十二味 (D2 Place TWO)

营业中

休息中

嗰陣時疫情冇得上大陸食太二酸菜魚😭我喺香港食咗好多間酸菜魚餐廳🐟芸芸之間始終覺得十二味係最正宗最好食辣度同酸度係恰到好處唔會過酸過辣十二味越開越多D2 place最近都開咗間❤️舖面一貫紅燈籠裝飾暗紅燈光🏮🏮🏮唔知點解呢種環境我就會覺得好開胃🤣好似沙田食乳鴿嗰間飯店（龍華？）呢間魚又夠滑溜鮮美雖然走過油但係唔會覺得好肥膩之前我食過第二啲舖頭啲魚又腥又散個感覺唔夠清除俐落濁濁地😶‍🌫️不過今日我係買外賣返屋企如果拎住盆酸菜魚就會好麻煩所以我就買左秘製醬香鍋再加杏仁青檸蝦球算😌醬香鍋最少要加五個餸我就揀咗田雞/牛舌/萵荀/蓮藕/娃娃菜醬香鍋嘅醬汁底料已經超級惹味全部配料都同調味撈勻晒一齊勁好送飯田雞肉夠彈牙結實牛舌有濃厚嘅牛味令我極驚喜！好正😍（我以前好驚食牛舌覺得好似同隻牛脷疊脷好嘔心）🤣🤣forgive me其他嘅蔬菜都好入味尤其是蓮藕爽脆爆炒風味成盤嘅超級足料！🤩就咁一盤已經可以當係一個四人晚餐份量不過點可以咁寡🤣再叫多個杏仁青檸蝦球🍤酸酸甜甜好開胃蝦肉彈彈杏仁脆脆唔會話淨係食啲重口味嘢咁單調可以俾個味蕾清新一下💃🏼🕺🏾梅花間竹又鹹又甜呃下個胃無咁滯又可以繼續食食食食食食🍴🍴🍴🍴🍴😋

今日放假約左朋友係D2 place high tea High tea 完就要解決同darling 既晚餐 佢話想食辣野 見到有十二味 又有外賣自取9折 所以就試下其實佢仲有晚餐set 仲抵 不過darling 已經有心水所以冇揀叫左經典辣香鍋 小辣 主食 叫左 鮮蝦 、滷水肥腸、五花腩配菜 叫左豆皮 、萵筍干鍋一定要食辣先惹味 叫左小辣 唔算好算 但有辣 有麻 岩岩好打開份量勁勁勁多本身都有跟 芫茜 、 豆 、辣椒仔雖然只係叫左五個餸 但每個餸都好多肉類都好新鮮 配菜又好入味 另外叫埋 川式口水雞 小辣 份量唔算好多不過雞好滑 仲有青瓜係底沾埋口水雞醬都唔會好辣 雖然只係兩個餸 但份量大到兩個人係食唔晒

十二味 荔枝角長順街15號D2 Place TWO 2樓212B, 213, 216A號舖長沙灣道站一出就係D2 Place 2 期 呢間十二味 裝修設計簡約最緊要坐得舒服，好食就得經典香辣鍋 小辣雞翼 魚蛋 土豆 寬粉 油麥菜 濃郁的香辣口味 青辣椒紅辣椒花生粒 成鍋勁香單骨惹味雞翼 大大粒彈牙魚蛋 土豆切到一條條好似薯條咁 滑捋捋寬粉蔥油拌麵蔥油是這道菜的靈魂所在 釋放出蔥的香氣使用細麵條，如絲狀的麵條紅糖糍粑粉質軟糯，具有一定的黏性 獨特的嚼勁甜味較為濃郁 整體味道不會過於甜膩

次次1點食飯時間去到都見幾多人排隊，今日12:30左右到餐廳大概5分鐘左右就有位叫左3個餐，分別係酸菜魚米線，口水雞飯及香鍋炒雞翼肥腸飯，3個餐分量好足.酸菜魚米線，魚好多而且冇骨，味道一流香鍋炒雞翼肥腸，鍋內有蓮藕，薯仔，牙菜，，單骨雞翼，而肥腸係有的脆，叫左小辣，都辣辣地最後係口水雞，叫左中辣 味道岩岩好而且雞都幾滑

