劉興記生煎包專門店

营业中

休息中

未食晒叫左嘅食物已經想走。中伏叫左8隻生煎包，上海排骨菜飯，麻醬手絲雞粉皮。生煎包剛上枱有熱有流汁，但可能隔咗5分鐘左右都無，就已經凍左咁。包底厚同硬，味道食唔出有咩咁特別只係有汁流出黎咁，肉有腥腥地嘅味道。上海排骨菜飯好難食，食左2啖就唔想食，又係上枱一陣就已經凍晒。菜飯無味道好淡，飯偏淋。排骨有陣怪味。麻醬手絲雞粉皮好普通比其他2款食物可以放到入口，但不覺得好味。不值一試附送豆漿味道偏淡要唔要試呢間餐廳要自己衝量下，本人就唔會再去同不推薦。

有次經過劉興記舖頭門口 見到痴咗發哥都有食過嘅相 就一直心心念念想試吓呢一間嘢👀嗌咗蟹黃生煎包👅外賣自取返到屋企都需要一段時間 但係返到去都仲暖暖地 生煎包外皮夠脆 未去到話爆曬汁 但係味道好唔錯 蟹味夠濃郁 食咗一啖就見到啲蟹有滲出嚟 好邪惡🤣！！！另外嗌咗蟹黃拌麵👅呢個認真足料！叫外賣佢係分開一盒裝蟹肉蟹黃汁 一盒裝麵條將啲蟹黃倒落去個麵嘅時候係非常之多同澎湃😻！！！撈完麵之後基本上每一啖都食到蟹膏蟹肉個麵就比較偏腍身不過因為蟹油都比較多 我食咗一半左右就覺得好漏啦 建議大家如果嗌呢一個麵嘅話可以兩個人分嚟食再嗌多啲其他唔同嘅餸菜～但整體嚟講係值得推薦嘅！下次我會試吓坐低堂食～

估唔到元朗都有劉興記，喺朗屏站落去個天橋就到好抵食，兩個人食都唔超過$150食得超飽！叫咗個擔擔麵，唔錯唔錯超正宗 $42 重頭戲梗係叫咗兩隻原味生煎包 $20 一咬落去超多湯汁，掂跟住就帶咗兩隻蟹粉生煎包 $40 依個真係可以試吓，超濃郁蟹肉蟹湯，超級多蟹肉喺入邊 一咬入去真係爆汁另外都叫咗小籠包$40 都係勁多湯汁 美味$8 豆漿仲係任飲，侍應會無限添加好抵飲，新鮮豆漿完全唔會死甜整體而言，依間真係好好食，又好平真係要試吓

朗屏站附近既生煎包專門店除左招牌生煎包仲有上海菜飯、酸辣湯、小籠包等各種上海菜式蟹皇生煎包 要小心！一吃下去會爆汁裡面有蟹肉和蟹粉十分惹味底部煎得好脆生煎包係招牌，好多肉汁好juicy不過我更喜歡蟹皇生煎包招牌上海排骨菜飯＋生煎包1隻套餐 排骨好大塊，肉質都很軟腍外皮香脆，炸完都唔會乾柴配搭上海菜飯份量十足仲有豆漿可以無限添飲蔥油雞扒拌麵 雞扒炸完都保留肉汁啖啖都係肉，份量很多拌麵調味不會過鹹配搭雞扒好夾！小籠包 小籠包都唔會輸比生煎包皮薄餡靚，裡面湯汁好多一啖食晒好滿足

放假終於去食呢間人氣生煎包啦，呢間劉興記有好多分店，好多人都大推佢地嘅生煎包！咁多好評，相信都系信心保證❤️佢地好貼心推出左一系列人氣套餐set, $54已經有份主食，仲有一件生煎包連飲品～以咁平嘅價錢可以有得食又有得飲，而且豆漿更系可以無限refill 超好啊👍🏻食生煎包時候，記得一定要小心小心😂因為肉汁真系一咬即爆出黎，超多湯汁啊😍好出色！招牌上海排骨菜飯～塊豬扒炸得非常美味，炸粉好薄，外皮炸得非常酥脆，但肉質十分彈牙好嫰！呢款都系必試啊😋豆沙窩餅，$28就有一份，價錢十分便宜！

