匠心味舍

自從離開左火炭工作之後，已經好多年無食過！但今日路經火炭，一定要再試我心心念念的紅菜頭湯！紅菜頭湯真係世一！唔會太酸，好足料，食完覺得有滿滿的營養感覺！今日食左三文魚長通粉，配左一D沙律同哈密瓜，咁熱的天氣食就覺得好清新，因為係有少少涼伴的口感！食物質素好高，而且份量好足！餐廳的環境好舒服，因為我坐高枱，對住個綠悠悠的山，好正！雖然在工廠大廈裡面，但lunch time都好多人！無論是服務態度定係食物的質素，我都好推薦大家去食，支持小店！唯獨可能交通位置較遠，距離火車站有D遠，但火炭的朋友，真係要去試下！…查看更多

今日冇乜點食早餐，到中午嘅時候個肚都已經餓到打晒鼓，同事聽到我嗌肚餓之後，就話帶我去另外一個工廠大廈食好嘢，間餐廳叫做匠心味舍，好彩早出門口，遲多少少的話就有排等啦！ ！當坐低嘅時候一睇Menu，見到有個咖喱煎雞扒飯加薄餅兩片，價錢都係$65 ，我覺得經濟實惠，是我就叫咗一個嚟試吓，呢間餐廳比較特別，佢係要出收銀度俾咗錢先，跟住就會有人送餐去你張枱度，但係因為人手唔多嘅關係，等餐時間都比較耐，平均15至20分鐘個餐先會送到上張枱度，若果下次再嚟食，我諗都要好快咁樣點餐先咖啡煎雞扒飯加薄餅兩片見到賣相都覺得吸引，咖喱味道濃郁，配薄餅一流，煎雞扒香脆可口，雞扒肉質鮮嫩，食到舔舔脷…查看更多

自從返火炭後發覺火炭真係冇咩好野食平就平丫但好多都係唔好食既～之後發現呢間匠心佢都好多野揀偏中檔野需價錢係火炭來講價錢算高左少少但如果好食都ok既相對接近同款既野比起係出面食都算平～當日想食得清清地我就揀左個《野菜秋葵烏冬》賣相ok有椰菜同紫椰菜加一些什菇同油揚～秋葵切到形狀象星星圖案 湯底清清地帶有點松露同秋葵味道～啱晒想減肥既我🤭🤭環境清幽望到山景食都食得舒服～下次再試佢其他野～逐樣嘢試都起碼要試足兩星期先試得晒😂…查看更多

店面好乾淨，店員都好友善同細心，同埋超級有禮貌！🤩叫咗一個烏冬一個拉麵同埋一個滷水雞翼，都超級好食，湯底幾濃，麵都好掛湯，肉嘅份量都好足，簡直係平靚正😋😋😋之後會再嚟支持的，呢度值得更多人去食同埋去休息，裏面好似共享空間咁！感覺有更大嘅空間同埋寧靜嘅環境可以去比都市人休息！呢度嘅地方同朋友傾吓偈都好舒服🥹🫶🏻…查看更多

又到左Happy Friday, 食好啲先對得住自己。約返幾個同事去食飯個靚Lunch!火炭雖然係美食沙漠。但總有例外。🤭好彩今次醒喇，一早打電話留返個位。唔洗望住個門口失望而回。 不過行條坳背灣街真係冇d毅力都搞唔掂🫠今日叫左個咖喱手工吉列豬扒蔥油餅飯，仲要多汁。新鮮熱辣既吉列豬扒，唔會落好多鬆用粉，仲有咬口。叫得多汁，當然因為個咖喱汁係好濃但又唔味精。一撈汁就全個飯都食得曬😆蔥油餅2塊。夠曬過口癮。…查看更多

今日一位認識超過20年的客戶朋友推介這餐廳簡單的裝修多元的食物選擇最吸引是窗外充滿綠色的美景因為過了午餐時段人不是太多可以與友共聚又可補充能量更可享受風景感謝他的介紹令我可以在短短的午餐小聚充滿了驚喜！…查看更多

