古今二 (觀塘工業中心)

营业中

休息中

古今二 (官塘工業中心)喺觀塘做完facial， 就同朋友嚟到官塘工業中心嘅日本餐廳日式裝修風格，環境舒服-------------------------龍捲風沙律 $76大大碗沙律，新鮮嘅沙律菜同中華沙律上面有一球蟹柳絲、蟹籽同脆片，賣相十足龍捲風向上旋轉，配上酸甜嘅沙律醬，實在係開胃首選！ 金龍卷 $98炸蝦同三文魚唔會爭妍鬥麗，味道好match，唔會有淨食炸物嗰種好油膩嘅感覺！ 加州卷 $45傳統嘅加州卷，賣相非常精緻！雜錦天婦羅 $88有蝦、迷你紫薯同秋葵，即叫即炸，上枱熱辣辣仲好脆，炸粉唔會太厚。蝦肉爽滑，紫薯香甜，秋葵新鮮！ -------------------------古今二 (官塘工業中心)地址🎈觀塘觀塘道436-446號官塘工業中心4期1樓B室

朋友介紹了幾次的日式料理，以為工業大廈樓上舖會比較難搵，原來地鐵站出嚟一分鐘就行到啦！好方便！小店裝飾都好溫馨好有格調， 幾張大菜單，近門口還有大大張顯眼明星到訪海報！店內都係木製的裝修，好多酒，已經有不少聖誕裝飾，暖暖的黃黃的燈光好適合談心。同朋友兩個人，我哋都唔係好大食，不過都叫左五個哈哈哈！首先來個大大份自創龍捲風沙律：滿到瀉的魚子一放桌面就掉下來兩邊，蟹柳份量多多，有脆片，有中華沙律，重點美味在於各醬汁，有點麻醬味，有點千島醬味，又辣辣哋少少甜味，唔知咩名堂，不過真係好夾！連墊底的生菜都食曬！又來一個龍捲風：龍捲風應該係指被風吹到滿地的脆片？脆片鋪滿飯卷，鰻魚加芝士，濃濃的奶香，奶味壽司？真係好特別，又好好味！彩虹卷：就係普通刺身壽司，食材都新鮮，不過可能上菜內被風吹到刺身面有少少乾。芝麻雞翼：皮燒到好脆好香，雞翼尖都可以食埋，雞肉嫩滑多汁又大舊。網燒牛舌：上檯仲係熱熱哋，香噴噴，牛舌紋理清晰，煎煮恰好，咬落唔韌，味道都足

今日約左朋友食Lunch，朋友揀左食日本野，呢間餐廳真係好方便，其實地鐵站一落黎側邊嗰座行樓梯上一層就係，真係唔洗點揾。但坐低左朋友先話唔食生冷野，又想食清啲，仲要我陪佢，其實真係好低能，咁做咩仲要黎食日本野, 咁我地就叫侍應姐姐推介，但我覺得佢個推介真係好出色我地食左3樣野，第一樣係蒜香牛油粟米，個粟米好夠熱，好香牛油味同淡淡既蒜味，好味~第二樣係日式鍋烏冬(二人份)，我覺得如果減肥呢個真心可以嗌，佢有大量既蔬菜、唔同種類既菇，仲有日本魚蛋、蟹柳同豬肉，個湯仲要勁清，雖然佢係二人份，但如果細食既女仔，3個人都夠食~但咁點都要有少少肉既，最後一個係古今日式餃子，啲餃子粒粒都脹卜卜，我鍾意佢雖然係煎但一啲都唔油~

呢間位於官塘工業中心嘅日本菜都好多人推薦，地理位置非常方便。佢嘅菜式全部都非常打卡able，又真係整得幾靚。🔸 龍卷風沙律(💰76)(7.5/10)有蔬菜、中華沙律、蟹柳、蟹籽、脆片。賣相吸引，啲蟹柳堆到一座山咁高，醬汁份量適中，唔會太多沙律醬👍🏻仲有好多菜，食咁多嘢真係可以消下滯。🔸火山(💰128)(7.5/10)呢個火山上枱真係不得了！有火燒壽司表演😅又幾靚喎！啲蟹柳又堆到一座山咁高。山入面仲有帶子、蟹籽。山下面就有青瓜牛油果壽司飯。🔸煙花(💰79)(7/10)呢朵煙花砌到一朵花咁，顏色就單調一啲。辣味吞拿魚同辣味三文魚堆到滿滿。🔸櫻花蝦茄子燒(💰68)(8.5/10)原條茄子燒得好香！櫻花蝦連埋佢嘅日式甜辣醬真係幾惹味！不過我覺得可以再燒多一陣就perfect，同埋可以落少啲油。兩個人食咁多嘢真係超飽😂不過有兩款菜式都有成座山咁高嘅蟹柳，味道好似差不多，下次要睇清楚先點餐😂Overall評分: 7.5/10

