劉興記生煎包專門店

营业中

休息中

朋友話我知近來劉興記生煎包出左瀨尿蝦生煎包話好食，於是約埋一齊去左朗屏果間分店開餐。我地點左瀨尿蝦生煎包、招牌生煎包同埋招牌炸豬排湯麵，依家嗌套餐或者點餐$60以上就有冰凍豆漿任飲，真係好吸引。瀨尿蝦生煎包一咬開食到滿滿海鮮鮮味、喜歡海鮮風味的不能錯過。爆汁，好彩服務員一早話定比我地知小心。招牌生煎包就啖啖肉，個底輕脆好味，已經好小心咁食都係同樣爆汁。招牌炸豬排湯麵，湯麵份量足，炸豬排沾上陳醋吃更開胃

今日1/5/2025(四)勞動節假期，去左元朗食Lunch, 大約12點左右，已開始要叫飛。小鋪只收現金(大家留意喇)四人座有卡位(5張)或洒吧枱(3張)蟹黃生煎包1隻$20個皮脆，肉汁多皇牌1號:招牌炸豬排菜飯+生煎包1隻+豆槳(任飲)炸豬扒炸得唔錯，肉同脆粉冇分離到只要叫套餐或年滿60或以上，豆漿任飲皇牌4號:招牌炸雞扒湯麵+生煎包1隻+豆漿(任飲)炸嘢算唔錯，啲麵口感硬身，可接受記得係收現金的

總結：叫左兩隻招牌生煎包同一隻蟹皇生煎包。招牌生煎包，外皮香脆，一咬落去就爆汁，肉餡飽滿，幾鮮，但對我黎講有啲偏鹹；蟹皇生煎包略勝一籌，外皮同爆汁效果一樣，但佢個味道係明顯鮮甜同有蟹味，值得推介。整體水準相當高，唯價錢略貴。詳細評分解釋：綜合各方面嘅因素, 包括食物同飲品（味道同賣相），環境（氣氛，空間同衛生），服務，性價比。比分偏重食物同飲品（味道同賣相）。評分：7.7/101‐5分：不推薦5‐6.9分：普通，低機會回訪7‐8分： 都可以，會考慮回訪8.1‐9分：相當不錯，大機會回訪9.1‐10：各方面都好好，一定會回訪

今次同元朗友過嚟食，裝修好精緻，好有格調，望落就有設計師手筆。黎到緊係佢個生煎包，啖啖湯汁好juicy，香脆又唔油膩，食到手指公彈起～再講埋佢個豆漿，一嚟就送兩杯，飲落似新鮮磨製，口感香醇，唔係一般嘅豆漿，免費嘅都做到咁嘅級數，真係唔話得。埋單都係120左右，抵食又好味，入到黎元朗必食。（雖然其他區都有）🤣

一人午餐之爆汁脆底生煎包劉興記的生煎包一向出名，元朗朗屏橋底就有一家。（$35/4個）抵食！😆好在叫四個，如果唔係真係唔喉。🥟生煎包即叫即煎，底部金黃硬脆。店員千叮萬囑要小心燙嘴，用筷子輕輕撩開面皮，滿滿的湯汁，加一球又嫩又鮮的鮮肉餡。貓太太先食肉餡，再飲湯，最後才食脆面皮。😋嘩，食每一個都是享受🥰另外仲點咗雞扒拌麵🐥🍜，雞扒即炸有肉汁，若有需要可以向店員取泰式辣醬增加滋味。拌麵係香蔥油，色香味俱全，加醋和辣醬🌶️又是另一重味道。

👉🏻招牌小籠包好高質呀呢個小籠包，即叫即蒸真係會好食好多，汁多肉鮮。👉🏻麻醬青瓜絲雞絲粉皮麻醬唔杰唔稀岩岩好，粉皮滑溜煙韌，配青瓜同雞絲食好清新。幾十蚊呢個質素性價比好高。👉🏻酥炸排骨雖然叫排骨，但係有一定厚度，脆漿好薄身，有咬口+有肉汁。👉🏻爆汁生煎包唔爆汁唔夠熱包換既生煎包～一面煎到金黃黃脆卜卜、一面係軟熟既薄皮，一咬開汁水四溢，熱辣辣非常好食😋果然係招牌。食左幾次質素都好穩定。

