千海水產海鮮火鍋放題

旧同事Michelle今个月生日，我哋约咗佢今晚庆祝生日，原先都系谂住选择习惯性去开的食肆，点知Michelle建议嚟呢度，我哋不妨试吓！我哋book咗晚上七点，我6:50第一个来到，点知原来依然要排队的，搭正七点接待处就放啲客人入去，由于佢哋两个迟到少少，我就影咗个QR code研究吓餐牌有乜，火锅汤底方面可以选择的有鸳鸯汤底（可惜没有列出它们的名称，见到其中一款铺满干辣椒就唔敢叫）、椰子鸡汤（点咗呢个），沙嗲锅（屋企成日整，所以唔叫），冬瓜瑶柱猪骨汤，蕃茄猪骨汤汤底，黄金花胶鸡汤汤底，胡椒猪肚汤底。首先我拎起一张环保袋质料做的口水肩，系防止食火锅𠮶阵时弹污糟自己件衫的，枱面有一樽用一个有耳仔的玻璃水樽装住嘅白色的水，原来是补充汤底的汤（什么汤底也加入这只汤补充水干），外面近比客人洗手的两个洗手盆有一架车仔放咗除咗呢啲汤之外仲有水，每次食到只手污糟或者攞咗生嘢之后惊交叉感染就喺度用泡沫枧液洗手。食客要攞枱面𠮶个不锈钢筒去海鲜档自己拣海鲜捞，有两款蚬/花甲，东风螺，蓝色的花蟹，三点蟹，大头虾，海中虾及基围虾，然后交俾海鲜档的职员交换一个号码牌，等大概8分钟之后攞号码牌去海鲜档攞返海鲜档职员帮我哋洗刷干净及斩开一半的蟹，然后加入火锅之中。喺自助食材材料盘之中可以拣嘅火锅材料好多，我好钟意鹅肠，其他有啲一般冻肉舖买到未试，但系蔬菜嘅款式比其他火锅店多两倍，好多都噏唔出个名（建议店家列出要烚的时间就Perfect了），我食咗好多菜。火锅牛肉和羊肉要另外点的，价钱包埋，不需另外付款，质素都唔错，可以点的熟食也有很多，自助餐枱的熟食也有，甜品也有，不过我个人兴趣不大。但系其实两个钟真系食唔切，除非唔讲嘢，不过都食得饱！饮品方面好多选择，只系试咗杨枝甘露和青桔仔饮品，真系好饮到飞起！不过就甜咗啲啰！因为我食饱先饮嘢，所以最后攞咗两支嘢饮走，细细支真系识谂！埋单每人$394。经过今次嘅经验，我哋第日会选择星期六日或者假期嚟食午餐，因为可以食足四个钟，可以吹埋水，今次唔讲得几多嘢；如果嚟食晚餐的，也想到一系列的策略，例如叫啲friend唔好迟到！总之，呢间嘢值得经常嚟encore！对面𠮶间Outback揾只鬼影见吓都冇，呢间就排晒长龙。…查看更多

