敘．小麵 (港威商場)

营业中

休息中

朋友相約在港威吃上海麵，好喎！反正未吃過。中午繁忙時段，要等位，但唔使10分鐘就可以入坐，都算快。在等位嘅時候，門外已有餐牌，所以已選擇了吃那個套餐，坐低即落單，方便快捷。豆漿~套餐加$10 可享有豆漿或汽水選擇，如果唔加的話，套餐會有加一項目，加飲品就會免加一，所以選擇豆漿會更為著數。豆漿帶甜但也算厚身有質感。桂花小籠包$38~小籠包中規中矩，唯獨是面上灑上點點桂花，筆者覺得和小籠包的味道未算夾，原味反而吃出小籠包的味道。小炒黃牛肉湯麵~由於朋友選擇，筆者未有吃過，所以不作評論。糟溜魚片湯麵$98~套餐樣樣都少少，一個人到來都算唔錯，尤其那半隻流心蛋，份量剛剛好。店員端上枱會叮囑食客，先渴湯，之後倒附上的小碗雪菜落湯麵，原來吃得有次序，幸好店員提點。套餐有油炆旬作配菜，味道未算太濃，筆者喜歡這個配搭。糟溜黑魚片，其實無論肉質及雲耳都唔錯，唯獨是多了陣陣的桂花味道，相信㕑子是喜歡桂花那陣香氣，反而筆者始終覺得桂花味道和這魚片味道未算夾，和小籠包道理一樣，本身的原味會更為突出。整體來說海港城午飯時間相當繁忙，依間無論價錢及味道都算中規中矩，等位唔算耐，算是簡單快捷，方便一個人都來也可以。

經過見下午茶餐78折，未嘗過所以試吓。$76一個麵餐，有前菜有小食，最令我估唔到嘅係個湯底好清甜好好味，值得推介！同時我亦追加了小籠包（4隻）及鍋貼（3隻），小籠包皮薄多汁，鍋貼就略嫌唔夠熱！2人食，大家都很飽很滿足！

幾年冇寫食評，本身今日係去文化中心睇音樂會，咁去前搵吓附近有咩食，見到呢間新開就試吓，入面唔大但坐得舒服，價位以海港城黎講算係非常合理，200蚊一個套餐（未加一）有龍井飲，係真龍井，茶葉好香，另外有蟹粉撈麵，幾碟小菜加甜品係湯圓，非常滿足一餐。另外，我地仲叫咗東坡肉，好食過我地係杭州食既。值得帶屋企人黎食！

🍽️食物方面： 清炒蟹粉散嗌menu無 要人手落單 有殼碎 蔥油開洋拌麵想要齋麵嚟撈蟹粉但無 甜甜地 分開食好啲桂花灌湯小籠包💲38皮唔算厚 少少花味幾得意玫瑰烤鮮肉方💲49嫩滑 肥瘦夾雜嘅五花肉 女兒紅醉雞💲39一般 有啲黐住紅骨五香爆燻魚💲39乾扁身 面頭啲嘢幾好食雨花海蜇頭💲39味道ok 有幾粒萵筍麻香拌萵筍💲19有芝麻粒 淡味清爽📷打卡方面：典雅風🔈環境方面： 大間多位 有昆蟲飛嚟飛去Staff nice但唔主動斟茶💬其他資訊：敘．小麵 📍尖沙咀廣東道3-27號海港城港威商場3樓3203-4及3204A號舖

發現了位於尖沙咀海港城的一家上海菜十分推介，環境相當舒適服務人員態度親切又專業，中途主動添水服務細心菜品選擇非常多 而且性價比高喜歡細細碟的我 可以同時間試到不同款式的菜品今日一家四口一齊食 非常滿足 我最愛醉雞這間餐廳的醉雞做得非常好 酒味剛好不會太濃烈 醉雞的肉質非常嫩滑。另外還有小籠包也是非常推介的滿滿的鮮甜肉汁太好味了！最後無論是餐點品質、服務態度還是環境氛圍，都完全值得五星好評！已經推薦給身邊的朋友，下次一定會再訪

