勝博殿日式炸豬排

营业中

休息中

當朋友問我去銅鑼灣食咩好？我第一時間會話「勝博殿」今次已經係第二次回頭食 我覺得我一有時間都會食琴日去食好多人係到排隊⋯重諗緊會唔會食唔到呢？點知待應依舊拎個餐牌出嚟俾我哋叫我地等多陣執緊枱 叫我地睇住個meun先 入到去侍應喺百忙之中都幫我哋斟茶遞水 服務態度真係好好 呢個亦都係我回頭嘅一個原因 我地今次試「雜錦海鮮拼盤」 有吉列蠔兩件，炸海蝦，忌廉蟹肉餅同炸帶子 完全岩曬中意食海鮮既朋友！！隻蠔唔單止爆汁重有半隻手咁大添！！我地重嗌左個滑蛋豬扒鍋，超級邪惡 食落口啲豬扒唔會話冧曬 重保持到個種脆脆地既口感 真係超正！！！白飯同椰菜絲都係免費添加 我地食到捧住個肚岀門口 實在太飽 超抵又好食！！食物同服務真係一流！！下次會再尼過！

經朋友推介下，今日決定品嚐位於銅鑼灣勝博殿日式炸豬排，看看餐牌也有很多選擇，決定試試廣島蠔海鮮餐，等待食物同時，試了很新鮮的前菜，配搭醬汁來吃，一口接一口😋，侍應很貼心再添加了前菜👍，不久廣島蠔海鮮已送上，賣相很不錯，首先試了炸蠔，非常鮮味，喜歡蠔的朋友絕對不可錯過，炸蝦也一絕，口感很好，這個海鮮餐很豐富，值得推介，朋友果然沒有介紹錯！大滿足！勝博殿👍👍👍

今日又嚟到銅鑼灣勝博殿日式炸豬扒啦，超鍾意食呢度啲嘢图一嗰碟係高麗菜絲沙律，新鮮爽脆，食落清清甜甜配上特製芝麻醬与柚子汁味道更添層次，青瓜同蘿蔔開胃爽口，麵豉湯濃郁暖胃，～图二呢個係陶板燒套餐，猪柳同埋蛋、洋蔥一齊炆煮，上面鋪滿蔥花提香，肉炸過之後再炆，外邊淋身、入面仲保持住肉質本身香味再加上秘製嘅醬汁，非常香甜濃味，炸皮吸收晒呢d醬汁，食落非常入味，豬柳又夠晒鬆，真係好好食。豬柳旁邊嘅蛋比豬柳更惹味，蛋香濃郁得黎又帶有醬汁嘅香甜，送飯一流！😍，搭配埋熱辣辣嘅糙米飯，食落好夠飽肚，成個set好有日式定食嘅感覺，好正！

今日中午突然之間好想食炸豬扒，因為好耐冇食所以就搵咗間就近嘅。同朋友搵咗間叫做勝博殿日式炸豬扒嘅餐廳，因為第一次嚟食，加上我哋都唔知叫咩好😂所以店員推介咗我哋食芝士千層同埋滑蛋豬扒鍋!!😋😋滑蛋豬扒鍋膳😋個鍋我哋叫咗半熟蛋，上到枱勁香洋蔥味同香蔥味，熱辣辣望到都流晒口水～配埋個白飯真係一流！！芝士千層錦配炸蝦🍤另外一份就叫咗幾多人叫既芝士千層！有六塊千層加一隻蝦，每一塊入邊都充滿咗流心嘅芝士，仲可以拉到絲，真係好過癮😋隨餐仲附送咗椰菜絲同埋前菜青瓜蘿蔔，配埋芝麻醬同埋柚子醋，開胃之餘可以中和返豬扒嘅肥膩，仲可以無限refill飯湯，真係大滿足😌整體而言非常之推介😋

同朋友約咗喺銅鑼灣附近行街，行行吓見到呢間餐廳就決定入去食個飯，total叫咗兩個餐，一個滑蛋豬扒鍋套餐，一個廣島蠔海鮮拼盤套餐，仲有得揀食咩飯，有白飯同燕麥飯，梗係每款一碗試試佢，豬扒外脆內嫩，D蛋煮到啱啱好，仲有汁，送飯一流，叫豬扒有啲脂肪，油香十足，有汁又唔會覺得太熱氣，簡直係一流，朋友叫嗰個海鮮拼盤都十分之正，帶子炸到半熟，口感好好，軟硬適中，唔會好似其他吉列帶子，掉緊香口膠咁，炸蝦🍤非常新鮮，超級實肉，size都唔細隻，忌廉蟹餅都唔會太Heavy，非常balance🤣🤣 跟住就講主角—廣島蠔，鮮味十足，足足有手掌咁大隻，一咬落去一浸蠔味爆出嚟，熱到差啲辣到個嘴！！大食怪注意，呢間餐廳既飯，麵豉湯，椰菜同漬物都係免費refill ，一定可以捧住個肚咁走！一句講晒係一間性價比十分高嘅餐廳

