古城餛飩

係呢條街有間以前食開嘅廣東大雲吞粉麵舖，本想幫襯，點不知發現隔幾個舖位有呢間上海餛飩店，就轉吓口味。要等下一張枱，可以係門口睇住餐牌諗定食咩。行到有點熱，叫杯凍檸茶 ($12)爽爽先。呢客香煎韮菜餛飩 ($53/10隻)，係侍應姐姐推介，果然無介紹錯。每隻外皮底面都煎到金黃色，未食都知道香脆; 咬開有滿滿嘅韮菜鮮肉餡，仍食到肉汁嘅香甜味，加少少醋汁及自家製辣椒醬食，要趁熱食呀。小餛飩套餐 ($60)可配飯/拌麵。二選一要咗蔥油肉絲拌麵配15隻小餛飩係小餛飩系列中可選擇口味，呢碗係全家福，應該係每款口味都有幾隻。皮薄餡料小D，呢隻應該係特色薺菜小餛飩，一啖一隻夠過癮。而客蔥油肉絲拌麵，一人份量岩岩好。拌麵沾上蔥油加醬汁，麵質幾彈牙，加少少肉絲一齊食都幾好味。想食蝦嘅就要點大餛飩系列，就好似呢碗蝦仁香菇鮮肉大餛飩 ($58)，另加麵底($10)及紫菜($10)。大餛飩皮較厚實，內有原隻蝦肉及香菇鮮肉餡，蝦肉幾彈牙，味道較煎韮菜餛飩淡口。湯底加埋紫菜，入口有紫菜嘅香甜味，夾住麵條食再飲啖湯，又另一種食法。小食方面，一致想食涼伴海帶絲 ($33)，份量都唔少，淋上惹味醬汁，加埋紅辣椒粒，帶點辣度，爽口好食。估計係老闆嘅姨姨親切熱情，無加一服務費，相當抵食。…查看更多

嚟過幾次，星期日嘅中午恬靜，人不太多，1條友獨食唔尷尬，坐得舒適，假期就是慢慢吃。之前食過全家福，每粒雲吞不同味道好過癮，見水準唔錯又穩定，耐唔耐去尖沙咀都會幫襯吓。今次點了薺菜大餛飩，再加杯熱豆漿薺菜雲吞平時少有食店提供，每次有得食都有行運嘅感覺🤣皮薄餡飽滿，雲吞皮滑捋捋，清湯有芫荽蔥油嘅清香，最愛齊菜獨有淡淡的香味，兩口一粒，好滿足。看似簡單嘅地道美食，屋企人有整過，要包得好食，其實好似都幾繁複。…查看更多

今日總共有五個人一齊食午餐，就試吓呢間古城餛飩10祇韭菜鮮肉大餛飩-韭菜味好香，但係冇想像中咁大隻，正常嘢香菇肉飯+15小餛飩（全家福小）- 個飯比較硬，味道還好，不建議食。全家福嘅意思係乜味道餛飩都有。如果一啲朋友有選擇困難症嘅話，我建議揀全家福5祇大餛飩湯麵（玉米大）- 粟米都幾甜 唔錯 麵質都可以 可以一試10祇蝦仁原味鮮肉大餛飩- 味道唔錯，蝦竟然算彈牙，值得一試18特色薺菜小餛飩- 平時好少食薺菜，但係估唔到比較有特色同好味，一定要試的選擇！我覺得耐不耐可以再嚟食，味道算唔錯，推介一定係？薺菜！…查看更多

星期六去左尖沙咀睇中醫，係付近平平地食個lunch呢間古城餛飩好平 細細間鋪但2點30都坐滿人1.韭菜煎餃煎得好香脆，少油韭菜好香口2.蝦仁干貝合家歡蝦都算大隻，斷彈牙干貝細細粒但味道好突出3.元貝全家福有3款味元貝特色薺菜大餛飩比較爽口，清爽清甜元貝原味鮮肉大餛飩多肉汁，啖啖肉元貝香菇鮮肉大餛飩香菇味都幾出4.牛肉卷餅牛肉同青瓜比例適中5.蔥油肉絲拌麵麵條幼身，蔥油好平均掛係麵條上面不過豬肉偏肥，但都好好味枸杞花旗參特飲凍檸茶…查看更多

