影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
相关文章
无限refill即捞海鲜, 多元化炸物烧物, 牛肉火锅, 新鲜蔬菜真系食极都唔厌, 加上有当造烤榴梿同任饮生啤冷泡茶, 贵少少都抵! 原价$348, 7:30前离座只需$308/位即捞海鲜全部都游水劲生猛, 大头虾爽弹爆膏, 鲍鱼鲜甜弹牙, 沙白咸鲜嫩滑厨师推介铁板鹅肝多士鹅肝大过多士, 油香十足encore之选烤榴梿好食到不得了, 超级香甜脆皮鲜奶卷脆皮香滑, 甜度适中唔油腻火锅配料牡蛎大大只鲜甜滑溜, 田鸡腿质地似鱼肉都系好鲜甜所有放题同一个套餐都食到食到澳洲M5和牛, 老实讲比同集团既牛站部位冇咁靓, 但都滑同埋主打海鲜绝对收货甜品Häagen-Dazs杯装雪糕多款味道, 经典夏威夷果仁唔会太甜, 最尾食啱啱好半熟芝士蛋糕饱都要食好香滑; 杏仁条脆卜卜放题价值在于过下口瘾好开心; 3.6牛乳布甸好Q弹奶味好香
继续阅读
今次去咗近期大热即捞海鲜嘅千海水产海鲜火锅放题-九龙湾店，位于九龙湾淘大商场入面，环境舒适阔落，最大卖点系设有自助捞海鲜区域，同埋任食过百款美食，包括设有自助熟食区、火锅配料区、点心区、甜品区、生果区、饮品区、清酒及梅酒区、雪糕区等，仲可以QR code落单火锅肉类、火锅配料、炸物同埋烧物，好丰富。自助捞海鲜区即捞海鲜系千海水产嘅重点，活海鲜有款选择，包括有大头虾、草虾、蓝花蟹、番薯蚬、沙白、鲍鱼、白刀贝、花螺等，每款都好新鲜，店员会定时refill海鲜以维持供应。每次捞完海鲜都可以交比在旁店员清洗干净，等大约5至10分钟，就可以凭号码牌去攞。大头虾好新鲜，拎上枱时仲扎扎跳，好生猛，大头虾肉质弹牙鲜嫩，头大多膏，虾膏甘香浓郁；蓝花蟹蟹黄饱满，蟹黄滑顺鲜甜；鲍鱼鲜嫩，弹牙爽口；沙白肉厚，味道鲜甜。QR code落单火锅汤底用QR code落单，拣咗鸳鸯锅，其中龙虾头锅汤底有成只龙虾好足料，龙虾香气扑鼻，充满鲜甜味；蟹皇海鲜锅，充满蟹膏香，汤底味道鲜香四溢；火锅配料方面，有牛、猪、羊肉选择，包括澳洲M5和牛、美国牛肩胛片、美国猪梅肉片、澳洲羊肉片等。澳洲M5和牛油花均匀，牛肉味浓郁。熟食方面有皇牌烧乳鸽王，外皮炸至金黄，口感外脆内嫩有肉汁；烧香草羊鞍，羊鞍惹味，肉嫩Juicy，加上芥末酱更惹味 ；川味烧鲜蚝，蒜味香浓，蚝肉鲜味肥美，带有川味香辣；芝麻鸡翼，外皮炸至金黄香脆 ，鸡肉嫩滑可口，好惹味；铁板鹅肝多士，鹅肝油脂丰腴，搭配脆卜卜嘅多士，口感丰富。自助熟食区熟食区有麻辣小龙虾、烤榴梿、烧肉、烤菠萝等。烤榴梿经烤过后味道更浓，温度微暖，口感软滑 creamy；点心区有烧卖、虾饺同埋小笼包。自助火锅配料区有新鲜蔬菜、美国蚝、海参、花胶、脆鲩鱼片、帆立贝、午餐肉、丸类、水鱿鱼、鸡子、燕饺、炸鱼皮、即食面等，款式丰富。饮品区饮品种类繁多，除咗有一般汽水、果汁、茶嘅饮品之外，仲有自家制冷泡茶、杨枝甘露、珍珠奶茶等，另外仲设有清酒及梅酒区。雪糕区自助区嘅甜品种类繁多，有Häagen-Dazs曲奇呍呢嗱雪糕同埋蓝莓味雪糕任食。