約朋友在銅鑼灣shopping ，剛巧經過勝博殿日式炸豬排店，心思思便入內一試，店員很快便安排我們入座，餐牌的選擇也不少，朋友點了日本特上級豬排，對我這個芝士控，二話不說點了一份芝士千層加炸蝦餐，😋，等了一會食物便送到，賣相不錯，朋友點的特上級豬排充滿油香，非常Juicy，喜歡芝士的不能錯過這個芝士千層，👍👍炸蝦也非常酥脆，不得不提配搭的椰菜絲很新鮮，還可以任添，非常滿足！總括這次用餐體驗很好，食物和服務都不錯，下次一定會再來！

嚟咗好多次勝博殿炸猪排🥩啲嘢好好食😋同埋其他炸物都很一流😋如果要我形容。 就係鲜嫩多汁、外酥里嫩、肉汁豐盈、色泽金黄、酥脆可口、口感极佳、香氣扑鼻、肥而不腻、层次丰富、齿颊留香、超嗲！呢度嘅前菜都好好食，青瓜同蘿蔔好開胃好爽口，麵豉湯都好好飲仲可以無限refill勁過癮！ 飯可以揀白飯同燕麥飯、有唔同嘅選擇、幾方便！服務態度好、啲嘢食好吸引又衛生、環境舒適、每次都滿載而歸、香港地算係平靚正👍值得一試

琴日同男朋友慶祝週年紀念，行到去銅鑼灣又唔知食啲咩好，點知比我揾到間隱世美食餐廳令我食完反唔到轉頭首先入到去服務態度簡直好好，因為我地冇係網上訂位，當時排隊人流都好多，我地擔心會食唔切，於是我上前問門口侍應，侍應表示會盡快安排坐位比我地，重叫我地睇定餐牌簡定嘢食入到去可以即刻落單，成個流程侍應完全冇敷衍我地，重拿拿聲幫安排我地就坐我地都係選擇困難症，睇左好耐都唔知食啲咩，於是我地問侍應推薦邊一款菜式，侍應推薦我地食季節二人餐，包含左兩件吉列蠔，兩件炸海蝦同特上豬扒，侍應重叫我地唔洗擔心唔夠飽，因為白飯同椰菜都係無限添加，岩曬我男朋友等左一陣個餐終於到啦，因為小妹本身唔係好中意食蠔，但係一場尼到就試下佢地啲蠔，果然冇令我失望，外脆內林，一咬落去重有好汁流出尼，師傅炸既温度重要岩岩好，唔會出面熱入面凍，內外溫度幾乎一樣，食落去完全唔會怪！竟然會令我想嗌多幾件添然後到個豬扒，本身小妹男朋友箍緊牙重好擔心會唔會咬唔到，因為食過好多間豬扒都係外脆內硬完全咬唔郁，但係！佢呢一間既豬扒簡直冇得輸，外脆內林，唔洗咬好耐都吞唔落，炸既時間完全係非常出色，本身重擔心男朋友箍緊牙會唔會咬唔到，但食完兩啖完全

勝博殿是我每次諗起日式吉列豬排時必食的專門店,分豬柳同豬排,豬柳是全瘦肉而豬排是有點肥肉,如果想食得健康點,選豬柳吧！但係唔介意食d肥,豬排的肉質較豬柳有層次。但係今次冇食到佢地既豬排，因為佢哋近排新出左廣島蠔套餐，廣島蠔有手心咁大，配埋帶子炸蝦同可樂餅，分量十足，廣島蠔又鮮又Juicy，帶子食落完全係用sashimi grade，炸得岩岩好，一d都唔韌，炸蝦都超級大，超實肉，完全唔會梅，我地今次試左佢個廣島蠔海鮮拼盤同芝士千層配炸海蝦.芝士千層係豬腩片包芝士，再吉列，聽到都邪惡，一上枱芝士仲識拉絲！仲有要提既係佢地有2種飯提供，白飯同燕麥飯，燕麥飯聽就知健康啦，食落都幾香，可以少少平衡食炸嘢嘅罪疚感！食完捧住個肚走，簡直係性價比之鬼！！！😍😍😍服務都十分唔錯，refill菜同漬物好快👍🏻👍🏻

