影片
港铁旺角站 B2 出口, 步行约2分钟
继续阅读
电话号码
65850480
营业时间
今日营业
11:00 - 21:30
星期一至六
11:00 - 21:30
星期日
全日休息
以上资料只供参考，请与餐厅确认详情
想食啲粉面，行过喺旺中后一条街快富街见到这一间店舖门口睇餐牌觉得ok就入去食餐厅都几多人食， 好彩咁啱有人走执完系枱就可以入坐我自己好钟意食浓味，一见到有胡椒猪肚就拣咗胡椒猪肚鸡锅以为胡椒猪肚鸡啲鸡会好粗鞋点知唔系,超级嫩滑,好好食仲有好多猪肚汤底好旧浓味,底𠮶度有不少胡椒我今次配薯粉,薯粉吸咗汤底胡椒汤觉得好惹味价钱只系58蚊真系觉得好抵食朋友就拣咗浓鱼汤三宝锅里面有鱼腐,鱼片头,鱼蛋朋友话觉得呢个选择好适合佢因为里面有好多蔬菜, 面见到有好多云耳，底仲有好多娃娃菜朋友话如鱼腐非常吸汤， 香香滑滑的朋友配咗米线，米线份量都好多最尾朋友稍稍吃不完见到隔离枱叫这个腐皮酿虾滑又叫一份估唔到系咁脆但系又唔会太过油腻里面虾滑都好爽口整体觉得餐厅份量多价钱都好抵食两个锅各自都只系58蚊, 仲配埋 米线或者薯粉或者饭, 食完整晚都冇觉得口渴觉得不错
继续阅读
每次黎到旺角都系唔知食咩好，因为太多选择而又往往唔知会唔会中伏，四围中之下见到呢间舖头入面坐满哂，断估几好啦，望下餐牌系食一锅锅既热辣辣汤粉，适逢天气凉凉地就即刻决定入去了，地方细细但唔会焗促，系正铁站出口同T.O.P附近胡椒猪肚鸡锅除左应该系既胡椒同猪肚之外，佢配料都好充足，红枣云耳西芹萝卜每样都唔少，成锅上枱然后用炉烘住保证左个热度，最高兴系佢个份量好鬼出色，男仔连汤饮埋都会饱，鸡够滑而又唔太肥，胡椒味入哂落腍身既萝卜，淡汤系暖胃首选tim浓汤鱼三宝锅三宝分别系鱼腐鱼片鱼旦，配料就有杂菌+蛙蛙菜，汤底系鲜味取胜既汤头，个人口味斋饮汤我会钟意呢个多过胡椒汤，不得不提既系佢无论鱼旦鱼腐抑或鱼片，大旧到应该叫鱼片头就岩，三个宝都系弹牙十足，口感一流，鱼味又浓，配合到个招牌冇令我失望，呢锅配左薯粉食，韭菜夹薯粉同佢自家制既辣辣油，一绝！腐皮酿虾滑有趣，外面系唐式脆腐皮，入面系靓虾滑， 扎实有虾味之余点埋泰式辣酱就系正
继续阅读
🥢近排天气比较冻，行开旺角见到有间新开张嘅浓汤鸡，今日中午就嚟咗试吓呢度嘅一人一锅。🥢每个锅都可以选择配米线、白饭、薯粉、米粉；小食都有十零款，好吸引，有开胃既，有香脆炸过既。🥢花胶浓汤鸡锅配薯粉$73:大大锅奶白色嘅花胶鸡汤锅，总共有5块花胶，花胶煮得好腍，鸡件大大件肉质嫩滑，仲有红枣、云耳、菇类、娃娃菜垫底，系一个真材实料嘅花胶养生锅🥘。听店员讲汤熬制左几个钟而成，唔怪得饮落有浓浓嘅鸡味，娃娃菜又吸收晒汤嘅精华。配埋薯粉一个女仔真系食唔晒，建议女士们可以叫小薯粉。🥢浓汤鱼三宝锅配米线$58:又系大大锅，入面有鱼腐、鱼片头、潮州白鱼蛋加埋成10件，仲有其他配菜云耳、菇类、娃娃菜。真系大件夹抵食，鱼腐、鱼片头大大件；潮州白鱼蛋爽口弹牙冇得顶，配米线食完都超级饱，建议女士们可以叫少米线。🥢蜜糖芥茉炸鸡件$32:炸鸡件细细碟，啱晒二人嘅份量。鸡件啱啱炸起热辣辣，非常脆口，点蜜糖芥茉酱一流。🥢好在嚟得早，中午越来越多客入嚟食，好快就坐满晒人，想食就趁早喇。
继续阅读
唔知有冇人到咗夏天会冇咩胃口食嘢，prefer食啲感觉健康啲嘅嘢食👀今次路过旺角呢间小店，平日下昼都几多人帮衬㖞，价钱超级抵$60就有交易😧胡椒猪肚鸡锅 跟米线 $62一嚟到真系吓亲，成个锅咁上，劲大份！汤底味道浓郁，猪肚爽口弹牙，鸡系最惊喜嘅，估唔到可以嫩滑成咁😋除此之外，仲有好多配菜，包括萝卜、木耳等等。而米线系另上嘅，煮得啱啱好，滑得嚟唔会太硬或者太腍胡椒猪三鲜锅 跟薯粉 $60汤底同好浓郁，猪三鲜分别系猪润、猪粉肠同猪心，三样都洗得好干净，食落唔会有异味。同埋又系劲足料，好似食极都食唔晒咁🤣薯粉方面都正正常常，煮得啱啱好，爽滑Q弹👍🏻香芹墨鱼饼 $36墨鱼饼炸得金黄酥脆，咬落去好弹牙😋点泰式辣酱食冇得弹
继续阅读
行过旺角揾食，想食啲暖胃嘢，见到呢间铺头几旺场就试吓。今次叫咗两锅一小食，胡椒猪肚鸡锅配薯粉($64) 同 浓汤鱼三宝锅配米线($62)，再加份 怀旧虾多士($22)，埋单$148有找，抵食到笑！先讲个虾多士，一咬「咔嚓」声脆到耳仔醒神，面包炸得金黄唔油腻，中间虾胶弹牙仲有新鲜原只虾肉，廿二蚊有咁高质真心惊喜。跟住重头戏胡椒猪肚鸡锅，汤底滚住上枱，白胡椒香攻鼻但唔呛喉，饮落成个胃即刻暖笠笠！猪肚份量够晒多，洗得干净冇异味，啲鸡件仲要嫩滑过蒸水蛋，薯粉索哂浓汤精华，嗦嗦声吸到停唔到手～朋友个鱼三宝锅都唔输蚀，鱼腐、鱼片头、鱼蛋铺到满一满，浸喺奶白色鱼汤里面滚到胀卜卜。鱼腐吸汤能力满分，咬落爆汁鱼味浓，米线份量多到朋友食到捧住肚，仲话啲娃娃菜索咗鱼汤甜到似食紧海鲜！最抵赞系价钱贴地，两个锅都系六十零蚊但料多汤靓，冷天食完由头暖到落脚趾尾。记住留单五日内再嚟有$5优惠或者送饮品（下午茶时段除外），呢个质素绝对会返兜！
继续阅读
您可能会有兴趣的...