南山軒 (已結業)

星期五一班旧同事约出嚟吹水，揾到一间无限时的食店，虽然步行有dddd远，但唔难揾可以接受。老板热情，服务态度，食物好味！老板推介咗个饺子小棠菜，我哋以为饺子类，嚟到系一饼貌似墨鱼饼嘅食物，钟意食香口野应该觉得好食！其他款式都好味！会再去试其他菜式！…查看更多

不嬲都有行开山嘅习惯，但唔喺为打卡而行山，所以，路线都拣得好随意，有时，就算喺屋企附近行个短山都会。近依半年，多咗项活动，就喺跟啲老友踩单车，其实本身都钟意踩，只喺以往无乜伴一齐玩。早前，屯马线开通咗，老友就先去探路，隔多几星期后先一齐踩番转，由大埔出发，北上到上水再过打横过去元朗，到达元朗正好喺食晏时间，老友已计划好嚟「南山轩」:)。点解嚟呢度？因为够自由，夜晚嚟就会见人食小炒、私房菜，但日头嘅话，就同茶记无异，睇个格局你都见，所以，毫无拘束。而重点喺我哋啲单车喺可以推埋入去里面，就唔怕被人偷单车啦，所以，有唔少熟架步嘅单车客都会鼠入嚟食嘢。上面都讲过喺茶记格，所以，午市食物主要都喺啲碟头炒粉饭面。顺便就影埋佢哋嘅小菜餐牌，等有兴趣嘅朋友可以当个参考。例汤饭餐包汤、包热饮，先嚟个例汤，好就唔叫好，差亦唔喺差，都喺啲瓜瓜菜菜煲猪肉、猪骨，都喺啲粗粗哋大制作，味道不过不失𠮶种，叫做有啖汤入口。时菜猪润肉片汤饭 $50老友想食啲湿湿哋嘅嘢，所以，最正路就喺拣汤饭，啲汤饭好似啲大锅米线咁大碗，猪润多、肉片多，唔使讲，饭都好多。疫情仍在，大家各自食，味道就无问喺点，但见老友清晒成碗，应该差唔得去边。咖喱牛腩饭 $52另一位老友就拣咖喱，惹味吖嘛，同样，又喺𩠌多，饭更多，有成两碗饭。边食听友人赞个咖喱唔错，虽然喺港式咖喱，咖喱味有少少单薄，但啲牛腩大件又松化，加上好多蔬菜配料，整体嚟讲都OK。干炒牛肉面 $52干牛河就食得多，见有干牛面，又即管试吓，睇样炒得几香，食落个味道唔错，炒得够镬气、香口，啲面条有豉油皇炒面嘅感觉，牛肉亦好软腍，份量十足。唯一较大问题喺好油腻，睇外观「立立令」都觉得油油哋，食到尾碟底真喺泻剩一摊油。餐饮要奶茶，漏咗影，但都讲两句，呢度嘅奶茶OK啦，唔算滑，但茶底够香。「南山轩」虽然喺由村屋改造，但就唔喺卖环境，而食物多元化，又够晒大碟，绝对喺填肚之选，所以，当日都见唔少喺街坊客。但讲到食物质素，单以碟头饭嚟讲，叫做不过不失咁啦，但胜在可以摆单车，方便到我哋呢啲假日单车友。…查看更多

元朗食小菜之选🐒呢间南山轩份量都算几大，炸墨鱼饼好味，恰到好处，出面层粉浆唔会太厚，外脆内弹牙，加埋沙律酱或者泰色辣酱都好惹味☺️菜胆霸王鸡就不过不失，我都系钟意用小棠菜多d，鸡肉唔够滑，不过调味就唔错🐥至于炒大肠就一般，实在太咸，用黎配饭就好d，唔系就太重口味🤧…查看更多

呢间之前食过下午茶,今晚试吓小菜,份量大碟足料,小菜价钱经济。椒盐鲜鱿新鲜即炸,好有镬兼脆口,极力推介中式牛柳牛柳鲜嫩多汁,入口松化,送饭一流。鼓汁蒸鳝鳝肉加上浓浓豆椒香又不腥,唔错。蒜蓉炒芥兰芥兰爽脆清甜,蒜蓉味浓郁。…查看更多

真系食过返寻味！琴晚先嚟食晚饭，今日又嚟食晏昼！原来食lunch仲抵！$48咋！我哋三个大人两个细路嗌咗四个餐！每一日有七款俾你拣（星期日冇）。今日星期六系有：梅菜扣肉饭 $48凉瓜牛肉饭 $48菜脯肉碎炒蛋饭 $48沙姜鸡饭 $48抵到无人有！啲𩠌嘅味道又系100分！同埋你睇吓啲饭几大碟！好似唔驶钱咁！又有例汤送又有热饮送！冻饮都系加两蚊！呢四个𩠌除咗沙姜鸡比较「银」，其他食物真系100分！物超所值！！…查看更多