勇記海南雞

想去勇記食海南雞飯好耐喇之前兩次特登走過海去上環食結果都係太多人排隊所以去咗食第樣今次朋友同我講話官塘都開咗新店喎我即刻上網搵吓個地址原來個位置響中海日升中心地點有d唔就腳不過我為食😂就行多幾步去啦同埋知道佢開11點我特登早啲去，唔想同人迫唔想排隊今日我就11:30去到 好彩真係唔算多人同埋可能星期六附近Office冇乜人返工好順利，咁唔使等位就入到呢度海南雞飯真係一絕同埋佢嘅椰子雞湯，好味到不得了好多人都係為咗個椰子雞湯而來呢個湯好快賣晒 如果有緣遇到記得叫來試吓果然見大部份嘅人都係叫咗椰子雞湯大家都可以去試吓👍🏻提提大家 舖頭只收現金💰💰…查看更多

睇完電視宣傳片 到來一試 海南雞食物質素一般 地方環境舒服程度一般 服務員服務態度麻麻地 整體感覺一般般 一試無妨 但不會再試 海南雞飯 沒有糖 真是第一次發生 其實都幾好笑 不會再次幫襯 帶點失望離開 附近係工廠區 環境較為複雜 亦遠離港鐵站 由觀塘港鐵站行到嚟呢度都比較遙遠 最後都有湯供應了 個湯都還好 質素可以接受 亦都有啲香味 對個湯整體感覺都算係唔錯 至於大家會唔會試 就請自行決定 我哋就一次起兩次止 試過就算了 下次應該唔會有地鐵站轉城行過嚟試囉 …查看更多

响TVB節目介紹見到，走去買返屋企試吓，結果…..叫左$170 全隻去骨雞。價錢絕對唔平，大概係貴在同你去骨！味道方面，其實真係好普通，唔覺眼佢值$169+$1外賣盒。 食海南雞最基本既嫩滑程度佢係OK既。但真係似普通浸雞。 而個醬亦本人不太喜歡，單純被薑味蓋過所有味。 最後係，覺得$169/隻雞，佢將隻雞既起肉部分應該唔多。 唔知係冇完全起肉還是只留認為易起肉既地方。所以…. 比佢起完肉之後，好似得好少咁。 所以覺得唔係好值。 …查看更多

大約12:15去到已經有少少人龍，不過只等左5分鐘就可以入座，喺覲塘食lunch 黎講已經好ok.黎得當然唔食海南雞飯，午餐可算餐飲或椰子雞湯，當然揀咗湯一試啦。出餐亦好快，雞係唔錯，嫰滑皮薄，無乜肥，個醬亦都出色，油飯亦都做得幾香，個湯好濃椰子香味，但飲完係口渴到一個點，成個下晝都喺度飲水。$58個午餐算性價比唔錯，但份量唔大，女仔ok, 男生可能差啲。…查看更多

🔴雞件份量小，幾好食都無用，已經加錢要脾。🔴雞係嫩，但係同質素既出品坊間比比皆是。🔴油飯無香味，飯質偏乾。🔴 點雞醬得一款，可能係餐廳特色，但味道平平。🔴蔥油雞的蔥油偏甜，欠缺蔥既香味。🔴伴碟青瓜又乾又柴，明顯長時間擺乾哂水。🔴試唔到佢個湯，但係都唔會回頭。🔴觀塘黎講性價比超低，唔係附近返工唔需要特登黎食。…查看更多

上個禮拜去咗觀塘嘅中海日升中心入面嘅勇記海南雞食海南雞。有唔少巴士都可以到達該帶，交通方便。呢度最出名就梗係海南雞啦主打古法滑雞，絕不滑稽。海南雞嫩而不嚡，油香四溢，絕對係好食嘅海南雞。而椰子雞湯亦都非常好飲，採用好多嘅雞殼，同埋10隻椰子， 10隻紅蘿蔔煲出嚟的。椰子雞湯鮮甜可口，冇落味精，飲落唔太鹹。炸墨魚餅都幾好食，值得推薦。呢度所有嘢都係二人餐來的，盛惠$170 。總括嚟講，呢個價錢有咁多嘢食都算抵食，環境和服務都不俗，而椰子雞湯嘅味道真係非常之好，海南雞都好嫩滑，好好食，推薦鍾意食海南雞嘅朋友過嚟試吓啦。…查看更多

