好耐冇食过韩国嘢，放工走咗去韩国街食，呢一间见到佢晚市都有做套餐，好似几抵咁，就入去食咗。我哋点完嘢食之后店员就送上前菜，有5款咁多，好丰富。烧肉套餐有牛同埋猪嘅选择，我哋就梗系拣咗牛啦。套餐包咗一个烧肉，两个主食，其实两个人都够饱，不过我哋就好大食，叫多咗个饭卷。我哋拣咗个板腱肉，都几大碟，牛肉颜色都几靓，虽然食落去唔系太多油脂，但系口感都唔会话好靭。我哋烧得朝朝香香，然后沾上烧肉酱汁，配上泡菜，再用生菜包住食，味道一流。辣海鲜豆腐汤呢个汤估唔到佢又几鲜味，唔会太辣，有啲蚬、各款蔬菜、鸡蛋，仲有唔少得大大嚿嫩滑豆腐。所有嘢都入晒未，夜魅得来又鲜甜，我哋成锅汤饮晒。石锅拌饭呢个石锅拌饭简直系我哋食韩国嘢必食，热辣辣嘅石锅令到啲饭有少少微微焦香，个底仲有少少饭焦，而且材料好丰富，除咗有牛肉、仲有唔同颜色嘅蔬菜、紫菜同埋蛋，加入韩式辣酱拌饭，冇得输。紫菜包饭个紫菜包饭又系简单得来超好食，饭粒烟靭烟靭，用紫菜包住。饭卷里面有肠仔、蔬菜同埋蛋，色彩缤纷。…查看更多
。韩式前菜五款，一坐底就回送上五款韩式前菜，有辣白菜，凉拌菠菜等。其中酱腌鱿鱼爽口弹牙，辣白菜脆嫩得嚟唔会过咸，酸萝卜清甜爽脆，全部都好好味
。可乐同芬达，汽水搭配韩餐简直一流，可乐气足冰爽，芬达橙香突出，食浓味烤肉时饮一啖，瞬间冲刷油腻感
。LA排骨，分量都几大下，大大条排骨有3条。排骨用韩式辣酱腌制得超级入味，食落肉质弹牙又唔失嚼劲，啖啖肉香加咗少少甜辣风味，3件都唔够食
。酱腌薄切五花腩，五花腩片得厚薄均匀，已经预先用酱腌制。食落油脂香浓但完全唔腻。搭配新鲜生菜食更是一绝，菜叶清爽脆嫩，包裹住热辣辣嘅五花腩，再加啲泡菜同酱汁，口感层次爆棚
。辣牛肉汤，汤里配料十足，有豆腐、蔬菜，牛肉，鸡蛋等。汤底浓郁鲜辣，牛肉炖到极腍滑，一咬即化又保留肉香。成晚汤辣度温和唔呛喉，带丝丝甜味同发酵豆香，用来拌饭食绝对一流
。