近排「肥牛哥」出晒名🤣连带主打海鲜火锅放题嘅千海水产都人气急升🔥之前去过观塘店，觉得啲即捞海鲜好新鲜、选择又多，火锅配料同熟食都好高质，于是今次去旺角店再拜访。旺角店位于新世纪广场，占地颇大，海鲜区嘅生猛海鲜可能比街市仲要丰富😎黄金时段嘅2小时晚市放题只需$358一位，就可以任食活海鲜、烧物、和牛、雪糕、各款酒类等，性价比极高🤑🍲金汤花胶锅养生之选汤底，金黄色嘅汤底里面有唔少大只爽弹花胶及鸡件，好足料🤩🦀即捞活海鲜嚟到海鲜区一定要同啲生猛海鲜练过😏所有海鲜都系自己捞，好好玩，花蟹、蓝花蟹及大头虾跳跳扎🤪花蟹好鲜甜；蓝花蟹爆晒膏，食落好甘香😋蚬类选择甚多，有刀贝、白蚬、虹口、蕃薯蚬等，大只无沙。生蚝超大只肥美，蚝味浓；特别啲有兰花蚌、花胶及海螺片，另外仲有鲍鱼及花螺，款款新鲜，净系海鲜都食到好满足🥰🦪烧物、炸物炸物及烧物都有好多选择，必食铁板鹅肝多士，外脆内软😋川味烧鲜蚝肥美惹味；皇牌烧乳鸽王出面少见；脆皮鲜奶卷酥脆香甜😋🍛自助区熟食、沙律、小食、火锅配料自助区嘅火锅配料及熟食都琳瑯满目😍海鲜粥、蛇羹、烤榴梿、麻辣小龙虾、蒸点心等讲得出嘅都有。另外仲有中式前菜、烟三文鱼、水果等。火锅配料有鸡子几特别😛🍦甜品、雪糕食完火锅必食软雪糕去平衡下，雪糕带点冰感，奶味颇香😙另外仲有Haagendaz雪糕、韩国雪条等。甜品柜仲有脆皮麻糬、tiramisu、杨枝甘露、开心果慕丝等细细件甜品选择👏🏻🍻饮品呢度嘅饮品都有极多款式，酒类已经将红白酒、真露、梅酒、清酒包罗万有🍾唔饮酒嘅仲有菊花蜜、罗汉果茶、椰青、甘蔗汁、珍珠奶茶、白桃乌龙、洛神花茶、汽水啤酒等等。打边炉我就钟意饮椰青同甘蔗汁，好解腻😽推介指数（10分为满分）：8分…查看更多

附近也有一间超热门的日式放题店，但也没有分薄这里的人流，晚上８点多门口排了长长的队伍呢，这间第一间主打活海鲜的火锅放题店果然人气十足！晚市放锅放题（３５８元）这间好像比我之前吃的另一间分店的海鲜选择更多，除了有大量不同的蚬外，鲍鱼，基围虾，草虾也不少得，还有三款不同品种的蟹，最明显都一定是红花蟹了。而且全部都是活的，补货也很快，我这么晚才吃也是满满的海鲜可以选的，而且全部都会帮你清洁处理好，吃起来更方便。而是全部都是活海鲜，味道更鲜甜，肉质更结实。我也吃了很多的蟹和虾，真的非常新鲜！而且还有我喜欢的白鳝件可以自取，蚝也很多人吃。除了主角海鲜外，其他的选择也是非常多了。汤底我们选了胡椒猪肚汤，味道很香浓，胡椒味很足。而且牛肉也有M５和牛和牛小排可选，油花都不错呢！还有多款不同的熟食，如很多人喜欢的乳鸽，必食的鹅肝多士，惹味十足的烧蚝！自取的地方也有大量蔬菜，丸类，生的食材可以自取，其中有大大只的牛蛙可以拿，肉超厚呢！还有很多雪糕和甜品，最惊喜的是连日本版Häagen-Dazs也可以任食，超满足呢！…查看更多

