叠記咖喱

為澳門過江龍，始創於1947年，近年先在香港開分店，標榜澳門特色既獨門咖哩滋味，有澳門傳統既美食招牌，亦有香港限定美食系列。如珠如寶麵麵底揀左橡筋幼，質地軟熟彈牙，相當掛湯，而湯底揀左腩汁 ，味道甘香純厚，配料有豬手、豬皮、豬紅和豬頸肉，豬手煮得軟淋入味，充滿骨膠原，豬皮爽口彈牙，值得一提豬頸肉似炙燒過，特別香口。叠記咖喱三寶飯三寶分別係牛腩、豬扒和雞扒，份量十足，肉質不會覺得「柴」，調味剛剛好，食肉獸必叫，另有薯仔和生菜作伴碟，咖哩以祖傳秘方亨調，味道偏香辣帶甘，愈食愈惹味香口。淨雲吞一共有六粒，粒粒都相當飽滿，蝦肉口感彈牙，皮薄餡靚。檸檬蜜奶茶

澳門老字號『叠記咖喱』😙由1947年開檔做到而家😛傳到第三代都Keep住個水準☺️佢哋個招牌咖喱牛腩用祖傳秘方煮成😄今次就等我同大家試真啲😙睇下係咪真係咁堅😉祖傳澳門辣腩米粉🐮$52一上枱就聞到陣陣辣香🌶️腩肉煮得夠淋，肥瘦適中😋辣度啱啱好，唔會太嗆喉😚湯底濃郁帶少少甜😝米粉吸晒湯汁，好入味😉佢哋嘅咖喱同坊間嘅咖喱有少少唔同🤏係帶少少辣油狀態嘅惹味咖喱🍛鍾意食辣嘅朋友一定要試吓😊如果怕太辣，落單時記得嗌少辣😝仲有，咖喱汁可以另加😚就算係撈飯食都係好正😍瑞士汁豬頸肉飯🐷$48豬頸肉煎得香口，邊位微微焦脆😎肉質爽口彈牙，仲有啲肉汁爆出嚟😍瑞士汁嘅甜度啱啱好😝唔會太鹹又唔會膩，掛滿每塊肉😚啲汁仲滲落啲飯度，撈飯真係一流😛牛三寶🐄$58咖喱牛腩、牛柏葉同牛心定嘅組合😙咖喱汁香濃帶少少辣😌牛腩炆得夠淋，牛柏葉爽口😊牛心定就比較少見😛口感有啲似牛肚，幾特別😋整體份量足料，就咁食都唔錯😏凍鴛鴦☕️跟餐+$9 茶同咖啡比例平衡😛唔會太甜，冰涼解渴🧊凍檸茶🍹跟餐+$9 茶底夠濃，檸檬新鮮，解膩又醒胃🍋

難得有澳門老字號食店開到嚟香港，位置仲要咁方便，價格又親民，點會唔嚟試下馳名過江龍咖喱必試咖喱牛腩飯，招牌菜不能錯過，咖喱香氣濃郁，口應軟腍又入晒味，辣辣地好惹味，想食辣啲嘅可以點埋另上嘅咖喱汁，薯氣炆到腍晒好似食緊薯蓉咁，米飯粒粒分明瑞士汁豬頸肉，幾特別嘅配搭，食落又好夾，甜甜地好香口好開胃，肉質一絲絲有咬口，爽口彈牙皇牌茄汁豬扒飯，茄汁豬扒比起咖喱毫不遜色，茄香味濃郁，豬扒調味亦好奶茶檸茶茶底夠濃，晏晝醒一醒神啱晒，口感亦算順滑環境乾淨闊落幾好坐，餐牌提供嘅選擇好多，份量十足，性價比高，好抵食，幾位姐姐亦好親切，絕對值得一試

$45食3餸嘅即視感，學生黨真心推薦我揀咗蘿白牛肚+牛腩，味道唔錯，蘿白冇渣，牛腩都入味食得辣嘅建議揀招牌個牛腩，真心辣，BB辣對我呢啲唔太食得辣嘅，已經好刺激

 行完花墟，叠記絕對是下午茶的好選擇！我試過他們的豬扒包，外皮香脆，少有地沒有沙律醬，減少了額外的卡路里負擔。就算係外賣，豬扒包的香脆口感依然保持不變，值得一試！另外，他們的兩餸麵同樣讓人驚喜。瑞士汁豬頸肉和雞翼都非常入味，肉質嫩滑；而咖喱牛筋偏辣，但店舖內有溫馨提示，照顧到不同口味的顧客。麵類有多項選擇，亦可額外加辣，辣味十足，非常美味！如果單點蔬菜，會配上瑞士汁，份量充足又實惠，感覺非常滿足。下午茶的奶茶和鴛鴦亦十分出色，入口香滑，茶味濃郁，是港式下午茶的精髓所在(雖然店舖是澳門過江龍)。加上店內職員友善，服務貼心。總括而言，叠記咖喱是一間性價比高的餐廳，無論是堂食還是外賣，都能滿足下午茶的需求。絕對值得再訪！