古今二 📍觀塘觀塘道436-446號官塘工業中心4期1樓B室古今二有幾間分店～今次來左觀塘總店食柚想蝦你沙律$98好大碗沙律🥗～份量好足材料有生菜🥬海草（中華沙律）、車厘茄、蘋果、柚子、蟹子、牛油果🥑甜蝦口感層次好豐富～蘋果勁脆口♥️配埋芝麻醬撈埋一齊食🤭健康又美味忘不了你🍣$98用上芒果、炸牛肉、芝士的材料呢款好好味～炸牛肉香脆配上芒果鮮甜簡直係perfect match 👍🏻日式章魚小丸子🧆$48好耐無食過小丸子啦～見到呢到都有得食～即刻嗌來試下日式章魚小丸子~新鮮即製上碟熱辣辣～食落夠香脆重點係佢既粉漿做得好好入口外脆內軟～👍🏻冬菇串燒$25估唔到$25有2串冬菇～幾抵食👍🏻仲要大大粒～保留到冬菇肉汁，唔會太乾配埋燒汁～好味🤭份量好足～叫左4樣野都好飽♥️味道唔錯～環境舒服～大家可以來試下

來到觀塘，留意到呢間日式居酒居，在工業大廈裡面，雖然隱世，但很高質。先點了一個龍捲風沙律 $76滿滿的鮮甜蟹柳絲和蟹子，再加一層中華沙律！是很豐富的沙律。撈埋一齊的時候會想起「撈起」，很特別。沙律菜很清甜，很新鮮，是很好的前菜，而且非常大兜，抵。然後是一個龍捲風創意壽司 $72鰻魚+Cream Cheese+薯片碎 Cross-over的創意壽司，配撘濃郁的鰻魚汁，口感和味道都很豐富呢！還有忘不了你 $98芒果+炸牛肉卷+Cream Cheese+雙色芥末醬 Cross-over的創意壽司卷！很驚喜的味道，沒想過日式料理會有這個配搭，很有新意！和雜錦天婦羅 $88炸蝦天婦羅🍤+秋葵天婦羅+紫薯天婦羅值得一讚佢嘅天婦羅汁，剛好的味道濃度，充分提了天婦羅的味道。很好的用餐體驗，環境也舒服，讚。

餐廳位於觀塘站，如果係D4出口出，大約行一分鐘就能夠到達，位置十分方便易搵👍👍古今二門口裝飾好有懷舊日本風味，臨近12月聖誕節，重有聖誕裝飾添🎄～今日係平日Lunch時段，餐廳都差不多滿座😆見到好多附近返工嘅人黎食中午飯😋Menu選擇非常多，有前菜、特色卷物、刺身等等，不過我地見到OpenRice d comment 大多數都係推薦卷物，我同朋友講一定要叫黎試下啦😆😆😆最後我地order左👇M30 忘不了您 $98入面有芝士、炸牛肉，上面重有酸酸甜甜嘅芒果，再加埋芥末沙律醬，呢幾樣食材加埋一齊真係好新奇又好味😍，口感相當夾🥰M5 費城卷 $65入面有三文魚、芝士同牛油果，三文魚好新鮮，芝士好香，增添左成件卷物嘅味道，呢個配搭真係冇得輸👍龍卷風沙律 $76份量好多😋好大盆🥗👍入面有好多蔬菜、海藻、蟹柳同脆片，口感好豐富，令人覺得好開胃，即刻可以食多D嘢🤩古今日式餃子 $56餃子煎得金黃色，皮薄，外脆內裏好Juicy，唔會煎到好乾！好好味🥟整體黎講，餐廳食物質素高，好食👍而且服務員好友善，態度好好，而且亦會主動為客人添茶👍值得一讚！P.S 尖沙咀11月中有分店開啦，又可以有多一間高質日本餐

話說同朋友黎觀塘睇傢俬，一於試試黎呢度試下創意卷物先。性價比高喔餐廳好有日本風，亦擺放日本遊戲機，好有feel🥰<日式麻醬秋葵豆腐沙律>份量比我想像中多，豆腐夠哂滑，好refreshing。仲有我早中意嘅秋葵添😶有我中意嘅芝麻醬。<古今日式餃子>餃子煎得好香，外面脆身，正！下次再encore！！！<烈火紅唇>士多啤梨配炸牛肉、芝士，好惹味、開胃，好適合熱嘅天氣食。個火好激動🤣<火山>店員即席點火，好壯觀呀。餡料多到真係好似火山爆發咁，有帶子、青瓜、牛油果、蟹柳，加上甜甜嘅醬，推介啊。每一啖都好多餡料架。<煙花>辣味三文魚、竦味吞拿魚、脆片，呢個配搭又幾得意，脆片減低肥膩感。估唔到咁match!!!

