友喜冰室

营业中

休息中

星期六行完夜繽紛就隨便入咗去呢間友起冰室，叫咗個二人餐都唔錯$158！豉汁蒸倉魚真係正！魚肉嫩滑到夾起會抖，豉汁香得夠曬惹味，鹹鮮帶少少甜，蒸得火候啱啱好，一滴汁都唔想浪費，撈飯超正！回鍋肉香到忍唔住！五花肉煸得油香四溢，肥膏走晒油，配菜爽脆，醬汁鹹香帶微辣，惹味到舐舐脷，一啖肉一啖飯，停唔到口！

今天跟姐妹們在佐敦做皮拉提斯，做完之後就是下午，所以在附近找了一間有下午茶的餐廳吃一下，我們看到了這一間友喜冰室。感覺好像乾淨又舒服，重點是有位子我們就進去了。下午茶很便宜，是有基本消費$25 。所以我們總共點了5個下午茶，其他另外幾人點了飲料，好方便大家聊天一起。可是因為餐廳的人手有限，所以他們不斷點錯單，又態度很急，因為真的很不夠人手，我點了星洲炒米就是不不過不失的，下午茶應該不能多，有要求就是那個價錢的品質，朋友點了西多士兩款講真的就是很普通的兩塊厚多士，沒有特別好吃。但是要特別提的我兩個朋友點了兩個撈麵套餐真的是非常鹹，難以入口。但是整體來講就是一個普通的茶餐廳也不能要求太多香港的服務是這樣食物也是差不多這樣，所以就是一個下次應該不會再來的經驗。

在佐敦閒逛，看到這冰室的二人套餐價格親民，一於一試。A項選了豉汁蒸倉魚，B項選了西檸柚子蝦球，套餐還包括白灼時菜、米飯兩碗和飲品兩杯，另外贈送了例湯兩碗。例湯味道不錯。豉汁蒸倉魚，魚算大條，味道亦不錯，豉油略為鹹一點更好。西檸柚子蝦球的醬汁味道微帶酸甜，適合炎熱的夏天，蝦球雖然不很大，但肉質爽彈，而且表面的粉漿很薄，也算不錯。白灼時菜的蔬菜本身自帶味道，不沾蠔油也好吃。米飯質感一般。檸檬茶茶底不澀。凍飲加$3之後，這二人套餐只是$151 ，在晚上也可以用這個價錢吃得飽飽的，性價比真高！

今天下午 ，我在尖沙咀送朋友船後 ，走了過去統一大廈友喜冰室飲下午茶。友喜冰室 ，是一間 傳統茶餐廳， 餐廳裝潢簡漂，配上柔和的灯飾， 是香港最具代表性的飲食文化之一。在 佐敦繁華都市裡，這些懷舊的小店總是擠滿了熙來攘往的 客人 ，散發著溫暖和熟悉的氣息。看一看餐牌 ，我叫了大眾化的經典菜品廈門炒米，鬆軟的米粉，配上肉燥、蝦仁和蛋，香氣四溢，令人垂涎欲滴。配了一杯清涼醒神的菠蘿冰，更是夏日必嚐的解渴良品。這些價格親民的美味，吸引了衆多來自不同背景的食客。友喜冰室的魅力，不僅在於它能提供美味可口，又價格實惠的菜單，更在於它們所營造的熟悉、溫暖的氛圍。

今天下午,我來到了佐敦道37E-37H號的統一大廈地舖,品嘗了一間名為「友喜冰室」的下午茶。我點了兩款不同的包子來品嘗。第一款是甜味的「風味菠蘿包」,它將番茄、芝士和荷包蛋夾在一個香甜的菠蘿包內,既好看又美味。另一款則是鹹味的「鹹牛肉滑蛋潛艇」,把鹹牛肉和炒蛋夾在熱狗包中,口感非常豐富。除了包子,我還點了一杯冰凍奶茶來搭配,為整個下午茶增添了清新的口感。目前香港真熱，凍飲少不了。整個用餐體驗相當愉快,店鋪人多，好在伙計快手，熱情的氛圍,都給人一種舒適悠閒的感受。

下午茶時段，準備和內地親友到廟街行逛前，先來到位於佐敦道「友喜冰室」，品嘗地道香港式下午茶！～公司三文治(烘底）份量十足，爆餡滋味，一個人一定食唔晒，二人Share就最啱！～XO醬豬扒炒公仔麵師傅炒得好香，公仔麵係加埋銀芽及乾蔥去炒，好有鑊氣！豬扒亦都好鬆化！～奶茶紅豆冰紅豆冰配上奶茶底，一次過滿足晒兩個願望！～檸檬柚子蜜酸甜度好夾，夏天解渴消暑一流！這裏完全符合喜愛港式風味下午茶的人，我亦都見冰室內坐滿熟客，職員與他們有說有笑，好親切。