📍 劉興記生煎包專門店（元朗）凡買滿$60以上，豆漿仼飲🤭重點係，無糖豆漿，唔會太甜影響胃口😋元朗分店好近朗屏站📍真係岩唒我，唔識路都一定會見到🤲🏻✨ 招牌生煎包表皮層煎得有點焦脆封鎖住了裡面的餡料湯汁，咬開後裡面滿滿全是肉汁，湯汁多到是會噴出來的那種，外皮薄薄的口感很酥脆，湯汁鹹中帶甜，不用沾醬亦都非常美味~~吃了真的讓人很懷念好吃到我忘記不了，咬開爆汁既口感🫰🏻✨ 經典鹹肉菜飯五花腩超入味！肉質又軟！帶點鹹香味🐷 米飯粒粒分明又有菜既香味菜量足口味好吃，不會油膩🍚

餐廳位置元朗權益大樓地下，門口有天橋可通往火車站或商場，主打生煎包和上海菜式。上海排骨菜飯排骨做法比較特別，外皮有裹炸粉，但厚度適中，口感酥脆可口，同時內裏肉質鮮嫩，份量十分多，以價錢黎講十分抵食。麻醬手撕雞絲粉皮粉皮口感軟糯，有淡淡既米香味。手撕雞絲唔會韌，食落有鮮味，青瓜絲青甜爽口，整體配搭十分和諧。招牌生煎包岩岩上碟熱滾滾，一咬開肉汁多到會流出黎，肉汁鮮甜可口，內裏肉球色澤粉嫩，生煎包有一面煎得特別香口，焦香味四溢。蟹皇生煎包生煎包既特別款，內有蟹肉和蟹黃汁，比起招牌生煎包味道更加惹味濃郁，蟹肉油味甘香濃原，重口味人士推薦一試。手工豆沙窩餅豆沙餡鋪滿整個窩餅，窩餅層層有咬口，層次感十足。惠顧任何套餐或滿$60以上即享豆漿任飲，實現豆漿自由！

記得之前去過荃灣嘅劉興記，對佢嘅噴射生煎包一試難忘，原來喺元朗都有分店，而且仲有咁多卡位坐，食生煎包都可以坐得好舒服🤗🤗🤗📌上海排骨湯麵加生煎包套餐🐷排骨肉嘅外皮炸得鬆脆裏面肉質保持水準，麵質啱啱好，加埋人氣生煎包，係必食之選📌雞絲酸辣湯🐔大量嘅雞絲、木耳、冬菇等材料吸入咗唔太辣嘅酸辣湯，啱曬怕辣嘅我，淨係飲呢一碗酸辣湯都夠曬飽肚📌原味小籠包🐷好可愛嘅小籠包，裏面湯汁想爆出嚟，好少地方可以做到唔會一拎起就穿窿或者流汁。薑絲可以叫店員提供，記住點埋醋食呀，會更加突顯豬肉嘅鮮甜同新鮮味📌麻醬青瓜絲粉皮大量嘅青瓜絲鋪滿成個碗，粉皮亦都好充足，撈埋麻醬去食，夏天都好開胃📌豆漿🥛套餐可以無限添飲，豆漿豆味濃郁，甜度適中，陣陣豆香！📌可樂🥤🌜夜晚喺出面睇劉興記個招牌閃下閃下，真係必有一番風味📍劉興記生煎包專門店元朗俊賢坊18號權益大樓地下15號舖@lauhingkee#劉興記#生煎包#元朗#專門店#卡位

