半日遊 (已結業)

之前喺观塘试左一间楼上的cafe（想知道可以去睇我另一篇食评），野食野饮好好，而且棋嘅种类多，价钱又唔洗$100蚊，真系物超所值。咁今晚本身就谂住再去多次𠮶间餐厅嘅，但去到先发觉俾人包左场（咁抵的餐厅俾人包场又真系好正常...），所以我地睇完Openrice，胆粗粗揾左哩一间黎试吓。我谂有几十个好评，得1个负皮，应该都唔会差得去边(我冇仔细睇comment)？但去完发觉，哩一个真系恶梦嘅开始....入场费首2小时一位$40，之后$15 per hour入到去，得一枱客，我同女朋友内心都已经有Ｄ惊。一望个menu，大获。第一，可能系我份人少去cafe，一般黎讲餐厅都可能会收最低消费，但佢原来会加收入场费，首2小时$40一位，其后$15 per hour...重点唔系哩度，系佢Ｄ主食已经系$120蚊起标...不过你睇埋落去，就知道哩个绝对唔止系价钱问题...环境＋服务 = 差！服务呢，男侍应都叫做礼礼貌貌，但个女侍应块面就基本上都系一路向西，完全系粗声粗气，叫又唔应，挂住玩猫...只猫跑黎跑去，差Ｄ掂到Ｄ野食，衞生好唔好真系见人见智。好在之后个男侍应醒D，会将只猫放返落黎...另外间餐厅的通风系超级差，超大油烟，你叫人点放心留喺度继续捉棋？白日之舞 (白桃特饮)我地叫左杯白日之舞 (白桃特饮)share，哗...难饮到，化学味道嘅尽头，我真系觉得７仔10几蚊一枝的白桃汁更胜一筹...而且杯野饮系劲多冰，饮几啖已经去到杯嘅尽头，超级失望。软骨棒饺子跟住一直等左20分钟先有下一份野食，就系软骨棒饺子。我听到佢炸得超劲𠮶阵已经心谂会出事，果然，一食就知。脆到唔知自己食紧Ｄ乜，好似以前去茶楼，食柴鱼花生粥𠮶Ｄ脆脆咁。你谂下wo，你系叫左饺子，唔系叫脆脆。味道？咪又系得个炸粉味lo..青酱唐扬炸鸡意粉重点!!!再等多左20分钟，佢个青酱唐扬炸鸡意粉终于黎（真系全场冇人都整咁耐，食风都食饱了，一肚气！）我一食，大获，旧炸鸡入面冻架！炸野系冻嘅，我谂我做左咁多年人，真系第一次见。我叫侍应黎换个碟，佢地都好似唔系好想咁，又feel唔到佢地的歉意!!最离谱系乜？系佢就咁夹走Ｄ炸鸡，叫我地食住个意粉先！！有冇搞错！？之后Ｄ鸡系上返俾我地，Ｄ意粉已经冻哂！！！即系keep到冷冻食物嘅水平！！！其实已经过左１个星期有多，打返食评时重系一肚气，返到屋企个肚都唔太舒服，唔知关唔关事。我觉得已经唔系「我唔会再黎」，系要话俾朋友同各位openricers听，「冇得拣都唔好黎」！…查看更多

几年冇写过食评，冇谂过会因为太唔满意一间餐厅而写返。一行六人，book 左位，所以唔洗等。入左去有几多board games同Switch，个人都唔多人所以可以玩。晚餐有set，不过唔太吸引所以我地都系散嗌。嗌左３个南瓜奶油酱带子意粉，点知佢话冇南瓜酱，所以变左白酒汁忌廉蟹肉意粉。３个朋友嘅comments: 好干好干好干。我嗌左个樱花虾炭烧鸡肉沙律，谂住一定安全，点知... 菜系新鲜，不过我唔知个啲系乜鸡啰，麦乐鸡？我地叫侍应过来，问有冇搅错，佢话冇，真系鸡。食落都唔系鸡，唔知咩肉。个汁可能系照烧汁，好多，咸到飞起，食到我完全食唔落，加左去个干到喊意粉俾佢地捞埋食。人生暂时食过咁多沙律，呢个可以话系最难食。环境方面，油烟好大，我对眼成晚都好唔舒服。走左之后全身由头发到脚趾都系油烟味，洗几次都仲有。呢个地方真系好差，我明白Cafe质素比餐厅低可能可以理解，不过呢间野俾钱我都唔会再去。…查看更多

假日同朋友上黎楼上cafe玩下broad game同打下机食下野。呢间cafe收费几抵，每人食满$100就唔洗计钟钱，就算计钟钱都好平。装修都唔错既，唔会话好grand，普普通通既装修，但望落都舒服既。不过呢，野食就真系麻麻了，d意粉无咩味，就得个炸鱼排薯条沙律比较好，其他都不敢恭维。…查看更多

去开观塘嘅工厂大厦买嘢外面又辣辣立即刻揾个地方坐下同朋友一边倾吓计一边玩下boad game有好多款唔同嘅游戏可以玩店主主动好好咁样教我地点样玩讲下嘢食先叫咗个all day breakfast入边有黑松露蛋 、秀珍菇、炸鱼、沙律同多士啲蛋好滑又有黑松露味秀珍菇有𠮶啲甜豉油去整甜甜地好开胃鱼柳炸得香脆食下啲沙律freash下仲有多士另外叫咗个黑松露炸薯条全部都即叫即整好热一边玩game，唔觉意食晒好多 卡邦尼蘑菇烟肉意粉好cream 意粉份量好多而且好足料呢度啲嘢食唔似平时嘅Cafe喺呢度系有啖好食嘅我一个好似屋企客厅嘅角落可以俾我哋喺度打机同埋休息下因为两个女仔唔系太好打机所以我哋就冇玩啦仲可以玩通宵添下次同朋友再来同呢度嘅装饰都见到店主 好钟意比卡超㗎…查看更多

观塘一向工厦林立，里面乜都有得玩，有啲更加系估佢唔到～不过一大堆frd约食饭，其实都系要求简简单单，坐得耐、野食ok、可以嘈少少嘅地方，所以今次嚟咗半日游呢度！位置好方便，地铁站附近。如果有恒耀桌游嘅VIP，会送日式炸饺子🥟入到去虽然见到地方唔大，但系布置有种家嘅感觉～而且都坐得舒服😌有好多动漫小摆设我哋见到冇太多熟悉嘅board game，所以就学下新game点玩，都几易上手，例如倒数五秒、冰上企鹅🐧等等之后肚饿就叫野食我试嘅系呢一碟白酒蚬肉意粉。先讲外观，非常不俗，金黄色意粉搭配粒粒新鲜蚬肉，再加上柠檬和芫茜装饰，不禁令人想起临近的夏天。 然后气味清新，芬芳的酒香和柠檬令人有清新既感觉。当然最重要还是味道，新鲜既蚬肉自然带有海水的盐味，不用太多调味料，再加上白酒做为医汁，已经鲜味十足又醒胃，不会太浓或咸，如果认为味道太浓，可以用柠檬汁的酸味中和一下，整体来说搭配不错，是一道值得一试的菜式。痴咗几啖朋友叫嘅肉酱意粉，好似大碟啲，抵食啲，而且几够味我地六点嚟到，十一点先走，唔经唔觉就留咗5个钟，快乐不知时日过～…查看更多