劉興記生煎包專門店

营业中

休息中

今天跟老公在旺角經過「劉興記」，看見門口招牌描述的生煎包，決定進去一試。小小的一間店舖，座位算是舒適，中午時段也不會很迫。惠顧套餐/$60就有免費豆漿任飲，爽。招牌生煎包 $20這裏的生煎包外皮不算太厚，生煎包的底部很酥脆，肉汁爆多，豬肉餡充滿肉味，值得一讚。酥炸小雲吞（12隻） $3512隻小雲吞，兩個人吃有點兒多，但是它的雲吞皮真的炸得十分香口，喜歡吃香口東西的可以一試，本人就比較偏愛濃湯小雲吞。雞絲酸辣湯 $35適合喜歡偏酸的朋友，十分開胃，酸辣湯的餡料很充足，有雞絲、木耳、筍etc。性價比高。鮮雞湯小雲吞（12隻） $35湯底清甜，每粒雲吞都皮薄餡靚，一口一粒，不會太膩。招牌擔擔麵 $42花生醬濃郁，味道香濃，麵條軟硬適中，份量足夠。價錢真的十分親民，多點了錢包也不會淌血。

喵仔琴日同喵女去咗旺角女人街掃街，行到攰攰哋，見到劉興記門口排長龍，忍唔住入去試吓佢哋嘅招牌生煎包！果然名不虛傳，皮薄餡靚，肉汁爆滿，真係一試難忘！仲叫咗幾樣小食，樣樣都咁高質，抵讚！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 招牌生煎包嘩！一上枱熱辣辣，個底煎到金黃香脆，咬一啖，肉汁即刻爆出嚟，真係要小心燙親！豬肉餡調味啱啱好，鮮甜多汁，加埋蔥花同芝麻，香味撲鼻！真係忍唔住一粒接一粒咁食！✨2) 手工豆沙窩餅呢個窩餅外脆內軟，豆沙餡甜而不膩，食落煙韌有咬口，而且唔會太油，作為飯後甜品一流！✨3) 麻醬青瓜雞絲粉皮粉皮滑溜溜，配上爽脆嘅青瓜絲同雞絲，口感豐富！麻醬汁濃郁惹味，撈埋一齊食，清新開胃！✨4) 白灼小棠菜苗雖然只係一碟普通嘅菜，但小棠菜好新鮮，翠綠爽口，食落清甜，可以平衡返食咗咁多煎炸嘢嘅油膩感！✨5) 排骨蔥油拌麵排骨炸得香脆，肉質嫩滑，蔥油拌麵嘅麵條彈牙，加上蔥油嘅香味，令人食慾大增！不過因為今次係新年年初四嚟，啲蟹粉同埋小籠包已經賣晒啦，下次會再嚟試過！😻吸喵指數：8.5/10ᗦ↞◃ ….….. ᗦ↞◃ ….….. ᗦ↞◃ ……… ᗦ↞

今日見平時要排隊嘅劉興記今日唔使等咁耐，就梗係即刻入座叫返碟小籠包同生煎包先啦！.➜生煎包果然係招牌！即叫即煎嘅生煎包，包底勁香脆，一咬會爆汁，內餡多汁又Juicy！大推蟹黃生煎包勁香，咬開之後滿滿蟹膏同蟹肉，香濃又鮮甜，好足料呀！.➜上海小籠包同樣都要等嘅小籠包皮薄餡多，趁熱食是必須的！！一咬開湯汁滿滿，沾少少醋同薑絲一齊食啱啱好！.想食小籠包同生煎包，一入座記得要即刻落單！其他嘢食再慢慢叫啦！.#msmessypig_food 

