千味手工餃子

是日 (6 月30日) 自製長假，到銀行奔波完一輪之後，要趕喺1 點LUNCH TIME 人潮高峰前食個QUICK LUNCH。本來想食"鄰居"，不過都係想食LIGHT D，所以去咗食餃子。千味手工餃子之前已經食過1 次，有兩邊門口，可以由商場外或商場內入。鋪面較細，座位都迫。人多時都要搭枱。餃子種類都好多, 可以揀湯餃或煎餃，亦可以雙併。粟米豬肉+韭菜蝦湯餃 (6 隻雙拼)身為韭菜餃FANS, 當然要試下韭菜餃。坊間比較少係蝦做涵嘅，所以我就揀咗韭菜蝦湯餃同粟米豬肉湯餃。大約等咗5 分鐘就上菜啦。湯底係豬骨淮山花膠湯，味道濃郁，配埋餃子一齊食, 味道都搭。粟米豬肉餃 - 好多粟米粒, 而且餃子大大隻，好味! 韭菜蝦餃 - 我細個時媽媽成日整韭菜蝦餃子，所以一見到呢度有就二話不說ORDER 咗。雖然蝦份量唔算多，但係蝦好食，彈牙。另外，餐廳有提供菜脯配餃子食，味道不錯，有興趣可以問店員拎。最後埋單$48，有兩款餃子食, 又有湯飲，女生嚟講都飽肚。…查看更多

今晚買左外賣回家,倒左少少湯落餃子度,食到最尾個隻餃子,見到餃子有隻黑色蚊滋係度,原本諗住整走佢,但係原來係蚊滋痴住塊皮,大佬吖,做飲食你見塊白色餃子皮有黑色蚊滋你掉左佢喇,又包好到烚好都完全見唔到隻黑色蚊滋？如果我見唔到甘未食埋落肚,救命牙,諗起都好核凸,成兜野即刻掉落垃圾桶,雖然餃子唔差,但真係唔該認真搞下堂食d衛生先,同埋包餃子時個d蚊滋先,另外堂食d菜莆放好係碟先後上比客人,上到枱d菜莆乾都牙媽都唔認得,食左一啖菜莆即刻吐出嚟,今晚食左兜蚊滋餃子,食完搞到我勁不安…查看更多

11點嚟到荃灣，路過見到呢間餃子店無乜人，於是入去試咗8隻帆立貝蟲草花鮮蝦餃子，落完單10分鐘後就已經有得食8隻餃子都係大大粒，外皮偏薄，隱約見到入面包住滿滿嘅內餡。每隻餃子都包含彈牙嘅蝦同埋帆立貝，另外仲有椰菜同埋紅蘿蔔粒，餡料豐富，每一啖都非常滿足～八隻已經夠晒我哋兩個人share。而味道方面，主角之一嘅帆立貝似乎只係提供軟糯口感，增鮮效果並唔明顯。至於湯底就係熱辣辣嘅豬骨淮山花膠湯，配有粟米同埋紅蘿蔔，仲有幾粒杞子，濃郁鮮甜，飲完一啖又一啖～有機會會過嚟試埋佢嘅煎餃…查看更多

原本以為餃子份量大就代表抵食，但事實卻令人失望。餃子內餡菜多肉少，品質低劣，蔬菜沒有徹底清潔，仍有發泡膠粒，肉質更是夾雜碎骨，食材明顯處理不當，讓人懷疑店家是否用心選材。不按顧客的單製作，是色盲還是文盲？或許他們刻意烹煮高利潤的餃子，以為食客不會察覺。然而，這樣的做法只會讓人感到被欺騙。尤其是三拼套餐，價格已經訂得相當高昂，卻連基本的製作要求都無法達到。如果店家沒有能力妥善處理多樣化的菜單，就不應該勉強推出這麼多選擇，徒增顧客的不滿。這樣的用餐體驗不僅令人失望，更讓人對店家的誠信和專業度產生質疑。…查看更多

早幾日買咗個外賣八隻餃子加麵，返到屋企發覺冇麵，得餃子於是打電話落去跟他說，他說唔好意思過兩日來攞返，於是今天下去跟他說想攞返錢他說不能俾錢只可以俾返個剩麵我攞走，咁即係要我再幫襯多你一次，我話唔使啦當冇嚟過，咁服務態度你嘅錯誤要我承擔，祝你生意興隆，全力支持國內消費…查看更多