香港好多餃子店 不過食中式小雲吞嘅舖頭就唔算多喺尖沙咀呢間小店搵到正宗上海雲吞😝有大粒 有細粒味道好有家嘅感覺🥰傳統又唔重口味 係間中都會想再食嘅味道雲吞好足料 又有鮮味 外皮好薄 湯底唔花巧清清地 加左紫菜底就更清甜叫左一碗蝦仁大雲吞全家福 有齊咁多款口味！仲有較少見嘅干貝雲吞 特別香😗小雲吞都可以叫全家福 細細粒好得意🥹見佢有素菜雲吞 店員姨姨仲主動提出可以換兩粒紫椰菜比我地試下 椰菜切到好碎 好爽甜好好味😋另外叫左涼拌木耳+海帶絲 辣辣辣地 惹味開胃🤤本身想叫多個雞肉卷餅 但賣哂 知我地想食 店員居然額外整一個青瓜雞蛋滷肉卷餅比我地！外皮薄薄地 有啲似台式蛋餅 內餡配搭幾清新輕盈而且好喜歡佢地嘅店員姨姨叔叔 好親切🫶🏻…查看更多

路上收到傳單，有間餛飩店新開張，仲有小禮物送，見價錢唔貴咪去試下囉😋小店店員非常熱情，落完單一陣已經出餐啦，勁高效率！⭐原味鮮肉小餛飩點了30隻的小餛飩，很鮮味，入口好滑，一口一隻😋⭐特式薺菜小餛飩仲有30隻的薺菜口味，有菜有肉更香口，兩款口味都正喎🤤⭐香煎韮菜大餛飩再來有煎的大餛飩，揀左韮菜口味，個皮煎得好脆，多餡飽滿，韮菜煎香正係好好食㗎。⭐牛肉卷餅最後係卷餅，即叫即整呢樣要耐少少，餅皮內包住生菜、雞蛋、青瓜同滷牛肉，香口又清新，要襯熱食更好味呀。⭐凍鴛鴦 & ⭐凍檸茶飲品一般般啦，杯鴦唔多港式，檸茶正常。小禮物係保溫壺，都幾靚吖。…查看更多

朋友在尖沙咀附近上班，知道我十分喜歡食雲吞，他推介這一間新開的雲吞店。餐廳風格簡約，以木係為主，簡約，舒適。最後我們叫了以下食物1.涼拌腐竹拼青瓜 ($38)選擇了我最愛的腐竹和青瓜。醬汁的調味恰到好處，帶有微微的香辣，酸酸甜甜夏日炎炎最啱的前菜2.全家福大雲吞 ($53)有選擇困難症的我，選擇了全家福。特色薺菜，原味鮮肉，香菇鮮肉，玉米鮮肉，韭菜鮮肉。這碗雲吞的餡料豐富，肉質鮮美，皮薄餡靚，讓人感到溫暖和滿足。最特別是薺菜，不是很多地方有得食。3.蔥油肉絲拌麵 ($38)朋友叫了這一道拌麵，香濃的蔥油，配上半肥瘦的肉絲。…查看更多

以前喺上海食過細細粒嘅薺菜小雲吞皮薄又滑 薺菜味道獨特（類似芫荽）所以非常難忘 而家香港地都開始出現有得食啦！呢間雲吞嘅格式都似係老上海小雲吞嗰種有分大碗細碗 可以揀岩自己嘅份量我叫咗碗細嘅 咁可以試多啲呀麻同樣做到皮薄又滑 食到齊菜嘅味道真係好開心呀湯底清清地 但又好夠味 自己再加咗醋同埋辣椒呢個乾撈干貝蝦仁大雲吞全家福 嗰個紅油汁超美味！干貝同蝦份量好夠超級超級香！想食一個香口嘅野 嗌咗個炸小雲吞隔籬枱煎大雲吞望落都好鬼正 可惜食唔落啦點少得叫一個蔥油拌麵 面條彈牙 唔會太油膩價錢亦都好經濟實惠！…查看更多