放工後來到旺角行街，之前在上環食過劉興記好好味，見到旺角都有，就試試這間。的確是性價比很高的餐廳，見到門口條長龍就知很受歡迎。👍👍👍❇️生煎包剛剛聽到隔籬枱的女生說吃生煎包是爆汁，當我自己吃果然也爆汁，包外面煎得很酥脆，裏面很Juicy, 口感很豐富😋😋😋❇️鮮雞湯小雲吞湯很鮮甜，雲吞皮很薄，雖然雲吞小小的，肉也不少❇️手工豆沙鍋餅豆沙給人的感覺會很甜，但這個豆沙餅甜度很適中，食起來很煙靭，煎得金黃酥脆，一點也不油膩❇️豆漿果然是低糖豆漿，不是很甜，但很有豆味

劉興記既生煎包一向都出名皮薄多汁自從佢係旺角開佐分店之後呢間野一直都係我既lunch食堂之一今日再同同事食劉興記既lunch 招牌生煎包 生煎包面有黑芝麻同蔥皮好薄 一咬落去啲湯汁爆曬出嚟個底煎到金黄色好脆豬肉餡好有肉味👍🏻上菜仲熱辣辣雞扒蔥油拌麵 雞扒食落去外脆內軟加上蔥油既味道 正拌麵又爽又彈牙❤️排骨菜飯排骨上枱時暖暖地 但外皮仍脆菜飯份量都幾大豆漿現在只要order套餐滿$60 豆漿可以任添任飲 超抵🤩

📍 劉興記生煎包專門店🌍旺角通菜街1M-1T號華發大廈地下D號舖 Shop D, G/F, Wah Fat Mansion, 1M-1T Tung Choi Street, Mong Kok📝整體評分：９／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝大癲，比一大壺豆漿我地２個慢慢斟～惠顧套餐／＄６０或以上豆漿任飲，門檻勁低，仲要係好飲的～▸上海排骨湯麵◂＄４２✿   次次想食生煎包都會黎呢間，介紹過幾次，今日竟然比我發現湯麵原來咁驚豔！！！清湯可以濃而不俗，再加埋鮮炸紅蔥頭，超香口！排骨肥瘦比例剛好，特別係肥肉帶爽，肥而不膩～▸手工豆沙窩餅◂＄２８✿    全港最好食豆沙鍋餅，每次必叫，試過就知佢過人之處，不死甜又軟糯～▸招牌生煎包 ◂＄３５／４隻✿ 一個人食４隻會有少少膩，太多肉汁，麻花底會厚身脆香，咬一口肉汁飛射哂出黎，超級鮮甜。▸原味上海小籠包 ◂＄４０／４隻✿    爸爸唔食熱氣野就叫小籠包比佢，大讚皮薄帶少少韌性，濃郁豬肉香卻不腥臊，用料新鮮！

最近呢間生煎包店真係超級火熱，除左吸引咗本地人，連遊客都專程嚟幫襯！😍 爆汁生煎包係呢度既招牌菜仲可以無限添飲豆漿～今次我哋專程嚟試下，果然冇失望，性價比非常高！！🙌❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀🥟 鮮雞湯小雲吞（12粒）+ 生煎包（2隻）｜$54小雲吞：每粒雲吞皮薄餡靚，雞湯清甜，飲落暖胃又舒服～生煎包：生煎包係必試！底部煎得金黃香脆，包身柔軟，內裡湯汁爆滿，一啖咬落即刻湯汁四溢，記得小心燙口～😋🥢 蟹粉小籠包（4隻）｜$80小籠包係即蒸既，蟹粉餡料豐富，咬開後熱辣辣既鮮甜蟹湯汁滲出，味道一流！🦀✨🥗 麻醬青瓜絲粉皮 ｜$24青瓜絲爽脆，麻醬濃郁，撈埋粉皮清爽又好食 🥛 豆漿 ｜Free 無限添飲豆漿可以無限添飲！味道濃郁香甜，有少少豆渣，口感非常天然～🔥

