千味手工餃子

是日 (6 月30日) 自制长假，到银行奔波完一轮之后，要赶喺1 点LUNCH TIME 人潮高峰前食个QUICK LUNCH。本来想食"邻居"，不过都系想食LIGHT D，所以去咗食饺子。千味手工饺子之前已经食过1 次，有两边门口，可以由商场外或商场内入。铺面较细，座位都迫。人多时都要搭枱。饺子种类都好多, 可以拣汤饺或煎饺，亦可以双并。粟米猪肉+韭菜虾汤饺 (6 只双拼)身为韭菜饺FANS, 当然要试下韭菜饺。坊间比较少系虾做涵嘅，所以我就拣咗韭菜虾汤饺同粟米猪肉汤饺。大约等咗5 分钟就上菜啦。汤底系猪骨淮山花胶汤，味道浓郁，配埋饺子一齐食, 味道都搭。粟米猪肉饺 - 好多粟米粒, 而且饺子大大只，好味! 韭菜虾饺 - 我细个时妈妈成日整韭菜虾饺子，所以一见到呢度有就二话不说ORDER 咗。虽然虾份量唔算多，但系虾好食，弹牙。另外，餐厅有提供菜脯配饺子食，味道不错，有兴趣可以问店员拎。最后埋单$48，有两款饺子食, 又有汤饮，女生嚟讲都饱肚。…查看更多

11点嚟到荃湾，路过见到呢间饺子店无乜人，于是入去试咗8只帆立贝虫草花鲜虾饺子，落完单10分钟后就已经有得食8只饺子都系大大粒，外皮偏薄，隐约见到入面包住满满嘅内馅。每只饺子都包含弹牙嘅虾同埋帆立贝，另外仲有椰菜同埋红萝卜粒，馅料丰富，每一啖都非常满足～八只已经够晒我哋两个人share。而味道方面，主角之一嘅帆立贝似乎只系提供软糯口感，增鲜效果并唔明显。至于汤底就系热辣辣嘅猪骨淮山花胶汤，配有粟米同埋红萝卜，仲有几粒杞子，浓郁鲜甜，饮完一啖又一啖～有机会会过嚟试埋佢嘅煎饺…查看更多

原本以为饺子份量大就代表抵食，但事实却令人失望。饺子内馅菜多肉少，品质低劣，蔬菜没有彻底清洁，仍有发泡胶粒，肉质更是夹杂碎骨，食材明显处理不当，让人怀疑店家是否用心选材。不按顾客的单制作，是色盲还是文盲？或许他们刻意烹煮高利润的饺子，以为食客不会察觉。然而，这样的做法只会让人感到被欺骗。尤其是三拼套餐，价格已经订得相当高昂，却连基本的制作要求都无法达到。如果店家没有能力妥善处理多样化的菜单，就不应该勉强推出这么多选择，徒增顾客的不满。这样的用餐体验不仅令人失望，更让人对店家的诚信和专业度产生质疑。…查看更多

早几日买咗个外卖八只饺子加面，返到屋企发觉冇面，得饺子于是打电话落去跟他说，他说唔好意思过两日来攞返，于是今天下去跟他说想攞返钱他说不能俾钱只可以俾返个剩面我攞走，咁即系要我再帮衬多你一次，我话唔使啦当冇嚟过，咁服务态度你嘅错误要我承担，祝你生意兴隆，全力支持国内消费…查看更多

汤饺伯爵 好大只食完真系 可以当一餐饭， 碗汤唔错几好饮 甜甜地， 但系始终觉得好似 淆得唔够耐冇老火汤𠮶个感觉 ，但系就冇乜肥腻。 汤饺我叫咗芫茜 ，ok 㗎味道唔错。朋友叫咗韭菜煎饺 ，都系 无敌咁大只，食完好饱，食完之后夜晚返到屋企都有一 阵阵 咽出嘅韭菜味 ，令你回味无穷。 我见到佢哋好似用猪油煎饺，所以应该香啲， 不过如果佢哋能够将煎功做到有 🇩 似锅贴咁样，我相信更加好食，更加能够吸引客人， 而家你就会觉得ok啦大大件都唔错啦。加十蚊有汤有生菜 味道正正常常。…查看更多