湯餃伯爵 好大隻食完真係 可以當一餐飯， 碗湯唔錯幾好飲 甜甜地， 但係始終覺得好似 淆得唔夠耐冇老火湯嗰個感覺 ，但係就冇乜肥膩。 湯餃我叫咗芫茜 ，ok 㗎味道唔錯。朋友叫咗韭菜煎餃 ，都係 無敵咁大隻，食完好飽，食完之後夜晚返到屋企都有一 陣陣 咽出嘅韭菜味 ，令你回味無窮。 我見到佢哋好似用豬油煎餃，所以應該香啲， 不過如果佢哋能夠將煎功做到有 🇩 似鍋貼咁樣，我相信更加好食，更加能夠吸引客人， 而家你就會覺得ok啦大大件都唔錯啦。加十蚊有湯有生菜 味道正正常常。…查看更多

荃灣區真的很多小店，餃子店也不少。這間在千色店匯商場內都易搵到之前經過幾次都好多人，所以好有興趣去試下沒想到是巨型餃子不是誇張每隻比湯匙還要大可湯可煎可加錢跟湯麵或淨食餃子如果淨食煎餃會跟一碗湯。餐牌話湯底是豬骨淮山花膠湯。又真係見到有粟米有紅蘿蔔🥕湯餃點了韮菜豬肉及白菜豬肉雙拼煎就櫻花蝦京蔥豬肉及蟲草花雞肉淮山餃每隻都真材實料不過餃子都是豬肉好雞肉就會淡口點8隻淨餃子加黑芝麻豆漿真的可以好飽既一餐怪不得很多人光顧地方就真是講不上舒適整潔為主…查看更多

朋友之前帶過我去食一次，一食驚為天人，餃子真材實料，而且超大隻，價錢又唔貴，最重要係佢用豬骨淮山花膠煲嘅湯做湯底，鮮甜濃郁，絕對出邊的味精湯可以比對。一碗有八隻嘅帆立貝蟲草鮮蝦餃，每一隻餃子入邊都包着一粒帆立貝同鮮蝦絕對真材實料餡料非常飽滿。韭菜鮮蝦餃要嚟煎，外皮香脆煎後的韭菜香味非常突出，加上爽彈的鮮蝦，一口咬下去鮮甜爽彈，一口接一口，很快就清盆。叫一碟小吃爽滑魚皮，紅油半日爽滑魚皮中香辣適中，再加入少許青瓜絲同炸過的花生米，簡直餸酒一流。…查看更多

叫咗個韭菜水餃，食食吓有條頭髮撠住，店員只換過另「一隻」俾我，不是取消賬單亦不重新再煮。同一時間隔籬枱有兩碗水餃d肉係生既！呢間舖頭已入黑名單！！成間舖頭得兩個店員好似唔想做你生意一樣！…查看更多

過嚟呢間舖頭喺店面叫外賣、叫咗兩款餃子各六隻，合共應該$96但係佢話收$100，我感到好奇問一問佢點解我同一張單只係叫兩款嘢食要收$4，佢話因為咁樣叫做兩個外賣 ？！ 但係因為已經俾咗錢出單，先發覺係$100 ，經無奈之後上外賣平台睇自取完全唔使收$4 ！ 之後問返店舖職員了解吓佢直接答我，我哋係咁，我心諗如果我要嗌六至七人份量10樣嘢食，佢咪要收我$20？ 真係百思不得其解呢間完全冇邏輯既鋪頭！ 希望呢間舖頭真係要認真諗清楚到底一張單 嘅外賣要點樣計外賣費，我覺得有啲俾人呃嘅感覺…查看更多

第一次喺呢間食餃子坐低10分鐘左右上枱，咬落第一啖感覺怪怪地內裏點解唔熱？一睇原來未煮熟，啲豬肉仲係生，有冇搞錯豬肉都煮唔熟？係咪冇錢請個正常廚師，要請個智力唔正常嘅廚房佬？連最基本烚熟餃子都唔識。…查看更多