又一川

营业中

休息中

次次想食辣，都會黎觀塘呢間食，價錢親民之餘，味道仲唔錯。不過小店座位唔算好多，如果人多會有少少逼。酸辣粉 $26 (小辣）份量都幾多，平時會叫中辣，但因朋友唔係太食得辣，所以叫左小辣，辣度就唔太夠，但整體味道都唔錯👍🏻酸辣土豆絲 $52酸辣味適中，好開胃水煮田雞 $138 +$25淨萵荀底田雞非常大隻，啖啖肉，份量都好多，兩個人都唔係好食得晒，我地叫萵荀底，口感仲係好爽脆，一啲都唔會腍，好味👍🏻😋

之前喺米線群組見到好多人推介所以就過來試下佢，店舖位置比小巴遮住所以比較難發現，我叫咗腩肉貴林米線小辣加麻加可樂我鐘意佢個湯底同埋一粒粒脆脆地嘅野，米線唔喺煙um果種，喺比較爽嘅，腩肉唔喺好多但喺幾好味，社交平台群組有唔少人話腩肉有啲肥，但我就比較鐘意肥少少嘅，39蚊差唔多另外店舖嘅裝修覺得有種家嘅感覺（對於我），好似返咗自己嘅家鄉咁，雖然環境唔喺非常乾淨，燈光有啲昏暗，但呢種感覺好似層相識

店內嘅環境比較細，有少少擠迫，不過咁啱我比較晏去食，所以我一個人都獨坐到一個小圓枱。選咗豬肚、金菇、雞翼尖米線， 我話想要BB辣，跟住侍應話不如走辣，因為啲瘦肉粒都有少少辣，於是就叫咗走辣。米線幾快手就到咗。睇過樣感覺好似好辣，因為紅紅地。但係食落去就其實真係冇乜辣。不過亦都冇乜味道，同碗湯嘅顏色唔成比例。而且碗米線上面嗰層油太多，其實都唔辣嘅情況下都唔知點解可以有咁多油，就算食辣米線都唔一定要有咁多油，食嗰陣都特登撥開左面層油先至夾啲米線。雞翼尖嘅味道醃得OK，豬肚就切得比較細條啲，容易入口，但係過量都比較少，金菇就正常發揮。整體來講，味道普通，面層油太多，呢樣真係麻麻哋！不過有樣嘢要讚下，就係佢一坐落嚟，就會俾杯熱水，呢樣唔錯！

食物質素：味道一般，份量足夠，見之前既食評人人都點左土豆絲，所以我都試下。不過有小小失望，土豆絲酸辣味唔太夠， 無左川菜既感覺同味道。小炒肉尚算ok，但係有d肉炒得燶左小小⋯用餐環境：超級無敵迫狹既一間店加上政府要求既防疫措施，加上膠板後迫上加迫服務方面：似係家庭式運作，人手方面略為不足。安排坐位比較隨意，有d客人得一位但張枱卻比兩人用餐為大⋯為左做多一單生意突然安排搭枱，但枱面位置明顯係唔能夠令客人舒適用餐。價錢方面：收費價錢合理炸餃子，麻麻地可以再酸辣度重啲會更好米線比預期中好加左腩肉，如果腩肉有加小小鹽去醃左先會更好小炒肉唔錯

今日星期日，放早的日子可以同男朋友去食好西😋😋男朋友話想去觀塘又一川食川菜，都好耐冇去食過，睇番原來成年冇去食過😓，如果有朋友仔鍾意食川菜，一定要墙食呢間又一川，非常好食😋今日都係叫例牌野🤣以往去親必叫的干煸四季豆、毛血旺、半隻口水雞🐔咁耐冇去食都5知有冇失水準😂不過食完都覺得同之前一樣，又好食又辣得過癮😆，而佢呢到的口水雞係我覺得值得推介俾朋友仔去食下👍🏻呢度啲野都幾大份嫁，好抵食。如果食唔晒都可以打包返屋企不要浪費！

