古琴雅苑 (利舞臺廣場)

营业中

休息中

還有兩個星期多就到父親節，這間餐廳推出了雙親節套餐，今日就帶妹妹先來試試菜，這裏最出名的是北京烤鴨，當然要試試看！父親節設有多款不同套餐，由二人到十二人可以選擇。᪥北京烤鴨這裏的北京烤鴨有別於平日吃的，京式造法很特別，先上了鴨胸最嫩滑的部份,是廚師推介，鴨胸片蘸白沙糖，將鴨胸點上砂糖入口即溶，喚醒了味蕾。這裏用了青瓜京蔥哈密瓜作為佐料。哈密瓜清新，另配上了京醬秘製蜂蜜黃梅醬，真的是很特別，完全不像我平日吃的。᪥至尊拼盤至尊評判，包含了計時粉皮,醉雞,肴肉，酸拍青瓜和齋，款款也很精緻。特別喜歡肴肉，是小朋友至愛。᪥乾扁四季豆四季豆香口美味，每一條也平均地沾上了欖菜肉碎的味道，有鑊氣的小炒，真的是吃完一條又一條。᪥上海粗炒肉片雜菜加上海粗麵和醬汁，有彈牙，整體來說是小朋友至愛的菜式，既開胃又吸引。᪥香蕉高力豆沙吃了一頓飯，仲要叫個甜品作完美配搭，外脆內溫暖的香蕉高力豆沙，豆沙份量不算太多，這樣不會太膩。

古琴雅苑 今日同屋企人來古琴雅苑食烤鴨🦆。北京烤鴨$195 / 半隻特別喜歡佢地烤鴨～入口皮脆肉嫩配上青瓜、京蔥、哈蜜瓜😃以秘製蜂蜜黃梅醬和京醬夾住煙韌餅皮口感層次豐富😎👏🏻。至尊拼盤$198一個價錢食到～5種餐前小食👍🏻性價比高～開胃又美味。雞絲粉皮。拍開洋黃瓜。花雕醉雞。四喜烤麩。揚州水晶肉。招牌擔擔面 $88麵質有嚼勁～口感好好～而且掛到湯～配上濃香花生味湯底～好味 。小籠包$78 即叫即蒸～上碟新鮮熱辣～啖啖肉～薄薄餅皮包住帶肉汁肉餡～正。鮮肉鍋貼 $68粒粒飽滿～煎得香脆～好香口。京蔥鮮肉餡餅 $42即叫即煎～外脆內嫩就快到父親節～諗到同屋企人去邊到食飯慶祝未呢？ @zithergarden推出左雙親節套餐優惠💕即日起至6月30日～ 不論堂食定外賣都有訂座/套餐優惠推廣～有興趣可到 @zithergarden了解詳情❤️📍銅鑼灣波斯富街99號利舞臺廣場8樓B號舖 @古琴雅苑 Zither Garden #古琴雅苑 #北京烤鴨 #父親節 #hkfoodie #hkkol #kolhk #foodie #foodies #foodiegram #美食 #美食推薦 #美食日記 #

六月又到父親節，中菜總是滿足到全家人胃口，今次就來到位於銅鑼灣利舞臺廣埸的古琴雅苑。餐廳裝修以木色系為主，一洗中菜館的俗套老氣，散發典雅的東方韻味。透過鏡面反射來延展空間感，予人明亮開揚的觀感。茶錢每位 $13，餐前小碟收費為$16一碟。慶祝父親節，由即日起至6月30日，堂食凡惠顧精選4人/6人/8人套餐，贈送紅酒Santa Mia Cabernet Sauvignon乙支。數量有限，送完即止，還有訂座優惠，午市2-3位贈花雕醉雞、4位起贈至尊拼盤，晚市2位贈腰果露、3位起贈四喜烤麩。餐牌選擇繁多，供應一系列京滬淮揚美饌。至尊拼盤 $198夏天吃冷盤清涼又開胃，一道至尊拼盤就已包羅花雕醉雞丶揚州水晶肉丶雞絲粉皮丶四喜烤麩及拍開洋黃瓜，試齊多個款式。花雕醉雞的醇厚酒味與雞肉的鮮嫩相結合，酒香濃郁而不苦澀。揚州水晶肉混和蹄肉與膠質，集齊Q軟彈滑的多變層次，吃時蘸以少許黑醋，亦可平衡豬肉的膩滯感。烤麩是以生麵筋為原料，多氣孔有點像海綿，徹底吸收了甘甜醒胃的醬汁。意大利黑醋骨 $98天氣悶熱，胃口難開，最宜吃一些味道帶酸甜的菜式，黑醋骨色澤較深，相比起糖醋排骨醋味更濃醇。排骨煮得入味，肥瘦適中