與閨蜜過黎食dinner食物味道不錯，影相打卡也很靚食物種類豐富，的確係高質之選很好味😋很好味😋很好味😋食得好開心不過夜晚計時90min，有時間限制百香果沙冰仲會有百香果粒在上面～

今日同朋友食飯 想食日本菜🇯🇵 睇OpenRice見到呢間餐廳人氣都幾高 食評又唔錯 我哋就去咗食啦👍🏻因為兩個女仔食量都唔大 我哋點咗四樣嘢食：龍捲風沙律$76 🥗上面有一大堆蟹柳 仲有啲中華沙律 連埋蔬菜撈埋醬汁幾好食㗎雜錦天婦羅$88 🍤 有三隻炸蝦 三粒迷你紫薯 仲有秋葵，個炸皮唔算好薄 但好脆 好香口。金龍卷$98 🍣 三文魚配炸蝦芝士 好豐富又好好食，三文魚上面嘅醬汁，有好輕微嘅辣味，醬汁好好食 完全唔需要點豉油👍🏻炸雞芝士卷$58 🧀 真係好唔食生冷野嘅朋友，上面配有少少脆脆地嘅類似薯片 增加咗口感，飯卷芝士味好出。其實餐廳重有好多新穎日本菜 例如壽司Pizza 重有好多款不同配搭既飯卷 去食多幾次都唔會厭👍🏻👍🏻

觀塘出晒名多嘢食今日晏晝嚟到呢個觀塘工業中心食特色日本卷物門口嘅裝飾勁有懷舊日本風味晏晝都有唔少價錢相對平嘅午餐組合可以選擇但一場嚟到梗係要試吓佢嘅特色卷物一坐低之後，店員就會上一碗麵豉湯係而家凍凍地嘅天氣下飲啲暖野做開頭相當之唔錯日式麻醬豆腐沙律個份量超級大加埋秋葵同蕃茄用色嘅配搭，令到整個沙律望落非常之靚麻將同豆腐味道嘅配搭，冇得輸另外，再加埋牛油果，蟹子同生菜嘅口感好好成個沙律個營養價值都相當之高炸蝦天婦羅炸得好脆口之餘一啲都唔覺得油膩炸蝦嘅size亦都有驚喜，好長身炸粉亦都唔厚除咗有炸蝦之外，亦都有紫薯同埋秋葵紫薯本人仲要相當之甜富士山係呢間餐廳嘅推介入邊有蟹柳，牛油果鰻魚同埋上面有少少嘅薯片呢個配搭都相當之新奇味道偏甜，口感亦都因為有薯片嘅關係令到層次比較多基本上都唔需要再點豉油值得一試

好耐無食過日式料理，難得今日可以提早放工同朋友一齊食壽司🍣😍今次選擇左食「古今二」依間日式料理，壽司、天婦羅🍤既食物質素唔錯，環境都好好👍❤️雜錦天婦羅———有三隻好大隻既炸蝦🍤，炸粉好薄，蝦肉新鮮彈牙，非常好味😋；有三粒炸小紫薯，小紫薯好甜，超正👍；還有秋葵，食落去好滑同爽口😋蜘蛛———個名非常特別，卷物內有炸軟殼蟹、蟹柳、牛油果、青瓜絲，非常豐富，食落去超好味😋👍黑龍卷———一份超用心既卷物，外觀好靚，食材非常豐富，外層有鰻魚同牛油果🥑，卷物內層有芝士以及超大條既炸蟹柳，食落去超有滿足感，好好味，真心好正❤️😋👍最後食左「蒜香牛油翠肉瓜」，好香濃既蒜香以及牛油味配合埋翠肉瓜，非常完美既配搭👍

出開觀塘行街，突然想食壽司，朋友帶我黎位於觀塘工廈既古今二，比我發現到隱世日本餐廳。雖然餐廳位於工廈，但是日星期六都竟然甘爆場，坐無虛席，就知佢有啲料。餐牌選擇非常之多，花多眼亂，不過餐廳最出名係卷物，我地都點左唔同既款式。炸雞芝士卷：炸雞脆口，雞肉唔乾，加上面頭撒左啲薯片碎，食落口都幾卜卜脆。相撲力士：三文魚同吞拿魚卷物混合，一次過滿足晒，二款魚生都好新鮮，yummy!龍卷風沙律：好大盆，而且有滿滿既蟹柳絲同金柚，味道非之配合。古今日式餃子：皮薄餡靚，唔會煎到乾爭爭！另外餐廳員工好友善，會不停為客人添茶，讚！

好彩係食午餐，點左一個最貴嘅點左一個最貴嘅刺身丼，真心難食，又細份，連友人都覺得難食⋯⋯絕對唔推薦都唔會再試，如果係晚餐就難受了😣怎可能差成咁仲有咁多好評完！

卷物包得靚 而且啲餡料仲好多💕所有食物份量都好十足壽喜燒入邊加咗酒嘅成分估唔到食落去都唔錯牛舌好值得一試👍🏼有厚度 唔似出邊食開嗰啲咁薄重點係佢一啲都唔韌 唔會嚼香口膠咁～活赤貝好新鮮