由于呢日起附近做嘢，于是望都唔望个餐牌，走入呢间从未帮衬过嘅屋邨商场茶餐厅帮衬，心谂屋邨商场茶餐厅有几贵呀？入到去坐低，早餐只得一块卡板，前后两边，由于我对猪膶情有独钟，所以拣咗个贵啲嘅餐：鲜茄猪膶，配上茶记少见嘅螺丝粉，面包亦拣咗少见嘅纤麦多士，餐肉及炒蛋，热奶茶。点评如下：奶茶瓦杯上，但凡呢种杯上，品质都唔会差得去边，呢次都唔例外；纤麦多士，即系麦方包，搽上糖浆，味道唔错；半块圆罐正常厚度嘅火腿午餐肉，呢间茶记话系用天龙牌（见餐牌），呢个牌子嘅火腿午餐肉，质素信得过，唔会过咸；炒蛋，碎湿湿，从餐牌另外嘅餐显示系用北海道牛乳去炒，但我食唔到牛乳嘅味道，同大家乐或者一粥面嚟比，完全无得比，两家嘅炒蛋完整一块，不单只滑，而且有牛油嘅香味；猪膶同牛肉一样，切忌过熟，一定要软身先至好食，而呢间嘅猪膶虽然厚度够，但过熟，完全唔好食，加上无姜丝腌过去腥，味道就更差；蕃茄同薯仔一样，可以切细啲，会更易入口；呢个汤唔系纯蕃茄汤，而系蕃茄杂菜汤，里面有其他菜蔬，味道未见突出，但还可以。一个咁嘅早餐要$47，我相信莫讲话同区，即使同一商场内，同一价钱，应该有更好选择。…查看更多
我已叫了很多次网上外卖平台他们的吞拿鱼蛋及咸牛蛋麦包三文治,咁简单的野佢地都好有心机做，麦包是厚切好松软，蛋吞拿鱼咸牛送到来仲暖的而且都好足料一D都唔孤寒小家！好好味😋花生酱西多士又整得刚好唔会油淋淋茶餐的沙爹牛面牛肉松软沙爹汁味浓惹味是你吃个后以番唔到转头吃其他连锁快餐店！希望佢地可以继续努力👍，如果可以搬落启田或汇景就更方便啦！而佢地D烧味都做得几好，但叉烧就太肥希望佢地可以用多D瘦的，价钱少贵平番DD仲好🥰
