可可研究室

其实上个月都试过这间晚餐，好好味这天我们一行三人去食早餐， 其实半年前试过早餐都系唔太好食 ，都见好耐冇试过， 谂住个日晚餐都好味可能有改进，所以大胆再试多次早餐🤔这间餐厅以快餐店形式去柜面购买嘢食, 买完之后会有人送餐到你枱面, 当时叫咗三个早餐因为其中有一个系小朋友，所以要求可否加钱转其他饮品比小朋友 例如朱古力奶或鲜奶， 而当其时侍应生态度一般又唔耐烦咁答我.......系唔可以😑后来我答: 我之前来食过，系可以加钱转鲜奶🤔佢扮听唔到冇答我， 那么我唯有叫咗一个柠檬水俾小朋友 早餐到咗先来一个肠仔烟肉奄列， 味道可以唔系太咸 ，但系块多士"微暖"， 第二份早餐 卖相唔差 但系所谓嘅出前一丁系用水浸林咗拿出来， 完全感觉唔到佢系一个出前一丁，仲要又系"微暖"而又淋谢谢既面汤底系淡而没有猪骨味嘅猪骨汤， 最吓人就系𠮶个布满锅屎既餐肉炒蛋， 第三份早餐就系都系"微暖"炸菜肉丝 唔使讲多士都系"微暖 ", 仲要跟咗一条 浸到一哒哒怪有味变色嘅肠仔 😖😖😖之后再嚟埋一个清茶一般的暖奶茶，全个早餐过程，最正常嘅一样东西，就是热咖啡~总括嚟讲呢间野唔会再食😝😝😝😝😝😖讲真😋我相信出面以呢个价钱大把好嘅早餐，最重要嘅系要够热， 冇谂到开喺咁多旅客住嘅地方嘅餐厅，竟然出啲咁嘅品质食物，已经唔系好多客，真系估唔到仲差过半年前嚟食， 最基本食肆嘅热诚都冇，员工常常坐喺度仲要懒洋洋😤😤 问多一句都好似烦住佢哋咁😡😡😡我真系冇谂到早餐同晚餐，简直一个天堂一个地狱🤔🤔🤔🤔 奉劝各位如果食就食晚餐…查看更多

想试几耐、见食评好似几好，点知午餐黎有d失望，午餐劲少选择，老公拣左羊扒，我就无选择下唯有单点啦，叫左个卡波尼意粉其实羊扒份量算得上多，老公表示味道好食，但小食多滋味，食到好漏、而且其中一件全部肥膏黎，而个薄荷啫哩酱老公唔太欣赏，点芥辣食，薯角个感觉都好滞个意粉就几好味，但份量则较少、单点无野饮之余仲要份量少就算午餐都只系包茶/咖啡，其他要加钱但想点个朱古力都无，包同汤都欠奉，好唔抵食lo,相比较钟意4楼果间！…查看更多

睇到开饭介绍呢间有视障咖啡师，谂住去帮衬下呢啲顾用视障人士既社企。点知应该无左了。连个“顾用视障人士咖啡师”牌都无埋。咁唔紧要啦，横掂上到去，就照食啦。推开门，已经见到几张四人枱都无人，但张张枱都好多食完既杯碟未清。谂住揾个挨墙的一排櫈，放低个大背囊方便啲。期间有个女人行过，其实我唔知佢系负责执枱既(职员B)，因为围裙都无条，以为只系顾客。我见到张枱都几污糟，厕纸，食物残渣满枱都系。心谂咁多枱都未清，可能佢忙，清唔切，就自己郁手执咁啲。但清完，我又唔见有位摆, 于是叫友人问职员A(系水吧入面，唔出黎既)执好摆边。职员A点答会有人过黎执架啦。咁好啦，唯有摆过隔离。跟住职员B问职员A野，职员A大声答：『佢要自已执就由佢执饱佢!』 呢句远话我系最远张枱，有成四米都听到。 我真系未试过去啲社企餐厅，服务质素连茶记都不如。帮佢执埋仲大声夹恶。食左个午餐，系好味，但我系女人都觉得细碟左少少。咖啡系好好饮，环境系好靓。但真心希望餐厅注意下员工质素，未食我已经一肚气了。…查看更多

假日接近中午时分来到很清静的柴湾，清静的青年广场，清静的餐厅，一行三人找了个微微被太阳折射著的角落坐下三个女人一个堆，餐厅内只有小猫数只，我们三人应该是最多话的客人了… 三个人都像饿鬼般点了一堆食物，先是点了两个套餐然后一个PIZZA和一客甜品😂😂😂喇沙海鲜汤米线($68) - 材料非常丰富：有青口、蟹柳、虾、鱼、鸡蛋、豆卜、栗米粒…颜色丰富使人胃口大开~汤底亦不是带辣的，米线不会煮过头而太软，份量亦颇充足，性价比而言还算高。烤鸡菠萝PIZZA($58) - 平常比较爱吃厚身芝心批的我也觉得这个薄批很好吃~它不会像饼干底般又硬身又干巴巴，材料也算是蛮多，而且还有拉丝的效果！香煎鸡扒伴黑椒汁($68) - 鸡扒肉嫩而且大块厚身，不会吃到雪味，黑椒汁不会过浓及太咸，加上薯角香脆可口，以午餐而言是化算之选了！餐饮方面，则加钱点了一杯姜橙茶及一杯玫瑰花茶，虽然我都没有喝上一口，但闻起来的味道都得香，暖暖的饮了该会很舒服吧这里的甜品都是跟BLACK & WHITE合作，早已在大角咀一尝其店，衬著胃内还有空间，最后还点了个朱古力棉花糖班戟($38)作最后的结尾~要注意的是甜品供应会在下午一时后才有(是因为师傅还未上班啦LOL) 。班戟皮薄粉浆不会过多，我很喜欢那略有烟韧的口感，配著软绵绵的忌廉和甜甜的朱古力酱，甜度适中，又不会令人过饱。…查看更多

食物份量同价钱都ok两个人食到好饱晚餐黎讲唔算好贵食物种类多 前菜 汤 pizza 甜品 蛋糕好多选择蛋糕dessert好特别 唔系平时出街见到pizza皮薄多料唔太顶胃 非常好意粉味道都几好同份量适中不过如果有多d套餐组合或可以加钱配野饮 甜品会吸引人叫多啲野食🤤自己倒水饮几环保 要先攞 唔洗晒水环境几好 圣诞装饰几靓同应节环境卫生张枱唔会痴纳纳 坐得几舒服😌唔知系咪做左成日野好攰 服务员cool cool地😂不过上食物都会细心提醒小心热整体来说都几满足 会再黎食…查看更多