半斤餃子

营业中

休息中

呢間<半斤餃子>的餃子真係同店內宣傳一樣~~~ 用好料包出美味餃今次叫咗兩款煎餃，分別係野菌雞肉煎餃同白菜豬肉煎餃。兩款煎餃外皮香脆，內餡鮮嫩多汁。野菌雞肉煎餃帶有獨特嘅菌香味道，十分鮮美；而白菜豬肉煎餃則肉質多汁，味道非常出色 🥟🍗🥢。煎餃仲會配上一碗野生菌螺肉雞湯，湯底鮮甜，充滿咗野生菌同螺肉嘅香味，營養豐富，非常滋潤 小食選咗風味皮蛋同口水雞。風味皮蛋嘅口感綿密，味道獨特；而口水雞嘅肉質鮮嫩，香麻味十足，絕對係唔錯嘅選擇 🍗🐣。另外，我哋仲叫咗上海麵，麵條滑嫩有咬勁，配上濃郁嘅湯底，真係令人滿足 🍜。仲有免費豆漿，正 🥤。

特登入嚟元朗買新年花，朋友開咗間買蘭花店。先搵嘢食食午餐，十二點入座都非常多客人。QR code自助落單，非常平實絕不華麗但係價錢公道。中午叫咗兩個餐，韭菜豬肉餃雙拼粟米豬肉餃（10 隻）北京酸辣湯,淮山麵$62成個餐好豐富，北京酸辣湯非常暖身而且好多材料喺入面，木耳絲，冬菇絲，蛋花，酸酸辣辣好開胃。餃子一咬開啲肉汁爆曬出嚟，非常真材實料。另外叫咗全家福水餃十款水餃各一隻十隻,轉咗做煎餃,野生菌螺肉雞湯$74蚊餃子非常有驚喜，而且個雞湯好濃，好好飲。仲有雞絲粉皮，餃子更為出色，都可以一食。熟客真係好食就會返轉頭，呢間餃子好掂。

半斤餃子 (元朗)元朗教育路54-60號順發大樓地下D&P號舖凉拌海蜇皮呢個凉拌海蜇皮，清爽彈牙，仲帶有微微嘅酸辣味，每一口都係刺激味蕾嘅享受，簡直係開胃神器！麻醬濃郁嘅麻醬，香氣撲鼻，無論淋喺任何嘢上都即刻提升味道層次，絕對係調味界嘅王者！招牌海膽鮮肉餃（10隻）必需轉煎餃🥟呢個海膽鮮肉餃真係一口爆汁，外皮香脆，內裡鮮美，每一口都係極致嘅奢華享受。再配上野生菌螺肉雞湯，湯底鮮甜濃郁，真係無得頂。爆汁牛肉餃（10隻）必需轉煎餃🥟，每一口都係濃郁嘅牛肉汁流出，口感豐富，味道係非一般嘅牛肉餃。

在元朗上完堂已經下午4點，和朋友在附近發現呢間餃子店，空間寬敞，環境都好乾淨，正岩我心水。QR code點餐的時候，餐廳侍應呈上豆槳，店員表示是免費送的。我比較貪心，叫了全家福水餃，一碗湯和一碟烚水餃分開上，水餃總共十隻不同的味道，好似開盲盒咁，等到食先知什麼味道，很過癮有驚喜。朋友是羊肉腔，叫了羊肉水餃配北京酸辣湯麵，都幾大碗，有四粒水餃，水餃醬汁爆滿充滿羊肉鮮味，非常惹味。想食拍青瓜，想食雲耳又想食豆腐，呢一碟青瓜雲耳硬豆腐就一次過滿足三個願望。硬豆腐嘅口感和質地好特別。夫妻肺片牛肚絲和牛展，辣辣地酸酸哋好開胃。上面鋪上一層青瓜絲，清新爽口。配合自家制辣辣油和辣菜甫，更加惹味。

