千海水產海鮮火鍋放題

营业中

休息中

終於都試到人氣爆棚嘅千海水產餐廳地方好大，即撈海鮮區無限量供應😍火鍋配料區、熟食區、甜品區、飲品區，選擇夠多亦都refill得好快🌊海鮮即撈海鮮區款式多🦞有鮑魚、貴妃蚌、三點蟹🦀美國蜆、沙白、花螺、基圍蝦🦐大頭蝦、九節蝦等等，揀好就交俾店員，店員會俾個號碼牌你，等專人清洗完去攞返就可以😆海鮮好新鮮，放落火鍋仲不停扎扎跳，貴妃蚌爽口彈牙、鮑魚肉質彈牙、大頭蝦夠哂多膏🍲火鍋湯底我地揀左湯底清甜椰子雞湯🐓鮮嫩嘅雞肉加上天然椰子水🥥味道清香鮮甜。🔥火鍋配料🥩肉類：澳洲M5和牛當然係必試，輕焯幾秒就食得，肉質嫩滑，牛味香濃🐮另外仲有香濃惹味花雕酒鷄翼🐓香滑美國牛肩胛片、軟嫩美國豬梅肉片🐷唔羶嘅澳洲羊肉🐑🥬蔬菜：蔬菜都有唔少選擇，除咗普通嘅蔬菜，仲有豆苗、羽衣甘藍、粟米🌽各種菇類🍄🐟其他配料：即炸午餐肉、鬆脆響鈴、炸魚皮當然係必食🤣仲有海參、藤椒魚皮、水魷魚、生蠔🦪脆脘魚片、墨魚、田雞腳、花膠、魚肚、沙鯭魚、鵝腸等等🥢熱食熱食選擇同樣多，必點鵝肝多士、香脆多士加埋肥美鵝肝🪿好食到每人叫左幾件😍王牌燒乳鴿王、芝麻雞翼、鹽燒牛舌、燒香草羊鞍、西京燒比目魚都同樣出色。甜品仲有海燕窩椰汁燉木瓜、爆漿糍粑，

今次去咗荃灣廣場最近勁hit嘅千海水產海鮮火鍋放題，真係食到飽到！🤤首先，餐廳位置夠大，座位之間距離都幾舒適，完全唔會覺得擠迫。👍 食材方面，真係新鮮到爆，最正係有自助撈海鮮區，有鮑魚、蝦、蟹、貝類等多款新鮮海鮮選擇，職員仲不停補貨，任撈任食，超方便！撈完仲可以交俾專人幫我哋清洗，啲海鮮真係鮮甜到不得了！🦐🦑除咗自助區，仲有多款蔬菜、粉麵、丸類任拎，肉類、炸物、燒物呢啲就用 QR code 落單，真係咩都有得食，選擇超多。🍖🍤另外，自助區仲有飲品、甜品、生果同雪糕任拎，選擇多到你眼花繚亂，而且味道都好好！🍦🍰整體嚟講，千海水產海鮮火鍋放題真係值得一試，下次一定會再嚟！😋

-一知有呢間自助撈海鮮任食邊爐已經勁期待!!! 作為海鮮控既我❤️大癲🤩大家真係要去一試 因為成個體驗係好好今次真係唔洗番大陸食 留港都做到個種feel😝 仲可以省埋車💰同北上既時間!!今次同男朋友去 可以簡2/3小時任食 冇諗過夜晚8點半呢場都仲係咁多人😏同埋一入場真係比佢個巨型海鮮池驚喜到🥳有勁多唔同品種嘅蟹🦀、蝦🦐、鮑魚🐚、蜆等等~~另外全部都非常新鮮 見到店員keep住補 完全唔怕個池會空空如也😆當您自己簡好海鮮之後可以成筒拎俾店員幫您洗🥰湯底方面, 我地叫左個鴛鴦鍋, 分別🦀蟹皇海鮮鍋同金湯花膠雞鍋🐣幾好喎 夠晒濃味 唔洗點豉油 調味料都OK😌蟹皇個湯底仲真係有隻蟹係入面哈哈🤣雖然佢出名係食海鮮 但其他野食都唔錯👍🏼繼巨型海鮮池後, 連其他配菜同飲品區都令我好震撼😱☹️除左一般見到d野飲茶🫖外, 佢連beer🍺同韓式燒酒都係任飲OMG😍😍之後仲有大量既打邊爐配菜同前菜🥙🥗重點!!!!烤榴槤我真係覺得好正, 由於男朋友唔食榴槤, 我一個食左4舊 真係勁爆滿足😋甜品都係 癲左, 重點movenpick雪糕🍨+haagen dazs雪糕🍦+一堆大福+生果🍉+楊枝甘露等😜咁除左出去行,

