影片
荃湾公司附近食过半岛宴会厅，最近经过凤琴街，原来阿翁火锅馆已经开到元朗啦！半岛渔港宴会厅，招牌菜有中式火锅锅，还有日式料理。以无限时任饮任食为卖点，加上高质食材和多款特色锅底，让人食指大动。这次体验尤其令人惊艳的是其高质牛肉、新鲜海鲜，以及无限量供应的啤酒汽水，绝对值回票价。餐厅装修简约大方，空间宽敞明亮，座位舒适，给人轻松愉快的用餐氛围。自助食品吧摆放整齐，数十款蔬菜和丸饺类一目了然，方便顾客自由选择。无限时任饮任食星期一至四 成人 / 每位 $268重庆辣鸡锅新玩法：无限添食！这次尝试了店家的「重庆辣鸡锅」，麻辣鲜香，鸡肉嫩滑入味，非常开胃。啤酒汽水任饮环球海鲜盘生蚝、元贝、海虾、墨鱼、青口、龙趸片首先，不得不提的是每位一份的「环球海鲜盘」。店家每天提供6-8款时令海鲜，种类丰富，新鲜度十足。这次品尝到的生蚝肥美饱满，入口鲜甜，毫无腥味；元贝肉质弹牙，鲜味浓郁；海虾新鲜爽口，虾味十足；墨鱼Q弹有嚼劲；青口肥美多汁；龙趸片嫩滑鲜美。每一款海鲜都经过精心挑选，品质上乘，滚得过瘾。刺身拼盘三文鱼、日本鱿鱼、带子、甜虾刺身拼盘同样令人惊喜。三文鱼油脂丰富，入口即化；日本鱿鱼爽脆弹牙；带子鲜甜嫩滑；甜虾鲜甜可口。刺身新鲜度高，口感极佳。阿翁极级牛颈脊牛颈脊油花分布均匀，肉质细嫩，入口即化，牛肉味浓郁。放入锅中轻涮几下，享受牛肉的鲜嫩多汁，回味无穷。至尊水饺皇大粒如乒乓波的至尊水饺皇，皮薄馅大，馅料丰富，味道鲜美。鸡蓉烩燕窝鸡蓉烩燕窝口感细腻，味道清甜，具有滋补养颜的功效。任食多款配料美国雪花肥牛鳝片四宝丸鲜虾滑食材高质好味！美国雪花肥牛同样表现出色，油花丰富，肉质软嫩，入口香气四溢。除了牛肉和海鲜，其他配料也毫不逊色。鳝片新鲜爽脆，口感极佳；四宝丸Q弹有嚼劲，味道丰富；鲜虾滑鲜甜弹牙，虾味浓郁。自助食品吧自取数十款，蔬菜及丸饺类最后，当然不能错过自助食品吧，多款蔬菜种类丰富，特色小食味道鲜美，配料选择多，让人大饱口福。20:00 后入座有8折优惠！人气较旺，建议提前预订。
继续阅读
黎到元朗可能会去食B仔，但系食B仔之前食左正餐先，去左之前打过边炉既半岛渔港宴会厅，新装修入去感觉就系唔同啲，俾人一种好舒服嘅感觉。我同朋友坐低咗，睇一睇个餐牌酒店咗四样小菜，第一样系菠萝脆皮咕噜肉，第二样系沙嗲金菇粉丝肥牛煲，第三样系豆豉鲮鱼炒油麦菜，第四样系加一蚊换极品BB猪。我觉得两个人食四道𩠌系好足够，我哋仲食唔晒添。讲一讲个BB猪，会睇你有几多人？二人份量每人有三至四块BB猪，乳猪个皮烧得好脆，肉质软加滑，味道不错👍🏻。要赞一赞菠萝咕噜肉，佢嘅份量好多，菠萝系分开上，会影响咗咕噜肉嘅味道。最后要讲一讲金菇肥牛，$148呢个价钱嚟讲，一大煲金菇肥牛，喺大排档都食唔到，肥牛嘅份量真系好好多，厨师刻意调淡个味道，食落唔会太咸，香港人嘅口味。其实食好嘢唔使专登返大陆，搭车返大陆嘅时间同金钱，留返喺香港食嘢以对等返。你们经开元朗，系半岛渔港试一试佢哋嘅菜式。
继续阅读
