千海水產海鮮火鍋放題

营业中

休息中

食即撈海鮮重緊要乾淨衛生，响香港食就比較有信心啲。聽聞千海水產都開咗一年，口碑唔錯，今日就去試吓。午餐時段有180分鐘，好似好耐，其實都要分秒必爭，同時間競賽。跟住 以下步驟就冇錯喇。今日啲攻略好成功。💪🏻攻略1：入會做會員，可以減$20+送超大環保袋攻略2：早到早排隊，入場第一時間，攞鮑魚，蟹，拎去俾人洗，因為要等，遲咗勁多人，有排等。攻略3：返埋位點湯底，點大鍋，唔點鴛鴦鍋。空間大啲，可以多放海鮮。最好揀啲同海鮮配搭到嘅湯底，例如，花膠雞，椰子雞，冬陰功之類。攻略4：出去攞啲熟食（有小龍蝦，點心，涼菜，烤榴槤），火鍋配料（花膠，螺片）用嚟熬湯，醬料，飲品。而呢個時候，湯底同海鮮都差唔多到，可以返埋位喇。攻略5：再次出動攞蝦類，蜆類，可以响自助沖洗區洗一下。唔駛排隊。攻略6 ：有問題搵職員，萬事有商量👍🏻（隔離枱阿姐教嘅）食物方面海鮮新鮮就冇難食嘅可能，鮑魚彈牙，蝦肉爽口。用apps 可以order 牛肉，豬肉，雞肉，種類較少，始終海鮮先係主角嘛！熟食都可以用apps 落單，有鵝肝多士，乳鴿，紅糖糍粑，仲有木瓜糖水都唔錯。環境/服務方面坐位有少少迫，唔算闊落。但服務員收拾執枱都好勤快

千海水產海鮮火鍋放題🦞🍲不停補貨無限量任撈任煮.位於荃灣既千海水產海鮮火鍋放題，最近成為海鮮控熱點！自助撈海鮮區域以無限量供應著名，食客可以隨意撈取新鮮海鮮，並交由師傅即場處理，保證鮮味十足💦.新鮮海鮮，任撈任煮這間餐廳特色就係「即撈即煮」，店內設有多個養殖池，裡面放滿了鮑魚、三點蟹、海蝦、貴妃蚌等各式各樣既海鮮。食客可以親手撈取自己喜歡海鮮，然後交給店員處理，整個過程既有趣又新鮮👏.自助區域既海鮮新鮮得令人驚嘆，隨時可以撈到活生生既螃蟹、蝦等等！我特別推薦鮮活鮑魚，肉質鮮嫩，與火鍋湯底融合，味道絕妙🥢.火鍋配料及小食除海鮮外，千海水產仲提供多款火鍋配料，如澳洲M5和牛、花膠、脆鯇魚片、蔬菜、丸類、響鈴、炸魚皮、鵝腸等等，絕對可以滿足唔同食客既需求。自助區及手機落單選擇多達120款，包括鵝肝多士、乳鴿、羊架等小食，仲有Häagen-Dazs雪糕同生啤供應，令人食得好過癮🍧.價格合理最重要係價格相宜，幾百蚊就可以享受無限量海鮮盛宴。每一啖都係鮮美享受，食到飽真係好水滿足😋.總結千海水產海鮮火鍋放題唔單止提供新鮮海鮮，仲有多樣火鍋配料、小食，令人每次黎都有新驚喜。如果你係海鮮愛好者，呢度絕

