北京樓 (形點 I)

营业中

休息中

上星期同母親預食母親節飯,以免同人迫。聽説元朗有北京樓就走去試下。我們叫了個六人套餐。樣樣都好好味: 填鴨不肥, 啖啖肉, 剛剛好, 而且好多薄粉皮。黑松露炒蝦,蝦很大隻很爽囗弹牙。還有紅燒海參,的海參有剌的,品質唔錯。只是小黃魚就麻麻地,可能大條及厚身,煎得無咁香口及加多個醋佐食更好,的魚用個鐵碟盛好似賣相麻麻😉與其他賣相好似差左的😜。茶香, 甜品也很好味好满足😜😝連的泡菜(前菜)都好味,可能肚餓。最後六人餐都食唔哂,非常飽😳😂。

星期三和爸爸慶祝生日，我和爸爸、弟弟和工人姐姐一行四人到元朗形點北京樓。我們坐近廚房位置，入眼盡是鴨，全部都係鴨!菜式如下:1. 賽螃蟹: 味道清淡，感覺普通。2. 葱爆牛肉配叉子燒餅: 惹味可口，叉子燒餅微暖，不錯。3. 北京烤鴨: 皮肉相稱，配青瓜、葱等配料好夾，一致認為好好食!4. 羊小腿:我們叫了四隻($50 一隻，兩隻起)，我由於喉嚨痛不敢吃，爸爸、弟弟和工人姐姐都認為沒有羊味，只吃到鹹和辣，剩下一隻寧願不打包。5. 醉雞: 喜歡醉雞的酒味，不過仲然有雞脾和雞翼，肉質都偏硬，有點失望。6. 上湯菇菜苗: 怕炒菜多油，叫了上湯，清清地，菜苗又夠嫩，好快食晒。7. 蕃茄蛋刀削麪: 落單的時候，職員溫馨提示會有少少辣，問需否走辣，細心抵讚。我們叫了走辣版，蕃茄蛋開胃，刀削麪有咬口，不錯。8. 生煎包 (忘記影相): 工人姐姐唔食豬肉，我們每人兩個，大細適中，皮薄、汁多、肉嫩，值得推介!雖然已經很飽，但完美的一餐必需有甜品啊9. 碗豆黃: 有豆香，一致推介!10. 高力香蕉豆沙: 紅豆和香蕉份量適中，又不油膩，好味!由於不知道壽包要預訂，所以吃不到。不過環境舒適不嘈吵，職員服務有禮，

復活節假期相約死黨到YOHO MALL食餐飯，原本首選係去食川菜，但由於我地自備酒水既關係（4名酒鬼），開瓶費都成為揀餐廳既考慮因素。川菜要300蚊一支，而北京樓只需要100蚊一支，咁當然就揀左北京樓啦。燻魚好難食，好似d魷魚零食咁，可以唔叫。水煮石班唔夠辣，魚肉是彈牙的，略嫌紅薯粉俾得孤寒。北京填鴨填鴨片燒得太焦，而且唔夠鴨油既郁香，實在令人失望。孜然羊架一致通過為全晚最佳菜式，羊架焗很酥脆，肉鬆軟並已經離骨，而且唔羶，非常滿意。賽螃蟹水準以下，蛋白炒得唔夠嫩滑，而且根本食不到黃花魚既味道。蘿蔔酥餅好食，皮薄而且蘿蔔切得粗身，食落好帶勁，酒鬼表示尤其適合佐酒。好似仲有食其他野，但由於飲飲下酒開始神智不清，所以就停止拍照。餐飯係嘻嘻哈哈咁食完，席間友人表示同一支酒同我地飲係好飲d既，哈哈，果然係醉翁之意不在酒！

茉莉花燻素鵝 $68以為素鵝係一片片煎嘅，原來一卷卷，好香煙燻味，但整體偏甜，豆皮包住紅蘿蔔同菇，細細舊唔太漏。糟香酒醉雞 $78酒好香濃，但雞肉偏韌偏鞋。淮揚灌湯小籠包 $48質素普通，唔夠熱，但都好灌湯。老北京韮菜蛋煎餅 $68呢個有驚喜，韮菜蛋餡料熱辣辣，外面包住的酥皮好鬆化。六必居京醬肉絲 $98似係甜炸醬嘅味，啲京蔥幾香甜，因為有汁都幾juicy，包住食唔會太乾。清宮豌豆黃 $24以為係粉嘅質感，原來係豆蓉嘅感覺，幾特別。高力豆沙香蕉 $40餡料較少，唔太甜，較細舊。