千海真係海鮮界愛好者嘅福音!😍任食生猛海鮮，種類多多又新鮮蝦、蟹、螺、蜆、鮑魚、貝類，通通都有~仲要唔止一款，淨係望到活撈海鮮位都夠晒開心🤭夾完自己想要嘅海鮮後，遞比場內員工就會比個號碼牌你等洗乾淨後，比號碼牌就可以拎返自己揀既海鮮入去準備打邊爐了~~😚海鮮區雖然係重點，但其他火鍋料都一點都不能睇少要有都有、應有盡有!成行淨係睇下未夾都要花啲時間啦~🙈熟食同樣吸引，人氣鵝肝多士有!烤榴槤有! 點心、蒜蓉焗生蠔都有~~🫶🏻🫶🏻叫左個龍蝦湯底，大大個龍蝦頭夠晒真材實料!澳洲M5和牛，肉味香唔太肥仲有大大隻蠔可以叫黎打邊爐超正放題當然不能錯過甜品環節紅糖糍粑必叫! 流心紅糖超好味😋燕窩燉木瓜養生美顏之選~😏仲有不同奶凍、布丁雪糕同樣有大牌子Haagen Dazs 同 Movenpick😉由頭食到尾都無不滿意既地方~每樣野都係好食有質素!放題海鮮都不妨係一個好選擇!🤟🏻

去咗呢間人氣高企的海鮮火鍋放題，平日午市 $288/ 位任食3 小時，12 點未夠已經排隊等入座。主打現撈海鮮，自助撈海鮮區會不停補貨，無限量供應，海鮮控真係不能錯過。💫自助撈海鮮區：多款生猛海鮮自助任撈，有鮑魚、蟹、基圍蝦、大頭蝦、蜆、花螺等，撈完後交俾員工清洗乾淨之後就跟返籌號取。我哋主力食呢幾款海鮮，可以任食真係好滿足：💟鮑魚： 大大隻又彈牙💟基圍蝦： 最鍾意呢款蝦，肉質最爽彈💟大頭蝦：好少地方有得任食💟沙白： 隻隻都好鮮甜💫湯底：✨龍蝦頭鍋✨大大個龍蝦頭，熬出來的湯底很香濃鮮甜，無論淥肉、菜等火鍋配料都好夾。💫QR code 下單 ，推介肉類/ 熟食：💟澳洲M5和牛💟美國牛肩胛片💟鐵板鵝肝多士💟川味燒鮮蠔💟皇牌燒乳鴿王💟海燕窩椰汁燉木瓜💫自助區：➡️小食前菜、冷盤、水果、蒸點心➡️多款飲品、啤酒、淸酒梅酒➡️各式甜品、雪糕雪條

🔥【荃灣必食海鮮控天堂！$200+任撈爆膏花蟹+手掌大鮑魚🤯】🔥📍 千海水產🏠 地址：荃灣大壩街4號B1樓✨ 全港首創「自己撈海鮮」火鍋放題！一入場先被巨型海鮮池震撼到——花蟹🦀、鮑魚🐚、東風螺🐌、花甲蜆類多到數唔晒！全部即撈即煮超生猛，花蟹爆膏率超高，鮑魚彈牙到咬出汁💦 重點係任！食！啊！🍲 鍋底推薦：▫️ 麻辣龍蝦湯底 🌶️（龍蝦頭熬足6小時，辣得過癮又鮮甜）▫️ 濃白豬骨湯 🦴（涮海鮮一流，飲到底都唔口渴）🔥 驚喜位！熟食區超犯規：▫️ 炭燒生蠔 🦪（蒜香爆棚，蠔肉肥美）▫️ 孜然燒羊架 🐑（外脆內嫩，香料醃到入魂）▫️ 仲有炸物/小炒/甜品無限追加🍨⏳ 3小時任食人均$2xx，海鮮+熟食+火鍋一次過滿足！同枱個個食到扶牆走，CP值高到嚇親👏🏻 記得預早book位，晚晚爆場啊！📸 IG打卡位： 霸氣海鮮池撈蟹畫面#荃灣隱世美食 #香港任食天花板 #海鮮控暴走 #手機食先 #抵食到喊 #千海水產