比連鎖店更好吃的酸辣粉( ̀⌄ ́)小炒同樣好食！醬汁很正！我每個月都會吃幾次～🔸必食酸辣粉(可加麻/走麻) $26四款麵選擇-紅薯粉(必食 煙韌易咬)💛-貴林米線 (較粗 彈牙)-粉絲 (幼身 較淋易咬)-珍珠米粉湯底有酸菜 蔥 芫茜 肉碎 脆豆 酸豆角又香又夠味自選配料(酸辣粉) 🔸紅薯粉+萵筍+肉片 $42湯底夠味 薯粉夠酸夠辣很掛湯薯粉滑嘟嘟 煙韌有咬口 萵筍不會過淋 爽口(⁎⁍̴̛ᴗ⁍̴̛⁎)肉片不老易咬自選配料(酸辣粉) 🔸紅薯粉+萵筍+午餐肉 $40午餐肉薄身 口感一般自選配料(酸辣粉) 🔸粉絲+萵筍+肉片$42粉絲份量很多 亦很掛湯(˶‾᷄ ⁻̫ ‾᷅˵)自選配料(酸辣粉) 🔸貴林米線+萵筍+午餐肉+牛柏葉$51米線偏硬身 不適合愛吃淋米線的人♪(´ε｀ )小食必點~🔸涼拌土豆絲 $ 35可選辣度酸辣醬油醬汁很重蒜( ̀⌄ ́)開胃好吃🔸脆炸雞軟骨 $48即叫即炸酥脆不油 份量多會附上一樽椒鹽任你加(´▽｀)小菜必點~🔸干扁四季豆 $65表面乾身香脆加上辣椒半炒炸 有點麻椒鹽帶咸香 配飯很惹味🔸四季豆炒肉片 $68跟干扁四季豆不同有咸咸微辣的豆豉醬汁濃味好配白飯( ̀⌄ ́)另外吃過味道一般的~

又一川又到食辣野時間，我真係好鍾意食辣，呢間位於觀塘嘅小店，店舖座位不太多，但係佢嘅嘢真係好好食😂辣得勁過癮四川酸辣粉~$26揀咗薯粉，要咗小辣👏🏻真係勁好食囉水煮田雞~$138 +$15萵筍底揀咗中辣，啱啱好夠晒麻夠晒辣，正，有冇人唔夠膽食田雞㗎😂，我幾鍾意食🤘🏻王老吉~$10 x2又一川🏠：觀塘宜安街25號地下☎️：22646203

食過好多次 間吾使都會黎食下紅薯粉好食 湯底都吾錯  不過可再濃d會症好水煮田雞系好食 一班人多數都會叫不過份糧吾太好多 我地估計都有一隻左右既服務無咩特別 看到人手都系2個人 

適逢今日減肥cheat day，我突然好想食辣野，就同男朋友黎咗食晚餐。入到去已經滿人，環境有d逼。雖然見到好多人都叫小菜食，不過今日都係想食酸辣粉多d，可能下次就試小菜啦。我叫咗個小辣酸辣粉，薯粉，配豬紅、肥牛同海帶絲，個湯底夠酸夠辣，唔會得酸味，同d辣味融為一體，個辣度比出面一般既辣，所以食到我流曬汗💦 而d材料既份量都唔少，仲有唔少酸菜酸豆，夠曬惹味。之後叫咗雞軟骨，我覺得不過不失啦，可能因為冇檸檬汁，同埋覺得咸咗d，不過d雞軟骨都算多肉既。最後再叫咗個涼拌酸辣土豆絲，夏天食涼拌野食就最適合不過了，個汁都幾開胃架

約咗個同我一樣無辣不歡嘅朋友食飯，當然係飯辣嘢揀咗間近我哋返工，位於牛頭角地鐵站步行5分嘅川菜小店。小店大概只有六張枱，格局似一般街坊茶餐廳。餐牌都幾多選擇，有酸辣粉、水煮、四川小菜同涼拌小食。我哋就揀咗一個水煮牛肉加魚片同一碗酸辣粉。水煮牛肉一上枱好香，睇落唔多紅油，以水煮菜式嚟講唔算油膩，食落夠麻夠辣。牛肉片食落幾嫩無肉渣，而且份量足魚片係脘魚片，魚片有骨，如果唔鍾意食有骨魚片就唔建議點魚片。水煮可以揀大豆芽或者白菜底，呢兩樣菜都會索晒啲辣味。我哋揀咗白菜，即係娃娃菜，索晒水煮湯夠晒辣夠晒惹味。酸辣粉揀咗腩肉竹笙紅薯粉(小辣)。腩肉大大片，好味紅薯粉就稍為煮得太淋。酸辣粉嚟講唔夠酸，下次嚟食我會要求多酸加麻食完無乜口渴，以川菜嚟講算係少味精。下次我會再嚟食米線同試下其他四川小菜

