千両 (時代廣場)

上班一族公司附近冇千両真係好少食lunch set , 印象中食過一次。上次唔使諗就配咖啡。由於今次早上已經飲咗兩杯咖啡，冇睇清楚成個餐牌個店員就要你落單，揀咗主食之後，問店員午市套餐包啲乜嘢飲品。佢淨係同我講：「加$10可以有凍茶或者咖啡」 大佬2樣都唔係我想點嘅，咁我咪問仲有冇其他，佢比個drinks menu 我乜都冇講🙄🙄🙄我再問：「lunch set 包d咩飲品」即時反白眼講多次：「加$10可以有凍茶或者咖啡」 我再問：「加$10可以有凍茶或者咖啡，咁唔加錢呢？」佢勁不耐煩，嫌我阻住佢咁答：「午市套餐只係加$10可以有凍茶或者咖啡」 大佬我唔係白癡，同一個答案唔使講三次我再問：「係咪即係唔午市套餐本身不包飲品？可以優惠價錢加$10有凍茶或者咖啡」 藐晒嘴咁話：「係」唔該係你講得唔清唔楚囉😡😡😡😡😡😡食到咁上下————-同一個侍應，問都冇問就收走咗我個份餐，大佬我哋share食，我前面嗰份食完啫。仲有一個餐都未食。收晒啲餐具都冇興趣再食落去🤬🤬🤬🤬🤬到想埋單，舉極手都冇人行埋嚟。終於另一個有禮貌少少有笑容嘅男侍應走埋嚟，佢叫我自己行出去埋單就可以㗎啦。跟住我話連落單紙都冇，行出去點埋單，佢立即比返張落單紙俾我。到行出去埋單嘅時候，又見返嗰個女侍應收錢。比完錢之後仲送我一個木無表情嘅面目。認真的我同佢雙目雙對，佢個樣同擘大眼嘅死人冇分別。真係完完全全冇表情，我唯有望吓佢個名牌，唔開名啊不過原來佢係經理級🙈🙈🙈真係好難想像服務性行業可以擺呢個樣出嚟。Manager都可以咁嘅態度，香港經濟真係多謝晒你。講真成餐飯裏面，我都冇對店員表示過不滿。亦都即場有任何胡鬧，只係食完𢓭嘅小小分享。🥲🥲🥲🥲…查看更多

要問我最鍾意食咩，日本嘢一定首當其衝！朋友放假嚟接我收工，梗係要好好獎勵佢帶佢去食靚壽司啦～嚟到時代廣場地下，唔係好多人排隊正，即刻衝入去睇吓有咩好食先！.今次決定豪食，叫咗個精選刺身拼盤、壽司拼盤同串燒，食到差啲捧住個肚出嚟🫄。刺身拼盤每款都好新鮮，第一下梗係我最鍾意食嘅藍鰭吞拿魚啦，入口即溶啖啖油香超級滿足！大大隻牡丹蝦，爽甜彈牙，呢個開胃菜不得了不得了！.壽司拼盤入邊我最鍾意就係炙燒左口魚，仲有超大嚿海膽、油甘魚同三文魚腩，全部都超高質，不過最尾食得太飽決定棄飯🤣（ps呢個行為唔好，咪學）！.想食啲熱辣辣啲叫咗幾款雞串燒，月見雞肉棒成為咗我同朋友嘅MVP，啖啖肉配上軟骨超又有咬口！勁想瘋狂Encore 呢🥰。…查看更多

好鐘意去呢度食午餐午餐未去到好親民價，但如果計埋好食度，甘佢算係值回票價，食到飽飽好滿足😋午餐選擇算多元化，有熱食凍食，各款壽司餐俾你選擇。我最鐘意食佢個餐係有壽司同埋烏冬。通常都有配埋湯同啲配菜，感覺好豐富。我都幾鐘配埋佢個熱熱綠茶，好暖喔。魚生一如既往甘新鮮好食，十分鮮味。烏冬配有香滑牛肉，充滿牛肉甘香味。烏冬勒度適中。呢間環境舒適乾淨，侍應唔會吹你走，你可以同朋友坐耐啲，一邊傾吓計，細嘗食物。…查看更多