最近天氣冇啦啦又凍咗好多，當然最好就係同朋友打下邊爐，暖笠笠食住野傾下計。而打邊爐，最好就係任食，而又食物款式夠多！一入門口，好快就見到一個類似漁市場嘅海鮮選擇區，食客可以親自挑選海鮮，夾入個銀筒交畀職員清洗，洗完就可以拎返去位打邊爐食。正所謂有得揀先係老細，而且自助撈海鮮區域會不停補貨無限量任撈任煮！！依個海鮮區有好多游水海鮮任君選擇：有花蟹、三點蟹、鮑魚、東風螺、大頭蝦、九節蝦、沙白、花甲！而海鮮區旁邊就係自助吧，款式一樣勁豐富，琳瑯滿目，應有盡有，蔬菜類最驚喜有水蓮、豆卜串同冰菜，而配料類有鵪鶉蛋、帆立貝同田雞腿，依d真係唔係度度有得食。行多下，我仲發現，有烤榴槤任拎！簡直係榴槤同好者嘅福音！返埋位，正式開始食，海鮮全部果然因為係游水區拎黎，全部都勁新鮮，蝦肉爽彈多蝦羔，蟹肉好有蟹鮮味，甲殼類都完全唔會有腥味，由於落咗好多海鮮，個湯底愈滾愈有鮮味，不得了！除咗自助拎食物，仲有得手機點，肉類有澳洲M5和牛、美國肩胛牛肉、澳洲羊肉片同美國豬梅肉片。而燒物就有蒜蓉燒蠔、西京燒比目魚、燒牛舌同燒羊架，而且又有驚喜之作，就係鵝肝多士！鵝肝燒至表面夠香，配上酸甜汁同多士，中和返個油膩感，好好

身為一個海鮮控，今次終於嚟到千海水產海鮮火鍋放題嘅荃灣店朝聖！呢度係千海水產嘅第二分店，一直人氣爆棚，全因為佢係首創即撈海鮮火鍋放題嘅始祖！一入到店內，已經被佢嘅氣勢震撼到，成個海鮮區放滿各式各樣嘅活海鮮，真係睇到都流晒口水！即撈海鮮，新鮮到爆！千海水產最大嘅賣點當然係佢嘅即撈海鮮！店內有超過20款活海鮮任君選擇，包括鮑魚、羅氏蝦、基圍蝦、九節蝦、翡翠螺、三點蟹、花蟹、藍蟹、蠔、蜆等等，全部都好生猛，仲可以自己撈，真係好有滿足感！我個人最推介鮑魚同羅氏蝦，鮑魚鮮甜彈牙，羅氏蝦肉質爽脆，真係食到停唔到口！火鍋配料多到眼花繚亂！除咗海鮮之外，千海水產嘅火鍋配料都係多到數唔晒！自助區有超過120款美食，包括各種肉類、丸類、蔬菜、豆製品、麵類等等，全部都好高質！飲品同甜品嘅選擇都好多，仲有Haagen-Dazs雪糕任食，真係非常抵食！環境舒適，服務貼心！千海水產嘅環境都唔錯，座位寬敞舒適，仲有卡位可以坐。店員服務態度好好，會主動幫手換碟同加湯，令人食得好放心。

平日放假想食好啲，又想性價比高，又唔一定下下都要返大陸嘅～香港一樣有新鮮任撈嘅海鮮火鍋，成人二百零蚊就有交易，仲可以食足三個鐘頭，肯定抵過大家去街市買餸打邊爐！🉐🉐🉐餐廳嘅最大焦點當然係自助撈海鮮區域，唔同品種嘅蟹🦀、蝦🦐、鮑魚🐚、蜆等等全部都非常新鮮，全部任撈！見到店員keep住補，完全唔怕撈晒就冇呀😆😆 揀好海鮮之後可以成筒拎俾店員，佢哋會幫我哋簡單清洗，咁就食得乾淨又衛生啦！除咗海鮮區之外，一般嘅小食前菜、火鍋配料、甜品飲品都有好多選擇，呢間餐廳真係性價比之王啊！