起而家呢個時代無電子支付真係爭啲，基本上而家嘅香港人都好少帶現金，仲要你開起觀塘呢啲咁多寫字樓嘅位，好多人見到淨係可以現金支付都即刻掉頭走🤦🏼‍♂️不過嘢食方面係真係好食，搞到我要特登去撳錢先食到😢…查看更多

之前食過上環分店已經覺得10分唔錯，今日就試吓觀塘分店。必點椰子雞湯，海南雞飯會附送湯或熱飲，推薦一定要揀椰子雞湯，因為呢個湯一啲都唔Hea，飲到椰子鮮甜味個湯唔會好稀，係用真材實料煲，食一啖海南雞飯再飲番一啖湯真係可以解一解油膩。至於主角海南雞飯，今日嘅海南雞又不至於好嫩滑，肉質可以，油飯亦都正正常常。總括嚟講，會因為個湯而再嚟食，海南雞飯$58一份包埋椰子雞湯冇投訴。下次會想試吓呢間舖頭嘅肉骨茶。…查看更多

幾年前已經想食。亦都曾經兩次去紅磡嘗試尋找。但店鋪位置比較難找，第一次去找了差不多半小時也找不到店鋪。第二次因為有第一次的經驗找了十多分鐘便找到，但可惜已關門可能已經賣曬。結果一拖又拖直到最近知道觀塘有分店。專門下午再去一次。買了原只海南雞加一個湯。原本想要沙薑醬但沙薑醬冇，所以只係選咗蔥油汁同泰式醬汁。蔥油汁一般大路貨沒有特別，但泰式汁驚為天人。食咗咁多年泰國海南雞，呢個就係最好嘅一個泰式汁。微微少少辣同埋合適的香料味道。無論送飯撈麵點雞都係無敵。另外個湯都好好味道，但係加九文只得一碗咁細嘅湯。目測湯水可能連200毫升都冇。裝湯個碗細到人哋其他店鋪只係用嚟裝汁醬，我寧願去佢加多十零文畀返一碗正常份量嘅湯。至於主角海南雞。絕對係名不虛傳。煮到雞肉全熟嘅情況底下仍然有這種嫩滑度。連雞胸都及得上其他店鋪嘅雞髀肉嫩滑程度。實力非同小可。唯一缺點係雞味不足。但呢個都冇辦法，應該係同隻雞有關係，同廚師嘅功夫冇關係。自從當年禽流感發生之後都好少食到有雞味嘅雞。整體嚟講呢個價錢哩只雞值得食。個泰式醬更加係能夠畫龍點睛。一定會再買，到時試下個沙薑醬睇下得唔得…查看更多

挑戰觀塘世一海南雞地位😏觀塘終於有分店啦！🤩 之前喺上環食過，回味無窮😆 一知道觀塘開咗即刻去試！🤫當日雖然有人龍，但等唔洗10分鐘就入到，效率高👍🏻🐔🍚招牌無骨泰式海南雞飯 配椰子雞湯🥥/熱飲☕️ $58新分店依然保持水準，海南雞每日新鮮製成，雞件超嫩滑🤤 仲要冇骨🦴啖啖肉😍醬汁帶少少辣，幾惹味💓🍚 油飯粒粒分明，飯量足夠 👧🏻女仔可以揀半飯 / 少飯餐飲可揀椰子雞湯🥥 或飲品☕推薦椰子雞湯🥥🐔，每日限量供應，睇到都知好足料🫢觀塘返工嘅你，真係要嚟試吓！💼✨📍 勇記海南雞（觀塘分店）地址：觀塘駿業街56號中海日升中心地下M號舖🕐 營業時間：Mon-Sat 11:00 - 20:45評分時間🤩（5星滿分）食物：🌟🌟🌟🌟環境：🌟🌟🌟服務：🌟🌟🌟性價比：🌟🌟🌟🌟…查看更多

之前lunch試咗雞飯同辣牛腩，味道都ok，見唔想成日食飯，所以今次試吓喇沙，可惜大失所望😔湯底淡而無味，個名叫「椰香喇沙」，佢唔係唔夠椰香，而係一啲椰味都冇⋯⋯😇甚至咸味都冇，只係有色水黎，真係好「健康」🤡油麵亦唔好食，口感唔好，整體差到不能再差，只係得兩片生菜同嗰半隻蛋好食啲🤣雞同平時一樣，冇乜特別變化。唔知係咪因為我叫喇沙嘅原因，上菜速度又比平時要耐，費時失事，本身諗住叫多個生炸豬扒，但已經嘥咗個咀，冇乜心機再叫。想試嘅朋友一定要注意🫠小心中伏希望店鋪都能夠有所改善…查看更多

