又一戟

营业中

休息中

服務好有問題、態度非常惡劣。當取order嘅時候，個店員唔肯拎比我。當時我企喺佢面前取order, 但佢話「吾得！」無緣無故呼喝，故意玩嘢，態度非常差，佢仲話：「投訴我囉！」非常冇禮貌。服務質素令人失望，唔會再去。

經過旺中打卡橋成日都見人排隊買呢間嘅班戟😍呢間葵廣都有分店〰️除咗班戟 仲有雪糕🍦飲品賣前排社交平台嘅雪糕關注組勁多人都買佢嗰個雪糕山㗎🤣🌯肉鬆蛋紫菜班戟💲2️⃣6️⃣班戟分做鹹同甜🤔甜嘅大部份都有雪糕 我哋今次揀鹹嘅～等咗都一段時間先拎到…因為真係好多人排隊！第一啖食唔到餡係常識吧？🤣但要食到第四五啖先食到啲肉鬆🤤細食嘅女仔成曬成個都有7成飽🤰🏻成個班戟正正常常 但係餡略嫌太少🥲冇話有咩驚喜😮下次會試下甜嗰啲😋

來到旺角中心最期待嘅就係呢間舖頭！見到好多youtuber都介紹，於是一定要試下。order左一份榴蓮(奶油曲奇)雪糕班㦸，等左有10分鐘左右，味道幾好，個皮仲係熱嘅，雪糕都好好食！榴蓮肉份量剛剛好，總體來說中上，大份，如果啱啱食完飯最好同人share，因為食半份都已經好飽！

去開葵廣/旺中，經過佢都係必食！多款口味自由配搭，今次揀咗店家推薦焦糖燉蛋雪糕口味，而我雪糕呢就揀咗豆腐😊一路等嘅時候見到佢係有一碗碗嘅焦糖燉蛋！平日一碗都唔止呢個價錢啦！而家有埋塊皮又有個雪糕，圍返價錢都幾抵！店家好快手，好快就有得食！食落表層焦糖脆脆加燉蛋嘅甜，再落一層就係豆腐雪糕小小嘅甜，好有層次感👍最底嘅部份係cream，有啲太漏食唔晒，唯有「筆」起個cream食埋個餅皮。要讚呢度嘅餅皮，食過其他嘅店，更高價錢嘅都有，個皮未必夠呢間好食！有時佢哋嗰啲皮仲會黐住張紙⋯😅但係呢間完全冇呢個問題，好開心🤣

呢間又一戟係葵涌廣場開嘅時候已經開始食，最鐘意就係佢個皮，食落煙韌又唔會好粉。今次食個鹹嘅菠蘿火腿加芝士班戟，芝士熱溶加埋火腿點會唔好食😆。個班戟皮都保持到水準一樣咁好食。

葵涌廣場果間好食好多呢間個店員勁無禮貌！塊pancake皮勁厚，好似食緊香口膠咁叫呑拿魚加芝士又無加到！食落好似呑拿魚三文治咁好難食！難食都算仲要食到成肚氣，一定無下次！

又一戟真係童年回憶尼🥳由細細個食到大(出賣年齡系列）話未食過嗰d真係要拎去打靶😂我食咁多次都剩係食同一隻味架姐✨朱古力香蕉加綠茶雪糕✨ $29因為又要食又要怕月巴所以我叫左老闆少cream🤭但我想講係完全無阻佢嘅美味囉🥺班戟皮一如以往嘅出色厚薄適中👍🏻好煙韌甜甜的又不失蛋香牛油香香蕉食左咁多年都無縮水🍌食到入面都仲有幾粒😏綠茶雪糕都好食🤩奶味比較重綠茶味好自然🍵重點係 好 大 球‼️食唔切滴到我成身都係😂

呢間pancake喺葵芳超出名，好多後生仔都會食。而自從佢旺角中心開咗分店之後，食完飯我都會行過去食一件甜品。每次必點嘅香蕉朱古力pancake真係好好食！首先每次佢都係即整，既切香蕉，仲有得揀雪糕嘅口味添！試過咁多次我覺得薄荷朱古力同埋朱古力係較為好食嘅。曲奇味就比較淡身，芋頭味同芒味味就相對地有啲假同太甜落單之前你仲可以要求佢多cream，次次食一啖就要抹一下咀仔。見到都多客人會點鹹嘅pancake，下次有機會等我當下午茶食返個先！