成日聽大家講：乜火炭有野食架咩?! 係呀!!! 真係有幾間都唔錯架🤣 今次介紹係位於駿洋邨附近 建議大家係沙田搭巴士/小巴🚍 都唔好由火炭站行去🥵⚘ 手打牛肉漢堡扒咖哩蛋包飯 $65蛋包飯賣相出色價錢夠平份量夠大 重點係味道都唔錯!!😋 手打牛肉漢堡扒唔會太乾身有肉汁 而且有肉味👌🏻 炒蛋夠滑有牛油香🧈 加埋辣辣地既咖喱非常滋味😚 絕對係lunch既好選擇✨Hamburg steak curry omelette rice had a nice presentation with good quality and reasonable price🤍 Hamburg steak was juicy and meaty🥩 Buttery omelette was smooth and super appetising🤤, with a hint of spiciness from the curry🍛 Such as an ideal choice for lunch🥰評分: 9/10🌟⚘ 蕃茄紅菜頭雜菜湯 + 三文魚扒伴日式醬汁涼拌長通粉 $74另一款蕃茄紅菜頭雜菜湯就非常健康 同埋有蔬菜既鮮甜味🍅 日式醬汁涼拌長通粉就好啱夏天食 比較開胃😆 唯一要挑剔既係三文魚扒煎得超乾身🫠 試咗一啖就冇再掂過🫣 餐飲既柚子蜜/柑桔蜂蜜都要另加8蚊 不過不失喇🙈Mixed vegetables soup was fresh and healthy🥕 Cold penne with yuzu dressing was fresh and perfect for summer🧊 On the other hand the salmon fillet was over cooked and super duper dry, we were slightly disappointed and didn’t touch it again😟 Besides, there’s an additional charge of 8 HKD for cold honey citron tea🍊or kumquat honey tea🍯, not bad at all😌評分: 7/10🌟————————————————————————————匠心味舍 (火炭)火炭桂地街10-14號華麗工業中心4樓6室𓍼 #foodietiffhk 𓍼 #foodietiff推介𓍼 #foodietiff火炭#hongkong #hkcafe #cafehopping #hkcafehopping #hongkongfood #hkfoodie #hkfoodblogger #fotan #火炭 #香港美食 #火炭美食 #美食攝影 #美食推介 #匠心味舍 #香港好去處 #다방 #홍콩 #홍콩맛집 #홍콩일상생활…查看更多

匠心味舍（沙田）@crafthouse_shatin .嚴格黎講係沙田/火炭之間..作為火炭人.. 我表示欣慰..曾經的飲食沙漠.. 越來越多餐廳了🥹環境很寬敞.. 店員很nice..對狗狗也很friendly 很照顧第一感很舒服🤍同埋佢d位望出去綠油油一片.. 好寫意.. 真係有片刻置身外地嘅感覺🥹menu方面又真係破天荒的琳瑯滿目.. 但通常選擇越多..地雷都會更多..咁.. 實際如何.. 我哋好唔好彩呢..🤫😂.1.蒲燒鰻魚丼 $72（可+$6 加玉子燒）9.2/10.賣相好得.. 鰻魚嘅份量我覺得均真.. 對得住價錢..咬入口..wohoo.. ok.. 在水準的..新鮮.. 入味.. 口感啱啱好..珍珠米口感都正常..加埋都算幾足夠嘅鰻魚汁同埋面頭嘅蔥花 洋蔥 櫻花蝦..無伏 滿足 合格🤤.2.越式蔥油燒豬頸肉飯 $629.4/10.呢份combo聽上去幾新穎..上到黎.. 賣相好開胃..豬頸肉嘅色澤好靚 邊位微焦..塊頭/厚度啱啱好.. 加埋無敵嘅 薑蓉 同埋 甜辣醬..成件事真係.. 都好難唔滿足價錢都fair.3.麻婆豆腐蛋包飯 （期間限定）$489.6/10.喂.. 呢個份量 呢個賣相 呢個價錢.. 一定成為是日cp之最..麻婆豆腐的部分 微辣 對於唔食辣嘅人我覺得都係可試.. 味道係啱啱好 唔算太重口味..芡嘅黏感係幾乎無乜.. 加埋蘿蔔雜菌成件事係入味又唔膩..但對於追求傳統麻婆豆腐的濃稠.. 佢唔算係..蛋包飯做得好靚.. 口感很軟熟.. 蛋香就還好.. 所以要撈埋飯一齊..我真係覺得呢份「新穎」「價錢」「cp值」都值得一試.btw. 溫馨提示⚠️想減低卡路里 控制飯量就好出邊d 「xx飯」通常卡路里高係因為飯量都很慷慨...食得開心 食得放心哦 大家…查看更多