N年唔見一次既友人，當然要book定好西帶佢食，午市人龍勁長，好彩book定穩陣🥲活海鮮放題，食物選擇非常多元化，除左QR落單，海鮮、火鍋配料、甜品、飲品、小食、前菜等都係自助區，任君選擇海鮮客人揀完海鮮可交由職員清洗，5-10min後就攞得。活海鮮夠晒新鮮，部分蟹、蝦仲肥美多膏，鮑魚鮮嫩爽彈，蜆類都唔錯，食落無沙，海鮮新鮮，點煮都好味😋職員不斷refill，唔怕無得食烤榴槤想食真心要企附近等出爐😂因爲一放出來就秒清，成功攞到3大舊☺️榴槤飽滿多肉，口感十足，而且幾鮮甜，烤過更香口😋所有鮮榴槤及榴槤副產品其實我都唔食，獨愛烤榴槤😍烤菠蘿爆汁多甜🤤鮮膩清新烤物炸物蝦丸爽口彈牙，一咬就爆汁，味道唔錯；鵝肝多士香脆濃郁；炸雞翼香脆嫩滑；烤蠔唔算好大隻，勝在夠新鮮；紅糖磁粑酥香煙韌，黑糖漿唔算太甜，不過岩炸起小心辣口；西京魚烤副外層微焦香脆，魚肉幾嫩滑火鍋配料蔬菜幾新鮮爽脆，部分都幾鮮嫩；花膠軟滑黏口水果蜜瓜香甜多汁，比想像中高質前菜藤椒魚皮辛香微辣，爽脆可口飲品甜品最鍾意飲自家製金枯檸檬水，酸甜解膩；食埋haagen dazs雪糕，3HRS任食真心滿足抵食☺️友人食完仲話會推薦俾其他人😂睇來佢好

千海水產是一間在香港爆紅的【即撈海鮮火鍋放題】餐廳品牌，主打新鮮、生猛、任食的海鮮火鍋體驗。即撈海鮮池：店內設有大型水池，養殖多款活海鮮. 更會不停補貨無限量任撈任煮.//金湯花膠雞鍋湯底濃郁鮮甜的金黃色湯不僅味道出眾，還具有滋補養顏的功效。「必食之選」//即撈海鮮池真係非常吸引，水質乾淨、海鮮新鮮度極高.海鮮種類豐富. 供應充足.店員即場清洗處理，乾淨衛生。//澳洲M5和牛油花分佈均勻，入口即化//美國肩胛牛肉片：肉味濃郁，口感紮實。//美國豬梅肉片：肉質嫩滑，脂肪比例適中.//澳洲羊肉片：肉質細嫩、羶味低//鵝肝多士：外脆內滑，油香濃郁。//炸乳鴿：皮脆肉嫩.滷水入味.//香草羊鞍：外層香草酥皮，內裡羊肉嫩滑多汁非常之軟熟。肉唔會柴。//榴槤：香氣濃烈.口感綿密.非常好味.//燕窩木瓜.都唔錯.之前食過。放題菜式太豐富。眼花撩亂！好似參加美食馬拉松，但肚皮容量有限，只能精挑細選。這個放題攻略大家參詳一下。

講到香港邊到食海鮮cp值高一定要黎千海水產試試🦀.呢到嘅重點推介 鮮活海鮮區十幾款海鮮任撈 不停補貨無限量供應😍職員們仲會幫手處理乾淨遞比職員換個牌仔 等5-10分鐘左右就可以返去認領頭先嘅戰利品🥳然後一嘢車哂佢地落鍋準備開餐 食完再戰下一round😋.打邊爐必備嘅靚牛一定唔少得熟食區超驚喜 居然有燒榴連😳火鍋配料都有啲少見款式 好似田雞同雞子甜品飲品又係多到爆 總有一款啱你心水😌.呢間海鮮火鍋放題真係長期爆滿 想試就要早啲訂枱啦😜

從來未試過咁忙嘅邊爐朋友係火鍋fans所以基本上每次聚會都會試下唔同嘅火鍋店早排同佢就試左呢間成日網上見到嘅任食海鮮好彩一早上網book左位果日見到現場好多人等緊walk in間店好大間坐得都好舒服野飲甜品種類都好多唔同類型嘅啤酒都有入面仲有個好大嘅海鮮bar可以比你自己拎海鮮比佢地沖水入面有蟹、蝦、峴、鮑魚全部都好新鮮撈蝦果陣都會跳跳下嚇親我地果晚Total 食左3轉海鮮基本上全程都係食緊野, 拆緊殼不過佢啲肉就認真麻麻反而佢個鵝肝多士同燒鰻魚就有D驚喜成餐飯兩個鐘太多野要做下次再揀嘅可以試下食lunch 3個鐘應該就會無咁辛苦

