南山梳乎厘

是次深水埗揾食最后一站,嗜甜如我,都系食甜品-梳乎厘。佢地既梳乎厘都几多款式,我最后拣左酒心Oreo味,另外实在太热,所以叫左杯芒果沙冰。我落单个阵,职员话堂食即叫即整要等15-20分钟。佢地有几张櫈系铺头旁边,所以都可以堂食,可惜无冷气,得部风扇,聊胜于无。芒果沙冰首先送到,急不及待试一口,确实系冰凉,芒果味都几香,只系天气太热,好快就变左芒果汁😅等左20分钟左右,终于等到上菜,卖相十分吸引,而且都几足料。梳乎厘非常软熟,羹叉轻轻一吉就可以分开,搭配Oreo饼碎,令口感上多左重变化,不过就唔系好食到酒味🤔整体用餐体验都唔错,份量合适,味道足够甜,系用餐环境系后巷(算干净)同无冷气有啲可惜。酒心Oreo梳乎厘 $50芒果沙冰(细杯) $15…查看更多

一早系OpenRice 外卖自取落Order, 去到等左5分钟左右就有得攞啦。本身想系铺头旁边櫈食，天气太热都系入返对面老麦凉冷气。揾位坐低之后即刻食一啖先，嗯～系软绵绵既梳乎厘，而且不会太甜，香蕉味好出，一啖空气一啖老麦鸡翼，简直系享受下次再试吓其他味先…查看更多

呢间梳乎厘空气感超强，入口真心松软而湿润！味道上叫咗🍷Oreo Baileys（$50），有两大块梳乎厘班戟，价钱🆗 Baileys唔系直接淋上梳乎厘，做到味浓但唔会过湿😙蛋香味偏淡，食落好轻盈带酒香味，好快就会唔小心食晒🤣最紧要！店员十分之亲切好客，因为太热唔谂住喺小店𠮶度食（冇冷气🥵），店员就同我哋讲清楚，如果净系叫外卖，就唔系即叫即整！如果需要嘅话就要提出，要等大约10分钟👍🏻👍🏻整个体验好好，价钱又合理，绝对会回访😋…查看更多

南山梳乎厘 @souffle_namshan 📍：深水埗元州街1F号地舖🚗：深水埗地铁B2出口 步行6分钟📞：+852 6849-1428💲：~HKD50-60/head for dessertsFood quality✔️：焦糖咖啡、鲜打香蕉奶昔、焦糖花生👌🏼：开心果、鲜打芒果沙冰总结：😋南山比其他地区多好多小店 呢间南山梳乎厘就系其中一间 但佢实际不在南山🤣搬咗去深水埗𠮶边😋店舖细细 专做梳乎厘/甜品 但都好多款式 今次试咗焦糖咖啡☕️即叫即整 所以要等一阵😋店主叫我周围行先再返嚟 但由于附近实在无嘢行 所以行完一圈都系留喺舖头外等 得外卖🥡嘅原故 但外面都放咗几张凳可以堂食 不过夏日嚟食有点狼狈😋梳乎厘有两层 好澎派 空气感足食落好似食空气感 奶香味唔太浓 主要因为佢落嘅焦糖咖啡/焦糖花生太重 好食 但个人觉得再熟啲会更完美😎🤔近期开心果类甜品大热 呢度嘅开心果就试一次就够 唔够香都唔够浓 阵开心果味较淡😣🤔+$15有得换香蕉奶昔同芒果沙冰抵饮 前者出色好香好稠香蕉味 芒果🥭沙冰都唔错嘅🤔个人觉得小店员工比较亲切啲 见我哋犹豫紧叫咩都同我哋介绍 不过如果有得入舖堂食会更开心🥳😨要打卡嘅朋友可能会失望 因为冇环境可言 摆盘都只系外卖盒 但食物本身够靓仔😍😨冇咩耐性嘅朋友都唔太啱 因为要啲等待时间 但唔算太耐…查看更多

真系顶唔顺！今日专登去呢间「南山疏乎厘」朝圣，点知食到一肚火！ 叫咗个招牌疏乎厘，一啖队落去——黐线㗎！入面流到好似疍花汤咁，一pat pat湿漉漉嘅粉浆涌出嚟，腥腥哋嘅生疍味攻鼻，我即刻打冷震！大佬，你同我讲呢啲叫「熟」？街市买生鸡蛋都无咁流质呀！最激气系个老板面皮厚过城墙！我拎住碟「生疍糊」客气问：「老板，好似未熟㖞？」佢眼尾都唔扫下，仲要懒专业咁 「死鸡撑饭盖」：「系咁㗎！我哋特色系流心㗎！」 流你个心啊流！流心系朱古力熔啊，唔系生粉浆啰！仲要串串贡补多句：「你唔识食遮！」听到真系火都嚟🔥我食疏乎厘多过你食米啦！ 💣 致命三宗罪：1️⃣ 食物安全零分：生疍高危啊！沙门氏菌中咗点算？睇见碟「水汪汪」都知大镬，食两啖直接放弃，惊肚疴到脱肛！ 2️⃣ 态度差过差人查牌：明明失手仲要 「死狗唔认输」，当客系白痴？收50蚊俾堆生粉浆人，仲够胆教人食嘢？ 3️⃣ 价钱抢劫级：一旧水食个「实验失败品」，不如我去超市买盒鸡蛋自己撞墙仲实际！ 💥 总结：伏已中！呢间嘢绝对系「疍散人亡」代言人！唔单止味蕾受虐，仲要受气。老板坚持「生疍糊」系艺术，建议挂去艺术馆展览，唔好开餐厅害人！ 温馨提示：想挑战肠胃抵抗力／享受被当水鱼㓥嘅快感？欢迎去试！正常人请速逃！👋 …查看更多