🍜 咖喱五寶面豬皮、雞翼、魚蛋、咖喱牛心定、麵筋，五寶齊全！豬皮吸滿咖喱汁，入味到爆💥，咬落去軟淋淋又彈牙！咖喱汁香濃微辣，撈埋麵食真係無得輸！😋🍜 牛三代面牛腩、牛筋、牛肉，三代同堂！牛腩燜到軟爛入味，牛筋膠質滿滿，每一款都係精華，好滿足！麵質爽滑，掛湯一流，食到最後一滴湯都唔放過！👌

來自澳門的叠記咖喱，來到香港開分店。分店的地點位置都好方便。嗱喳麵有豬腸,豬皮,魚蛋,豬紅,蘿蔔,生菜，非常豐富。蘿蔔又清甜，豬紅超級入味，而且豬腸處理得好乾淨。三色雞翼小食點了三色雞翼，瑞士汁味道香甜，咖喱汁惹味，一次過試到三款味道。豬扒包份量好大，麵包焗得香脆，而且豬扒炸得香口，非常好吃，超級推介。可樂現在甚少見到的玻璃樽可樂，兒時回憶。簡單的晚餐，味道好，最沒想到服務十分好，推介要來吃豬扒包。

聽同事講澳門叠記好出名，以前啲人去襯都一定會食，仲大排長龍呢家係香港已經有3間分店，今次食過之後發現佢地咖哩味唔重🤔 但香料味好足，入口温和，牛腩一片片，連住一層脂肪，唔會煮到好乾好鞋，牛筋反而煮得更軟腍滑嫩若唔夠食仲可以+$12追加配餸，有啲meun上面冇，但qr code入面有得叫😂例炸豬扒，呢個都幾推薦，外皮鬆脆，入面仍保留肉汁，夠曬juicy*牛三代麵 $63*如珠如寶麵 $53*牛三寶 $58

好耐冇喺香港食過車仔麵今日去太子花墟買嘢，咁啱經過呢間專門食咖喱嘅車仔麵，一於入去試吓車仔麵配搭選擇非常之多，叫咗兩款麵其中一款係牛三代麵裏面嘅餸菜包括咖喱牛腩、牛筋、牛肉片咖喱牛腩超級入味，而且好重牛肉味，牛筋非常之軟，腍超級黏口，額外再加咗份豬手同芥蘭份量都唔少豬手骨膠原超重，而且好夠腍，芥蘭都好新鮮爽脆如珠如寶麵非常豐富，包括豬皮、豬大豬、豬紅、豬手、豬頸肉另外再加咗通菜同白蘿蔔豬皮豬大腸同豬紅都超級入味，而且處理得好乾淨，白蘿蔔真係好出色，因為超級多汁，而且一啲都唔覺得老，又唔會多纖維，豬手同樣炆得好軟腍腍另外再叫多份炸雞翼$15有兩隻超級抵！而且炸得一啲都唔油膩幾好食飲品檸檬蜜都只需要加$9，整體CP值極高！下次會再想試埋佢哋嘅咖喱薯仔飯

之前去澳門成日特登去食咖喱麵，估唔到終於開咗嚟香港啦。而且仲有幾間分店，三間分店嘅位置都好方便，今日咁啱經過見到，咁就一於嚟試吓啦。我就叫咗個牛三寶麵，因為好食得辣，所以叫咗個勁辣，一上枱就已經聞到勁香嘅咖喱味，飲咗啖湯果然又香又辣，但係佢嘅辣味一啲都唔傷胃，個湯飲落好舒服。我認為最抵讚嘅就係佢嘅面底有好多選擇，我就叫咗橡筋粗麵，連埋個湯真係好好食，因為佢嘅面質雖然彈牙，但係都好掛湯，食落好香口。另外仲叫咗個咖喱三寶小食，我認為佢嘅豬皮最好食，因為夠大塊，而且吸晒啲咖喱汁，真係好香。因為朋友唔係太食得辣，就叫咗個小辣，我試咗少少個湯底。雖然唔係好辣，但係比較易入口同埋好開胃。而且呢度嘅碗碟好靚，碗同筷子都印咗舖頭名，非常適合打卡。而且呢度嘅牛筋都好好食，食落牛嘅質素好高。呢間餐廳又平又抵食，我覺得仲好過澳門嘅咖喱麵，不過嗰日佢都唔算太多人，希望多啲人知道呢間好食嘅咖喱麵店啦。