💁🏻‍♀️推薦去銅鑼灣時代分店/APM，德福廣場質素較差，做會員就可以每次儲分同用電話拎位。🍚食物👍🏻炙燒左口魚裙邊壽司(2件) $46千両招牌，油脂香十足好爽口，正！👍🏻吞拿魚壽司4點盛 $137必叫！有大吞、中吞、吞拿魚壽司、香蔥吞拿魚腩軍艦，每件都正，厚身過壽司郎，味道都不錯。👌🏻珍寶帶子壽司(1件) $26厚身大粒，都鮮甜，不錯。👌🏻三文魚籽手卷 $48手卷一定要上到枱馬上食，紫菜仲脆住，但一放耐咗就淋曬，三文魚子份量都多，不錯。👌🏻串燒豚肉 $30油脂均勻又肥又瘦，調味醬料味道剛剛好👎🏻炙燒和牛壽司三點盛 $162未做到入口即溶既口感，肉質比較韌👎🏻三文魚壽司(2件) $22同元氣三文魚壽司一樣味唔好食。👎🏻牛肉冰見烏冬 $60上枱時牛肉全生全紅，牛肉有根係普通版肥牛，不好吃。🤦🏻‍♀️更新左餐牌，無鵝肝壽司有點失望…查看更多

今日喺銅鑼灣搵咗幾個地方都發覺啲價錢有啲貴所以都係去返時代廣場千両我哋五個人埋單＄1700都叫reasonable價錢份量OK服務 OK環境OK個燒粟米特別出色個清酒活蜆有啲失望其他都滿意一定會再嚟不過依度九點就last order所以都有啲趕檸檬威士忌梳圢特上壽司拼盤 （20件）串燒雞腿肉伴柚子胡椒串燒厚切牛舌二軟殼蟹牛油果沙律伴日海膽軍艦牛油果軟殼蟹卷千西海鮮燉蛋鐵板牛油粟米串燒蘆筍清酒煮活蜆味酥魚干三文魚刺日本A4 黑毛和牛壽司…查看更多

全部魚都好新鮮，午餐粉糧好足，夠晒飽😋😋記得要叫呢2款午餐，比較滿足，下次會試埋其他餐，相信一定都會係好食，位置方便，環境舒適，坐得舒服，服務態度好，之後都會再來食…查看更多

唔經唔覺幾年無食過千両，今日叫左兩份好豐盛嘅午餐同朋友share食1️⃣吉列豬扒飯豬扒表面脆脆的薄皮，比較簿身，嘗算保留到肉汁。午餐仲有一碗麵豉湯，兩份菜一份小食，點解可以咁滿足2️⃣百両定食有壽司，天婦羅，鳥冬仲有沙律天婦羅偏油，但嘗可接受。而壽司🍣都有六款幾多，質素唔錯，唔算薄身，新鮮份量偏大，或者下次可以試點一份餐再散叫其他壽司或小食 🤤味道🤤：4/5🏝️環境🏝️：4/5💵抵食💵：3/5💁🏼服務💁🏼‍♀️：3/5…查看更多