「這個沾糖快！」忽然大腦產生一個疑問：「片皮鴨係咪即係北京填鴨？」表嫂快速解答：「那是兩碼子的事！」未介紹，表嫂是西安人，也是吃貨滿腹食經，特別是大中華各派各菜系問她總有新知識落袋一頓飯滿桌的餸菜但和她聊吃的就是令我愈聊愈肚餓平常我們吃到的片皮鴨是粵式的與北京填鴨同是烤鴨從調味、製作、刀工至蘸醬都有差異在她口中，後者更講究也更滋味「京式的調味不濃重，吃原汁原味不填料，還有切的是皮肉相連，粵式片得很隨便，有時候只有皮，有時又大大塊肉，味道又得濃，鴨味根本突出不來！」不是馬後炮，這次吃的是烤北京填鴨真的也如她所說鴨片厚薄適中皮肉相連鴨皮酥脆金黃，說烤得好就是蜂巢形狀鴨肉肉質夠嫩滑很驚訝脂肪比預期少但又不是瘦到乾柴小小片配埋大蔥絲、蜜瓜絲、甜麵醬與酸梅醬加上薄餅不太厚重，夾起來也感覺不太heavy 至於另一小碟的「鴨胸皮蘸白砂糖」也是傳統吃法，油脂度蠻高但配甜砂糖能稍稍騙過大腦但個人認為太邪惡還是兩三片止步另外這個套餐很抵deal也是二人價三人份量鴨以外有小食拼盤啦、涼拌啦菜啦、澱粉啦、甜品啦不過我們太想吃酸菜魚了於是不理實況貪心地硬要追加幸好沒失望，連咀剔的她都讚酸度與湯底都很好大大盤魚肉

古琴雅苑位於銅鑼灣利舞台，地點方便，之前食過灣仔店覺得唔錯，所以就試下銅鑼灣店烤北京填鴨(半）配上6小碟，分別有黃梅醬、京蔥、青瓜、沙糖、甜醬 & 蜜瓜，北京烤鴨一早已經烤好，當然唔可以同即烤既媲美，味道同肉質都尚算不錯，但就係欠缺左新鮮烤好個種酥香南翔小籠包小籠包個皮搓得好薄身，入面有好多湯汁，當然唔少得蘸埋大紅浙醋一齊食，豪無違和感蜜汁燒火方一道傳統既江浙菜，主要材料有金華火腿、通心白蓮同蜜汁，火腿經過多工序既調配後變得咸味平均，但個味道唔算好出色，用荷葉包夾住一塊火腿、蓮子、同少計蜜汁一齊食，味道甘甜咸香，如果個蜜汁杰身返少少會更加好高力豆沙香蕉新鮮即炸既蛋白好鬆化，入面入豆沙同香蕉，甜度岩岩好，一款經典既中式甜點銅鑼灣店感覺較細，但都坐得幾舒服，雖然有點似食快餐既感覺，但味道尚算不錯，價錢亦都合理，不妨一試

平時禮拜日都會選擇同屋企人去飲茶，但係有時都飲到悶，所以就想試吓啲其他嘢啦，所以今日就帶埋啲小朋友去古琴雅苑。呢度出名片皮鴨，所以就叫咗半隻，再加上海炒年糕同埋雲吞雞。我哋鍾意佢嘅片皮鴨，皮夠脆，仲跟埋有蜜瓜同埋橙醬，感覺好清新。雲吞雞啲雲吞好好味，雞有雞味，同埋最重要啲湯夠熱！上海炒年糕唔會太油同太鹹！味道剛剛好，小朋友食都好啱！雖然顏色好似淡色左，但係balance得好好，唔會有死咸。小朋友仲覺得啲年糕好滑，好好食！