今日同朋友去去咗銅鑼灣食日式炸豬扒，嚟到好快就入座，同朋友叫咗個廣島蠔季節二人套餐一齊share食隨即附送一碗椰菜絲同一盒前菜，椰菜絲可以用柚子醋同埋沙律醬食，食落都好新鮮。青瓜用咗薑蓉嚟醃製，蘿蔔亦都好有爽口，作為開胃菜唔錯，再加上呢兩樣嘢係可以無限refill👍🏻👍🏻二人餐有兩隻炸蠔，兩隻炸蝦配他他醬，一個炸蟹餅同埋一塊150G既特上豬扒。豬扒肉質柔軟多汁，配埋磨完嘅芝麻加豬扒汁，酸酸地幾好食。炸蠔同埋蝦配他他醬真係一流，再加上飯湯可以無限refill，真係好過癮！

今日中午去咗銅鑼灣勝博殿炸豬扒專門店，品嚐咗炸豬扒拼炸生蠔，絕對是一場味蕾的極致享受！炸豬扒外層炸得金黃酥脆，入口鬆化，肉質鮮嫩多汁，每一口都充滿濃郁的肉香。炸生蠔則外皮香脆，內裡保持滑嫩，鮮味十足，咬開後海洋風味瞬間爆發，令人回味無窮。兩者搭配，既有豬肉的紮實口感，又有生蠔的鮮甜多汁，形成完美的對比，令人一試難忘。餐廳的配菜亦十分講究，椰菜絲爽脆清新，配上特製芝麻醬，味道更添層次。味噌湯濃郁暖胃，帶有淡淡的豆香，為整體用餐體驗增添溫暖感。白飯粒粒分明，軟硬適中，與炸物的香脆口感形成絕妙的平衡。特製醬汁更是點睛之筆，微甜微酸的風味與炸物完美融合，提升整體味道。餐廳環境舒適，座位寬敞，服務員態度親切，令整個用餐過程更加愉快。無論是單人用餐還是與朋友共享，勝博殿都是值得一試的美食好去處。如果你是炸物愛好者，絕對不能錯過這裡的炸豬扒拼炸生蠔！

叫咗蛋黃醬芥末的吉列豬扒配合沙律菜超級好食，咬落豬扒嘅肉質好Juicy 😝咬落去脆卜卜好好食另外叫咗個韓國抄年糕，甜酸酸開胃仲包埋前菜小食同埋湯，簡直係非常豐盛呢個餐兩個女仔食都覺得好滿足足料足料，老闆和店員的服務也很好，親切笑容😊

今日同女朋友，嚟到銅鑼灣博勝殿日式炸豬排，因為成日係日本，所以少咗好多時間係香港食日本餐廳，今日突然好想食日式咖哩，就揀咗哩間，入到店內，感受到香港餐廳真係靜咗好多，都係得幾張枱有人，我叫咗咖哩炸豬排套餐，豬扒配炸海老，咖哩好味，係回憶嘅味道，豬扒鬆脆，炸海老夠大隻，一罐嘅味道，就係久唔久想食，其實我好鐘意食佢嘅椰菜，配埋佢個豬扒汁，一流，希望你哋可以一路做落去，宜家市場真係比較靜，叻油！我諗哩度係好多人嘅回憶味道。

今日去我哋四大兩小(3歲以下)比個四人位,入去食，諗住叫個壽喜燒(二人)因為有小朋友就叫D熱野,加兩份炸豬扒(四個大人),叫個店員過嚟佢就講話壽喜燒賣晒嗰陣時7:30,(一時諗吾到)咁然後就叫咗三個豬啦，然後我就諗住問佢係咪可以添飯,佢用嫌棄的語氣同我地講,話你哋四個大人,兩個小朋友,我哋都冇計你嘅小朋友㗎啦(你地叫三個餐),態度又吾好喎,呢個價位我覺得有啲問題,(可以講你地三個餐加吾到),我唔介意比多一份(我之後加多一份,但我什麼都無添過),但這個價位這個服務態度非常之唔好，我未上過大陸消費,諗往多D出街幫下本地(我現在明點解北上消費)，但係食完一肚氣

不論入坐等野吃還是埋單都等超久 我追咗兩次單 職員完全唔理我 職員只會走來走去 白色衫的那位經理都不知道做什麼😡😡隔籬枱仲有曱甴出現 衛生問題嚴重 🥶🥶😫😫完全不推薦 都唔知點解openrice有咁多好評 😒😒食物質素一般 🙂‍↕️🙂‍↕️我叫了一個豬肉卷 簡直不知所謂所 可能唯一嘅好處就係可以加菜、飯同麵豉湯🫠🫠超級overprice 坊間喺呢個價位有大把選擇 簡言而之 不推薦 永久black list