餐廳：千両地點：時代廣場菜式：日本菜餐牌：主餐牌有職人壽司，刺身，壽司，炙燒，軍艦，卷物，手卷，前菜，小食，一品料理，燒物，串燒，炸物，煮物，湯，烏冬，甜品。另外有是日豐洲魚鮮餐牌。兵庫縣坂越生蠔 $58 一隻 另加一兵庫縣坂越生蠔冰鎮住上枱，連個殼都留返。Size算中size，質感實在爽脆，唔會太鹹或者太腥，海水味唔重。配有檸檬一片同少辣既蔥花蘿蔔蓉酸汁，配酸汁好食。馬上encore多兩隻先。豐洲貝3點刺身盛 $168 另加一豐洲貝3點刺身盛包括鳥貝4隻，象拔蚌2件，活帆立貝1隻，伴有檸檬兩片同wasabi。活帆立貝好細隻，一開二，質感普通。象拔蚌就唔錯。鳥貝無味又薄切。呢碟唔抵。時令魚薄切 12切 $168 另加一時令魚係鰤魚，真係幾薄，不過質素味道唔錯。伴有辣蘿蔔蓉，蔥花，同啫喱狀調味。無加豉油wasabi都可以。仲有黃色花瓣裝飾。豐洲10點壽司盛 $288 另加一豐洲10點壽司包括縞鰺，腩，尾長鯛，的鯛，系縒鯛，櫻羽鯛，赤伊佐木，天然小鯛，黑曹以，花笛鯛。十件壽司真係差唔多樣，都係白身魚，某d面頭加上辣蘿蔔蓉同蔥花，味道都係差唔多，刺身都幾薄切，個人覺得麻麻地，唔值得。燒羊架配柚子胡椒 （紐西蘭）$68 另加一叫左三件燒羊架，伴有檸檬同柚子胡椒。第三件細好多。贅沢壽司卷 $138 另加一贅沢壽司卷係一客8件細細件牛油果卷上面加上滑溜吞拿魚腩蓉，少少吞拿魚碎，細粒三文魚籽，鮮甜蟹肉，蔥花同海膽一大片。海膽就少少苦，其他配料都唔錯。日式海鮮茶壺湯 $38 另加一日式海鮮茶壺湯用個茶壺上。入面有帆立貝3粒，蜆2隻，蝦一隻，同幾條菇。面頭有一件青檸比你加落湯。個湯味道好清。帆立貝都唔太韌。呢個湯唔貴。串燒牛舌 $38 另加一串燒牛舌一串三塊，都算彈牙唔太韌，加左檸檬汁酸酸地都幾好食。伴有柚子胡椒。原條海鰻 $70 另加一原條海鰻用長碟上枱，都幾長。燒得暖暖地上枱，味道唔錯，係較薄身。另上一包鰻魚汁比你點。千両自家製日本厚燒甜蛋配柚子皮 $22 另加一千両自家製日本厚燒甜蛋一客兩件大大件，一件印有店名。味道甜甜地，係凍既，伴有白蘿蔔蓉。柚子味就唔覺。磯煮鮑魚 $88 另加一磯煮鮑魚熱辣辣上枱，鮑魚口感剛好，唔洗用刀切，個汁都唔錯，不過少少鹹，下底墊有白蘿蔔一大件，伴有少見既蒜心同菇仔。雙色雪糕糯米卷 $42 另加一雙色雪糕糯米卷一開二，煙韌糯米皮包住黑芝麻同豆腐味雪糕，雪得好硬，雪糕豆味比芝麻味濃。今餐食物有好有唔好，不過都算中上。…查看更多

平時都有去食開千兩㗎喇，但係今日有人邀請佢食 Bluefin Tuna。就算請假，都要去食呀！呢條係完全飼養嘅吞拿魚，唔係野生嘅！好大條㗎，成50公斤重！佢有解釋呢條魚有咩特別㗎，但係我乜都記唔到，淨係最重要嗰幾個字Toro Toro and Toro！咁今次食拖羅之外，仲有食咗其他唔同嘅部份嘅。譬如魚尾魚下巴 etc 。真係唔同啲嘅，食條新鮮嘅Bluefin吞拿魚! 好油好正！食完都仲有啲唔夠喉，想食多次！今晚安排好好俾咗個靚位，我哋仲可以睇到佢劏魚！招呼一流，個個都面帶笑容 😁！抵我成日嚟呢間食㗎🥳🤩…查看更多

兩個人食日本野又想坐得舒服啲就去左食千兩～佢晏晝啲set 都算抵食嘅，同埋個menu 都多野食，同埋佢啲刺身又真係比其他餐廳新鮮啲嘅，同埋又可以慢慢食慢慢坐～ 傾野晏就時段就可以再食佢😋😋…查看更多

放左咁多日假，等左千兩個lunch好耐啦，就算一個人都忍唔住去排隊，其實佢lunch真係好多選擇，有滑蛋豬扒飯， 西京燒定食， 壽喜燒定食， 而我最鍾意都係烏冬烏冬定食會配4件炙燒壽司+2款炸物絕對夠飽…查看更多