呢間即撈海鮮嘅火鍋放題，開咗咁耐都仲係咁有人氣😮 呢晚同朋友嚟咗荃灣分店，食咗佢2個鐘45分鐘嘅加時版，可以食得盡興啲。鴛鴦鍋嚟得呢度梗係想主打食生猛海鮮，所以嗌咗兩款海鮮湯底🍲♦️蟹皇海鮮鍋我哋用咗呢邊嚟淥蟹同埋蝦，個湯底更加鮮味。♦️龍蝦頭鍋呢邊淥菜同牛肉，味道都唔錯。即撈海鮮有一個好大嘅區域即撈海鮮，我哋呢日試咗大頭蝦、鮑魚、九節蝦、花蟹、藍蟹、三點蟹、白蜆同埋花螺，啲海鮮真係好新鮮，彈彈跳咁勁生猛。撈完海鮮之後就可以將成籮海鮮交俾店員清洗🧽 好快就攞得㗎啦😍 真係好新鮮，拎嚟打邊爐都好鮮甜👍🏻 仲見到店員會不時refill啲海鮮，整個體驗都唔錯，有得玩又有得食。肉類呢個套餐包括咗四種肉類，有澳洲M5和牛、美國牛肩胛片、澳洲羊肉片及美國豬梅肉片。當中我最鍾意嘅就係澳洲M5和牛，一碟有兩片，都好容易預份量🐮炸物用QR code落單嘅食物有芝麻雞翼、榴槤炸彈、脆皮鮮奶卷及醬爆糍粑，芝麻雞翼勁Juicy。另外回本之選一定係鐵板鵝肝多士、皇牌燒乳鴿王同埋川味鮮燒蠔🦪 我哋仲嗌咗鹽燒牛舌、西京燒比目魚、蒲燒鰻魚同埋燒香草羊鞍🐑 鵝肝雖然有啲邪惡，連埋多士一齊食，風味十足。自助區呢度自助區嘅範圍

熱潮過咗，終於唔使排隊都可以任撈海鮮當日12點準時入座，職員先開始放海鮮落魚缸同埋問過職員午市同晚市食嘅海鮮係一樣，撇除都市傳說晚市有特別款式選擇為咗提升戰鬥力，一早預先上網睇曬攻略✅ 湯底揀單鍋✅ 坐低即刻揀湯底✅ 一人負責手機落單，一人負責拎海鮮✅ 拎蜆同蝦，其後先拎鮑魚同蟹✅ 拎多隻碟攤凍啲蝦先剝殼成餐飯忙到七彩😂 如果午市三個鐘嚟講係啱啱好頭兩個鐘主攻海鮮，半個鐘攻和牛，最後半個鐘食甜品而且出面熟食都refill得幾快，特別係烤榴槤，不過口感偏乾包濕潤少少，任食質素嚟講算滿意田雞雪藏味比較重可以唔洗試，同埋之前上網睇係見到職員清洗蟹嘅時候會順便一開二，但當日已經冇咗呢個服務飲品方面有少見嘅日本果酒、自家製柑桔水、椰青汁、甘蔗汁、生啤等，多到花都眼亂