帶著幾個月大的BB一家三口來用餐，入門口前已經先說了麻煩安排可以放BB車的座位。此時已經下午2點店內人不多，大把空位，目測可以安排我們才來的這家餐廳。如果你家店不歡迎帶BB的顧客用餐也可以此時出聲我們離開便是。店員帶我們來到一個兩人台座位，旁邊是空的另一個兩人台，那我們當然認為隔壁兩人位是留給我們的，畢竟我們是三個人！ 然後店員來了一句 隔離位還要有人坐的，我是不會留給你們的，就離開了。 我非常震驚，很想轉身走人，但是先生怕麻煩，說來都來了，先坐下再說，我們便坐下點餐。 等了不到5分鐘，果然剛才那位應侍帶著另外兩位顧客坐到了我們旁邊的兩人位，我們非常尷尬，因為BB車已經佔用了我們和隔離位置中間的大部分空間，讓新客人的入座位置非常擁擠，但好在顧客都是有素質且友善的人，非常客氣的說沒關係，不要擠到BB就好。更讓人氣憤的是，跟我們安排的兩人位，另一邊就是一個巨大的餐具櫃，我們用餐期間來來往往全是應侍拿餐具，熱水！到現在依舊非常氣憤，請問在餐廳人很少大把空位的時候，為何安排帶BB的三口之家坐在有熱水和人員頻繁進出的兩人台？還將兩人台隔離的另一張兩人台安排其他客戶用餐，在滿屋都是空位的時候？ 更

食物味道和質素都配得上價錢，在海港城來說都算是合理。套餐份量十分足夠，味道都令人滿意。服務態度非常好，店員會主動添茶及收拾檯面。整體來說很滿意，相信會再來返食！

敍小麵價錢: $288/ $60/ $29/ $39/ $39/ $38好味程度: 4/5服務🍴: 3.7/5環境🗾: 3.7/5性價比🥢: 4.3/5回頭率😚: 4/5-牛角集團又出新餐廳！做蘇式麵店的呢間，先選擇主食麵類，再按個人喜好揀冷菜、熱菜等等。唔夠仲可以加各類糕點，例如小籠包，鍋貼等等🤩 價錢親民，喺海港城用呢個價錢食到好難得！-✅清炒蟹粉拌麵套餐(連醉雞、蔥油拌麵、燉雞湯、三色前菜、薑茶湯圓、女兒紅花雕）最重要的蟹粉拌麵呢個價錢收貨了☺️蔥油拌麵正常發揮，麵條唔會過軟，食到蔥香。清炒蟹粉佢還有三隻蟹嘅份量，啖啖都係蟹膏蟹肉，味道都幾濃郁，不過會有小小殼🤣蟹粉的份量係足夠撈麵！-✅✅原盅燉雞湯/ 醉雞。燉雞湯味道好夠，燉左好耐的感覺！好甜好滋補。醉雞的醉味突出，又甘酒味又濃😋雞肉嫩又入味。其他湯圓、前菜都唔錯。-✅麻醬紅油濃湯闊條麵。闊條麵好似上海奶入面咁好滑溜😗麻醬紅油濃湯雖然顏色好橙，但係味道唔係好濃，唔夠花生醬味🧐不過都大少少麻香同微微辣。-✅四喜烤麩。烤麩吸晒醬油味，軟綿綿，仲有厚肉的冬菇！-✅蔥蓉白切肉。白切肉薄片口感比較嫩，唔會太肥。淋上醬油蒜粒惹味開胃🤓-🆗蔥烤