尖沙咀isquare附近嘅「古城餛飩」，真心值得推介！尤其係佢哋嘅雲吞，真係「皮薄料多」，啖啖肉香，正！我叫咗個韭菜鮮肉大雲吞，餡料飽滿，韭菜新鮮，豬肉鮮甜，配埋清甜湯底，簡直一流！另外，我哋仲叫咗個蔥油肉絲拌麵+小雲吞套餐。拌麵嘅蔥油香氣撲鼻，肉絲夠晒惹味，小雲吞雖然細細粒，但係一樣皮薄餡靚。套餐抵食之餘又滿足。小食方面，涼拌青瓜同涼拌腐竹都好清爽，啱晒夏天食。滷蛋滷得夠入味，蛋白滑溜，蛋黃香濃。飲品方面，熱豆漿夠晒香滑，奶茶茶味香濃，唔會太甜。整體嚟講，「古城餛飩」嘅食物質素高，價錢合理，服務態度都唔錯。下次去isquare附近，一定會再去幫襯！…查看更多

今日同閨密約左係漢口道一齊眼睫毛，我地兩個扮完靚靚，想簡單食，食得清淡一點，係附近簡左好多，都係啲茶餐廳，或者係遊客餐廳，都係啲濃味餐廳。點知兜左一個圈去返眼睫毛樓下搵到間新開餐廳，因為係新開，我地都諗左一陣，抱住冒險的精神入去食，但係點知好好食，佢地啲餛飩係家庭口味，可以不知不覺就食左好多，食到好滿足，食一邊食餛飩，一邊飲佢佢既芫荽湯，清菜同朋友一人一碟，生菜同菜心都清哂。辣椒配醋係絕配，配煎餃真係一百分。仲有豆漿豆漿豆漿，係一定一定要叫既，因為佢只係落左少少甜去吊個豆漿味出黎，係自家製豆漿，唔係出面叫豆漿咁死甜，飲完會確喉飲唔哂，所以呢度既豆漿係可以平時行過買黎解喝的廢水代替品😆😆雖然無影相，但大推🤣🤣🤣…查看更多

今日難得放假同老婆去尖沙咀行街，行到漢口道見到間「古城餛飩」幾多人排隊，一於試吓！餐廳位置都算易搵，漢宜大廈地下白色招牌好醒目～ ✨必點蝦仁特色薺菜上湯大云吞（10隻/$58） 一上枱就嚇親！啲云吞大過乒乓波🏓 皮薄到透光，咬落去成隻爽口蝦仁彈出嚟，仲有清香薺菜碎，湯底用大地魚熬好鮮甜。老婆話係佢食過最足料嘅云吞，十蚊隻都抵！ 🐮五香牛腩湯麵（$55） 牛腩炆到淋滑入味，仲有筋位啫喱口感，五香味濃但唔會死鹹。麵條揀咗幼麵，掛湯一流～ 飲品方面凍豆漿（$10）豆味濃又唔會太甜，凍鴛鴦（$18）茶啡比例剛好，行完街飲超爽！ 總結：性價比高嘅街坊小店，云吞真係驚艷級👍 下次想試佢哋招牌菜肉餛飩！建議避開12-2pm lunch hour要等位～ …查看更多

今日午餐想食得簡單，清爽一點，同事推介到漢口道一間新開餛飩專門店。傳統工藝，自家製作，一於要試吓。豆漿原來都是自家煮製，豆味香濃，甜度適中。雲耳紫椰菜齊菜餛飩甘筍玉米齋餛飩兩款餛飩不同餡料，透出來嘅色彩好美。餡料刀功幼細，驚訝。甘筍玉米真真正正齋嘅口感，清淡有嚼口。雲耳，紫椰菜，齊菜、健康嘅配搭。湯底清甜，散發出蔥花和芫茜香氣。韭菜鮮肉大雲吞採用煎的食法。外脆內軟，不油不膩，充滿着韭菜獨有嘅氣味，好香。…查看更多