食過幾間以北京填鴨為主菜嘅餐廳，那些好評不少的烤鴨店都會令我失望而回，今次試下呢間美心集團的北京樓，期望不大，但見價錢合理，一試無妨。舖位算係幾細，一眼望哂，2人位同隔離貼到好近，中間只夠半個身位出入，直程可以夾隔離枱啲嘢食😂裝修新淨，新潮中菜館的裝修，設開放式廚房，由炒菜到切燒鴨都一目了然，服務員有禮，攞放碗筷和餸菜細緻優雅，令人感覺置身於高級食府，事實上，價錢都唔平啊。前菜青瓜、豆腐乾、雲耳、花生，仲有一隻綠色嘅豆，調味出色，鹹中帶麻，越食越好味，停唔到✪ω✪莧菜黃魚羹$50雖然$50一碗湯，但好足料，莧菜同黃魚均為主角，各自發揮而又不搶大家的風頭，係好夾嘅一個湯羹高郵鹹蛋蝦球$150今期興鹹蛋，叫個鹹蛋蝦球先，蝦球超大粒，一粒要咬3、4口先食得哂，上枱時熱辣辣，好多鹹蛋，如果有碗飯真係一流。南翔生煎包$68又係熱辣辣，注意唔好咁快就放落口，咬落去啲熱湯爆出來唔係講笑，我真係好白痴咁熝親個嘴😑，但好好味喎（人´∀`*）包同餡嘅比例平均，恰到好處。北京烤填鴨$160萬眾期待之填鴨，但佢又要令我失望了，呢隻鴨來到時已經見到佢毫無光澤，display同切功係幾靚嘅，但放入口好似食緊皮帶咁

新年食得太多中菜，所以帶屋企人試下北京樓~✨片皮鴨係每枱必叫！鴨皮好脆~油份充足，鴨肉無乜味，但薄餅皮加鴨肉同醬料青瓜絲一齊食一流！✨小籠包熱辣辣，要小心湯汁，其中有隻係紅色但同其他味道係一樣~✨士多啤梨骨好特別，個醬汁好味，上面真係有士多啤梨，但暖暖地感覺好怪😂✨水煮魚上枱有少少嚇親，好多辣椒，辣度可以接受，有少少麻辣感，魚肉好滑，份量又多✨賽螃蟹炒得好靚，好滑，加唔加醋都好食，我地用黎撈飯👍🏻✨炒飯好香，唔會好油膩雖然每個菜睇落份量唔多，但大家都好滿足食到好飽~

公司食團年飯，所以嗌左好多野～當中特別推介糟香酒醉雞，酒味好入味，個賣相都好特別，有個酒瓶擺住d雞，好有特色。片皮鴨雖然貴，但麻麻地，鴨比較肥膩，十個人食半份都差唔多，食一份太多食唔晒，因為食兩舊已經好漏... 另外推介雲南火腿雲吞雞，一碗有兩舊雞，個湯有香菜味，值得一試！甜品方面，高力豆沙略乾。服務都幾好，因為未齊人已經上菜，所以我叫waiter 用蓋cum 住d 野食，免得放涼，而佢地都好有耐性逐碟咁做。

第一次來到yoho mall的北京樓食野～內裹的格局行不錯幾舒適的～仲可以見到廚房的團隊係到整野食～唔怕悶親（在下是幾喜歡看啦）前菜也同一般餐廳有點不一樣～青瓜入味又爽脆，仲有少許魚蛋（定唔知係咪魚腐），配花生咁幾開胃好食第一個叫了這個 家廚榨菜肉未，不過不失啦，叉子燒餅也略硬⋯其實都算不錯的呢個小籠包～有一粒係紅色的，入面應是一樣的，但食落是紅色比較好食啊～比較甜d，應該係紅菜頭汁的外皮！？🤔🤔🤔而且好似夾，唔會痴住張紙，皮雖然唔薄，但係冇咁易穿，好多肉汁，暖暖地唔怕淥口。夾起都哈穿嫁！最後係北京填鴨，老實說，配菜比較少⋯但係皮好少脂肪好脆，沾多點醬都唔怕，而且皮夠厚，冇咁易整爛～yummy不過半隻份量好少⋯呢份要大約160蚊

