南角

营业中

休息中

即興搵咗個朋友tea一tea，身為九龍城地膽嘅佢比左幾間選擇我，咁我就揀左一岀地鐵站就到南角cafe。餐廳保留左舊式五金舖嘅風格，門前趟閘、吊扇、招牌充滿懷舊feel。門外有2張半戶外枱，係pet friendly。星期日預左要等位，等左廿分鐘左右，都ok la。食物係要自己行岀櫃面落單，然後店員送餐。杯expresso tonic味道balance，飲到尾都仲keep到，係略嫌橙味唔夠。IMG:1]人氣french toast，上枱都問到香味，表層香口，內層唔乾，配上雪糕，好味，略嫌份量有點少。

老舖翻新，九龍城又多一間Cafe了，sell與九龍城社區結合，其中一味忌廉腐乳醬北海道帶子闊麵($138)，根據網上介紹，是以九龍城的腐乳代替芝士調製成忌廉汁，聞落係有腐乳味，但食落就真係無了，反而用返芝士整汁，口感會濃厚啲。最令人失望的係啲帶子，睇個表面，我估係用火槍噴兩下製造火炙效果，但帶子要好食，應該用油或牛油煎封兩面，呈金黃色最佳，而家呢種黑色燶起來一點點的，做不到煎封鎖水效果，亦令帶子沒了油煎所帶來的香味，即使用來打卡都有啲醜樣。「冬蔭公幼意麵」($128)，一般般，蕃茄味比冬蔭功味更強，但比腐乳闊麵好吃了。唔記得咗加幾多錢可以要件cake，選了藍莓芝士蛋糕，份量好慷慨，而且絕對比鹹點出色，芝士蛋糕口感細滑，不錯。朋友叫了斑蘭椰啡($52)，佢話好甜，我無飲，評價唔到。九龍城美食有好多，如果要花時間排隊，建議去另一間。

腐乳汁帶子意大利粉、菊花咖啡及肉桂椰子雪糕多士，全部都會encore. A very passionate coffee shop. 咖啡很有心思，味道亦很有水準。環境舒適，少有的空間！一定會再次光臨。

懷舊風格的設計🗝🍃斑蘭椰啡/ $54: 斑蘭醬底加 上咖啡和椰奶再放上一球椰子雪糕; 斑蘭味比較淡,咖啡拌入椰子雪糕後有淡淡的椰香🍯黑糖豆花飲/ $52: 黑糖醬底加上豆奶再放上一球豆腐雪糕,黑糖味比較淡而且有陣我不太喜歡的味道🇹🇭泰式冬陰功大蝦幼意麵/ $128: 調味小辣,冬陰功醬蠻特別的,配幼意麵都match但分量小🌊忌廉腐乳北海道帶子闊麵/ $138: 忌廉加腐乳的醬汁,闊麵比較硬身,帶子雖然比較薄片但好新鮮,缺點是整體比較油法式煎多士/ $78: 表面caramelised,所以好香脆,加上一球椰子雪糕和忌廉

屯馬開通左之後去九龍城真係方便太多！🤩然後九龍城都越開越多餐廳/咖啡店啦🥳呢間南角開咗兩個月 見啲人評論食物都唔錯佢哋裝修幾特別 保留咗以前嘅捲鐵閘 同埋舊時嘅天花板由於樓底挑高咗 枱同枱之間距離就算近都唔會有太侷促嘅感覺食到最後發現個碟印有旗袍公仔 幾得意😂👘🍞煙三文魚忌廉芝士酸種多士好～好～食啊😂😂聽聞sourdough係嚟自alive 質素有保證 cream cheese同個包太夾了 好chewy(˶‾᷄ ⁻̫ ‾᷅˵)🍨Coconut Affogato偷食咗啖未倒espresso嘅雪糕 好甜啊🤣溝翻咖啡就啱啱好 完全唔苦 消暑之選😂當日平日入坐之後都keep住有人等位 週末就要早啲去啦(⁎⁍̴̛ᴗ⁍̴̛⁎) 九龍城越開越多餐廳可以慢慢試🤍👍🏻