今日試到一款高水準嘅麻辣去骨海南雞飯！✨ 我都算係個識食之人～ 雞肉部分 真係靈魂所在：「雞背夠滑」反映火候掌握精準（可能低溫慢煮？），「雞夠肥」表示選用走地雞或脂肪分布均勻嘅部位，帶出天然油香又唔膩口，師傅處理雞皮同肉之間嘅油脂平衡功力深厚。 麻辣醬「岩岩好」係關鍵——坊間常見麻/辣分離或死鹹，呢款醬汁明顯做到「三位一體」： 「麻、辣、鹹黃金比例」，呢種平衡好考廚師經驗，多一分會搶喉，少一分變平淡。下次可以留意有無加少許糖/醋回甘，通常秘製醬汁會用呢招提升尾韻～ 去骨麻辣雞飯 雞背夠滑 雞夠肥 麻辣醬岩岩好 唔會過咸 而且夠麻夠辣 呢個配搭剛剛好👍🏻出色…查看更多

觀塘開咗勇記海南雞! 嗰時喺紅磡已經好出名,仲時時大排長龍,真係好想去食~ 而家喺觀塘終於有分店, 唔使排隊有得食~ 碟頭飯份量好多,我就揀半飯~ 再細食嘅朋友可以揀少飯~ 任君選擇蔥油雞 ⭐️⭐️⭐️因為蔥油嘅關係,令到飯同雞都偏油膩~ 感覺好肥~ 但整體係好食嘅,雞有雞味,又夠軟滑😋傳統無骨海南雞⭐️⭐️⭐️⭐️海南雞超嫩滑,滿滿雞味,仲要冇骨啖啖肉~ 配油飯反而都冇蔥油雞飯咁油膩~ 飯粒粒分明,加上少少炸蒜片,入口更香~ 食唔停口~ 餐飲可以揀椰子雞湯,或嘢飲~ 不過午市好多人,而湯又限量,想飲嘅朋友就要早啲去啦! 因為我次次都Miss🥹 好彩桂花烏龍茶都好正~ 唔想食飯嘅朋友,仲可以揀喇沙~ …查看更多

最近中海日昇新開咗間食海南雞飯既, 日日lunch都排晒長龍, 尤其個椰子雞湯跟餐送既, 仲要送完即止, 呢到手機落單, 手快有手慢冇, 遲一步下單分分鐘乜都冇, 我講既係個湯! 由於新開試業, 暫時只提供雞飯, 其他喇沙/米線/撈麵/玉骨茶都未有住, 另外有二人餐(海雞半隻, 墨魚餅/香辣魚餅/泰式雞棗 三選一, 麻辣手拍青瓜, 油飯/白飯兩碗, 送椰子雞湯或熱桂花烏龍茶) 而四人餐(海雞一隻, 墨魚餅/香辣魚餅/泰式雞棗 三選二, 麻辣手拍青瓜, 油飯/白飯四碗, 送椰子雞湯或熱桂花烏龍茶) 呢到地方都好大, 大部份四人枱, 如果多人去的話lunch時間多數要分枱坐, lunch時間12:30-2:00 都好多人排隊堂食同外賣呢到係一隻雞既份量, 賣相都唔差既, 味道咸咸地, 肉質勁嫩口, 就連雞胸肉都唔係好鞋口, 不錯四人餐小食拼盤, 魚餅辣辣地幾好味, 墨魚餅爽口彈牙, 豬扒肉腍手拍青瓜味道偏咸外賣款海南雞飯外賣款沙薑雞飯, 其實都係海南雞, 只係多咗沙薑醬外賣款麻辣雞飯, 麻辣醬聞落好香, 似曾相識既譚仔麻辣豬耳味, 但味道咸多過辣外賣款蔥油雞飯, 油浸雞一樣太多油, 味道都唔差既總結, 兩次都話椰子雞湯賣晒, 明知多人流既應該整定多啲份量囉, 令人白走一趟, 相信會隔一兩個月後先再去食, 本身想去試個喇沙, 手機落單話售罄, 細問侍應話未有提供, 可能新開兩星期左右未有咁多人手供餐, 所以只賣雞飯先, 坦白講又未去到話超好食, 我覺得可以一試囉, 加上價錢平嘛, 同區又冇乜餐廳專食海南雞飯, 原本佢隔離以前都有間賣海南雞既不過執咗…查看更多