每次去旺中同新之城買野，一定會經過啲小食店。對上一次食又一戟已經係10年前嘅事，當年係喺葵涌廣場食，呢間出名平靚正。見到焦糖燉蛋已經好吸引，原來仲包一球雪糕，呢個真係超超級邪惡呀！講返個焦糖燉蛋先，上面焦糖熱辣辣脆卜卜，燉蛋冰凍，呢個冰凍效果真係好正！食完燉蛋再食雪糕，呢個戟真係好頂癮！因為我唔好忌廉，因為男朋友鍾意，佢叫師父唔好唧咁多，如果係我自己食，我會叫師父走忌廉。果然冇令我失望，仍然保持水準，都係平靚正，盛惠$35

旺中有咁多嘢食行到攰 想食返個雪糕甜品諗起又一戟咪有得食囉 -香蕉朱古力雪糕班戟 $29雪糕要咗曲奇味食落感覺Cream同雪糕比例50:50香蕉食到落底都仲有好正好好味廿幾蚊嘅甜品係抵希望唔好加價啦

咁今次行旺中 終於去左試恨左好耐呢間店嘅雪糕Pancake😝第一次試唔知邊隻味好食就隨便揀左香蕉配朱古力雪糕班戟($27)賣相唔錯，但係食嘅時候覺得咁嘅包裝有少少唔方便。朱古力雪糕都幾好，唔伏唔係好cheap個隻雪糕。Pancake皮都好食，唔係太過軟或者太過硬。但係我個人就唔建議大家揀朱古力雪糕配香蕉，食落去隻味有少少唔夾。另外，仲有一點大大扣分，就係Pancake裡面擠嘅cream太多，仲多過雪糕嘅分量，所以我覺得總體來講唔太抵。

每次經過呢間都會好想食，每次行過都勁香，雖然款式唔夠多，我每一次都會食佢辣肉腸，入面都會有小小菜沙律醬黑椒，口感都豐富，而且$30內可以食到好飽肚！正正正 呢間店都有好多分店，葵芳店相對等嘅時間就會比較耐，旺角食會比較好。

好記得細細個果時見到賣呢種pancake嘅鋪頭玻璃櫃全部都係擺pancake模型，勁吸引勁想食，但細細個覺得好貴唔捨得買🤣大個終於可以自己買啦店內有好多口味pancake，有鹹有甜，有熱有凍，任君選擇芒果雪糕班戟 $30 （朱古力醬+朱古力雪糕）夏日熱辣辣，揀返個凍嘅食一拎到就可以見到成舊cream同好多好多芒果，好足料cream唔會好膩，芒果唔太甜又唔會酸。pancake皮好薄好好食食曬上面果層就會食到雪糕，原來入面仲有足夠cream同芒果！每啖口感都好豐富好爽woooo雪糕都有好多味道俾大家揀下次再試下鹹嘅pancake

I got the durian pancake with tofu icecream (did not get the cheese or banana included with it) and it was probably one of the best durian desserts I’ve had at a reasonable price! It was loaded with durian and tasted amazing. Definitely worth checking out if you’re nearby.

飯後走到旺角的新之城逛下街，但又心癢癢想食些甜品，行過一間賣班戟的店鋪，店中都有鹹食或甜食的班戟，而且即叫即製，除此之外，都有雪糕供應。我們分別各點一份，分別有熱食熱香蕉朱古力班戟(另加忌廉)$30及凍食香蕉椰子雪糕班戟$28，熱食的班戟會有店員即製，咬落香蕉都是比較腍身，另加鮮忌廉就要另加$3，熱辣辣又脆香的班戟真是好食，加上香滑的鮮忌廉及朱古力汁，真是絕配。凍食的班戟可以自選雪糕，都有十幾款可以選擇，個人口味選擇了椰子味，椰子味的雪糕香甜，椰子味道都算是濃郁，入口都不會太甜膩，班戟皮就較軟身，同樣都是香甜的朱古力汁及鮮忌廉的配搭，香蕉片就不會太腍身，蕉香軟滑，另一種美味的選擇。