元朗呢間新開嘅"半斤餃子" 餃子款式多樣，每一款都充滿獨特風味。口水雞🌶️呢度嘅口水雞因唔同辣度可以揀，配上特製嘅麻辣醬汁，每一口都帶有濃郁嘅香味同麻辣刺激。蒜泥白肉🥓蒜泥白肉同樣都有唔同辣度可以揀，薄切嘅豬肉片淋上香濃嘅蒜泥醬，再加上微微麻辣味，香辣可口。韭菜豬肉鮮蝦餃（10隻）配野生菌螺肉雞湯🥟🍲韭菜豬肉鮮蝦餃餡料豐富，有韭菜、豬肉同鮮蝦，口感豐富。配上一碗湯底濃郁嘅野生菌螺肉雞湯，令整體味道更突出。經典芹菜豬肉餃（10隻）配野生菌螺肉雞湯* 🥟🍲芹菜嘅清香同豬肉嘅鮮美相得益彰，餡料豐富，味道同樣唔錯！依家堂食仲可以每人免費享用一杯熱豆漿，暖胃暖心！

裝修時經過，後來都經過好多次都未曾入去食。今日又經過終於決定一試，嗌咗個全家福水餃$68/10只，原來送凍豆漿喔！當我咬第一啖餃子時 ，發覺好juicy 好鮮味！食到停唔到落來🤣好快清碟，湯係野生菌螺肉鷄湯，鮮甜濃郁，飲晒！

今日放假陪媽媽去吃晚飯，媽媽話想食餃子，我們揀了半斤餃子餐館。餐廳內部裝潢簡潔舒適，讓人感到放鬆。這裡的餃子選擇多，令人眼花繚亂，每款都想試好難選擇。最後決定點了全家福水餃，共有10款不同口味的水餃。我特別喜歡韭菜豬肉鮮蝦餃、牛肉餃和野生菌雞肉餃，無論是全統味道還是創新味道，均能帶出驚喜。每一種餡料都十分新鮮，口感豐富，令人回味無窮。野生菌螺肉雞湯，湯底鮮甜，菌菇和螺肉非常搭配。雞絲粉皮，雞絲搭配粉皮，很清爽。口水雞（bb辣），辣度適中，很惹味。古法酸梅汁，酸甜適中，非常解渴。半斤餃子餐館的餃子美味出色，下次定會再來品嚐更多美食。

落咗幾日雨終於都好天，又係時候出去搵食，見到呢間新開嘅餃子舖，餃子有好多選擇，一於入黎試下。餃子可以雙拼，湯底亦有兩款揀，每枱都有自製菜脯，鍾意食幾多就幾多。野生菌雞肉餃 + 玉米豬肉餃 :餃子皮夠薄，內裡餡料充足。雞肉餃子唔係好常見，軟熟嘅雞肉配上爽口嘅野生菌，比起豬肉餃子較清新；而玉米餃除咗粟米同豬肉外，仲有紅蘿蔔，味道鮮甜；兩者各有特色。野生菌螺肉雞湯好足料，味道非常清甜，無論配餃子或就咁飲都一流。口水雞 :可以揀辣度，份量都幾多，入口雞肉嫩滑，小辣唔會太辣相當惹味，配埋花生粒，真係食到停唔到口。新張期內送豆漿，豆味香濃，味道唔太甜，都幾好味。

自從去完國內北方旅行🐫便念念不忘北方的餃子和羊肉，今日路經元朗教育路品嚐懷念一下🥢🍜羊肉餃湯面很驚喜，羊肉沒有騷味，配上秘製辣菜脯，很惹味豬骨湯更是讓人回味無窮🥟煎紫菜豬肉餃的餡料鮮美，皮不算薄但餡多，拼韭菜豬肉餃，韭菜的清香與豬肉的鮮美相得益彰🥢麻辣豬耳的小辣選擇，太有口感，還有青瓜絲🐮香辣牛展的小辣口味鮮明，肉質滑嫩，散發香料的風味🍲野生菌螺肉雞湯則是一碗滋補的湯品，湯料十足，有蟲草花，香噴噴🌟大滿足🌟入座便送上熱熱的豆漿，太窩心