開心大發現，位於荃灣區的千海水產火鍋放題，除性價比高之外，用餐氣氛亦相當熱鬧開心。最大賣點是可以在偌大的海鮮自撈區，任取任撈，無限量！而且會不停添補海鮮 😍😍😍，任何時候到海鮮區，海鮮都是滿滿的。鮮活的花竹蝦、大頭蝦，大頭蝦的蝦膏確實好味😋；花竹蝦則肉質鮮甜，各有千秋，不相伯仲。最好的還是不用作出選擇，可兩者兼得。大蜆花螺三點蟹🦀🦀🦀等，同樣無限任取，正!每枱都有小鐵桶，用作盛載海鮮，鮮活鮑魚 😍😍😍，滾一陣即食，鮮甜！大量新鮮高檔蔬菜，西洋菜、茼蒿、羽衣甘藍、冰菜、連豆苗也有供應，感覺豐盛。烤榴槤，亦是另一賣點；榴槤控不能錯過。烤過的榴槤，格外甜美。是夜的火鍋全席，應有盡有。除了自助區自取外，有部份是需要QR code落單。熟食：羊架、乳鴿、鵝肝、雞翼🌟🌟🌟🌟💫火鍋生蠔，肥大肉厚，蠔味濃郁，質感爽口，番叮之選，不能錯過，超喜愛😍😍😍😍😍 澳洲M5和牛，同樣是任點的。肉味香濃，有咬口不會韌；配沙嗲醬是一流的。鵝肝多士 😍😍😍這裏的Mõvenpack雪糕及Häagen-Dazs雪糕，都是無限飲食的，一定要留肚，最少食一杯。非常開心的海鮮火鍋放題 👍👍

久仰大名終於有機會去試吓！氣氛好熱鬧，出面自助區嘅選擇好多👍👍❤️海鮮類推介鮑魚，大頭蝦，藍蟹，沙白👍鮑魚同大頭蝦都好彈牙藍蟹同沙白鮮甜一行出去已經咁啱見到店員喺度refill👏🏻揀好之後比店員處理，大概10分鐘就可以拎返黎煮❤️冷盤類推介麻辣豬耳，麻辣雞腎，酸蘿蔔，夠開胃😋❤️火鍋肉類我哋鍾意食牛多過豬羊，試咗M5和牛&牛肩胛，M5牛味比較重，老公鍾意呢隻多啲，我自己就鍾意牛肩胛多啲，兩者脂肪含量差唔多❤️熱食類推介烤榴槤，鐵板鵝肝多士，西京燒比目魚😋❤️甜品類選擇多到不得了！🙀推介楊枝甘露，巴斯克芝士蛋糕，新鮮煲嘅木瓜雪耳桃膠糖水，Häagen-Dazs，movenpick雪糕😆整體嚟講質素同性價比真係好高！👏🏻遲啲會再同屋企人或者朋友encore😁

香港原來都有現撈海鮮，自助撈海鮮區域會不停補貨!!!無限量任撈任煮，餐廳裡面真係有個好似海鮮檔，放滿唔同嘅海鮮，連蝦都有分幾種，有大頭蝦，基圍蝦等，鮑魚同蜆當然都唔少得，鮑魚好大隻!!! 2小時晚市火鍋放題煮都係300幾一定要揀無咁濃味既湯底🤩所以就叫左椰子雞湯。揀完就去海鮮池揀海鮮🦑🦞🦐🐚海鮮池好大，有鮑魚，三點蟹，草蝦，花甲等等，仲要係無限任食，揀完海鮮會由職員清洗，好快搞掂。推介海蟹，肉質鮮甜，蟹肉緊實，個湯底煮完之後變得更鮮美，超好飲。川味燒鮮蠔大大隻夠香辣🦪鐵板鵝肝多士係我最愛，外層夠酥夠脆，內裡香軟啖啖獨特鵝肝香味。好驚喜竟然有皇牌燒乳鴿王，皮有少許焦香，多肉! 蒲燒鰻魚同西京燒比目魚都正，比目魚本身魚油豐富，推薦!真心呢間餐廳每樣都整得幾好，火鍋放題澳洲M5和牛，油花滿佈滿滿脂感，美國肩胛肉就肉香重，除咗海鮮外，都有牛、豬、羊肉、鵝腸、田雞腳、脆鯇魚片都可以去自助區自己拎。甜品勁多，大量芝士蛋糕港式甜品，雪條種類好多好貴嘅哈根大師都有😍飲品直頭係屈機，講得出都有，仲有佢哋招牌珍珠奶茶同無糖茶，性價比高。