成日行過都坐滿人...今日咁岩剛開門冇咩人，即刻去食！😆叫左招牌菜 - 招牌生煎包 (兩隻)賣相十分好，熱辣辣👍一唔小心，真係爆晒汁😂 雖然包底層皮略厚，但勝在夠多肉汁，可以balance番另外叫左 - 原味小籠包等得耐小小，因為係即叫即蒸❤️小籠包相當出色！皮薄之餘，又係好多肉汁！😆一個人啪晒4粒完全冇問題～仲有 - 雞絲酸辣湯好大碗😂 仲要好多料！每匙都可以有木耳同荀絲，正～🤤味道適中，唔係好辣，偏酸多d仲有好多野想食🤤 擔擔麵，蔥油粉麵，上海排骨菜飯......下次真係要多d人黎，再食過！

以前去過上海旅行，試過當地嘅生煎包，一直好掛住上海嘅生煎包皮薄多汁嘅感覺，喺香港試過好幾間店鋪，完全食唔返個種感覺....今日同嫲嫲喺劉興記終於食到！我地叫咗：招牌生煎包（6隻）$45生煎包嘅外皮又薄又脆，入面包裹住多汁鮮嫩的餡料，有d 似小籠包咁多汁。同我喺上海食過嘅生煎包不相伯仲，我一個人食咗四隻！套餐：上海排骨湯麵+生煎包（1隻）$54我同嫲嫲都分別選擇咗呢個套餐，排湯麵係分開上，食嘅時候可以食到排骨嘅酥脆。排骨唔會炸得乾，仲保持有肉汁，而且最欣賞嘅係，排骨唔會有骨，全部都係啖啖肉。我地跟餐飲凍豆漿，豆漿甜度適中，非常可口。店內叫任何套餐都有得無限添飲豆漿，店員仲非常細心會主動幫我地添加！呢間店鋪價錢唔貴，生煎包水準又高，絕對值得推薦！

🌟周末，我和太太來到元朗俊賢坊的劉興記生煎包專門店,品嚐正宗上海風味的美食。這家店專注於生煎包的製作已有多年歷史,因此在這方面的功力非常了得。❇️我點了上海排骨湯麵以及一隻招牌生煎包的套餐~$54。湯頭濃郁,不油不膩。❇️太太則點了鮮雞湯小雲吞以及兩隻生煎包的套餐,同樣$54。小雲吞皮薄餡多,鮮味十足。❇️值得一提的是,套餐附送的(凍)豆漿可以無限添加,解渴解膩,性價比高。✳️最後我們又點了6隻招牌生煎包作為小吃,$45一份。生煎包皮薄而酥脆,內餡絕不馬虎,肉汁自然流出,非常美味。

不用去荃灣，也可以在元朗嚐到劉興記生煎包專門店的原味小籠包和招牌生煎包，劉興記生煎包專門店用餐環境寬敞舒適，座位多以四人桌為主，不管是自己前往，還是相約家人朋友來品味也不賴。原味小籠包擁有吹彈可破的外皮，承載著滿滿的高湯，每一顆原味小籠包平均大顆，用筷子截開小籠包皮瞬間如水龍頭沒關的傾巢而出，一定要用湯匙接起來才不會浪費。原味小籠包不僅鮮汁豐沛，也有厚實的肉感，肉餡肥瘦適中，肉質新鮮，使人口齒留香，建議先吃原味，再沾點薑絲浙醋，襯托出豬肉的甜味，更提升了肉汁的鮮度。糖醋炸排骨湯麵多漂亮，黃金色澤的炸排骨裹上味味的糖醋汁，當下看著看著，身體誠實地不自覺流口水。糖醋炸排骨咬上來外脆內嫩，肉肉的咬嚼咬嚼不油膩，那股甜酸醇厚的糖醋風味，馬上變成秒殺的一道，好吃到沒法挑剔。招牌生煎包是劉興記生煎包專門店的招牌，當然得點起來，招牌生煎包要小心燙，底部的皮已經被鐵鍋煎得金黃焦脆，恰恰的脆度蠻好嚼，圓滾滾的招牌生煎包都是劉興記生煎包專門店自己手工製作。留意別豪邁一口吞下，可會被滾燙肉汁燙著，在外皮咬上小小一口，吸吮濃厚湯汁，感受美妙滋味，內餡鮮嫩細緻不油膩，鮮汁甜美，肉香濃郁，招牌生煎包愈嚼愈香，實在

