【东区】【厚兴瑜记手撕鸡】讲开呢间又系好笑，好耐之前经过屯门卓尔广场，先知道原来呢间厚兴瑜记手撕鸡系有门市可以堂食，之前以为佢哋净系做外卖，就唔系咁方便食吖嘛。之但系我一直都冇机会入去屯门食佢㖞，拖到有一次我喺太古𠮶头做嘢，见到呢度都有分店，就食佢啦。侍应极力推介 $60 嘅「手撕鸡四宝饭套餐」，有手撕鸡一份，配海蜇、鸡肾、猪肚、猪耳，再加个冷面，再配埋嘢饮，我加 $3 饮「无糖雪碧」。其实佢都真系几多嘢，一大兜冷面，天时咁热唔想食热嘢都系一个唔错嘅饱肚选择，而佢嘅质素都正正常常。啲料嘅份量都合理，乜都有得食啲，几好，而个手撕鸡都几好味，果然系招牌菜。见佢呢度好似家庭式经营咁，就同佢哋讲我未饱，有咩好食。佢哋就煮咗 $43 嘅双拼「水饺」畀我，我都唔知系咩味嘅水饺，我只知系好特别嘅。埋单 $106，系人情味小店啰。。。（地址：太古基利路7号太吉楼地下3号舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am东区 #太古 #太古城 #厚兴瑜记手撕鸡 #手撕鸡四宝饭套餐 #手撕鸡 #海蜇 #鸡肾 #猪肚 #猪耳 #冷面 #无糖雪碧 #水饺 #1am1817 #1ambackup…查看更多