令人喜出望外嘅一間小店！位置較隱蔽，光顧既多為熟客，極度令人上癮的一間小店！每月必食之選！cp值超高！抵食又有人情味！回頭率100%！餸菜火候夠又嘢味！ 辣度小辣岩岩好 雖然唯一缺點係偏熱氣，但店內有王老吉涼茶提供。最近店內亦新裝修，環境坐得更舒服又岩一大班朋友詳談食野，款式多又樣樣好味，最推介酸辣粉，米線與其他店不同，較有口感 、較煙韌，亦有薯粉提供！必點既餸菜包括酸辣粉之外，更包括雞軟骨及土豆絲，食過返尋味，絕對會再光顧！

貪佢收得夜，收成12點，我哋可以去食餐麻辣嘢！大豆芽炒豬腸，味道幾獨特嘅，但係就唔係我鍾意食果種囉。酸菜魚，我哋揀咗桂花，但係好明顯條魚唔係好新鮮，有啲失望，特登過嚟食呢道菜㗎嘛酸辣土豆絲，土豆絲爽口，青得幾好呀啲澱粉質。酸度適中，而辣味就會偏向較辣，如果真係食唔到辣嘅朋友就要減少少辣啦。手撕捲心菜，係我印象入邊呢個應該係用醋炒，但係佢好似用咗醬油嚟到炒，同我想像嘅味道有啲出入，但係味道唔錯嘅。椒鹽田雞，其實佢唔係好乾身，我會期望佢好似啲辣子雞咁乾身。但係椒鹽味都OK。下次你食要試吓佢個水煮田雞，朋友話食過覺得唔錯，最衰今次用咗水煮魚替代左水煮田雞，如果唔係我都可以試吓。啤酒真係唔夠凍，不過你叫姐姐俾支凍啲嘅你，就解決到嘅問題，所以都唔成問題啦！

話說係我食過最好既米線🥳今次真係柳暗花明「又一川」～本身想食嗰間休息😩記起中學老師話「可能_____唔係大家當初嘅first choice，但係到最後個個都會話冇後悔入咗黎，會話_____係first choice。」酸辣米線$25，一定要瘋狂加送支持！米線叫左三餸：牛展、肥牛、豬皮。🤩中辣已經好辣，但係都仲有牛展味，牛味好濃郁，都幾特別，一定要食！豬皮都係必食，唔會臭，亦都冇豬毛既😂🤣最特別嘅就係望落最普通嘅米線！一咬就知道係正嘢👏，勁爽口彈牙，食完好想淘寶買返幾包😂另外一樣勁正嘅係四季豆炒豬大腸👍炒得好，味道佳，呢款小菜令人好想叫多碗白飯🤤酸辣粉都唔差，雖然咬落同米線差好遠，但仲好有風味

我同朋友都係無時無刻想食酸辣粉，今次試咗呢一間又一川，看落似平平無奇既小店，真係令人有驚喜。我地一人叫左一碗四川酸辣粉，佢揀左午餐肉，而我就揀左芝士腸，同一款叫涼拌海蜇既小食。先講下酸辣粉，我地只係叫左小辣，已經覺得好辣，但唔係令人辣到食唔到個隻，反而係又酸又麻，令人不斷想食，愈食愈開胃咁雖然餸唔係好多，只有三兩舊，但係薯粉煮得岩岩好，而且份量都唔少嫁，所以一個人一碗係岩岩好！至於涼拌海蜇份量就好多啦，有青瓜做配搭，再加上海蜇爽口，食完簡直係大滿足呀！

同事朋友推薦嘅四川菜酸辣粉普通 微辣同中辣都差唔多 唔夠酸反而小食有驚喜口水雞一致好評雞肉好滑又入味 重口味配返麵就好好食土豆絲都好食食到好飽先每人$80性價比唔錯😌會再encore