我心目中香港海南雞頭三必定有勇記，今年佢出左副線食米線。作為米線FANS，星期六去開會展，順路去埋灣仔食。今次冇試到人氣黃酒藥膳雞米線，留番下次！胡椒豬肚雞米線 $73💫 8.5/10勁大碗超足料，有齊雞件、豬肚、雲耳、腐皮。首先個湯底真係冇得輸，超香胡椒味，食落夠辛辣。米線幼身超爽滑，同二撇雞一樣，配埋個湯底食都好吸湯入味！雞件就正常有咸味，但份量巨多，食到尾都仲有，認真抵食，不過係帶骨，如果可以好似海南雞咁無骨就爽。豬肚幾爽但咬得郁，冇怪味唔錯。秋冬食呢個湯底真係超暖笠笠！手拍青瓜$26💫 8/10呢個比預期中份量少，但青瓜超級之爽脆！仲要好夠酸微微辣，勁解膩解辣，作為小食係唔錯。但呢個份量 只夠1-2個人分享。總結：胡椒豬肚湯底好正，重口味人士必食，足料抵食！呢個價錢，呢個份量，仲要港島區，真係冇得輸！…查看更多