劉興記生煎包專門店今次應該唔洗我介紹，繼續人氣爆登嘅餐廳「劉興記生煎包專門店」，連發哥都有幫襯，仲知道佢哋之前喺一個月內連開五間分店，依家暫時總共有六間分店，無論咩時段都好多人排隊，餐廳內充滿咗「嘩嘩嘩」聲，今次我去咗元朗分店，呢間分店門口竟然有斜板，喺度諗當初點解要去旺角咁傻，入到去店員熱情招待，餐廳內多數係卡位，幸好近門口有一張係可移動式枱面，不過又係要小心「菠蘿蓋」，自己撞自己「菠蘿蓋」五次，痛到hi hi咁款，好彩生煎包上枱好快，一上枱就唔記得痛啦！🤣🤣🤣1.生炸雞扒蔥油拌麵$42+低糖豆漿$8（9/10）雞扒炸得好酥脆，雞扒切開4條，蔥油拌麵有少少油，至於今次嚟就多咗豆漿任飲，豆漿唔會好甜，只要惠顧任何套餐或滿$60或以上，豆漿就可以任飲！2.上海排骨湯麵+生煎包（1隻）+低糖豆漿$54（9.5/10）呢碗上海排骨湯麵個麵好彈牙，炸排骨即係豬扒都係切開4條，炸得好酥脆，份量亦都唔少，仲跟咗一條菜心，呢個套餐仲包括有1隻生煎包同一杯低糖豆漿，豆漿唔會好甜，只要惠顧任何套餐或滿$60或以上，豆漿就可以任飲！3.招牌生煎包（4隻）$30（10/10）點咗四隻招牌生煎包，上次喺旺角食

係朗屏站附近見到呢間專食生煎包嘅餐廳望完餐牌幾岩喎 入去係冰室嘅裝修幾有港式味道睇餐牌見有蟹粉小籠包，見到心動了決定要一籠之後揀左個套餐係雞絲粉皮加生煎包配豆漿，最後加多碗小雲吞。份量好足，價錢又唔貴，lunch黎食係唔錯選擇。生煎包十分之金黃！重點係咬落去超！級！爆！汁！啲汁係一下飛到對面個底煎得好香脆，肉嘅調味都岩岩好！得2粒唔夠喉添呀雞絲粉皮正常發揮，麻醬份量夠，撈埋好香滑，滿足呀！蟹粉小籠包又係驚喜之作，超級多湯，而家勁有鮮味！係我心目中嘅三甲呀小雲吞清清地幾舒服，一啖一粒，食完都好飽肚了。呢間餐廳嘅生煎包同蟹粉小籠包都超好食，鍾意嘅朋友唔可以錯過！

星期五收工見到餐廳坐滿人。即管一試。餐牌有套餐選擇，我哋叫左2個青瓜手撕雞粉皮餐$54。有2隻生煎包同豆漿任飲，感覺上都幾抵。另外叫咗個炸雞扒同炸雲吞。雞扒已經切件，炸雲吞有10幾粒，兩個人夠share。手撕雞粉皮可以叫多醬，嚟到醬汁啱啱好，可以掛晒喺粉皮，再加少少醋更加好食，份量都可以。如果雞絲再多啲更好。炸雞扒同炸雲吞極速上枱，好彩係熱辣辣嘅，香脆好食。價錢只係20幾蚊，性價比滿分。無糖豆漿任飲～