-十二味-@荔枝角.之前去十二味都係食酸菜魚，今次想試下其他，選擇左香鍋。.秘制醬香鍋($238)自選香鍋，鍋底選擇了秘製醬香鍋，配料要選擇5款或以上，我們點了鹵水肥腸、牛百葉、牛舌、五花腩、寬粉。.醬香鍋點了唔辣，秘製醬料好香濃，加埋莞茜提味，仲有爽口的青瓜和黃豆，令口感更多層次。.香鍋份量好大，而且每款配料都好足。牛舌味道夠香，肉質軟嫩。.半透明的寬粉咬落帶點彈牙，而且吸收晒香鍋的精華，必點推介。.清炒綠時蔬 ($68)當晚時蔬係油麥菜，份量都好多。調味不錯唔會太咸，係稍嫌有點油膩。.熱情果蘇打 ($28)加$28就有勁大杯的飲品，超抵價。成杯飲品唔會太甜，配埋濃味香鍋一流。.

十二味小妹中學時期已經食過，今日系D2 place 2期行街估唔到又系2樓撞返佢，於是我同朋友就決定一齊懷舊舊時風味眾所週知，十二味係食川菜，當中特別以酸菜魚最為出名，其他特色菜例如有：川香回鍋肉、水煮牛肉、川式口水雞、泡椒牛肉等，岩哂所有愛辣朋友餐廳環境主要以中式設計為主調，放滿紅色燈籠🏮、座位係仿藤織櫈，放有海綿坐墊，坐得幾舒服同朋友約左食6點半晚市，客人已經陸陸續續進入點餐方面,用QR code 系統落單，快捷方便燒椒皮蛋嘩！好驚喜！餐廳選用左黃金皮蛋（雞蛋🥚製）, 蛋味香而唔會太濃，反而帶出燒椒既麻香味大廚識野人見人愛酸菜魚主角出場！十二味招牌酸菜魚🐟因為朋友唔食得辣，所以今次叫左唔辣無骨鱸魚片，每塊都薄細有心思肉質細滑，索哂湯底酸菜味，酸中帶鮮配菜方面，除左大量酸菜，當然仲有菇類，爽菜配嫩魚肉，即刻夾左呢盤酸菜魚份量，兩個女仔食份量岩岩好，估唔到事隔多年，十二味既酸菜魚味道依然保持住，食到飽埋單都係二百幾，抵食

今晚唔想煮飯，但係又唔想出街食，於是朋友提意响公司附近D2 Place Two 商場嘅川菜館，外賣餸菜返屋企食。嘩！喺屋企煲個飯就有好嘢食，我梗係冇異議啦😋。經典香辣鍋小辣 $38.- (跟最少5款配料共$208.-) 配料由$28.-起，辣度分三級，可另加麻或走芫茜，芝麻及黃豆，自行選配成為一款最適合自己口味嘅香辣喎😍正。香辣鍋用上大量切碎嘅青椒、辣椒、薑、蒜、蔥及芫茜，再加上配料一齊炒，味道非常惹味香辣。鮮蝦肉質彈牙，新鮮味美。金錢肚同牛舌，肉質軟腍帶牛香味，豬頸肉口感軟腍帶油脂香味。蓮藕片細細片，口感爽脆，非常吸味，零舍香辣，餸飯一流，搞到我忍唔住食多咗一碗飯🤣。川式口水雞 $73.-雞肉有雞香味，肉質非常嫩滑，醬汁鹹味適中，加上味道鮮香麻辣，越食越好味🤤。

今日打風趕住返屋企，唔想煑飯，順路去D2 Place2期新開的十二味買外賣回家，外賣自取有9折。試過十二味其他分店的酸菜魚覺得有水準。今晚叫了一份人見人愛酸菜魚和最佳拍檔粉條。媽媽不吃辣，所以叫了不辣的酸菜魚。我還叫了不辣的大盆花菜。酸菜魚份量足，有很多鱸魚片，魚片大大塊沒有骨 ，魚肉結實鮮味，配菜酸菜，蒿荀和鮮菇很夾味，湯酸甜，開胃美味，粉條滑，真係酸菜魚最佳拍檔，爸媽都讚好。大盆花菜是福花炒五花肉和韮菜，有風味，福花爽甜，五花肉片油脂香有肉味，好食。三個人兩個餸食完都好飽，滿足!午市套餐都好抵食，下次再來試麻辣香鍋和其他菜。