今日我去咗一間元朗嘅餃子店，呢間店以餃子聞名，我點咗芹菜韭菜雙拼餃子同埋涼拌牛柏葉，跟住就來分享下。芹菜韭菜雙拼餃子芹菜韭菜雙拼餃子。呢個餃子嘅皮薄而內餡主要以新鮮嘅芹菜同韭菜為主，味道清新，唔會過於油膩。韭菜嘅香氣同芹菜嘅脆口感相得益彰，整體味道相當清爽，非常適合喜歡素食嘅朋友。呢個餃子唔單止味道好，仲帶有一種自然嘅清香，令人食得唔膩。涼拌牛柏葉涼拌牛柏葉好驚喜。牛柏葉新鮮，切得薄薄嘅，醃製得恰到好處，香辣之中帶有一絲酸味，入口即化，配上少量嘅香菜同蒜蓉，味道更加豐富。呢道菜作為開胃小菜，真係非常合適，令我食得更加開心。總結總括來講，今次嘅用餐體驗非常愉快。新開張仲送豆漿🤭佢地既餃子嘅質素高，口味多樣，無論係肉餡定係素餡都各有特色，令人食得唔停口。而涼拌牛柏葉亦為整頓餐增添咗不少風味。店內環境舒適，服務態度友善，絕對值得再來。我會推介俾鍾意食餃子嘅朋友，特別係想試下新口味嘅話，呢間店真係唔可以錯過！

真係好耐冇食過餃子，呢間餃子都幾多選擇！我就叫左牛肉水餃湯麵同埋雙拼煎餃，雙拼餃揀左野生菌同翠肉瓜！牛肉水餃好juicy, 一咬就有肉汁流出！而野生菌同翠肉瓜餃餡料都好飽滿！粒粒都好滿足！ 雙拼煎餃可配野生菌螺肉雞湯或北京酸辣湯，野生菌螺肉雞湯真係冇得頂，好足料而味道濃郁！另外都叫左2款小食，分別係涼拌皮蛋同涼伴海蜇頭！個皮蛋係溏心，好軟好滑，個醬汁辣辣地，越食越想食！涼伴海蜇頭口感爽脆，好開胃！而且一坐低就有豆漿飲，豆味香又唔太甜，整體唔錯

以多樣化餃子選擇著名的半斤餃子，位於元朗教育路，餐廳環境溫馨，簡約佈置營造出舒適用餐氛圍～🥢酸菜豬肉餃酸菜豬肉餃皮薄餡多，酸菜的微酸搭配豬肉的鮮嫩，口感豐富。而且酸菜的清新提升了整體的味道，令人食指大動。🥢芹菜豬肉餃芹菜豬肉餃的芹菜香氣十足，與豬肉的鮮美完美結合，餡料份量十足，咬下去時滿滿的芹菜香氣在口中散開，爽脆可口。🥢野生菌雞肉餃野生菌雞肉餃的餡料別具一格，野生菌的獨特香氣與嫩滑的雞肉相得益彰，帶來清新感。🥢翠肉瓜蝦皮餃這款餃子以翠肉瓜和蝦皮為主，口感清爽，翠肉瓜的甜味與蝦皮的鮮味交融。🥢野生菌螺肉雞湯螺肉雞湯清澈見底，湯底鮮甜，野生菌和螺肉的鮮味完美地融入湯中。🥢全家福水餃全家福水餃提供十款不同口味的餃子，每一款都各有特色。從經典的酸菜豬肉到特色的八爪魚餃，口感層次豐富，無論是傳統口味還是創新口感，均能帶來驚喜，讓人一次過滿足多種味蕾的需求，絕對是餃子愛好者的天堂，值得一再光顧～🥢夫妻肺片夫妻肺片選料講究，調味辛香麻辣，牛肉和牛肚的口感細膩，辛辣刺激卻不掩蓋食材的本味，令人回味無窮。🥢風味皮蛋風味皮蛋入口綿密，佐以特製醬汁，提升了皮蛋香氣，滑嫩口感好出色。半斤餃子地址：元朗教育路