成日經過俊賢坊總會見到人龍，其中一條就係劉興記，見人龍唔算長就與同事排隊試吓生煎包，十幾人嘅人龍大約5分鐘排到，店員安排座位，指示用電話掃碼落單，發覺有午市套餐好抵食，一人一個套餐再加個糖醋骨。蔥油雞扒菜飯套餐另有一隻生煎包，蔥油好香，雞扒用類似吉列炸法，外脆內嫩留有肉汁，跟豆漿。上海排骨菜飯，豬扒同樣係吉列好脆，豬扒好鬆軟入味，菜飯夠乾身粒粒分明，跟生煎包同豆漿。糖醋排骨用骨排炸，肉質結實有彈性，加入糖醋及白芝麻好惹味。生煎包的確係招牌，除套餐外另加兩隻，包裏面肉汁爆出嚟，湯汁好濃郁，包底煎脆。惠顧滿60蚊豆漿任飲真係好正，而且豆漿好有豆味又唔太甜。

我第一次嘗試食瀨尿蝦生煎包，真係非常獨特的美食。將瀨尿蝦肉包裹在香軟的麵皮內，經過生煎後，底部金黃香脆，上面則保持著濕潤的口感。每一口都能品嚐到鮮蝦的鮮甜與肉汁，搭配香蔥和黑白芝麻，味道更加出色。真是深受海鮮愛好者的喜愛🤩無論是作為開胃小吃還是主菜，瀨尿蝦生煎包都令人食完再想食多個。店長的話🗣️選用本地瀨尿蝦，需要生拆肉保留蝦汁。再把每一個生煎包放入一隻生瀨尿蝦肉。緊緊包實鮮豬肉同瀨尿蝦後，慢火生煎。一個含球獨家純原創瀨尿蝦生煎包面世，完美把瀨尿蝦的鮮甜清香🫦😋

專登走去買外賣，原來要逐樣食物收$2，只係俾個紙盒裝住，真係好伏，門外冇標明，俾錢嘅時候收錢姐姐又冇講明，只係講總數要收幾多錢。食完又覺得唔係特別好味。一啲都唔啱米☆蓮。真係好伏。

好多人話呢間味道唔好，但呢間原知幾好食！$54排骨菜飯配生煎包人有三急，生煎包上左枱5分鐘左右返黎食都仲係好脆，凍左都仲好多湯但冇爆汁。而排骨都炸得好酥脆仲舊舊都好多肉，菜飯份量都偏大同夠多菜。$20生煎包（2隻）後尾上嘅就即食，好食好多！一咬落去係真係爆汁會辣嘴，啲湯係咁滴落黎，男朋友話好食，要下次要帶妹豬食🙄🙄🙄（我就係個妹豬）$42雞扒蔥油拌麵一樣炸物都係整得幾好，有片為證係一咬落去就好脆，卡卡聲，保持到肉汁。拌麵到欣賞加左醋，令成件事冇咁油膩同食落會爽口。$20小籠包（4粒）做到皮薄肉嫩多肉汁，建議涼少少個陣點少少醋再成粒食。一咬落去啲湯係個口爆出黎又酸酸地好正。+$8豆漿同網上講嘅一樣，係同新鮮有分別，不過又唔覺好粉漿咁，仲比一大壺任斟。🦌🐿️真心食完冇覺佢好差（其他分店唔敢講🤣），但至少呢間係由我6點半入座到食完8點都一直好多客，同大家都一定會點生煎包。不過建議店鋪咁旺可以加多個人手，一個人睇全場真係好忙🤣🤣🦌🐿️📍劉興記地址：劉興記生煎包專門店 (元朗)元朗俊賢坊18號權益大樓地下15號舖營業時間：上就11-夜晚830人均：50評分：8.9/10