小時候居住九龍城，每次來到呢區行過每一條街，每一角落，都有好多细细個通山跑百厭妹每個回憶畫面。現今世代，舊區重健，舊事物已經越來越少！怡順榮機器五金的招牌仍然沒有變，仍然保留著，地下鐵閘的花紋，是上世紀的鐵閘見證。「南角」餐廳位於南角道3號本來係地舖既五金店〈怡順榮〉翻新 ，保留原先既招牌鐵閘，再活化成咖啡店； 環境帶有懷舊氣息亦睇得出設計師好有心思，保留部舊式裝修元素。門外是寵物友善區域 🐶餐牌只有兩頁，分為食品和飲品類，清晰簡潔，食品類有All Day Breakfast 意粉、麵包等。。🍽炒蛋，西班牙火腿黑魚籽酸種多士炒蛋好滑身，加上黑魚籽帶有鹹香鮮味👍Sourdough Toast裡面鬆軟，外皮香脆。☕Coconut espresso dirty濃郁咖啡非常滑溜，但沒有蓋過椰子味道。🍽煙三文魚忌廉芝士酸種多士煙三文魚份量幾多，厚度適中，油香味濃👍☕Flavored Latte(Rose/Matcha) Mocha拉花好靚，奶泡好幼滑，口感順滑，飲到底拉花仲見到。餐廳非常慷慨，每一份都足料大份，食材新鮮。每一位店員友善有禮，下次一次再來光顧😊

下午茶冇乜人，都唔算太貴嘢食不過不失，見到啲人講嘅黑面阿姐同埋有禮貌後生女，黑面阿姐都唔係好黑面只不過係比較心急同埋chur. 後生女其實佢慢悠悠 有耐性嘅因為我比較腌尖. 凍朱古力要走冰但係又想要雪糕. 佢最後分開咗俾我(?)我有要求嘅時候阿姐就喺身邊好心急咁想我落單 Pancake可以喺超級市場買到嗰啲嚟嘅冇乜特別鬆餅OK的，藍妹醬就麻麻哋,個cream唔會太肥膩朱古力就可以～不過不失要update下佢除咗收現金，依家都有收信用卡Payware Apple Pay Samsung pay. 淨係唔收八達通。銀聯唔記得有冇

放假嘅時候最開心嘅就係可以去咖啡店飲杯靚咖啡，今次去咗九龍城最近好hit嘅咖啡店店入面嘅擺設處處充滿舊時香港嘅味道😂好多打卡位，去到要影多幾張相先😎假日時間都預咗會好多人，不過好彩我哋等佐兩張檯就到我哋了，空間都好闊落我哋叫咗四樣嘢，食物方面比預期好😜🥪煙三文魚忌廉芝士酸種多士$58🍜泰式冬陰功大蝦幼意粉$128☕️Flat white$38🧉Coconut espresso dirty$44特別係煙三文魚忌廉芝士酸種多士，煙三文魚既分量都幾多，食落去幾新鮮，酸種多士口感有啲煙韌，個皮幾鬆脆，我幾種意😋泰式冬陰功大蝦幼意粉個擺盤好靚🤩有三隻大蝦，味道唔算好濃，幼意粉軟硬適中，比我想像中口感好很好多🤓Flat white個拉花好靚，奶泡好細膩，口感順滑，而咖啡既味道好香濃，都幾鐘意🥰另一杯Coconut espresso dirty睇落去分層幾明顯，不過味道反而冇咩特別，感覺還好🙃整體來講呢間都幾唔錯，從環境到食物都唔錯，職員都好nice😎

