功夫點心

今日又去黄埔jumping gym放电，一出地铁站就见到呢间功夫点心。点心纸嘅封面好有心思，好似一本秘笈咁😂佢星期一至五有早茶及下午茶优惠，有八折。呢度嘅虾饺王同烧卖王系可以逐粒计嘅，每粒系$9，好似我哋人少少咁，就可以按人头点，食多啲款式，非常好。全部啲点心有晒价钱一目了然，唔洗对住个价目表，睇返大中小点究竟几多钱。点心即叫即蒸，要等十五至二十分钟，所以念清楚有咩想食，如果唔系再加单，又要再等。功夫虾饺皇$18👍🏻👍🏻👍🏻1/2 平时嘅虾饺个皮系半透明，晶莹剔透。呢度个皮唔够薄滑比较厚，同埋入边啲虾切碎晒，相对无咁弹牙爽口。麻麻地。蟹籽香菇烧卖皇 $18👍🏻👍🏻👍🏻1/2 一般般黑椒金钱肚$28👍🏻👍🏻👍🏻👍🏻👍🏻好浓又入味，整得够谂。不过份量较少，得5旧唔系好够喉。翡翠叉烧肠$27👍🏻👍🏻👍🏻👍🏻可以鲜虾腐皮卷$25👍🏻👍🏻👍🏻👍🏻👍🏻呢个系大爷至爱，煎得够脆，加埋喼汁开胃可口。凤凰煎糯米鸡$26 👍🏻👍🏻👍🏻👍🏻呢个比较特别，将糯米鸡两边沾啲蛋攞去煎，都好食，几得意。盐烧酥炸鱿鱼须$34 👎🏻👎🏻👎🏻炸到过晒龙，啲鱿鱼好幼身，炸粉好厚，卖相同味道都唔得。呢度都要计茶钱，每位$7，可以叫铁观音。今次坐喺卡位，啲皮椅已经开始裂开，另外啲茶壶有迹，茶咀都崩咗。总括而然都算可以接受，环境同食物都有进步空间。如果撞正早茶或下午茶时间都可以考虑吓嘅。…查看更多

有个收银阿姐好垃圾，落单𠮶时已经好似欠咗佢咁，讲到自己好忙但又唔觉有咩做，最后仲发脾气叫我唔好落单。嘢食ok, 糯米鸡、饺类真心几好食，拎到返屋企仲热辣辣。但阿姐真系超赶客，好心兜q走佢啦。…查看更多

今日放工冇嘢做，赶住返屋企打机，就去咗呢间点心度买个点心食，谂住边打边食。去到嘅时候虽然唔系好多客，但系都等咗好耐。帮我将啲点心拎到返屋企嘅时候，路程其实只系10分钟，但系啲点心已经冻哂。我谂本身啲点心已经唔系好够热，我叫咗𠮶几个点心都冇一样系比较吸引，唯独系个烧卖OK，下次应该唔会再嚟呢间事啦。人哋买外卖就为咗方便，我就买完外卖仲要返屋企用个微波炉叮先食得。…查看更多

寻日假期去开红磡果头，拣咗呢间连锁点心店帮衬，之前间中有去深水埗店，今次系第一次黎呢间分店，黑椒金钱肚太淋、最底果两旧牛肚酸既，北菇棉花鸡d 鸡飞水太劲，成碟无味既，包括鸡、猪肚、芋头同冬菇，见到隔离枱埋单时，原来食咗一旧就成碟无再食，凤凰煎糯米鸡d 糯米太淋、无口感，鲜虾腐皮卷同虾肠还可以，保持水准既就系虾饺。因为一路食一路出汗 (其实未开始食都已经好热)，出面33度，所以无心机影相，问侍应点解会无乜冷气既？开到最大架喇？佢回答 “系！系咁架喇！”见到铺内有几把风扇既，但系只系吹住员工包括收银同厨房出点心个柜面总结：唔会再帮衬…查看更多

夜晚嚟到位于黄埔站嘅功夫点心食点心， 两个人点咗四个点心分别系萝卜糕 ，生菜鲮鱼滑炸两 ，凤爪排骨肠粉煲 ，同埋瑶柱鲜虾菜苗饺 。萝卜糕好厚粉， 啲油渗晒出嚟。食到一两丝萝卜丝同埋少少香口嘅虾米腊味， 尚可接受。生菜鲮鱼滑蛋炸两唔太食得到鲮鱼滑。 不过炸两胜在够脆， 包裹系炸两外嘅粉皮几薄下，唔错。凤爪排骨肠粉煲有两只凤爪 ，4，5粒排骨同埋四条肠粉。 肠粉吸收咗排骨同埋凤爪嘅汤汁，配埋辣椒豉油，好食。菜苗饺外皮烟韧结实，咬落唔会散开晒， 都唔错。 埋单120蚊，价格算系几亲闻。…查看更多