十勝牛和食料理

营业中

休息中

在午餐時段的鰻魚飯也只是五十多元，好划算，還配飲品！！餐廳有日式便當盒裝著鰻魚飯，看上去好像很少，但吃著吃著很快就飽，蒲汁鰻魚份量又多，更有日式的前菜，如面豉湯、螺肉等，很推薦大家嘗試一下！

平價之選, 突然好想食蟹子沙律， 就諗起呢一間， 佢嘅大蟹子沙律真係好Big Big，唔單止個碗好大， 好足料， 有別於其他餐廳🥒🦀🥗， 真係好抵食🤭自選刺身 包括有: 三文魚、帶子 、 油甘魚、🦐甜蝦、北寄貝、 仲有唔記得係咩魚🤣🤣🤣炸墨魚咀🦑😍 熱辣辣卜卜/脆嘅墨魚咀配上 🍋檸檬汁簡直係絕配仲有串燒 叫咗雞翼🐥 、青椒 、冬菇 、🐤雞肉 、🐽豬頸肉 、🐣雞軟骨🍢 串燒不過不失🦌鹿兒島A5和牛🐮壽司🐂🐃🐃🐂🐮 牛肉火鍋 ♨️配西瓜汁簡簡單單又一餐。。。

今日嚟咗油塘大本營，想喺度食埋晚餐先返屋企，見到呢間日本餐廳—— 十勝牛和食料理Tokachi Gyuu Amazing Shabu Shabu，見到餐牌上嘅嘢食都好似好吸引，所以同朋友入咗去食😋地獄海鮮石鍋烏冬 ($50)- 一上枱就已經非常吸睛，因為係石鍋烏冬，上台嗰陣仲滾緊，香氣撲鼻，超級誘人- 辣度適中，湯底都幾濃郁，非常惹味- 海鮮配料超級豐富，有青口、大蝦、蟹柳，食到舔舔脷- 烏冬份量都好夠，食得超滿足鰻魚炒飯 ($47)- 鰻魚炒飯性價比超高，份量超大， $47超級抵食- 鰻魚炒飯炒得好香口，連埋配料，口感好豐富，味道鹹鹹香香，令人食唔停口環境都幾衛生乾淨，坐得都幾舒服，而且整體嚟講食物都好正，$100左右兩個人嘅晚餐就搞掂，超高性價比😋

食物質素可以接受，但係短髮老女收銀員態度極之惡劣，扮大家姐，無禮貌，入錯單又唔認，亂咁收錢，整體成間店舖質素良好 ，唯獨是收銀員服務態度非常惡劣，已經不是第一次黑口黑面，而今次更要落錯單，希望十勝牛管理層能夠跟進此問題，以免被一個員工影響整間店舖

环境：環境不錯，位置很寬，適合一家人去吃服务：工作人員服務不錯，就是感覺不太夠人手，下單點餐比較慢。下午時間。點了一個拉麵吃，味道還好，不差也不壞，還有三件壽司🍣送。個人感覺還可以，推薦指數。3.5顆星🌟

假日午市都係$44好抵啊!雖然要加一,但係價錢合理,仲配嘢飲㖭。至於係味道方面,啲炸豬扒好香好脆,啲肉又厚,都好足料架!加埋日式咖哩同豬扒相互輝映之下,勝過其他一般日式小店啊!總括而言哩間既cp值超高啊！

今日黎左油塘行街，路經見到呢間日式餐廳，食物既價錢幾抵食wo，就決定一試啦食物種類都算多，我地最後揀左幾款黎食！呢度上菜速度都算快，好快就有野食啦～壽司🍣1️⃣三文魚壽司 ~ 不太理想，魚生唔算肥美新鮮，飯亦生硬2️⃣芝士蟹籽壽司 ~ 唔錯，芝士味都幾濃3️⃣帆立貝壽司 ~ 一般，一夾起就已經要散開咁啦4️⃣卷物 － 牛油果風沙芝士鰻魚卷呢個幾好食！一啖咬落去，無諗到牛油果，芝士同鰻魚咁夾，再配合中間既脆片，口感相當唔錯5️⃣滑蛋豬扒飯呢個豬扒飯不理想，可以話失望，雖然飯既份量好足，但豬扒份量偏小，而且豬扒厚度很薄，味道亦係麻麻，最後我地只係食左一半6️⃣一口芝士波呢個芝士波口感還可以，外層尚算鬆脆，內裡芝士咪尚算濃郁。7️⃣烤雞軟骨粒呢個熱辣辣嘅雞軟骨味道還可以，脆口，配合檸檬汁酸酸地，十分開胃，可惜店員係最後先上呢碟雞軟骨，如果佢送菜既次序安排得好d先上呢份開胃菜，會更理想！最後埋單二百蚊度，2個人晚餐每人＄100食左幾道菜，雖然質素不算太理想，但性價比就十分唔錯！平平地就食到日式食物，已經好好

去食個午餐都要受氣。同朋友叫左兩個午餐，諗住餐類應唔駛等好耐。點知，一個餐等左好耐都未到，朋友都食完，眼見其他遲過我落單的都食緊。咁我唯有問下侍應可唔可以幫手跟進下。點知個侍應睇都無睇就話㕑房做緊，等下。如是者隔左十分鐘，我再問另一個侍應，佢話幫手睇下。點知佢隔離個侍應話唔駛幫手追，等下就得😡😡😡結果30分鐘先餐到，在等嘅期間，我睇返呢間餐廳嘅評語，發現自2013年起，評價好多都係服務態度差，咁多年都無改善。今次真係中伏，無下次。