每次weekend經過呢間cafe都排晒長龍, 所以一直都未試到..今次真係特登weekday+non-peak hour黎, 好彩唔洗排🤪 無論lunch/all day menu/light food menu都好多選擇好吸引🤩✨泰式冬陰功大蝦天使麵$128蕃茄&冬陰功調味ok, 少辣但冬陰公味可以再重啲,蝦煎香過,麵條算少,整碟份量偏細 ✨忌廉腐乳醬北海道帶子闊條麵$138呢個配搭好大膽+新穎😎終於唔再係一般忌廉汁咁悶不得不讚,呢個係出奇地好食！！味道好balance,唔會太膩。帶子輕輕煎過,似係刺身級帶子,好高質又有6粒咁多～可惜麵太少🥺Dirty and earl grey tea 都唔錯～但無特別影🤣總括估唔到呢間cafe既pasta 係咁有驚喜!!食物質素同埋製作絕對唔hea, 唯獨是份量細左啲🥺另外,餐廳保留舊有牆身和天花, 有懷舊的感覺~

𝙊𝙣𝙚 𝙤𝙛 𝙩𝙝𝙚 𝙢𝙤𝙨𝙩 𝙥𝙤𝙥𝙪𝙡𝙖𝙧 𝙘𝙤𝙛𝙛𝙚𝙚 𝙨𝙝𝙤𝙥𝙨 𝙞𝙣 𝙆𝙤𝙬𝙡𝙤𝙤𝙣 𝙘𝙞𝙩𝙮 𝙉𝙖𝙢 𝙆𝙤𝙠 𝙘𝙖𝙛𝙚 𝙘𝙤𝙢𝙗𝙞𝙣𝙚𝙙 𝙬𝙞𝙩𝙝 𝙣𝙚𝙬 𝙖𝙣𝙙 𝙤𝙡𝙙 𝙃𝙤𝙣𝙜 𝙆𝙤𝙣𝙜’𝙨 𝙚𝙡𝙚𝙢𝙚𝙣𝙩𝙨 𝙖𝙣𝙙 𝙠𝙚𝙥𝙩 𝙝𝙞𝙨𝙩𝙤𝙧𝙞𝙘𝙖𝙡 𝙩𝙧𝙖𝙘𝙚𝙨 𝙬𝙞𝙩𝙝𝙞𝙣 𝙩𝙝𝙚𝙞𝙧 𝙘𝙤𝙛𝙛𝙚𝙚 𝙨𝙝𝙤𝙥設計新舊相融，還保留歷史痕跡包括招牌、手拉通花鐵閘、閣樓，石牆壁等呢到幾意粉聽聞好唔錯，但因為我仲好飽，可能下次可以試下！咖啡都唔錯，再點個藍莓芝士蛋糕🍰十蛋糕味道濃郁，藍莓醬都唔會死甜，唔錯！但呢到假日非常多人，提早少少黎，唔洗排咁耐

唉吔契爺契媽又出動搵好嘢食，由西營盤專登搭車出嚟九龍城，知道我都想試其中一間Cafe。所以就預埋我。咁啱我今朝又喺附近做義工，真係有諗過之後叫埋屋企人出嚟九龍城一齊食嘢再去公園玩㗎，不過俾契媽快咗一步 🤪好彩佢哋早啲去攞位咋，又係排晒隊，啲人好似我咁新屎坑。佢哋入咗去坐一陣間我就差唔多到，時間啱啱好😇環境係迫啲，又坐得唔舒服，又要自己出去order嘢食，張枱又細，我哋三個叫咗嘢食都放唔落（已經唔係叫每人一份）😵‍💫大家事先已經想試呢度嘅腐乳意粉，再加一樣我想試嘅法式西多士。因為佢哋已經諗好之後要再去食糖水，所以淨係叫咗呢兩樣嘢食。飲品方面因為佢哋唔飲咖啡，所以兩公婆share English breakfast Tea + oat milk , 其實我覺得咁樣嘅奶茶唔多好飲，不過你佢哋喜歡啦！ 用咗中式茶樓飲茶嘅杯，中西合璧因為茶膽唔夠濃，再加埋啲奶好似奶水咁，所以我覺得咁奶茶都係飲返茶餐廳茶檔嗰啲好啲😜咁就梗係帶返咖啡啦今次試咗佢嘅coconut espresso ☕️ dirty ! 其實只係加咗椰奶嘅dirty ，non 打卡able 😓其實佢出名應該係斑蘭咖啡，不過我又見佢賣相唔