食千兩最好係預先拎定飛，否則有可能要等兩小時，都未能入座。以日本野黎講，千兩既性價比算好高，同集團既元氣雖然平大約一成，但用料不夠千兩新鮮，千兩既刺身同壽司唔會出現未解凍或擺太耐。份量亦好足，最重要係佢既WASABI係生磨，好有日本FEEL。甜品既紅豆係日本十勝紅豆，甜度十足，綠茶瑞士卷亦好濃綠茶味。服務方面，店員都好有禮貌，漏單同佢講，會好認真幫忙，唔會HEA你。食物出菜速度不會太急。海膽同拖羅經常缺貨，如果想食，要早D入座。…查看更多

今天又有Me time時間，在美容院按摩完剛好午餐時段，當然去找吃的，因為千両要續會籍，所以不用費神就決定去千兩吃CP值高的午餐。千兩會員可以遙距取票，到達店門前時間剛好， 不用等候馬上可以入座。👍今天選擇了: ~ 豐洲魚鮮刺身飯定食（$128）定食包括 沙律、麵豉湯、五款刺身(厚切)各兩片，配三文魚籽蛋絲飯。沙律和麵豉湯屬一般正常。五款刺身雖然不是很特別，都是普通的三文魚/赤身/油甘魚/章紅魚/八爪魚刺身，但每片刺身都有一定的大小，而且也是厚切，入口感覺新鮮，我更還把墊底的海藻也一併吃光呢 ( 海藻功效超多，有助心血管健康)。👍不過這一個刺身午餐我認為最突出的就是這一碗三文魚籽蛋絲飯😍，在軟糯的白飯上蓋滿了軟綿綿的雞蛋絲， 雞蛋絲中央放了份量約一大湯匙左右的三文魚籽。 我本來不太喜歡吃三文魚籽的 (除非在日本😄)，因為在香港經常吃到有三文魚籽的魚腥味，但我在日本吃到的卻沒魚油腥味 (崇日😄)！但是吃完這碗飯後，讓我對三文魚籽有很大的改觀。 👍我先把一些魚生醬油及芥辣加到白飯中混合在一起吃，好像吃刺身丼的方式來吃這碗飯。三文魚籽粒粒飽滿分明，精瑩剔透，入口爆開有滿滿魚油鮮香，卻一點魚油的腥味也沒有，令我超級驚喜👍；蛋絲幼細綿滑不帶半點油，與三文魚籽及溫暖白飯同吃，幸福感超大🥰；幾乎不用配其他刺身也能把這一碗飯吃光，我吃完了整碗飯，刺身還剩下兩三片呢！ 第一次吃這個飯已經愛上了！ 😍套餐價錢只需$128，個人認為絕對超值！👍 唯一要挑剔的就是有兩片刺身內有一點碎骨未有處理好， 希望餐廳 刺身師傅會多加留意。👌最後當然要喝我每次必點的炭燒研磨咖啡 (跟餐+$8)今日星期四，時代廣場購物可以取得雙倍優惠券，吃完午餐馬上出發巡舖了😆。…查看更多

見到 Times Square 千両新裝修完，今日入去食個 lunch !個人覺得千兩嘅 set lunch 比較抵食啲，weekdays 同 weekend lunch menu 係唔同嘅～當然大致上都以壽司同刺身為主。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯今日order 左：豐洲魚鮮壽司定食珍壽司烏冬定食每款定食都包麵豉湯同前菜沙律，加$8仲可以有冰凍嘅果茶。在銅鑼灣區食個 lunch 再加埋有泊車，Times Square 千両算係幾好選擇（weekdays 商場滿$200泊3小時) 。好多時都見要排隊等位的，今日比較早去到所以唔洗等太耐😎…查看更多

今日試左時令炙燒刺身丼定食炙燒刺身有三文魚，左口魚，帆立貝仲有玉子燒，三文魚籽，半隻龍蝦🦞全部靚靚仔舖在壽司飯上🍚定食配埋麵豉湯同雜菜沙律呢款定食配嘅茶碗蒸係有大大隻熟蝦同帆立貝最重要係好耐冇飲梅酒想飲得暢快不如六花酒造·梅酒300ml成支上🥃🍶…查看更多