今年生日家人與我補祝選擇了形點的北京樓！很想很想吃片皮鴨！食物黎得好快 因為商場收得比較早員工很早就要清場 水煮牛都幾好 大大碟 大愛川味！而且我最鍾意係入面的薯粉😇個辣雞 乾身得黎香口 收貨！小籠包 以為紅紅地色果舊有咩特別 但食唔出有咩分別😂😂反而基本野擔擔麵同個炒飯 我屋企人就清光光 可能我屋企都係carbohydrate lovers🙈不過 重頭戲 片皮鴨！真係唔太得囉凍冰冰 唔香唔脆 好似間硬食塊皮咁好失望算啦 作為港孩都係食舊高力豆沙作結 心情舒暢番哂～總括黎講 呢個價位 應該有更好選擇🤔都係幾年前吃泰豐樓更開心

Yoho Mall 的北京樓人氣長期高佢，平日晚飯會較容易，但都要等！不吃填鴨的我，也連hubby 都不能點！差不多每次必點的煙燻素鵝這晚口感有點冰的感覺。紅蔥涼拌海蜇頭不知怎麼形容，很粗鞋的口感，個人覺得翡翠江南好吃點。松子桂花魚不是有粉槳橕住，條魚細得可憐。幸好味道不錯。蘿蔔絲家鄕土餅全晚至美味的，熱烘烘的酥皮，配上清甜的蘿蔔絲，很好吃！蟲草花炒小豆苗正常而不過不失，小豆苗很爽囗！如果不是有信用卡的優惠，價錢真的不親民了！

每次經過都係見多人等位嘗試過兩次取票等位後，實在等得太耐結果都放棄了。今次閒日放工，另一半已預早到達，六點半取票等位，等到七點半才剛剛入座，真係等到發呆想吃京菜等到望穿秋水盡快落單，試下一些招牌點心…小籠包，蒸餃子(三款雜錦)，茶樹菇鮑汁炒雞丁，茶樹菇浸菜苗…一時忘了兩款都叫了茶樹菇等位需時，但落單後… 菜式送上效率極高一下子所有餸菜都到齊但又不能慢慢品嚐因為二人枱實在太細少，又擠迫… 要盡快清咗啲點心，唔夠位放小籠包一般沒什麼特別想試齊三款不同蒸餃，所以點了雜錦一客六只(每款兩隻)，單點淨一款有八隻，綠色較為好吃有香芹味，紅色吃不出什麼味道？原色…普通菜肉餃有香菇味茶樹菇鮑汁炒雞丁，落單時要求走鹽少油， 茶樹菇及鮑汁味道夠濃… 鹹味已足夠若果沒走鹽必定更鹹…菜苗爽脆嚼到牙軟，茶樹菇汁味濃浸菜苗剛好配搭，蓋過了草青味！飯後還欠些少才滿足，就試試甜品蛋白杏仁茶一碗分嚐，份量就剛好填補那些少的缺失感，杏仁味道香濃不會太甜，只可惜是蛋白較小吃完甜品已很飽足，留待下次再來吃北京烤鴨近來通常同一店鋪吃過兩至三次以上…才能吃出真正水準，再決定是否值得執筆分享第二次再吃決定試北京烤鴨，同樣是閒日放工

最近元朗新地標開幕後多次想食北京樓，由於太多人等位，遲遲未試，今晚終於的起心肝等，等了50分鐘才有位（2人），服務在正常美心集團之水準，食品就可惜極度失望：白肉（非蒜泥丶非粉皮）青瓜片，勉強可以黃魚兩條，皮不脆肉不夠味，失敗片皮鴨，皮韌肉乾，失敗中之失敗雲腿冿白，雲腿超咸超硬，津白無味最後的甜點，酒釀丸子，簡直就不是樣，丸子用上有餡的小湯丸，沒有半點桂花香，唉埋單6百元，貴不是問題，食品完全唔合格就最不能接受