呢間餃子店既選擇非常豐富，可選湯餃或煎餃。我選擇了野生菌螺肉雞湯搭配全家福水餃，湯底清爽無味精，十分健康，讓餃子的味道更加突顯。全家福水餃包含了多種口味，京蔥羊肉餃，紫菜豬肉餃，韭菜豬肉餃，美味香菜豬肉餃，粟米豬肉餃，野生菌雞肉餃，牛肉水餃，特色八爪魚餃，酸菜豬肉餃，翠肉瓜蝦皮餃，無論是京蔥羊肉餃的香濃，還是酸菜豬肉餃的酸爽，都令人滿意。特別推薦特色八爪魚餃，口感Q彈，餡料鮮美。雙併餃子也是不容錯過的選擇，讓你可以一次享受不同口味的餃子。涼拌海蜇皮和麻醬青瓜則為整個餐點增添了清爽的口感。最後，附送的豆漿更是為這頓美味的水餃盛宴劃上完美的句號

見元朗谷好多谷友介紹半斤餃子，自己本身又係餃子控，是晚便同朋友嚟試試😋晚上八點多嚟到，有好幾枱客都食緊餃子，各款口味都多人叫，揀下食咩先。⭐酸菜豬肉餃湯麵自己點咗酸菜豬肉餃湯麵，湯底要咗北京酸辣湯，再轉咗做玉米麵。賣相唔錯呀，一大碗湯麵再加四隻餃子😋呢款酸菜餃子口味嘅新款，酸酸地又幾好食喎，有驚喜。玉米麵好滑好彈牙，麵條下得多，一碗其實都好飽㗎。⭐韭菜豬肉餃湯麵朋友就揀咗韭菜豬肉餃要米線，同樣係北京酸辣湯湯底。韭菜豬肉呢款經典組合味道一定唔會差，入口就喺濃濃嘅韭菜味👍⭐芹菜豬肉餃拼香菜豬肉餃店舖有成11款餃子口味，一次過梗係要試多幾款啦，除咗湯麵，另外仲叫咗芹菜拼香菜豬肉餃，兩款都係重口味嘅配搭。個人覺得芹菜較香口，香菜餃嘅芫茜唔夠多，作為一個芫茜控，我覺得餃子入面嘅芫茜可以加倍😆⭐玉米豬肉餃拼紫菜豬肉餃另外仲叫咗清淡啲嘅玉米同紫菜豬肉餃，粟米甜甜地幾好食喎，紫菜本身淡味，食落驚喜不大，但一絲絲嘅口感唔錯😋⭐豆漿新張期內入坐就送豆漿，甜甜地都幾好飲㗎。高估自己實力😂20隻餃子再加兩碗餃子麵真係好飽呀，勁滿足喎。

教育路新開了這間餃子店，當然要試一試😁一坐低，店員先送每人一杯豆漿，讚👏🏻👏🏻我和朋友都不想食粉麵，只想吃餃子和小食。🌟A11招牌海膽鮮肉餃（$78/10）呢個口味其他地方未見過當然要試下，又的確有啲海膽鮮味😋這個我們叫了湯餃，配野生菌螺肉雞湯，個湯都有幾好飲。另外有辣嘅菜甫，惹味😎🌟A1酸菜豬肉餃併韭菜豬肉餃($58/10)難得可以雙拼，同樣價錢唔使補錢，就選了傳統嘅韭菜餃，另外酸菜豬肉餃好少見，店員話不是廣東酸菜，我覺得又幾好食，呢個價錢亦好抵👍🏻煎餃好脆，當然要點醋吃😁🌟雞絲粉皮（$38）粉皮好滑啊🥰🌟蒜泥雲耳（$24）酸辣爽脆好開胃😍‼️特別想讚：無論哪一款口味嘅餃子，皮都好薄🩷🩷🩷其實好想試佢嘅八爪魚餃，可惜暫停😅下次再看看