🌟嘿，美食探秘者們！👋 今天要給大家安利一家新開的寶藏小店，位於尖沙咀廣東道海港城港威商場3樓～🚀 坐標超方便，逛街累了正好來這兒解饞！😋⏰ 小貼士時間！記得中午時段人氣爆棚哦，想找個舒服位置，得趁早來排隊佔座啦！🏃‍♀️💨🎉 好啦，不囉嗦，直接上重頭戲——4款午市套餐，每一款都是誠意滿滿，快來看看哪款能俘獲你的胃！🥢1️⃣ **小炒黃牛肉湯麵餐** 🌶️🔥 黃牛肉嫩滑入味，搭配醇厚湯底，一碗下肚，滿口生香，簡直不要太滿足！😋2️⃣ **清炒蟹粉拌麵餐** 🦀✨ 蟹粉鮮美，輕輕拌入麵條，每一口都是鮮甜滋味，讓人忍不住一口接一口！🍜3️⃣ **玫瑰烤鮮肉方湯麵餐** 🌹🥩 外皮酥脆，內里多汁，肉方浸在熱騰騰的湯中，那香氣四溢，簡直是視覺與味覺的雙重盛宴！🎊4️⃣ **鮮蟹粉蝦仁拌麵餐** 🦐🥤 蝦仁彈牙，蟹粉豐盈，兩者完美融合，拌上勁道麵條，每一口都是海鮮的狂歡，讓人欲罷不能！💘🌈 說真的，這四款套餐各有千秋，不管你是肉食愛好者還是海鮮控，都能在這兒找到屬於你的幸福味道！❤️📍 快來打卡這家新店，和我們一起享受舌尖上的小確幸吧！🎉

午市要搭枱其實都算啦雖然個體驗唔係太好，但係我覺得每人要收$15茶位費我就覺得有少少唔能夠接受如果係$5嘅話都還可以午餐套餐選擇係OK嘅、而每個套餐都配前菜同埋一款麵，我要咗小炒黃牛肉肉，份量唔太多因為佢啲碗全部好似好大，但係其實好淺，所以睇落好似好大碟，其實份量係好少嘅味道正常少少辣辣地，個湯底係雞湯，我覺得唔算太有雞味，少少偏鹹，跟餐嘅醉雞完全係得個甜字，我冇諗過係咁甜，明白蘇州菜係偏甜，但係呢個醉雞我只係食到甜味，嗰個糖心蛋亦都得個甜字，其實食物質素同味道係唔差嘅，不過要搭枱之餘自己落單其實已經冇咩服務可言，仲要有$15茶位費同埋+1服務費整體嚟講就令人覺得唔係幾抵食

香港首間蘇式麵店「敘．小麵」進駐海港城，為食客帶來正宗蘇州麵食體驗，以「一冷、一熱、一碗小麵」的方式感受蘇州獨有麵食文化。「冷」、「熱」分別指加在湯麵、拌麵上的「澆頭」。店內提供30多款經典蘇州冷熱澆頭，每款以小碟奉上，根據個人口味選擇不同的澆頭組合，配搭出超過3,000多個獨具特色的小麵滋味。必試「冷菜澆頭」包括「蝦油露鮮蝦」、「鎮江水晶肴肉」等；而經典「現炒熱澆頭」包括擁有超過500年歷史的「經典蘇式燜肉」、及「蝦爆太湖鱔絲」等。店內更每天現熬「紅、白、濃」三款湯頭，除蘇州經典的「醬油豬骨紅湯」和「清燉老雞白湯」外，更為港人特設口味濃厚的「麻醬紅油濃湯」，將澆頭澆到紅、白、濃鮮湯麵之上，鮮味層疊交織，每碗小麵彷若一場盛宴。除此之外，店內更提供各種蘇式手工點心，例如以蘇州市花入饌的「桂花灌湯小籠包」、特色點心「蛋黃糯米燒賣」、皮薄酥脆的「三娘春卷」，配上一杯江南茗茶碧螺春或西湖龍井，品嘗蘇式小麵的極致享受。

行行下海港城發現新開了這間小店，價錢在這區算是差不多，不過新開所以試試。兩個人點了一份預設套餐，一份自選套餐及一籠桂花小籠包。預設套餐其實比較化算，點了糟溜魚片湯麵套餐，有兩個前菜，兩個堯頭，一碗麵，加10蚊有豆漿，仲可以免15蚊茶錢。餸及麵分開上枱，好好。麵質彈口細滑，湯底味道適中，好味。魚就普通，但味道好，汁料好好，有紹興酒香味，媽媽好喜歡，連汁都全食。前菜及另一份堯頭都是普通。份量都合理。另一份自選套餐，點了兩個堯頭蝦鱔糊及肴肉，再加一份特價飯，因為點兩個堯頭可以優惠價點部分的飯或麵食。鹹肉菜飯用個暖煱上，一邊食一邊保暖，很好呢，材料足，味道亦好好，份量夠兩個人食用。最後是個桂花小籠包，皮厚薄適中，肉質滑及多汁，不太油膩，不過食不到桂花味，但整體好味。整體環境好，地方整潔，食物味道不太濃，好味，惟飯只有一款。服務好。值得推介。會再食。