今天星期日就一家三口來佐敦行街，行過這間茶餐廳被門口的餐牌吸引，而且上星期才來過，有意猶未盡之感。再看餐牌，看着很多選擇，尤其是下午茶餐，價錢吸引。我們坐進去，侍應姐姐都非常有禮貌，我們上次來就已經決心，今次要吃潛艇。於是就幫仔仔點了一份潛艇。這個潛艇的英文是鹹牛肉炒蛋三文治，其實都係用熱狗包，但是鹹牛肉和炒蛋都是爆出來的，而麵包是看熱香口軟熟，外觀非常吸引，兒子讓我吃一口，我都覺得愛不釋手。我和老公點了一份炒飯，都是下午茶餐，份量不少，炒飯有叉燒、炒蛋、火腿等等，一粒粒的米飯都是爽口軟熟。不油膩不沾和。下次嚟食一定又要再食返煲仔飯。

今晚同個客係🤩尖沙咀酒吧傾左好耐。大家散左之後。本人覺得好肚餓。所以係附近搵了這間別緻的店舖。舖內不算太大。但尚算闊絡。沒有壓迫的感覺。瑞士雞翼撈公仔麵。瑞士汁雞翼完全是香港地道食物。完完全全實現香港地道菜式。肉質豐富入味。最特別的地方。其他冰室不會擁有。就是加上一棵太陽旦。星洲炒米。炒米須要乾身。完全附合資格。最緊要是料多。。叉燒。雞蛋。蝦仁。等等不同任何款式。入口不太過辛辣。口感豐富。地道式的炒米。

GG今日心情大好😁😁😁，約埋frd行下尖沙咀，唔經唔意就去左佐敦，行左成三、四個鐘，肚仔餓、腳仔軟🪫，決定食個🇭🇰港式tea補充下能量🔋呢間港式茶餐廳裝橫好光鮮同新淨，menu仲好多選擇，有成十幾頁厚，搞到有選擇困難嘅GG揀左好耐，好在啲店員都好nice，唔會催人落單😇📌薯條+吉列魚柳$39 配 特飲紅豆冰$9係好經典嘅波浪紋薯條，加上有一隻手掌咁大嘅吉列魚柳，岩岩炸起，上枱時熱辣辣好脆口，滿足左GG食炸野嘅慾望。🤪杯紅豆冰唔會勁多冰，紅豆又綿身，粒粒分明👍🏻📌萄汁焗海鮮飯$66 配 凍奶茶$5睇落細細盤，但係個盤都幾深，飯量勁充足，海鮮都唔hea，有蝦、魷魚仔、魚柳、蟹柳，舖滿左飯面，仲有兩大舊焗到金黃色嘅薯仔，配上萄汁、芝士同炒飯底，成件事即刻豐富左。🥰個凍奶茶係Top1🥇🏆之選，奶茶比例剛好，香味突出，非常有港式奶茶味道。📌焗咖哩雞扒意粉$62 配 凍檸茶$5首先要讚一讚個流心嘅太陽蛋🌞，放喺意粉上面好吸睛。塊雞扒煎香左，雞皮煎到脆邊，雞肉黑椒味濃郁，配埋辣辣地嘅咖哩一齊食好惹味。凍檸茶亦係大方版本，俾左成4、5塊檸檬，好夠味。🍋🍋🍋😍📌菠蘿包$8GG見到包盤果度得返一個菠蘿包，

今日本來去睇話劇🥹但係竟然去錯地方～咁就好好嘆翻個下午茶先～凍鴛鴦少甜 同我香噴噴嘅西多士好夾～暖笠笠嘅西多士上面擺住大大塊黃油🧈 剛剛好融化 好香～切開之後有超多餡 滿滿嘅花生醬入口即化～真係好正！加埋牛油嘅香味 真係無得彈😋蔥油雞扒撈面一樣好出色 雞扒煎得好香～又唔會出去 好味😋 蔥油撈面色水睇落去就好正哈哈哈 食起身好香口 好適合下午茶～飽肚之餘又唔會太太多 正👍！見到個menu除咗下午茶之外仲有勁多小炒～都好適合一家大細來食飯！