8人訂位去食，準時去到，叫我哋去最入有個類似房間入面嘅圓檯，以為正啦，點知坐落好焗，見個冷氣好似無著，就叫侍應開，回答係“間房係焗D”，但由始至終無打算開冷氣，於是拿拿臨坐返出去，出面有返D冷氣，但感覺都係唔太夠，尤其係跟住要食辣嘢。。。出到去，點完菜，有人叫咗嘢飲有人想飲水，想叫侍應俾幾杯水，個個四圍望都唔行過嚟，最後有個男仔（樣比較年輕、戴眼鏡）要上菜去隔離檯，焗住要過嚟，叫佢俾D水，回應：“要幾多杯呀咁？”晦氣到__街，我都唔知幾時得罪佢，痴線。之後陸續上菜，都冇乜嘢，但水就無主動加過。後尾想加碟唔辣嘅餸，但唔知嗰碟陳皮牛肉辣唔辣，想問清楚先落單啦，又再次搵極都冇人埋嚟，最後要自己行出去搵人問，真係唔知班侍應想點。嘢食唔錯嘅，份量都唔算細，夠食，但服務真係差到一個點。

有排冇黎D2搵食，新開咗一間川菜十二味，黎到現場，唔使等位，環境好闊落，新裝修望落舒服，即刻食得😂👍🏻望落餐牌都好多選擇，有乾鍋酸菜魚，同埋好多小菜，我哋兩個人就叫咗一個酸菜魚同埋口水雞😌🎉超大碟酸菜魚一上菜男朋友都覺得好誇張好大碟😂之前食過其他分店一路都覺得水準不錯👍🏻果然同以往一樣，份量十分之足夠，啲魚肉比較大塊，同埋有啲厚度，而且食落比較滑，當然仲有大量嘅酸菜，萵筍同埋雞髀菇👍🏻另外我哋仲添加咗闊粉，$28本身預都係少少粉，點知係超級多，食極都仲有🙉大方的廚師haha 兩個人食已經好滿足!可以揀唔辣，啱晒又想食酸菜魚又怕辣嘅朋友～川味口水雞一上台就見到顏色好靚，雖然唔係十分大碟，價錢唔貴都食得過，啲雞肉比較嫩，而且帶著辣汁一齊食，就會非常過癮😂另外口水汁拌埋青瓜一齊食，都十分惹味！加配芒果梳打，好大杯👍🏻而且咁芒果味唔會假，值得推薦encore🎉

平時成日去D2 place行街 今次見到二期新開左　十二味分店🙀緊係同fd去try try🐟🌶️ 晚市都好fill 門口都有幾個人排隊 不過等左陣就入到～今次緊係叫左人見人愛酸菜魚🐟🌶️一上菜, 魚既份量放到盆滿缽滿, 一眼望上去真係人見人愛呀! 因為份量真係好多, 而且每一啖魚都充滿住酸菜既香味! 師傅落左少量辣椒+麻椒, 所以食落去更加開胃, 令我不自禁要品嚐多幾啖魚既鮮味!本身酸菜魚都有埋窩荀、寬粉 真係好入味！！小食方面叫左份老壇子鳳爪帶點酸辣, 食落去好爽口彈牙, 作為前菜一流另外仲叫左陳皮鮮菌牛肉，算係涼拌小食, 食落去超麻, 牛肉醃得好入味, 每一啖都充滿牛肉既鮮味同辣味😻🌶️當然唔少得炒萵筍🥬份量非常多, 食落去好清新好fresh, 前面食左比較重口味既野, 食返D蔬菜可以中和返之前既飽膩感!So far, 呢間餐廳既性價比的確幾高, 因為每碟份量既size都好多, 作為胃口細既本小妹, 真係未必食得晒架~