继续阅读
之前系网上见到洗版式短片，人人去到见到个大海鲜池都拍片放上网，已经心心眼好想去试，今日终于轮到我啦，今日放假可以食早饭吾使同人迫一入到门口真系比个大招财猫同埋大海鲜池吸引左，鲍鱼，贝类，虾类，蟹类，全部新鲜即捞，蟹类及鲍鱼会帮你斩件及清洗干净，店员会比号码牌你转头去攞返，好贴心呀。跟住重有好多小食，火锅配料全部摆放整齐干净，重有部份火锅配料，熟食系手机扫码点餐，当然重有无限量饮品，甜品啦！个人最喜爱澳洲M5和牛，烧乳鸽，铁板鹅肝多士，烧羊鞍，西京烧比目鱼，海燕窝椰汁炖木瓜，烤榴梿，真系食返几旧已回本，总之就系超值实在太多选择，不能尽录，大家快啲去试啦
继续阅读
上网见人介绍过呢间嘢，睇咗攻略知道晚餐时间未必够食。就拣咗平日午市时间有三个钟任食，带埋两老去试吓。汤底用迎新优惠拣咗麻辣锅同埋花胶鸡汤，不过汤底感觉上都冇乜特别。海鲜好新鲜，有个桶比你任你夹个下都几有趣。我个日有几种蚬，花甲好大只，两款蟹，三种虾，鲍鱼，全部都好生猛，啲海鲜食落都好弹牙结实，但鲜味就好似少咗少少。猪牛羊肉类都有，但主要食海鲜多，记忆点唔多，肉质都可以嘅。熟食质素都唔错，炸鸡翼，乳鸽，鸭肝多士等等，款式够食。出面都有好多款菇菜或者丸类比你自己夹，但真系食唔到咁多。甜品柜都有唔少款式，例如大福、炖蛋、细细件蛋糕，但我哋都食唔落了，因为有哈根大师糕任食，我哋都食咗两三杯。上菜速度正常，店员服务好好，有礼貌，收碟都快，主动提供纸巾。整体黎讲，成家都食得好满意，会再去食。少少个人意见就系如果食蚬嘅话，个火锅汤底可以加普通热水，唔使落佢哋壸汤，因为食到后尾会好咸。
继续阅读
今日我同朋友夜晚庆祝生日，于是我哋提早2个月前book位，入到去门面格局装修很靓，侍应很有礼貌地安排了座位俾我哋，门口有好多新鲜嘅海鲜，例如有虾有蟹有沙白右手边有无限非常非常之多嘅饮品款式令到我目不暇给，另外甜品区非常之多选择例如有Tiramisu木糠布甸芋泥布甸等等还有乳酪豆腐花各式各样不同种类的食物，另外有很多熟食例如鸡翼尖炸嘢牛舌烧生蚝鹅肝真系令我觉得很惊喜好好食呢样真系赞不绝口，而且很大件，汤底方面我觉得最正嘅系佢有一个好大嘅龙虾头里面有好多龙虾膏加上佢嘅汤底非常之浓味就算我同朋友今日冇落酱料我哋都觉得好好食，跟住我同朋友食咗好多雪糕，因为佢系Häagen-Dazs雪糕，我觉得非常有高质素，仲有香港牌子雪糕Coco Berry，非常之好味，最值得欣赏除咗甜品之外系佢啲冷泡茶仲有我最爱嘅无糖鸭屎香，同埋有我至爱的桂花乌龙，而且我仲喝了很多瓶杨枝甘露佢嘅甜度啱啱好唔会觉得好甜，令一啲减肥嘅人士都可以随便饮，我看见出面仲有很多蝴蝶酥口味很香脆，仲有小朋友最爱的软糖，非常多食物的种类。非常之喜欢这间餐厅令我觉得不用上深圳也可以吃到这些高质素的餐厅。
继续阅读