琴晚8點鐘喺呢到同朋友食生日飯共7人，食物已經普通，食完野後有幾位朋友去左廁所，個姐姐收左我地d野，就直接拎d碟同刀出黎，去廁所嘅朋友當時已經叫佢等等先，隔左陣，d朋友去廁所未齊人，問都冇問就咁放個蛋糕放上枱，生日個位朋友全左係到睇到自己嘅蛋糕，而我同另一個朋友眼都凸埋，我真係冇見過咁樣放蛋糕上張枱………………………………………………………………………………仲要問都冇問，當時只係9點左右。

又係一間適合多人食飯嘅中菜由於湊大我嘅老人家係位上海人對滬菜一直有個獨特嘅情意結細個成日食嘅上海年糕同銀針粉市面上已經賣少見少😩今次介紹呢間主打片皮鴨半隻嘅份量已經夠四人份餅皮夠熱而且好薄咁就唔會好快飽值得一提嘅係除咗京葱青瓜砂糖甜麵醬呢間會有哈密瓜同黃梅醬俾人做配搭唔會得鹹味之餘仲會減輕咗油膩感😋餐入面嘅其他選項有機會會唔同但我想重點推介嘅松子魚就一定係膽嚟🙌🏻身為魚類愛好者本身對呢味餸已有好感佢整到可以平衡到酸同甜/炸魚同魚肉入口食到係即炸冇話翻炸或者攤凍過個人認為真係做得好出色🥹💯嗰晚食嘅開邊京醬蝦都唔錯🍤唔夠膽講一定係新鮮虎蝦至少佢嘅解凍溶雪程序做得幾好👍🏻但醉雞同上海粗炒我覺得係期望之下兩樣嘢都好普通同埋唔入味🤫如果再多啲人食嘅話推介大家試埋蜜汁燒火方同東坡肘子😋腰果露同杞子桂花糕都一般唔洗留肚到最尾🤭四人餐係 HKD 2000 有找嗌套餐嘅話價錢已經包埋加一散嗌嘅嘢會另外計返加一埋單嗰陣大家異口同聲感覺幾抵🤣因為差唔多係飽到反艇直頭想打包

我哋一行13人星期六晚到銅鑼灣分店用餐，服務態度不太好之餘，食物質素強差人意。剛剛坐低沒多久已經吹下單，茶壺內竟然冇茶葉，紅酒杯污糟，叫職員更換一隻，其實都不用多問直接換就可以，為何還要再在客人面前在燈光下照一照，這個動作是質疑客人的判斷嗎？ 房間內完全沒有空氣流通，問職員可否調校一下冷氣，她說冷氣是中央的，不能調校，而且是按照政府規定24度……..無言。整晚沒有人幫客人換碟…….. 7:45需要還枱，7:15連續兩三次入來問我們有沒有需要再下單last order……..根本沒有給我們時間空間看餐牌……..食物質素差到一個點….鐵板牛肉爆京蔥完全沒有鑊氣，而且上台的時候已經不太熱，小籠包皮太厚沒有肉汁…..鹹蛋黃蝦球，隻碟就大，嚟到嘅時候感覺似人哋食淨…… 主打嘅片皮鴨，客人睇都冇睇過就已經切好上台？？松子魚淋到，完全沒有魚的質感……炒飯油又多而且都係唔夠熱…….埋單三千幾蚊都唔知食咗乜…..一肚氣……….從我的iPhone傳送

被安排坐在門口但明明很少客人，地下很滑，大姐叫我們將就一下。桌上的小菜明顯放了太久酸得很，四處都是醋和水的味道，桌子太細令飯菜沒辦法放好，多次示意卻只見小哥稍顯禮貌幫忙換餐盤餐碟，茶壺難以操作，容易倒漏，茶水並沒有更換的意思令熱水都涼了。北京填鴨很細份，皮很油，肉皮已經分開，可見放了很久，其賽螃蟹不但不熱而且不碎。服務員左眼望右眼，只是站在一旁觀看乘客進食，並無意介紹菜品，整體用餐並不暢快，實在不像在中菜館應有的表現。