身为元朗街坊，今次真心想推爆呢间新开粤式酒楼！晚市$1特价菜多到拣唔晒，仲要服务贴心到喊，即刻同大家分享实战食评👇 📍位置环境位于凤琴路（凤琴体育馆对面），门面光猛阔落，装修走传统中式风格但够新净。星期六晚6点到埗已坐满七成，建议一家大细早少少去霸位！ 👶🏻家庭友善度• 主动提供消毒BB椅• 上菜神速！落单10分钟内开始出菜 • 见到我个仔打泻水杯，3秒冲嚟帮手抹 💰1优惠攻略每日晚市5:30后供应8款特价菜，今次试咗👇 🔥蒜蓉粉丝蒸元贝 ($1/只)每枱限点4只（按人头计），元贝大过乒乓球🏓！肉质弹牙鲜甜，粉丝索晒蒜香同海鲜汁，老公丧队两碗白饭送佢～ 仲有$1烧鹅/文昌鸡，建议组队嚟扫Menu！ 🍲菜品实测✅柚子蜜香骨 惊喜之作！排骨炸皮超脆但肉质软嫩，柚子蜜甜酸比例完美，连80岁阿婆都咬得开～ ✅银杏竹笙浸时蔬 菜心苗+竹笙+银杏，汤底用鸡汤熬超鲜甜，细路饮到见底！ 北菇红烧豆腐豆腐滑溜但稍嫌淡口，建议捞元贝蒜蓉汁食即时升呢～ 📦份量警报4大1小叫4个𩠌+白饭，最后打包两盒走！每个菜都系XXL码，人均$120有找抵到笑～ 💡隐藏贴士1. 晚市5:45前到免排队 2. 暗测发现叫火锅送刺身拼盘+海鲜+手切牛！(下次试伏) 总结：喺百物腾贵嘅香港，$1食到高质海鲜真心感动！已bookmark做家庭饭堂，各位识食一定要趁未排长龙去试～
继续阅读
是日在元朗与友好吃晚餐吃中餐，好快就安排好座位。餐厅好新净，装修都好新。鱼缸有大量生猛海鲜，大大只蟹大大条龙趸。仲有挂晒一只只鹅等待整烧鹅。$1之选点左烧鹅皇，丰料老火靓汤系粉葛赤小豆煲猪肉鲮鱼，孖宝（上汤西澳洲龙虾伊面+清蒸沙巴龙趸仔）,金沙海生虾，柚子蜜香骨乃是日之选。烧鹅皇：有一枝蜡烛热住，保持著烧鹅温度。烧鹅皮脆肉嫩,仲有烧鹅脾烧鹅唔会太肥又有鹅香。个份量真系唔系$1咁,物超所值。加支朝日食烧鹅更加爽皮。粉葛赤小豆煲猪肉鲮鱼汤：粉葛赤小豆，汤水清润赤小豆又去湿好适合依家天气饮，每人分到三碗。仲要好足料,成碟可以食埋。上汤西澳洲龙虾伊面：龙虾肉爽口弹牙,啖啖肉有口感,个份量都算唔细。伊面软硬适中,吸收了龙虾鲜味加上上汤更加好味道。清蒸沙巴龙趸仔：都唔算细条,鱼肉鲜嫩有鱼味,蒸起来时间刚刚好,唔会过火。金沙海生虾：海虾肥美,外壳也香口,真系可以连壳都食埋。柚子蜜香骨：柚子蜜既甜紧紧锁在香骨之上,肉质都好好。仲有送甜品红豆沙，一人一碗大大碗红豆沙。
继续阅读
今日同朋友约好到元朗半岛渔港宴会厅食晚饭。今日去到叫寿尾饮住茶睇下食咩野。结果选了丰料老火靓汤，柚子蜜香骨，金沙海生虾，必食孖宝上汤西澳洲龙虾伊面加清蒸沙巴龙趸仔仲有$1烧鹅皇。丰料老火靓汤-粉葛赤小豆煲猪肉鲮鱼够晒浓味，非常好味道连汤渣都食埋 。柚子蜜香骨-甜甜地，骨够晒入味,份量都大碟抵食。金沙海生虾-个壳都好香口，虾肉肉质好好爽口弹牙。虾味浓够鲜味。上汤西澳洲龙虾伊面-龙虾口感好肉质好，伊面同龙虾真系几夹。清蒸沙巴龙趸仔-沙巴龙趸仔都唔算仔都好大条，鱼肉够滑蒸得时间岩岩好。烧鹅皇：$1真系抵食夹大件仲要有埋烧鹅脾简直超值仲有系好味道，皮脆肉嫩。加埋枝朝日啤酒去食烧鹅简直一流。食饱仲有红豆沙送，味道唔会太甜岩岩好。
继续阅读