本人一向超中意食酸菜魚, 而見到D2 place呢間新開左酸菜魚, 於是入黎試下!人見人愛酸菜魚+寬粉:  酸菜魚非常嫩滑, 而且份量亦都好多,  叫左小辣, 食落去完全刺激到味蕾, 而寬粉亦都好煙韌, 吸收晒湯底既精華~燒椒皮蛋: 感覺有別於平時食開既皮蛋, 內裡呈淺黃色, 食落去完全唔覺得有苦味, 師傅將皮蛋既精華發揮得淋漓盡致~酸梅決: 超級無敵大杯! size絕對可以同我個拳頭媲美! 前面食得咁重口味, 呢杯絕對可以解辣, 而且絕對係呢個炎炎夏日成為解渴既不二之選!服務方面: 店員做事效率都幾快, 基本上從落order開始, 到上菜既時間10分鐘內已經搞掂, 作為效率高節奏快既香港人, 當然對呢間餐廳既評價非常滿意!!

個個都北上 唔通個個都有時間上咩留係香港都可以食到有質素既川菜餐廳內外都好有中國特色店內掛左紅色既中式燈籠牆上有 “民以食為天 Eat Is Life” 既字句用QR code落單 方面快捷仲可以揀埋配料、辣度 同其他要求 例如少油黎十二味當然要食佢地既招牌菜人見人愛酸菜魚 $248有二人份量同土豪版本3-4人份二人份量上枱都好大碟2個人黎絕對會食飽飽 酸菜魚既主角用左鱸魚嫩滑鱸魚片冇骨 啖啖肉湯底調制至金黃色 唔太油加入左大量酸菜同埋其他配料 菇、萵苣等等 本人必定會加寬粉 $28滑溜又帶少少煙韌 疫情期間 間唔中都有食下十二味外賣除左酸菜魚，秘制醬香鍋都係必食今次堂食經驗都唔錯Pet friendly既D2 Place仲可以睇住小動物一齊用餐員工們都好友善

十二味分店愈黎愈多，之前都有食佢酸菜魚，今次見有新分店就試下唔會菜式今次有D唔舒服，無部都走左辣，但個人覺得嗌少辣風味會再突出D!🥢酸辣土豆絲(唔辣)土豆絲爽脆，就算無加辣，酸味都突出，唔加辣都食到豐富嘅口感🥢秘制醬香鍋(唔辣)-鮮蝦、美國肥牛、鮮腐竹、魚蛋、油麥菜採用秘制醬料為基礎，鮮蝦同美國肥牛肉鮮嫩多汁，搭配鮮腐竹，入味而不失原汁原味，魚蛋彈牙有嚼勁，同鍋中湯汁相融合，醬汁有少少偏甜口，但唔會太濃味🥢蔥油拌麵我地走左蔥，但都有好香既蔥油味，以蔥油為主，麵條彈牙有嚼勁，蔥油香氣四溢，清新爽口🍹慾望酸梅酸中帶甜，帶有濃郁嘅酸梅風味，有一種獨特嘅酸甜滋味🍹熱情果蘇打帶有清新嘅果香，加入蘇打水，氣泡爽口，解渴又提神

近日係荔枝角工作，見到有食過既十二味，於是再介紹朋友食，獲得朋友嘅好評。介紹朋友食最令我念念不忘既人見人愛酸菜魚。同以往一樣，份量十足。除左有大片而有厚度既魚之外，仲有大量酸菜同萵筍。叫左小辣同正常麻度，味道依然咁出色。以前食開係會加寬粉，但今次想試其他麵食，所以叫左蔥油拌麵。麵條係屬於彈牙同係粗麵條，食落有口感。蔥油味都突出。如果覺得酸菜魚太辣，可以配搭酸菜魚食，中和一下味道。另外我地仲叫兩樣小菜，分別係乾煸肥腸同川式中水雞。兩者之中，我比較喜歡肥腸。因為佢一d都唔肥，仲炸到脆卜卜，而且帶點辣，非常過癮。至於口水雞，雞肉嫩，但沒有太多肉。反而口水汁撈埋下面既青瓜就夠曬惹味。最後當然唔少得叫野飲啦，兩杯熱情果梳打一上枱就比個份量嚇親，好大杯，但只需要$28，非常低！