匠心廚房 (已搬遷)

放假中岛都好钟意周围揾食今次就揾到去美孚🤣围住美孚新村兜左个圈最后决定试吓呢间—————————————————————中岛被陈村粉三个字吸引左好似从来未食过呢样野除咗知道似阔版河粉之外所以今次就叫左蒸陈村粉试下由于落左大量蒜蓉同荷叶蒸一上台就飘来阵阵蒜同荷香😋果然系阔版河粉但无佢咁薄有淡淡米香 不过啲排骨无乜肉同埋有少量碎骨要食得好小心😅👨🏽个海鲜炒饭好够镬气又香口配料又够 呢个唔错👍🏻—————————————————————⚱︎ 蒜香排骨蒸陈村粉 $68⚱︎ 匠心海鲜炒饭 $68…查看更多

已经帮衬过超过10次，质素时好时坏，但今日帮衬完，可以讲永无下次。午市外卖叫咗三个午餐，鲜茄虾球同鸡煨面正常，但海鲜炒饭炒得好油，唔推荐。最大问题系套餐加$5转无花果雪耳薏米水，三杯都系零薏米，零无花果，得几片超级碎嘅雪耳。讲真你跟餐免费包埋都算，要客加钱但系完全无料，我作为客人就觉得有被骗嘅感觉。无时间煲就唔好卖啦，愈饮愈多水都算，但估唔到可以差到咁。呢啲铺头完美示范自己做坏自己个名，令回头客死心。…查看更多

赞1.野食系好味既，榄角骨有镬气，每旧排骨都斩得细致而无碎骨，个汁薄薄一层，好味道；萝卜糕系自制，萝卜足料，虽然时令问题，唔算多汁，但唔苦，拣得好，同埋个汁酱都惹味，基本功做得好2.环境几企埋弹1.服务好难判断好唔好，拿碗上菜介绍食物好快手，但叫人埋单时就似乎无乜礼貌，同埋22:00先闩门，又未使21:15已经叫人埋单嘛...…查看更多

美孚近公园最近多咗好多新开餐馆，行过见到匠心厨房， 睇吓餐牌都以为可以一试，餐馆细细相信都系靠精心炮制才可以立足，所以今日试吓，以为几好食，点知一次过，𠮶个榄肉焗排骨，雪藏排骨冇肉味，又细旧又干，似足三𩠌饭，一早煑好。牛肉炒菜心，菜心还可以，但啲牛肉腌咗好耐咁，又咸又冇肉味。个炖汤还可以，最差系碗白饭，又硬又唔够热仲生冷杆。现时啲中菜餐馆，啲白饭真系令人好失望😞好彩冇叫啲贵𩠌啫，咁嘅餐厅真系唔知挨得几耐。…查看更多

午饭时间一试个lunch set，望落去环境都干净其利，枱与枱之间用左透明隔板分隔，感觉上都空气流通。山揸梅子汁脆腩片$59、宫保鸡丁$59食物味道都好高质，饭都粒粒分明，午市餐嚟讲一啲都唔颓，午餐食得好就心情都自然好! 山揸汁好开胃，宫保鸡丁个汁就够辣，好嘢味呀Lunch set 本身跟左豆浆，可再加钱转特饮。味道：4.5/5环境/服务：4/5价钱：4/5…查看更多