之前喺荃灣自私食過影相share咗俾老公，佢話好吸引佢都想食😂 今日就遵守承諾同佢嚟咗呢間旺角分店🤓❤️招牌生煎包個底勁香脆，內餡Juicy，包體鬆軟，食過兩三間分店都維持到水準👍👍個人認為生煎包要即叫即食先好食，呢間係少數有得堂食又抵食既生煎包專門店🫶❤️擔擔麵湯底非常濃郁，好重花生醬味👍個人認為食到中後期會有少少膩，兩個人share會好啲😅❤️上海排骨因為個擔擔麵係無跟餸，所以就單點咗呢款小食～排骨炸得好出色👍👍皮薄脆唔油膩，肉質肥瘦適中😋⭐️雞絲酸辣湯麵質地比較稀不過都好夠味❤️白灼小棠菜苗好嫩無渣，灼得啱啱好夠爽脆老公表示滿意😂

之前都見人介紹過呢間生煎包～今次就要去試試佢！其實呢間舖頭性價比都高，嗌多幾款食物都唔肉痛（自費非廣告）🤭提返大家舖頭只收現金招牌生煎包 (四隻) $35生煎包底部煎到好香脆，建議第一啖慢慢飲咗啲湯汁先，我就係一啖咬落去啲汁滴晒落枱面。而裏面嘅肉餡都幾嫩滑，調味啱啱好，大推嘅‼️麻醬青瓜雞絲粉皮 $42呢個食物非常邪惡，滿滿嘅麻醬包裹住每一條粉皮，粉皮都係偏爽口，但雞絲份量略嫌偏少🙊手工豆沙鍋餅 $28鍋餅皮薄口感酥脆，豆沙都唔會太甜膩，我食到一啖接一啖😋📍劉興記生煎包專門店旺角通菜街1M-1T號華發大廈地下D號舖

雞絲酸辣湯加生煎包(2隻)套餐👍🏻👍🏻👍🏻👍🏻👍🏻 - 湯底酸辣適中，雞絲鮮嫩，湯品開胃，生煎包外脆內軟，汁多味美，搭配非常合適。上海小籠包👍🏻👍🏻👍🏻👍🏻👍🏻 - 小籠包皮薄餡多，湯汁豐盈，咬一口瞬間爆汁，風味正宗蔥油排骨拌麵👍🏻👍🏻👍🏻👍🏻👍🏻 - 麵條彈牙，蔥油香氣四溢，排骨肉質鮮嫩，整體味道香濃手工豆沙窩餅👍🏻👍🏻👍🏻👍🏻👍🏻 - 窩餅外皮酥脆，內餡豆沙甜而不膩，口感層次分明

在旺角辦完年貨, 剛好經過發哥最愛生煎包店的門口，已經大排長龍，好奇之下，排隊進店試一試。看一看餐牌挺經濟實惠，套餐性價比好高。套餐*配豆漿或+$8可樂惠顧任何套戲滿$60以上，還可以免費任飲豆漿。❤️鮮雞湯小雲吞(12粒)+生煎包(2個)雞湯味濃，小雲吞一口一啖，香滑外皮，肉質嫩滑。❤️雞絲酸辣湯+ 生煎包(2個）酸辣湯酸辣度適中，加上紅醋更好味。雞絲木耳等材料夠多，十分飽肚。生煎包外皮香脆，內餡爆汁多肉。劉興記生煎包專門店（旺角） 旺角通菜街1M-1T號華發大廈地下D號舖#旺角 #旺角美食 #香港旅行 #香港美食 #美食打卡 #生煎包 #劉興記 #周潤發 #發哥 #美食推介