同哥哥两人唔知食咩就試下呢間中菜，平日晚飯時間两個人都等咗好耐！！！差唔多成一個幾鐘，我哋已經提前用app攞位两個人點咗三樣菜，開咗壺玫瑰茶個茶好香好安神定魄嘅感覺。我哋點咗一個小炒肉，涼拌燻蹄青瓜同一個菜。小炒肉係用啲辣椒加洋蔥炒。小妹覺得洋蔥炒返熟少少可以令人更容易入口涼拌呢個菜好啱飯前開胃，清清淡淡的！令人食唔停口入面有啲汁唔會好鹹加埋青瓜味道剛剛好！上湯豆苗就普普通通一個家常菜無話有咩好特別。整體成餐飯服務又好，餸菜又好食！！

重陽節的星期六，一早打算和家人到這酒樓吃晚飯，亦知道沒有訂位，人很多，所以我們打算早點去食第一輪。酒樓17:30開始晚市，我們17:45到達已經要拿票排隊，15分鐘便滿座真是非常誇張。看到店內的人全都是剛坐下，甚麼都還沒開始吃，都打算轉場了，...那知道我們前一張票的家庭想要圓檯，於是放棄了最後一張四人長檯，我們便順利入座！一行五人點了八樣食物：1) 蟹粉小籠包：皮很薄，餡料很足，可是蟹粉很少，吃不出很強的味道。2) 生煎包：很迷你的生煎包，不過煎得很香脆，碟面也不算很油，皮還不算很厚，不錯。3) 莧菜黃花魚羹：很足料，算是清淡，魚肉很鮮嫩，很好喝的湯羹。4) 酸辣湯：不夠酸，看到湯的表面全是辣油，整個湯的味道全都給辣味蓋過了，一般。5) 擔擔麵：湯底很香花生味，而且混在醬汁內的花生碎亦很多，麵條很彈牙，不過湯底亦是比較辣，很刺激。6) 北京炸醬麵：有很多蔬菜絲及花生碎作配菜，豬腩肉及炸醬味道不錯，拌起來很乾身很好吃。7) 茶樹菇上湯浸小豆苗：茶樹菇及小豆苗份量都不多，小豆苗很爽脆，湯底很鮮味。8) 片皮鴨 (一份)：皮非常脆，皮和肉是分開的，把中間脂肪部份去掉了。片皮鴨的皮很薄，熱辣

對上果次食，係2月響旺角食ge第一次食都被間餐廳裝潢吸引，好古色古香，仲要枱上面係有魚仔睇，游黎游去好得意反而，今次Yoho 新開依間就無咁樣設計，係走時代點ge，有d唔慣tim食物方面，我地叫左信用卡優惠套餐，都有幾多野食架有片皮鴨、燕窩羹、涼拌粉皮、青瓜炒豬蹄、小籠包、蝦球、斑球、津白，另加個椒爆羊肉，最後仲有馬豆糕甜品，而個小食都唔錯架（泡菜）有青瓜、黑木耳、毛豆、豆腐乾，幾開胃涼拌粉皮味道唔會太濃，都算唔錯😋而個豬蹄都幾有咬口，但比較肥咁而燕窩羹都算足料ge一人一碗無得再添食，小籠包得4隻，中間有個係紅色皮，食落味道好熟悉，但係好味ge，唔知點形容果種味而因為我唔食蝦，所以要問友人覺得如何，其中一個愛好海鮮，佢都幾滿意，食到肉係爽唔會'梅'都算新鮮啦而個另加ge羊肉，食落幾野味，有點辣但唔會太過份，唯獨係油左少許啦片皮鴨半隻，初時以為有專人黎切再上枱，原來響廚房切好灑ge🤣，皮方面都唔錯唔會太難咬👍🏼不過覺得配料可以再多點斑球我係覺得最好食ge，因為肉質鮮嫩好好味肉碎同個汁唔會太濃味，無搶到魚個鮮味，如果可以多幾塊就好啦反而，津白就不過不失啦😅唔會太咸，但無咩睇頭，普通蒜頭津白