又一戟

营业中

休息中

之前行經葵涌廣場最上果層，總會被班戟的香味吸引，但因為每次行過通常都見到好多人係到等，令到小編放棄了嘗試既念頭~ 今日行經旺角中心，見到又一戟這間舖頭，又見唔係太多人等，咁就叫左個熱楓糖香蕉芝士班戟($29)~ 等左大約5分鐘，熱辣辣的班戟終於到手啦，班戟邊位香脆，蛋味濃郁，內裏的楓糖味清甜，配上香蕉非常配合，唯一唔好既係配搭左芝士這個食材，因為加埋楓糖及香蕉一齊食，口感有點怪怪的~總捨黎講，班戟都挺好食，但小編建議可以選一個更好的配搭會較好~

朋友話試過葵芳果間好出色, 所以飽到上心口都陪佢食, 但真係好失望我叫左 粟米 蟹柳 紫菜 加沙律醬, 一聽就知無得輸同點整都唔會難食既組合偏偏果塊餅皮真係整得好差, 又淋又厚, 同朋友食左半塊已經頂唔順下次情願食隔離果d炸物

（芒果雪糕班戟 $26）味道 4/5賣相 4/5-呢個班戟好足料！Cream同芒果間住咁砌上去，望住店主係芒果粒上面擠上滿滿嘅鮮忌廉，再均勻咁落上朱古力醬，未食都覺得好滿足！咬落去忌廉好滑，暖暖地嘅班戟配上冰凍嘅雪糕球，同埋鮮甜芒果粒，超級好味！忌廉份量好多，食到最尾都有滿滿嘅忌廉。鍾意食甜野千祈唔好錯過～（怕肥的話建議叫走cream/少cream，因為真係好多忌廉）

每次去葵廣都會食又一戟，終於唔洗去到葵芳咁遠，旺中都開左分店。同葵廣一樣都係咁多人，等左15分鐘左右。班戟有咸有甜，我覺得咸好食啲，戟皮比甜嘅脆。今次點左蟹柳粟米紫菜班戟，保持葵廣水準。戟皮依然香脆，餡料都好足，每啖都食到蟹柳同粟米。雖然材料簡單，但加埋一齊食真係好夾好好食。

全城Hit爆的班戟風❗️已經衝出葵涌廣場🏃🏻正式殺入旺角喇！😍蜜桃雪糕忌廉班戟 🍑🍦 ($22)朕每次經過都大排長龍😳原來班戟係即叫即整架！🙇🏻拎上手仲係暖身添😛果然夠哂新鮮呀！🤘🏻滿滿蜜桃加上頂層忌廉🍑賣相好誘人呀～😍蜜桃果肉份量夠哂多💯驚喜係食到底層都仲有蜜桃架🙊層次感輕鬆滿分啦！👏🏻Pancake皮整得夠薄🌯滲出絲絲蛋香味🍳頂層邊邊位咬落脆身👄班戟皮口感煙韌。厚度適中☺️忌廉打得好滑😍唉～為何深夜總是餓呢？🙄

葵廣又一戟登陸，車費都可以省反啦✨雪糕揀左曲奇味，加左大量cream😌姐的脂肪是這樣儲回來🙈長度差吾多有手臂咁長💪一個人食完都飽飽地😹士多啤梨略嫌有啲酸🍓不過班戟煙煙軔軔，好有口感☺️

聽聞旺中變了好似葵芳， 食店進駐商場， 於是走入去睇睇。真的有舖頭由賣衫變食店。我對pancake 情有獨中，所以不能不試。有甜款式。有鹹款式。两款都好吸引。今次選了荔枝雪糕香蕉pancake，25元，由於不喜歡cream, 所以走cream. Pancake 外脆內軟，有雞蛋及牛油味，不太甜，好香。咬落好有口感，与清新味的茘枝雪糕和香蕉一起吃，是不錯的選擇。不知是商場提供還是又一戟提供，有一部流動冷氣機放在舖外，好體貼呀