呢间捞海鲜嘅火锅放题真系好出名，原来而家旺角都有分店啦😉 呢间分店真系好大间，听讲系全港最大嘅分店嚟㗎 。锅底我哋拣咗芫荽皮蛋豆腐锅同埋秘制麻辣锅，想清清地食吓蔬菜，又想过下口瘾食辣，鸳鸯锅就满足到我哋两个嘅要求啦😝即捞海鲜有一个好大嘅区域即捞海鲜，我哋呢日试咗大头虾、鲍鱼、蓝花蟹、沙白等。呢度啲海鲜好多都好生猛，夹佢哋上嚟佢哋仲扎扎跳㗎😚 捞好之后就可以交俾店员清洗。捞嘅过程已经觉得好好玩，仲可以食自己亲手捞嘅新鲜海鲜，真系好正🥳肉类呢个套餐包括咗猪、牛同埋羊，有特上牛小排、澳洲M5和牛、美国牛肩胛片、澳洲羊肉片及美国猪梅肉片。每份肉类都系三至四片，方便预算份量🥩 咁就唔怕做成浪费啦。小食除咗肉类系用QR code落单之外，都有多款炸物、炸物同精选推介可以嗌㗎。铁板鹅肝多士、皇牌烧乳鸽王、川味鲜烧蚝同埋芝麻鸡翼我地都encore左好多次🙈 多款食物都系即叫即制，所以上碟时热辣辣🫢 我地仲嗌咗西京烧比目鱼、蒲烧鳗鱼同埋盐烧牛舌👅自助区自助区嘅范围都好大，除咗海鲜区，其他食物都排列整齐👍🏻 多款丸类同蔬菜都有供应，另外有啲开胃前菜、烤榴梿、粉丝大虾等等都有得拣。烤榴梿劲受欢迎，齿颊留香🥰饮品区有汽水、无糖茶、啤酒等嘅饮品任饮🍻 连日本嘅水果汽酒同埋生啤都有，适合同朋友过嚟饮返两杯。甜品区呢日有四款Häagen-Dazs雪糕，仲有期间限定嘅推介，真系够晒特别🍦 榴梿雪条同埋韩国品牌嘅雪条都有㗎。钟意食甜品嘅，千祈唔好错过佢嘅甜品柜，朱古力布朗尼味道几浓郁🍫大家嚟食放题记得食得晒先好嗌，食唔晒啲食物都唔可以拎走㗎😂…查看更多

睇完之前有篇街知巷闻嘅报道，燃起我铺海鲜火锅瘾，所以决定与朋友二人揾晚去咗旺角MOKO新世纪广场嘅千海海鲜火锅放题，展开一场任食海鲜大战。由旺角地铁到Moko 再拎飞等位，前后唔使10分钟，十分方便。夹啱食晚上8:15嘅场次，可以食足2小时45分钟，时间十分充裕。一入门迎面而来系舖面宽敞、卡位多到数唔晒，枱距仲阔过一般火锅店。拎住个铁桶去拣海鲜，一眼望过去海鲜BAR，足足十米长，蓝蟹、蚬、鲍鱼、大头虾、蚝、螺，应有䀆有，俾我地实现真正嘅：海鲜自由！餐厅职员补货极快，见边样少咗啲就即刻补，完全唔使惊热门海鲜会抢唔到。只只都十分生猛扎扎跳，眼见有啲男士都俾啲海鲜吓亲，哈哈。海鲜隔离就有大量熟食、甜品、饮品，蒸点心，沙律等等都一应俱全。其中必食：焗榴梿，榴梿焗完无咁大阵味仲好香甜，朋友都食咗4/5旧。除咗自助区，QR code可以点咗澳洲M5和牛、美国牛肩胛片、铁板鹅肝多士、川味烧鲜蚝等熟食。牛肉雪花唔错，烧蚝久够惹味。可以食多几round饮品方面更系齐备咗日式清酒、梅酒、啤酒、益力多、台式珍珠奶茶、柠檬汁，应有尽有，朋友系酒鬼都饮到好开心。配菜区任攞各种蔬菜，连羽衣甘蓝、豆苗等都有，牛柏叶、丸类、菇类总之打边炉谂到想食嘅，呢度都一定满足到。最后食返啲甜品做Ending，Häagen-Dazs雪糕、杨枝甘露、Tiramisu、芋头牛奶布甸、巴斯克蛋糕、自家制软雪糕，每一样都好吸引。成晚由8点入座食到差不多11点，我地食到捧住个肚行出餐厅，真系好满足。如果都想挑战「极上海鲜自由」同埋熟食、甜品任食嘅盛宴，千海都一定唔会令你失望。食物美味又丰富，唔使拎返屋企嘅，即场享用最啱feel。…查看更多