起身後第一餐唔想食咁多，行過女人街見好耐未食過生煎包，又見到呢間都幾多人幫襯，就過咗嚟試吓 😋🥢★̆̈ 招牌生煎包 $20/2隻 🥟側邊皮薄餡靚，個底都煎得好脆，咬落去真係爆汁！如果啲生煎包唔爆汁，仲可以同店員講換過 👍★̆̈ 蟹黃生煎包 $38/2隻 🦀呢款真係必試！咬開之後滿滿嘅蟹膏同蟹肉，香濃又鮮甜，夠足料 🤤★̆̈ 麻醬青瓜雞絲粉皮 $42 🥗🍜 麻醬夠濃郁，粉皮煙韌有嚼勁，配埋爽脆嘅青瓜同嫩滑嘅雞絲，清爽又開胃★̆̈ 上海小籠包 $40/4隻 🥢湯汁豐富，皮薄餡嫩，食落唔會太膩，仲要熱辣辣★̆̈ 手工豆沙窩餅 $28 🫘 🫓豆沙餡多，蛋香味好突出，甜度啱啱好，食落好舒服★̆̈ 低糖豆漿 $8 🥛豆漿好滑，帶濃郁嘅豆香味，甜度低但味道好足，配生煎包食一流！除咗嘢食唔錯之外，員工嘅服務態度都要大讚，唔單止笑容滿面，上菜時仲會提醒客人生煎包仲好熱，要小心食，令成個用餐體驗好舒服，加分🥰

一場嚟到梗係要食吓呢度最招牌嘅生煎包同埋小籠包生煎包有分普通同埋蟹粉味我哋兩個都有試過兩款嘅大細一樣 分別就係在於入邊有冇蟹粉蟹王先食咗原味 脆卜卜嘅外皮入邊 有大量嘅肉汁同埋一大舊肉加啲醋嚟食就啱啱好蟹黃蟹粉味 就除咗有肉質更加有蟹油好有鮮味 而且真係食到一絲絲蟹粉另外再叫咗蒸出嚟嘅蟹粉小籠包熱辣辣青出嚟個皮好薄入邊就包住啲蟹粉汁 同埋蟹粉咬落去啲汁咇晒出嚟嗌埋杯豆漿呢度嘅豆漿好濃郁 唔係平時出邊飲到嘅味道一路飲嘅時候好有口感

今日就同個朋友嚟到旺角呢一間劉興記嘅食生煎包咁第一樣叫嘅就係生煎包職員好好叫我哋要小心爆汁咁一打開就真係好多汁啲出嚟再一咬落去雙面係好煙靭嘅皮啦，然後個底係有少少脆硬嘅口感唔錯，咁再試吓蟹黃蟹粉生煎包感覺更加Juicy同埋更加好味仲要有膏同蟹肉👍🏻👍🏻十個正丫一定要食之後就係酸辣湯，朋友話好辣而我就反而覺得比較酸個味到最後就係蔥油拌麵，咁個味都係好好味而且唔油二人食到超級大滿足都只係$130左右豆漿仲要任飲超級好，不過原來係限時優惠❤️

今日，與同事一齊在旺角12蚊店掃貨後，疲累不堪的我們決定在通菜街附近尋找美食。偶然經過一間經常排長龍的上海美食小店——劉興記生煎包專門店，今天的人龍意外地不多，於是我們當然把握機會入去食返餐啦！## 餐廳環境劉興記的環境十分整潔且光線明亮。雖然門面不大，但座位設計寬敞舒適，卡座也很多，讓人感到放鬆。服務員熱情友好，我們剛坐下就收到一壺免費的低糖豆漿，還告訴我們這是任飲的，真是物超所值！上菜速度也相當迅速，讓我們在等待的過程中不再焦急。## 食物推介上海排骨菜飯 ($42)排骨經過精心炸製，外脆內嫩，份量十足，絕對能滿足男士一餐的胃口需求。蔥油雞扒拌麵 ($42)雞扒鮮嫩多汁，且勁多蔥油，拌麵的口感乾爽而不油膩，份量也非常豐富，性價比超高。上海小籠包 ($40)小籠包皮薄馅多，咬下去時湯汁瞬間爆發，搭配醋和薑絲，味道更加濃郁。雞絲酸辣湯 ($35)酸辣湯酸味適中，既不過酸也不過辣，雞絲和冬菇絲的份量也非常足料，且與湯底的香辣完美融合。低糖豆漿（免費任飲）豆漿低糖又健康，豆味亦非常香濃。