今日去太子上課！放工後往叠記咖喱食晚餐,我點了咖喱牛腩米線和凍奶茶,咖喱牛腩米線我選了bb辣,另外我選了炸朱扒,咖喱牛腩辣度適中,食落惹味,牛腩肉質鮮嫩,大小適中,入口即熔,食落啖啖肉,米線食落爽口,而炸朱扒炸得金黃,肉質爽口香脆,佐酒一流,整碗咖喱牛腩米線材料豐富,食落惹味,口感滿足,最好凍奶茶飲落茶味香濃,奶味香滑,餐廳座位舒適闊落,咖喱牛腩食落啖啖肉,咖喱辣度惹味適中,朱扒炸得金黃香脆,食了一碗惹味咖喱牛腩米線

下午茶餐算係好抵食，兩餸麵唔使$40 ，叫咗咖喱牛筋拼豬軟骨粗麵。本身我自己都鍾意食爽口嘅面，所以面底就揀咗正常。（佢係用app自行落單，好多嘢都可以有得揀自己嘅喜好，呢個值得讚。）碗面上枱嘅時候覺得好唔錯，又夠大碗，好可惜一夾起啲面，係硬嘅，得五成熟，諗住食咗啲餸先，用啲熱湯繼續浸熟啲面，好可惜，食晒啲餸，啲麵都係超硬，唔係爽口果隻，係未熟嗰隻。同店員反映，問如果有微波爐可唔可以幫我叮吓，佢就話佢哋啲面係咁樣，就冇再理我。咁我食晒啲餸飲埋杯奶茶，就唯有放棄啲面，真係冇辦法食到。奶茶唔錯。因為除咗面底之外，其他嘢都唔錯，所以ok評。

澳門超級紅的咖喱牛腩 是老字號印象最深刻的 就是這裏辣 真材實料人均幾十元 性價比不錯一般人建議 微辣 咖喱牛腩飯 $48都係屬於平價 甚至平過唔少快餐店招牌菜「祖傳咖喱牛腩」我覺得辣少少會好食啲 。味道同喺澳門食分別唔大如果唔鍾意食辣 可以揀滷水汁 當然咖喱會比較惹味-另外 推薦呢度嘅麵食，因為呢度嘅都叫做「橡筋粗」「橡筋幼」麵條有彈性另外仲可以加配料好似一般車仔麵咁-牛腩香經過長時間的炖煮 入味又可以保留到本身的咀嚼感份量完全對得住呢個價錢如果胃口比較大 可以加餸所以我另外加咗碗餃子 印象中30幾蚊價錢合理 大大隻 食得出係手包唔係.來貨 滿意我就會撈落咖喱一齊食瑞士雞翼 正常發揮 滷水汁唔錯糧尾的好朋友 咖喱牛腩飯 有肉有菜$48 想點 重點，佢幾細心，會分開咖喱汁上因為怕撈埋埋一齊就會 太辣驚喜！我更鍾意食牛筋 但係唔可以食太多如果唔係會好膩 飲品加$9 凍檸茶OK 大杯

夜晚餓餓哋又唔想煮飯，入咗間麵店食。餐廳由澳門過嚟，主打咖喱牛腩，另外有多款唔同種類嘅麵食、飯、小食等供應。最多人叫應該係佢哋嘅雙拼麵，可以自行選擇麵條，配菜，醬汁等，唔夠飽嘅亦可以再加麵底同埋主食。雙拼麵要咗河粉，軟硬程度適中，湯底本身無味道，所以一定要選擇醬汁，滷水汁、腩汁、瑞士汁，個人最鍾意後者，味道最濃郁，鹹中帶甜。配料方面有豉汁牛腩同牛筋，牛味突出，唔嚡，牛筋爽口，而且幾入味。必點炸豬扒，炸至酥脆，薄切，鹹香味十足，越食越過癮，一塊絕對唔夠食。菜品方面有蘿蔔同生菜，新鮮，鮮甜，無渣，唔錯。水餃就有兩粒，皮薄餡靚，可以試試。

lunch買外賣返office食，行過見到呢間改自己個名做乜乜咖哩，諗住差極有個譜，點知有d嘢原來真係可以差到離哂譜，首先d牛腩又乾又鞋又柴又硬又韌，口感好似食緊湯渣咁，個汁一d咖哩味都冇，又稀又死辣，本人係食得辣之人都接受唔到佢果種唔識形容嘅死竦味，再黎就係咖哩牛腩飯居然冇薯仔而係用咗完全唔啦更嘅生菜墊底，生菜加埋果d唔係咖哩味嘅死辣汁水，一條菜都吞唔落，最後食咗兩啖(如圖)已忍唔住成盒扔咗，之後就餓到放工，本人甚少給差評及絕非浪費食物之人，但差成咁真心有責任提醒下。