偶然遇上的驚喜😍有次去火炭工作室路途遙遠緊係要搵間餐廳食番餐開心既🥳不經意揀到呢一間見到個地址其實有d遠 不過難得黎到遠就遠啦 順便蛇一蛇🫣去到果然無失望本身安排係門口位置但之後有食客走 轉左去window seat 坐係窗口位真係一大享受🥰涼風輕輕吹（小鳳姐出場🤪）好輕鬆呀 難得一個午飯時間唔趕叫左個漢堡扒涼拌長通粉仲有熱熱既雜菜湯成件事都好滿足治癒了我🤤下次黎火炭再食😎..#唯有食是最治癒的 …查看更多

今日同屋企人去咗火炭工廠區尋找隱世餐廳，聽聞火炭工廠區一向都有一啲臥虎藏龍的Cafe😎呢間餐廳位於駿洋邨隔離，一上到去見到環境10分舒適，裝修亦都唔錯，有部份嘅座位更可以坐喺窗邊，睇吓風景都幾Chill, 打咭之選！😎食物種類有好多選擇，主打日式及束南亞菜，叫嘢食之前真係會選擇困難症發作😂😂今天order咗一個咖喱牛筋腩飯、玉子雕魚腩丼、雞軟骨餃子及一口餡餅。食物質素算ok, 如果丼飯冇咁淋會更好💪🏻員工服務態度幾好㗎，有機會會再去支持吓☺️…查看更多

一開始上到去已經比佢好舒服嘅環境所吸引，啲枱都放得好闊落，而且都有少少擺設係一個好舒適嘅環境試，佢個下午茶價錢都好合理40多元左右，清湯拉麵比較清淡，好健康而且啲豬頸肉肥瘦分明，口感好彈牙，小丸子都外脆內院，熱辣辣特別好食，辣嘅湯底嘅拉麵比較重口味，但係有好濃郁嘅豬骨湯味，拉麵都唔會有鹼水味，而且口感軟硬適中…查看更多

同埋同事去火炭做嘢，午餐唔知食咩，諗起朋友推介呢間隱世小店。雖然地址比較難搵，但原來環境非常舒適，行遠d都值得叫咗兩個午餐，一個係蕃茄紅菜頭雜菜湯加三文魚扒長通粉。紅菜頭好濃好健康，平時餐廳都少有的。三文魚煎得好香，長通粉份量十足另一個係咖喱香脆雞扒配蔥油餅，咖喱好香好濃，用嚟點蔥油餅一流，雞扒都多肉汁D咖喱汁可以用黎食多個白飯都得我地仲叫左地瓜薯條，炸得剛剛好，好香好脆享受了一個好chill既午餐…查看更多

火炭呢個美食沙漠真係令你每餐lunch都R爆頭!自從有呢間餐廳之後就算每次都要爬10分鐘先上到來,我同同事依然會努力爬,因為真係太抵食&真心好味!呢度食物選擇風味太多元化,日式台式西式都有～而且我必須講份量真係超大,男士們絕對唔需要怕唔夠飽！三類食物中我覺得台式最好味，不過呢款全手工吉列豬扒拉麵都係高質之選！首先佢會好貼心咁吉列豬扒同麵分開，酥脆感可以keep得住，其實就算無吉列豬扒，麵本身都有好多料，加上麵底好大餅，女士們食一半都飽到嘔，番茄湯底夠甜唔會太＂杰＂，我最欣賞係隻賣相同味道都超正的溏心蛋，真係食幾多次都唔會厭！…查看更多

今次去左火炭工業區食依間隱世小店佢係近駿洋既工廈入面入到去環境好大好有田園感覺而且位置亦寬敞好舒服好寧靜 今次午餐叫左香煎三文魚扒伴明太子炒意粉個意粉軟硬度適中同埋餐廳落左好多芝士伴隨住明太子既味真係好好食至於個三文魚扒亦煎得好香整到外脆內軟 D魚仲係好嫩成碟野都濃郁惹味不過食得清既人就可能會覺得有少少油 對於火炭依個美食沙漠黎講好難得依度會有間咁出色既餐廳絕對適合唔少火炭返工既打工仔上去試下依度性價比真係好高 值得再返黎一戰…查看更多

一向食開呢間餐廳食物出品都好食今日唔想食飯就叫左份蕃茄紅菜頭湯配三文魚扒涼拌長通粉試下， 嚟到賣相唔錯，食落都幾過引涼涼地長通粉撈埋個沙律汁加沙律菜味道好食感覺又清爽，三文魚扒都好味道。碗湯仲特別，起初以為普通茶餐廳羅宋湯，點知飲落口完全兩回事，足料不油膩應該唔係茄膏湯，有d驚喜下次唔想食飯會再反炒食多次…查看更多