預訂了這家火鍋放題，成人2小時每位$348及加一。經過自助任撈的海鮮區，選擇極多，全部生猛新鮮，已感到無比興奮。客人撈了海鮮後，店員會即時清洗及把蟹開邊。蝦有多款，包括基圍蝦、大頭蝦、九節蝦，全部肉質紮實，亦富有彈性。連殼鮑魚肉質厚亦爽口，質感緊緻。亦有多款蜆，例如美國蜆、花甲、白蜆，鮮甜沒有沙粒。亦有不同種類的蟹，藍蟹、三點蟹、花蟹，肉質一梳梳，亦有豐富的蟹膏，經過一輪海鮮盛宴後，湯底已香氣撲鼻，啖啖有濃郁鮮味。用手機下單的火鍋配料亦包括生蠔，體積大而肥美，甜味充足。澳洲M5和牛的油花細膩，牛味濃厚，質感細嫙。美國牛肩胛片大大件，脂肪比較少，肉味濃郁。豚肉片及羊肉片薄切，肉味濃。還有其他燒物：蒜蓉燒生蠔濕潤鮮甜，水準很高。燒乳鴿外皮香脆，肉質鮮嫩而多汁。蒲燒鰻魚及比目魚充滿日式風味。自助區有多款蔬菜，連一些較冷門的菜類亦有供應。丸類、麵類亦有多款選擇。飲品和甜品目不暇給，相當吸引。最後，吃了一杯Häagen-Dazs 雪糕，捧著肚子滿意地回家。這裡環境光猛，通風充足。出菜時間很快，店員收拾餐具很有效率。

生完兩件，梗係要好好補身啦💪！最近order咗金湯花膠雞鍋，湯底金黃色好吸引🤩，一滾起已經香到不得了。試咗第一啖，好濃郁😋，雞件又滑又嫩，花膠大大塊超滿足！真係補身首選✨！-肉類選擇超多！🥩有澳洲M5和牛，牛味濃郁又大塊；美國牛肩開片，嫩滑又夠份量！🐖仲有羊肉，不過我哋唔食羊就skip咗。最正係出去撈海鮮🦐！任撈任煮，店員不停補貨，選擇超多。拎完海鮮，店員會俾個牌仔你，等佢哋幫海鮮洗白白，叫住其他嘢食等就最實際啦！😋講吓今日嘅主角先， 🦪 有白蜆、沙白、美國蜆、花甲、馬刀貝，款款都大隻又肥美，鮮甜無沙，啖啖都係肉！🦀 蟹都好多選擇，有藍蟹、三點蟹、花蟹，每隻都爆膏，肉質厚又新鮮，蟹膏香濃！🦐 仲有大頭蝦，膏爆多又新鮮，真係食到停唔到口其他食物，例如有鵝肝toast，乳鴿超級新鮮，即叫即炸，烤榴槤都好受歡迎嘅食完真係好滿足，而且覺得食物新鮮👍

昨日我和朋友六個人試荃灣這間千海水產，一到就去取位，門口派位亞嬸態度極差，差到一個點🤬 一開口就鬧人的語氣「姓乜呀？幾位呀？幾號電話訂位呀？」喂，我來食餐飯咋，唔駛態度咁差囉😡😡😡海鮮好新鮮，食物選擇多，烤榴槤好好食，不過收枱上吉碟碗碟好慢，全晚差不多我們自改取出去，唔收枱上吉碟，根本無位😂昨晚有很多貝殼類的、蝦有兩款，蟹一款，因蝦太新鮮，一放落煲即跳出來，所以大家要注意，免滾湯彈到小朋友😆

講到放題，大家一定唔可以錯過最近好hit嘅千海水產🦐🦞🦀🦑佢雖然係大喜屋集團旗下嘅餐廳，但佢並唔係做日式放題，而係做火鍋放題。餐廳以即撈海鮮放題為主打，吸引不少火鍋同海鮮嘅愛好者😎..先講講佢嘅火鍋湯底，選擇都唔少，而且每一個都十分足料，一啲都唔馬虎。有蟹皇海鮮鍋、麻辣鍋、滋補豬筒骨鍋等，部份湯底亦加入大量海鮮熬製，所以味道濃郁😛..海鮮選擇亦都好多元化。有生蠔🦪、鮑魚、多款蝦（基圍蝦、大頭蝦、九節蝦）🦐、多種蟹（花蟹、三點蟹、藍花蟹）🦀、花甲、蜆、帆立貝、花膠等。最特別最特別嘅地方就係餐廳有自助撈海鮮區🤪🤩 海鮮由自己撈，想要幾大隻自己揀，職員會幫大家清洗，然後自己攞返去自己個座位度烚，趣味爆燈💡💡..肉類方面，種類雖然比一般嘅火鍋放題少，但質素一啲都唔差。大家可以試下澳洲M5同牛🐄、美國牛肩胛片、羊肉片🐑、豬梅肉片🐖等。除此之外，佢哋仲有多款美食，包括大路嘅火鍋配料、熱食、點心、前菜、冷盤、水果、甜品同飲品，種類接近百款，啱晒怕悶嘅人。