趕時間要食個快嘅下午茶，茶餐廳或冰室係不錯嘅選擇！見到呢間冰室下午茶餐的menu都好吸引，而且見有卡位，即刻入去試試。下午茶餐係有好多好吸引嘅選擇，但係當我見到常餐個炒蛋竟然有黑松露嘅時候，我呢個黑松露控即刻轉軚點常餐。點了個豬軟骨出前一丁，個常餐包咗多士，炒蛋連飲品。豬軟骨出前一丁個湯底好濃郁，豬軟骨炆得好腍，有好輕微的辣，很惹味！😋而那黑松露炒蛋，果然沒有令我失望，加上那烘過的多士一齊食，熱烘烘而又香又脆，讚👍🏻至於飲品，黎冰室梗係要飲紅豆冰，但我又想飲奶茶食醒神，好開心有奶茶紅豆冰，紅豆又淋又多，奶茶香滑🥰

等左20分鐘都未有野食，總共催左兩次，每次催完個侍應都冇返黎比個交代我過程：我催完👉🏻侍應失蹤👉🏻突然出現👉🏻做自己野👉🏻唔會搵你或者避開行近你個邊👉🏻（loop)期間比我遲黎嘅兩個大陸人遲過我落單但先過我上菜，講緊兩個人上曬菜食完先再叫多杯野飲野飲飲完我都未有野食呀？佢地起我催之前都可以有閑情去同兩個內地人吹水而冇時間去睇下我點解坐咁耐枱上都只係得杯野飲再之後入黎嘅人都可以上埋菜？嬲到我即刻比錢走人咁因為佢正係上左野飲（飲得一啖）所以我叫收銀正係計野飲佢同我收返正價21蚊？係咪癲左呀？然後收銀仲起到問侍應係咪冇曬烏冬呀之類blablabla 咁樣total至少由落單到埋單過左近25分鐘我叫嘅炒烏冬都冇出現過永入blacklist

難得做運動之前有時間可以食左嘢先，路過呢間冰室，又試試佢嘅下午茶餐。餐牌裏面首先吸引我嘅係公司三文治，好像很久沒有吃過了🥪跟餐可以加錢要特飲，叫咗一杯喺出面冇見過嘅奶茶紅豆冰：港式紅豆冰固然有特色，奶茶底就更特別🥤另外因為想補充下蛋白質，為陣間做運動做準備，所以又叫左一個雞扒沙律🥗奶茶紅豆冰果然無令我失望，又飲到奶茶，又食到紅豆冰味👍🏻👍🏻公司三文治更厲害，啲餡多到爆出嚟😱非常滿足😌雞扒就啖啖肉，沙律係雜果沙律，好典型的下午茶組合😁大家見到我食咁多，都知我一定飽晒😝😂見餐廳裏面都仲有好多小菜嘅相，好似都好吸引😉睇下有無機會下次做完運動來～佢嘅菠蘿包亦好似好大個咁，想食🤣😂

好耐冇寫食評啦🤭🤭🤭決定重新寫返先喺佐敦見完客諗住求其行入一間茶餐廳食晚飯醫飽個肚就算，點知又幾好食喎去新茶餐廳都有選擇困難症因為餐牌好似樣樣都想食咁睇完成個餐牌最後叫咗個焗黑椒雞扒薑飯$62加$9有杯奶茶紅豆冰佢焗完個飯面頭有啲飯焦咁好香口啲雞嫩滑有汁唔會乾爭爭諧霎霎啲飯加咗薑汁一齊焗好特別食完個胃暖笠笠😌平時通常就咁叫紅豆冰但係原來奶茶紅豆冰又幾好飲喎重點係間嘢唔會好多人嘈喧巴閉迫迫夾夾咁而且星期五六日會開到11點去街夜少少都唔驚冇嘢食🤭

喺佐敦食埋晚飯先返屋企，冇特別planning下去咗友喜冰室。餐廳地方算大，好多卡位，坐得舒適。今晚想食海鮮小炒叫咗香酥黃金蝦小菜套餐（$98），同埋西蘭花炒蝦球斑片小菜套餐（$98）。小菜套餐包括是日例湯同埋熱飲一杯。我哋各人加咗$3轉左凍檸茶，一杯正常，一杯少甜少冰。例湯今日係西洋菜煲瘦肉，例湯煲得夠火喉，西洋菜同瘦肉都夠晒林，飲完覺得喉嚨舒服左。香酥黃金蝦：有八隻左右，冇甩頭嘅狀況出現而且蝦殼硬身，證明海蝦質素新鮮。蒜蓉味惹味。蝦肉彈牙有鮮味。西蘭花炒蝦球斑片：蝦球同斑片各有四舊再加上大量嘅西蘭花，賣相好吸引。西蘭花爽脆清甜。斑片非常厚肉。蝦球彈牙。欣賞佢兩個菜式都唔會好鹹，啱晒依家香港人嘅健康飲食潮流。凍檸茶每杯都有檸檬，檸檬味配埋香濃嘅茶味，好解渴。