成日都聽朋友講利舞臺「古琴雅苑」食物唔錯，今日特別訂咗枱過嚟試吓。酒樓地方唔算大，人唔係好多，我哋六個人坐長卡位，食中菜嚟講唔係好方便。🥢楊州水晶肉：晶瑩剔透，食落一啲都唔肥膩，頭盤開胃小菜🥢烤北京填鴨(全隻)：出名片皮鴨，所以第一時間就試吓，食完半隻再上另半隻話唔想凍喎。大碟連肉的是一般包薄餅皮食法；細碟全皮是點沙糖一口食的，都幾香口😁🥢蜜汁燒火方：火方唔夠香、太硬，只得蜜糖味。不過小朋友覺得用包包住，好玩又好食喎🥢風味松子魚：魚炸得香脆鬆化，個汁酸酸甜甜好開胃😋🥢清炒鱔糊：點講呢…食唔出係鱔，又無味🥢四喜烤麩：訂位送的，前菜囉值得一提係個茶「荔枝玫瑰茶」好香👍🏻

銅鑼灣分店的面積不算寬敞，一側為4人、8人圓枱；另一側為6人、8人梳化座位。無論店內設計，或是菜式，相對上較適合多人聚會。 烤北京填鴨當下單後，醬汁及配料便馬上送到。其後，餅皮以蒸籠方式保持微溫狀態。餅皮看以厚實，實則鬆軟，煙韌。不過，蒸籠的溫度不夠，令餅皮容易放涼。然而，放涼的餅皮也能保持最初的口感，餅皮四周亦不會呈乾裂。 (i)傳統吃法：青瓜、京蔥、傳統甜麵醬。(ii)新派吃法：哈密瓜、蜂蜜黃梅醬。配搭哈密瓜，水果的清甜多汁，大大降低油膩感；蜂蜜黃梅醬更是帶點香甜、滋潤的口感。 兩種吃法各有所愛。近年片皮鴨都在傳統下力求創新，例如鴨胸皮作為一口酥。配上砂糖進食，能入口即溶，油香四濺。 雖說不上是最喜愛的北京填鴨，但整體來說也是無從挑剔。

首先講D食物味道先，叫左個黃金蝦球，一上台已經凍凍地仲要沒味，個炸粉厚過啲侍應面皮。醉雞有骨，如果我事先知，我就唔會叫，雞肉唔算滑，呢個價錢我唔expect有咁樣嘅質素。落樓下1樓食海南雞飯冇咁嬲。呢間野最大問題係上菜嘅速度快到不可思議，我呢頭啱啱落單，唔洗一分鐘就已經可以將D菜擺上台，問一問個waitress，佢話因為廚房好忙所以會預先炒好D菜擺係度！我俾800蚊食餐飯，最低要求都要即叫即炒吧！咁嘅質素同快餐連鎖店一樣啦～ 環境又吵，成餐飯好似係酒樓食咁。真心唔推薦呢間野，D野唔好味仲要收得貴，service 又差，之後都唔會幫襯！

砂鍋雲吞雞除了雲吞稍為過得去，個湯就唔夠味，雪菜毛豆百葉𥚃的百葉太生硬，海蜇黃瓜的醬汁太鹹。奉送的腰果露無腰果味，喝了兩口就沒有再喝下去。只有餐前小碟（酸蘿蔔）還算過得去。

今天想食北京填鴨，上網查詢一下，看到評論古琴雅苑古炭烤製北京填鴨，所以訂位期望有美食的晚餐。抵達利舞台分店，雖早已訂枱但看到還有許多空枱，不到一分鐘已入座，環境一般。坐下點了幾度特別推介菜式，如涼菜、北京填鴨、黑醋骨、清炒膳糊、主食甜品留待餐後才點。第一度涼伴粉皮一般，始終是涼菜，不過不失。第二度招牌的北京填鴨但一點味道都沒有，是我食過最差的一間，肯定不是古木炭烤製，連最普通的XX樓也比不上，更何況其他菜式呢。這間是淅江菜，有涼菜有熱菜，但可以說全部都是涼菜，就算點熱菜上枱都是涼的。餐後點了個炒飯，但都是濕炒上枱，大為失望。甜品不要嘗試了。唯一可取是請了不少中年以上員工，製造不少中年就業機會，貢獻社會，服務態度良好。