千海水產海鮮火鍋放題｜全港最狂活海鮮任食！夜晚8點半依然爆場實測 💡作為一個海鮮控 今次終於試到近期全港討論度最高嘅「千海水產海鮮火鍋放題」！呢間「活海鮮任撈任食」係每日新鮮直送 真係未食已經興奮到彈起 🥰我哋特登揀咗平日夜晚8點半去試 當日全場爆滿！等位區仲坐滿哂人 個熱度真係誇張到爆🔥✨ 震撼第一視角：生猛海鮮任你撈！餐廳最吸睛嘅絕對係個「活海鮮池」，入面有齊 💦✔️郁緊嘅鮑魚 ✔️生猛大頭蝦同基圍蝦🦐 ✔️爆膏螃蟹🦀 ✔️多款貝類 🐚最正係個海鮮池會不斷補貨 完全唔使驚搶唔到 撈完仲可以即時俾師傅處理 保證新鮮到極！我同屋企人瘋狂encore咗幾轉鮑魚同大頭蝦 真係鮮甜到難以形容 😈🍲 兩小時任食全攻略除咗海鮮，仲有超多正嘢食：🔥 QR Code落單熟食（必點！）✔️ 鵝肝厚多士：外脆內軟，鵝肝香到癲 ✔️燒鮮蠔：有蒜蓉同芝士兩種口味✔️燒乳鴿：皮脆肉嫩 仲多汁過專門店 ✔️羊架：啖啖肉 燒得剛剛好🍢 自助區驚喜✔️ 燒榴槤：榴槤控必搶！熱辣辣超濃郁 ✔️ 麻辣小龍蝦：超入味 食到停唔到口🍨 甜品飲品汽水甜品任飲 最正係有多款雪糕任飲做結尾 👅👅📍千海水產海鮮火鍋放題荃灣大壩街

今日出嚟荃灣食近月大熱嘅千海水產，餐廳主打一個大型水池自助區現撈海鮮，比起市面一般任飲任食火鍋放題再多一種玩法🥳重點係價錢同一般火鍋放題差唔多，難怪今日平日午市都咁多人🤣有好多種海鮮可以任撈😝建議大家湯底點鴛鴦鍋，可以分開一個專係淥海鮮，另一個就淥肉類同埋蔬菜😬除咗海鮮之外，澳洲M5和牛都係可以任嗌😱年紀開始大🤭食放題唔再好似以前咁淨係食肉，食返多啲菜平衡下營養攝取🤪仲有好多台式丸類、餃類，種類選擇繁多👍👏除咗自選配料打邊爐之外，仲有好多款熱食😜首選蒜蓉燒生蠔，真係唔可以錯過😍甜品區嘅選擇同樣豐富😌Haagen Dazs雪糕任食😎即整嘅木瓜雪耳，賣相好得😈

食物環境都好好，看周圍二人一鍋，四人一鍋都合理，但6個人只有一個免費湯鍋，7人以上才有兩個免費湯鍋！太不合理吧！正所謂“來都來了”加錢要多一鍋，又諗住“來都來了”想舒服d，6人加錢要多兩鍋，共三鍋啦～又唔俾喎，但張枱明明有3個爐頭，職員話只能開兩爐，因張枱電壓受唔住，匪夷所思。海鮮方面，蟹，鮑魚，蝦各貝類都非常新鮮，牛肉M5和牛都不錯，但後來追加有點失望著裇衫的職員（可能高級d)不太友善，相反普通黑衫職員態度非常好，亦耐心教導加會員可升級鴛鴦鍋，值得一讚。