蔥油雞扒菜飯加生煎包套餐。嗰個蔥油雞扒菜飯，雞扒煎得金黃香脆，咬落去肉汁都爆曬出嚟！蔥油香同菜飯嘅米香完美融合，每啖都好滿足。再配埋嗰隻生煎包，皮脆肉多汁，咬開嗰下，肉汁在嘴裡biu出嚟，正到冇朋友！另外又試咗麻醬手撕雞絲粉皮配生煎包。粉皮好滑溜，手撕雞絲好入味，麻醬香濃，一撈起嚟，香氣直鑽鼻竇。再咬一口生煎包，呢個搭配真係好有新意又好食到痹！一定要講下佢哋嘅蟹黃生煎包，一咬落去，蟹黃嘅鮮甜同肉餡嘅香濃一齊湧出嚟，鮮味在口腔裡大爆發，正到想食多兩籠！總嘅嚟講，呢間劉興記真係冇令我失望，出品好，價錢又唔貴。如果大家路過元朗，真係要嚟試下！

這間劉興記之前在其他地方吃過，今次試一試元朗這一間 😆🔸招牌生煎包外皮金黃酥脆，內餡超級多汁 🤩 咬下去時湯汁四溢，加上芝麻和蔥的香味，不得之了 😋 🔸蟹黃生煎包蟹黃與肉餡完美結合，每一口都充滿鮮味 🤤🤤🤤🔸蔥油雞扒菜飯雞肉炸得外脆內嫩，蔥油超級香！菜飯吃下去很清爽，中和了炸雞扒的油膩 👍🏻🔸雞絲酸辣湯雞絲肉質不會太老，配料豐富酸辣適中，很喜歡裏面的木耳絲 😍🔸手工豆沙鍋餅外酥內軟，豆沙甜而不膩 🫶🏻豆漿是任飲的，可以叫店員幫忙添加！

成日都聽到呢個名👂🏻 今日終於有機會試試佢🤘🏻呢到實行生煎包如果無爆汁可以免費換添‼️另外都覺得佢哋嘅豆漿亦要試下，豆味濃厚唔太甜，極推薦😍1️⃣ 招牌生煎包🔥熱辣辣🔥 多多汁💦 要小心啲食😛每一隻啲汁都多到成羹湯咁滿🥄而且因為皮薄關係所以煎得脆脆好香口🤩2️⃣ 豆沙鍋餅🫘係家傳戶曉嘅上海菜甜品之一😆外脆內軟，豆沙內餡甜而不膩😚用煎嘅方法代替炸，相對上無咁油膩😍～3️⃣ 上海排骨菜飯🐷大大塊嘅排骨～ 炸完外皮脆卜卜🙈炸粉唔厚，內裏肉質唔會乾柴，好嫩🤩而個底係菜飯，基本上每啖都有菜好健康🤣4️⃣ 招牌擔擔麵🥢食上海嘢又點可以少得擔擔麵😍花生麻醬湯底超濃郁🥜仲有滿滿嘅肉碎同櫻花蝦🦐食落會帶有微微地嘅辣味💓～

提到生煎包，「劉興記」可以話係近期嘅新貴，今日黎到元朗就趁機試下。由於時間尚早，餐廳未算太多人，但隨住午飯時間臨近，埋單嘅時候餐廳已經坐滿。招牌生煎包 :一場黎到又點可以唔食佢地嘅生煎包呢？外皮煎得金黃香口，輕輕咬穿外皮已經感覺到熱氣湧出，爆汁之下真係要小心d食唔好淥親，餡料亦夠豐富鮮味，四隻真係話咁快就食晒。上海排骨湯麵 :麵湯清清地夠鮮甜，麵質幼滑，排骨炸得酥脆，外層唔會太厚，食落有好多肉汁。食滿60蚊仲有無限添飲豆漿，冰凍豆漿飲落份外醒神。

劉興記蔥油雞扒拌麵＋生煎包1隻 $64本身呢個套餐就係跟菜飯，不過真係好想食佢哋嘅蔥油拌麵就加咗$10，蔥油雞扒炸到金黃酥脆，乾蔥超級香另外一款套餐係雞絲酸辣湯＋生煎包2隻 $54雞絲木耳滿滿一大碗，酸辣湯湯底的酸辣口感刺激味蕾，跟餐生煎包湯汁十足，輕輕一咬已經可以做到爆汁效果🤣食果陣要小心唔好射到格離果個最後試埋佢哋嘅蟹黃生煎包，餡內除了新鮮豬肉還有蟹肉及蟹黃，蟹肉鮮甜且蟹皇香濃，非常惹味佢哋呢度嘅套餐豆漿係無限飲，真係超級佛心抵食😳📍劉興記生煎包專門店元朗俊賢坊18號權益大樓地下15號舖