❀ 敘．小麵 #尖沙咀 ❀❗首間蘇式麵店 近期最出色嘅蟹粉拌麵❗——————————————————尖沙咀開咗首間蘇式麵店，為食客帶來正宗蘇州麵食體驗💕以創新方式「一冷、一熱、一碗小麵」呈現傳統蘇州麵食。「冷」、「熱」指加在湯麵嘅「澆頭」，提供30多款經典澆頭選擇，如蝦爆太湖鱔絲、玫瑰烤鮮肉方及口水汁轉彎，可以按照個人口味選擇澆頭配搭麵食😆.餐廳每天現熬「紅、白、濃」三款湯頭，即是經典「醬油豬骨紅湯」、「清燉老雞白湯」及為港人調製嘅濃厚「麻醬紅油濃湯」🍜另外亦有我認為係最好食嘅蟹粉拌麵💖.另外亦提供蘇式手工點心😍包括味道清香嘅「桂花灌湯小籠包」、經典「香煎牛肉餅」及「蛋黃糯米燒賣」。.唔少得蘇軾甜點，煙煙韌韌嘅桂花拉高真係世界級美味😋另外亦有傳統酒釀丸子，薑茶湯圓等等😍.✷𝑀𝑒𝓃𝓊✷☞ 清炒蟹粉拌麵 $288♥ 清炒蟹粉、女兒紅醉雞、蔥油開洋拌麵、原盅清燉老雞湯、三色前菜、薑茶湯圓 及 女兒紅花雕超出色嘅蟹粉，每份含三隻蟹份量🦀🦀🦀鮮甜濃郁，再配上香口嘅蔥油拌麵，份外惹味！另外仲有足料清燉老雞湯🐔套餐居然仲有女兒紅同埋薑茶湯圓食，啱晒驅寒。.☞ 鮮蟹粉蝦仁拌麵 $158♥ 鮮蟹粉炒蝦仁

今日去咗食晏晝 ，兩點幾唔使點排隊。入到去先至發覺原來間嘢係好細間枱唔多細細嘅地方有五六個侍應真係算係好多了。服務好好會介紹亦都有笑容 啲嘢食，價錢平唔會太大碟，但係你可以叫到好多嘢最推介就係小籠包佢個皮薄到可以望到入面啲湯 味道唔錯 得幾好 小籠包有兩隻味兩隻味都食過兩隻都好食本人鍾意桂花味多啲 性價比高服務乾淨程度價錢都幾好 下次可以再嚟試其他嘢 主打食小籠包豬潤呢個醬汁偏甜咗豬膶唔夠厚身同埋嫩滑一般般萵筍清爽，有麻油味又香又爽口唔錯麻醬雞絲正常發揮蔥油撈麵，正正常常冇乜特別略嫌蔥油味唔夠香唔記得咗乜名，有啲筍肉絲同青椒少少偏鹹味道很一般 唔夠濃郁 大陸食嗰啲正啲

🐑蔥烤豬扒-本身味道ok嘅，⚠️但要注意啤水啤唔清殘留梳打粉味嘅問題⚠️-2🐑🐑蒜泥白肉-幾好-7🐑🐑獅子頭-越食越好味-8🐑🐑口水雞-都頗係有水準-8.5🐑🐑麻醬紅油濃湯麵(擔擔麵)-幾好-7🐑🐑小籠包-論皮、論餡、論爆汁程度，我暫時搵唔到香港有邊間做得好過佢-9.5🐑🐑鍋貼-個餡係同小籠包一樣嘅，理論上應該係同小籠包一樣爆汁，可惜嘅係偏偏煎得唔夠香，原因係，⚠️三隻鍋貼嘅皮，未上碟前，喺隻鑊度已經爆開咗，咁啲汁去晒邊呢？當然係喺鍋貼上碟之前已經畀師傅倒走晒啦！⚠️呢個同豬扒冇啤夠水殘留梳打粉味嘅情況一樣，係師傅手門嘅問題-2🐑