行經九龍城就搜尋下有d 咩新既Cafe又或者係有特色既Cafe la一出左宋皇臺B2出口就見到本身以為佢清新既外表念住佢係d 日系日式既Cafe入到去見到有d 九龍城老招牌同鐵閘仲保留有一d 舊式既裝修elements再加上有少少磚牆外露既「設計」都頗有懷舊feel上網做左d research原來係前五金鋪黎落單嗌左All Day Breakfast - Big Brekkie $118款式比較普通無乜驚喜Scones with cream cheese & Blueberry Jam $48個scone 唔太甜亦都唔太乾嗌左杯Mocha 同Latte $38/$38都係Cafe 一般既水平

Outdoor張枱，真係可遇不可求，但今次坐到窗邊既L位都覺得幾好，主要分素/肉既All day breakfast, 其他都係輕食視覺滿足既享受，個碟裝到滿滿的🥰但腸就略為喊左DCappuccino with coconut milk,椰香唔算好重包面塗左小許油減底乾硬感，煙煙韌韌，而素cheese 微微帶喊，不過大塊小小就好勒原本想試下佢既班蘭咖啡，可惜只有凍飲（唔飲得凍野既日子真係麻煩）餐廳冇完全番新鋪內環境，仍保留當時既角樓，增添了一份天然既懷舊味

🍃南角 📺《九龍城》一入到去個黑面阿姐接應但冇乜禮貌 😅如果喺呢度去茶記都算 😅但呢度係cafe 態度可以好少少 如果唔係好趕客🍝忌廉腐乳醬北海道帶子闊條麵（$138）好失望🙍🏽食落完全唔夠腐乳味😅 忌廉味太多叫得呢個意粉就係想食濃濃嘅腐乳味可惜沒有 好彩帶子半生熟幾好食但嗰張有點失色 搞到個意粉冇咗靈魂 😀☕️斑斕咖啡（$54）Latte 加咗斑斕醬同埋一大溝椰子雪糕味道就一般般但係樣貌就好啱打卡🤣🍞藍莓果醬忌廉芝士酸種多士（$44）普通到冇嘢好講☺️整體來講唔知點解咁多好評啲 嘢食就真係好普通 見佢禮拜六日都要排長龍😅相信大家黎打過一次卡之後都唔會再回頭🤨

Cafe前身係好有歷史嘅五金舗 好欣賞呢啲活化歷史嘅cafe😌 我都排左大約20分鐘 不過佢上菜都幾快 所以客人都唔會食好耐🤔炒蛋、西班牙火腿、黑魚籽酸種多士($58)想輕食可以試下佢幾款酸種麵包 都幾足料架 舖滿哂炒蛋同西班牙火腿😋😋 配西班牙火腿真係唔錯 唔會太咸但又令味道豐富🤤🤤 而黑魚籽雖然唔係太重味 但係撈埋啲蛋一齊食又幾香🤗泰式冬蔭大蝦幼意麵 ($128)意粉真係好幼 所以可能男仔就未必食得飽啦🤔 冬蔭味唔重 應該係唔睇都唔記得我係食緊冬蔭公醬😅😅 淨係有辣味同啲肉碎😟 不過蝦都幾大隻而且爽脆彈牙 唔錯😋 班蘭椰啡 ($54)基本上每枱都會叫嘅飲品 真係幾特別😍 班蘭椰汁同咖啡都幾平均 有咖啡味同時有椰汁同班蘭香味😋😋仲有埋椰子雪糕 正😍😍