✨ ‼️餐廳自助撈海鮮區域會不停補貨無限量任撈任煮‼️你冇睇錯😆一入去就感覺到好熱鬧，平時打邊爐主要都係坐喺度點嘢食，但呢度最特別之處就係海鮮可以自己去揀，而我就梗係揀啲好生猛，仲不停郁嘅蝦同埋蟹啦。飲品方面亦都超多選擇，除咗基本嘅罐裝飲品，仲有清酒生啤果汁機，真係要嚟多幾次先飲得晒。每張枱都好寬敞，唔會覺得逼迫，方便大家圍住一齊打邊爐😍😍食完呢幾樣嘢真係好滿足！😋澳洲M5和牛：哇，呢個和牛碌完之後都仲可以做到入口即溶，油脂分佈得好均勻，食落去好香濃，好juicy，真係一流！✨美國牛肩胛片呢個牛肩胛片好嫩滑，碌完之後仲保持住啲肉汁，食落去好有牛味，而且薄薄地，食落唔會覺得好韌，真係好正！🤩✨燒香草羊鞍呢個羊鞍好香，燒得啱啱好，外脆內嫩，仲有啲香草味，真係好特別，好好味！🤭🤭✨鐵板鵝肝多士呢個鵝肝多士真係好邪惡，鵝肝煎得好香，配埋脆脆嘅多士，入口即化，真係好享受！😜✨海燕窩椰汁燉木瓜估唔到打邊爐可以食到呢類型嘅甜品，呢個甜品真係好清新，椰汁好香濃，配埋燕窩同木瓜，食落去好滑，好滋潤，真係一個完美嘅結尾😍😆😆

等足一個月終於食到呢間新開嘅海鮮任食，話明「自己撈即場蒸」真係無呃人！一入到去就見到成排水缸，有鮑魚、麵包蟹、基圍蝦、九節蝦、大頭蝦, 蜆都有三四款😍海鮮睇落都幾新鮮，尤其啲蝦仲係會跳跳紮，用夾夾上嚟有啲驚🤣 夾完之後就將啲海鮮連鐵罐俾店員，店員會幫你洗乾淨，好方便湯底我揀咗花膠雞湯，可以趁未落任何嘢之前試吓個湯頭，清甜滋潤，見隔籬枱叫左麻辣鍋都好似幾正，下次叫個鴛鴦鍋試吓先海鮮嚟講我個人最鍾意係啲蝦，尤其啲大頭蝦，全部都有蝦膏，好正，食落爽口鮮甜😆牛肉水準都唔差——澳洲和牛、美國牛肩肉等切得厚薄啱啱好，淥十秒食落仲有肉汁爆出嚟，牛味香濃，同埋之後再encore嘅質素都有返咁上下最估唔到連小食都落重本，焗榴槤真係原粒果肉烤到焦香，燒乳鴿皮香脆肉嫩，都係任食埋單計返每人唔使$400，食到捧住個肚走😬

首訪位於九龍灣的「千海水產海鮮火鍋放題」後感性價比高，食材新鮮，今天決定帶同男友到荃灣店朝聖，午市放題 3 小時，時間充足；裝潢光潔明亮，更有鳥居打卡位；設自助撈海鮮區，不停補貨無限量任撈任煮，讓客人體驗海鮮自由-大型自助區提供接近百款火鍋配料、熱食、點心、前菜冷盤、水果、多款甜品及飲品等-海鮮方面，當天提供藍蟹、花蟹、三點蟹、大頭蝦、九節蝦、鮑魚、東風螺、白蜆、沙白、花甲及美國蜆；客人將海鮮夾到鐵筒後，店員會幫忙清洗及處理；蟹肉鹹鮮十足，蟹肉雪白；大蝦蝦頭充滿甘甜蝦膏，蝦肉爽彈；鮑魚大隻爽滑彈牙，其他種類皆鮮甜肉嫩-湯底點選蟹皇海鮮鍋，加入大蝦、蜆肉及大量蟹皇熬煮而成；肉類提供澳洲 M5 和牛、美國牛肩胛片澳洲羊肉片及豬梅肉片；澳洲和牛口感軟嫩，美國牛肩胛片緊緻富肉香，羊肉嫩滑不帶羶味；特別推介火鍋用新鮮蠔，大隻飽滿；自助區名貴火鍋材料有田雞腿、脆鯇片、脆墨魚、帆立貝及花膠等-熱食方面推介有蒜香濃郁的川味燒鮮蠔、雪白細嫩的西京燒比目魚、肉質緊緻的皇牌燒乳鴿王、肉汁豐富的芝麻雞翼及大大粒蝦餃燒賣-甜品接近二十款，個人非常喜歡黑芝麻慕絲大福、香芋布甸及芋圓紅豆蓮子湯；飲品選擇同樣豐富，提