平時都有幫襯開覺得不錯，但今日我地去到諗住入去食，職員見到我同朋友企係門口扮睇唔到！要行入去再叫多2次門口收銀處個職員先至幫我地安排坐位！入到去叫野食個陣我朋友叫企係隔離既2位職員落單又被無視，要我大叫：「麻煩你我想叫野食」之後先黑面咁行過嚟！

油塘食野都離不開大本型㗎喇，都係因為政府嘅建設啦，香港嘅屋邨小舖只會越來越少，比商場取代，即係連鎖食肆取代，大本型一個food court就係表表者啦。今次唔食food court, 揀左十勝牛，係港式嘅日本野咁，價錢都幾抵喎，叫左兩個都係牛，兩個都係石鍋熱辣辣上枱，賣相其實OK，不過太鹹了，鹹到有一個最後係食唔到，至於個芝士年糕係可以的。點解成日都面都好多元化，下次可以試吓佢啲拉麵、沙律，希望無咁鹹啦。

喺油塘嘅商場行吓街，諗住食佢嘅下午茶，見到價錢幾吸引就決定食呢間啦。坐低之後，我哋餐牌都未睇完就有職員問我哋食咩啦，咁當時候仲未到下午茶時段，但係店舖外已經擺滿下午茶時段嘅餐，咁我就問職員可唔可以等到下午茶時段在落單，職員好差語氣話ok..咁係等候嘅時段我哋諗住要杯水，舉手示意之後，等咗好耐都未有水，再舉多次手，先有職員比水我哋。大概10分鐘之後，就係下午茶時段，咁我同朋友一人一個餐。15分鐘之後我朋友嘅餐已經到咗，咁我以為我個餐都好快到，所以我再等多陣，朋友就嚟食完嘅時候就問我點解我嘅餐仲未嚟，咁呢個時候我就舉手示意，職員竟然答我，原來漏咗單冇寫到..咁我再等，等左好耐，終於都可以食我個下午茶啦..

好耐之前有食開，無食一排宜家又食返，以前我食個類似黑松露雞意大利飯之類，唔錯。今次見人食拉麵我自己又試下，但就有啲失望，份量系幾大碗，但可惜拉麵冧左，😭，但豬扒大塊薄薄地勝在全肉無骨又唔肥，正宗啖啖肉，炸粉適中唔厚，脆卜卜。另外一個正野！我狐狸仔介紹既一口芝士波，勁正，擺明系小朋友食既系超市賣既一粒粒正方形芝士咁款，不過加左薄薄炸粉，9成芝士1成炸面，仲絕絕唔細粒！無偷工！叫得過！呢個系狐狸仔叫既魚生丼，外表細細分，實在實的的，好足料，魚子彈牙，其他惹味。正野！

每次去油塘都會去大本營的十勝食日本嘢😍因為天氣凍，所以叫咗個豆腐石頭鍋，上枱時個鍋仲係熱騰騰的，這個冬天必選。而且非常足料，一人份量😍首選必點的是芝麻雞翼，這裏的芝麻雞翼炸得好香脆，而內裏的雞肉仍保持滑溜、多汁。好正😋😋一碟四隻，兩人分到兩隻超滿足😝牛油果沙律醬汁好好味酸酸甜甜，菜亦好新鮮！唯獨是個牛油果太少喇☹️這個蕃茄蟹柳烏冬，番茄醬很濃，烏冬嗦晒啲蕃茄味，好好食😋

佢之前無咁貴不過仍然好好味，今次叫左三文魚子蛋白炒飯比啊女，佢話好好味，平時吃很少都食曬，我叫左個炸蝦卷食，好足料，唔會得炸粉，蝦都幾大隻👍👍，同屋企人食唔錯。上菜都好快，服務態度好好，好nice。但要早D排隊，好多人，同埋有少少污糟......之前都食過佢地嘅壽司（三文魚、吞拿魚、玉子），都唔錯，幾大件👍蛋包飯都好正，裡面唔會係得飯同汁，有少少蘑菇、菜，隻蛋都好滑架✨✨呢間非常值得推介！！

上星期同埋個同事去左油塘做野兼搵食，所以就上網搵到呢間叫「十勝牛」嘅日式餐廳，出名價錢平！但服務就唔多掂🤔不過由於糧尾，荷包君有啲緊，所以就比佢嘅價錢引左我地去😑🔹滑蛋豬扒飯$44：滑蛋撈飯不嬲都係正嘅🤩佢仲要加左少少燒汁👍🏻更加惹味！豬扒係炸過嘅，但就唔算話係好鬆軟，但以呢個價錢黎講，都算係咁🥴🔹日式餃子拉麵$33：雖然係平，但味道一般，湯底係豬骨湯，普普通通🙄餃子係炸嘅，但放埋落湯到就淋晒😓完全唔明點解佢要放埋落去😑會去食嘅朋友仔，記得叫佢分開上❗️🔹三文魚腩刺身$58：呢個真係正嘅👍🏻腩位又厚又肥美🤤$58呢個價錢真係冇得輸😎🔹蒲燒鰻魚$76：份量都算多，目測都係正常Size嘅鰻魚一條！不過呢個平時出面超市買應該要$80-$90，所以佢$76都算平😊味道就屬於正常水平，唔會有好多幼骨！唔錯的！🔹凍菊花蜜（跟餐）：叫餐會送熱飲或者係菊花蜜，呢杯野比想像中冇咁甜！但菊花味就唔算濃，估計都係溝左小小水😂至於點解會話佢服務失色，落單時店員全程黑面，表現不耐煩，又唔會望住你，感覺就好似問緊你「得未呀？」😪不過食之前都睇過下其他食客嘅評論，都係講服務唔係好掂，親身體驗