🥢仙草奶茶滑嘟嘟嘅仙草加入台灣奶茶之中味道唔會太甜🥢桂圓紅棗茶入秋季節．飲杯滋潤一下就最啱喇雖然全場爆滿但店員服務依然貼心周到以後嚟大圍食飯又多個抵食選擇喇

台北倆伴大圍車公廟路18號圍方5樓228號舖經開大圍，好多選擇，老友推介去圍方食台灣菜，估唔到大商場入面都有高質嘅台灣菜。🤤逢甲肉鬆榨菜蛋餅蛋餅即叫即制，面層放了肉鬆，外層香脆，蛋味香濃，榨菜夠爽，處理得很好，鹹度適中不油膩，推薦！😻紅燒牛肉麵台灣麵夠煙韌，湯底沒有味精，可以直接飲用，加了香蔥和酸菜提升層次。紅燒牛肉夠新鮮，入口即溶，醃得好入味，必食！😽古早滷肉飯面層放了滷肉、肉鬆、溏心蛋。飯底香，口感煙韌，溏心蛋醃製得很好，蛋味濃郁，好入味，肉鬆夠鬆化。滷肉新鮮，肉汁豐富，送飯一流。😋鹽酥雞肉即叫即炸，皮薄餡靚，雞肉香滑，炸油新鮮，好味道。😍紫菜貢丸湯紫菜爽口，貢丸彈牙，湯底鮮甜。甜不辣好過癮，口感煙韌，有啲似魚蛋。古早烤台灣腸香氣四溢，爽脆香甜，趁熱食好正，加蒜片效果更佳。彰化花雕雞卷花雕醬汁調配得很好，雞肉味夠香濃，杞子香甜。鮮鳳梨水果茶和愛文芒果綠茶甜度適中，用新果汁和果肉調配，飲完好舒暢。😺桂圓紅棗茶我把所有配料吃光了，加了蜜糖，好滋潤。😄台北倆伴 環境舒適，食物新鮮，沒有味精，侍應服務態度好，還會再來。😎🤘🏻

新開圍方，而家先去行下，有好幾間都多人排隊，夜晚7:10分到經過台灣野食，其實當時見都好多人，我拎3人位，點知一拎完轉願就到我又好快😬😬但要齊人先入，同埋得一小時用餐時間，如果佢上餐快都話，但佢唔係，唔知係味新開關係，希望將來會轉90分鐘比較好，如何有同小朋友既家庭就一小時可能唔夠好喇，講返野食方面，我地叫左個蜜汁排骨飯，牛骨湯面，捲蛋，屙仔麵線等個飯配既醫汁好正，用既米口感都唔錯，令人會想不停咁食，個面就冇飯咁好味，但係都叫唔錯，好足料，好多牛肚牛腩牛筋等，屙仔麵線就覺得好食過台灣，面質冇咁林，整體都幾好，係某類別上餐比較耐，下次都會再黎食

淡水焢肉刈包 ➰ $38呢個值得推薦，好好食入面呢酸菜酸度剛剛好，中和左五花腩的油脂感。而五花腩入口即溶，食落唔覺好肥。刈包口感唔係一般曼頭，係煙煙韌韌既口感。〰️〰️〰️〰️〰️〰️〰️〰️〰️〰️〰️〰️〰️〰️〰️〰️彰化花雕雞卷 ➰ $62雞卷好有酒味，薄切令雞肉入哂味，而雞皮好薄，肉質都好有紮實，唔係梅哂既雞肉。〰️〰️〰️〰️〰️〰️〰️〰️〰️〰️〰️〰️〰️〰️〰️〰️逢甲大腸麵線（輕量） ➰ $42麵線味道唔會太重，喜歡有層次啲可以落醋，大腸幼切會比較易入口，增加多份味道又唔會有內臟味。金菇亦融入左麵線，令整體有提鮮作用。蒜蓉味就不太重。適合不喜太重蒜蓉的人。〰️〰️〰️〰️〰️〰️〰️〰️〰️〰️〰️〰️〰️〰️〰️〰️士林夜市蟹蓋 ➰ $52蝦餅同蟹肉絲融合地打成膠釀入蟹蓋，好豐富的口感同味道。而表面煎到金黃色，好香脆。〰️〰️〰️〰️〰️〰️〰️〰️〰️〰️〰️〰️〰️〰️〰️〰️九層塔起司培根蛋餅 ➰ $62雖然呢個價錢唔平，但味道比平時食果d特別。九層塔炸香，夾起蛋餅入面，非常之香口。加埋厚厚軟軟既芝士同培根，好夾。蛋餅上面有日式照燒汁，甜甜地撞蛋餅既鹹香，好有層次。〰️〰️〰️〰️〰️〰️〰️〰️〰️〰️〰️〰️〰️〰️〰️〰️鮮鳳梨水果茶 ➰ $18唔會死甜，好多果肉，好好飲！〰️〰️〰️〰️〰️〰️〰️〰️〰️〰️〰️〰️〰️〰️〰️〰️店

第一次去圍方 唔算好好行類似yogo mall果種感覺都係連鎖店比較多今次試下台灣菜 小犬走既呢日番半晝黎到估唔到都要排隊等左大概半個鐘倒就到我基本上所有野都係正常發揮 好味但係冇驚喜 不過佢有d小窩係特別d 今次太飽 下次再叫！淡水焢肉刈包⭐️⭐️⭐️⭐️個肥豬肉好好味 再加小小花生醬同芫荽 正慢煮豬軟骨麻辣拌麵⭐️⭐️⭐️豬軟骨煮得好冧 台灣既拌麵特別好食 好煙靭古早起司芋泥肉鬆蛋餅⭐️⭐️⭐️呢個都係正常發揮 但係佢既芝士係特別厚 唔錯古早三杯雞⭐️⭐️⭐️我地坐起門口位，唔知點解有2個人經開都問呢個係乜，係咪賣相特別吸引？我覺得味道唔錯 如果可以配埋飯就更好但佢地有小菜單點 不過冇魯肉飯單點架

位置在大圍的圍方，行完買完就揾嘢食，台灣菜都係我哋鐘意食，室內牆上面嘅佈置，係一隻隻金色飛鳥，所以都好搶眼⋯⋯紅燒牛三寶手工麵牛筋、牛𦟌、牛肚三樣都夠入味，炆得夠腍，麵條彈牙吸收湯汁好好味。古早滷蜜汁排骨便當豬扒淋上咗黑醋汁，令到炸物冇咁油膩感，而且炸得香脆，肉質厚但唔乾。滷肉飯好有台灣feel ，滷肉粒同滷汁滿滿的，食到滷肉香。士林夜市蟹蓋(3件）將材料攪勻釀入蟹蓋，蟹蓋焗得好香，入口軟綿，食到材料好豐富同鮮味。桂圓紅棗茶除咗元肉、紅棗還有初菊，味道清甜。愛文芒果起司奶蓋入口有香芒味，質感綿滑，唔會太甜。