創榮餐廳小廚

话说比钱埋单，态度极度恶劣，唔明点解，大声到以为人地聋咁，要储绩分，问多句储到未，大声到你好似比人闹咁，比生意你做仲要比你闹，真系好过份，我以后都唔会再帮衬，更加见邻居都唔会再帮衬，一个字讲哂，差…查看更多

嗌咗外卖，其实啲嘢食唔差不过喺屋企食到一半先发现个沙嗲牛面个汤有只曱甴仔可想而知厨房卫生有几差其实厨房搞外卖𠮶时有冇check吓啲食物有冇问题先送出去Anyway, black list…查看更多

今日叫左个外卖送餐，一打开碗面脆猪餐既蛋同火腿摆埋落碗面到，睇埋个脆猪，㶶到黑架禾，金牌脆猪？奶油呢？56蚊 都唔好hea到咁呀 不推荐。 。。。。。。。。。。。。。。…查看更多

以一般人来讲，应该会比较少去蓝田站附近食饭行街，我朋友住蓝田汇景花园，周边商场都系以小食店扫街为主，我哋想坐低倾吓计饮下啤酒，佢带咗我去蓝田山上德田邨德田商场地下食小菜，餐厅叫做创荣小厨门口有泊车位，有室外雅座，大排档格局，唔使下下就住就住，倾偈都可以大声啲架，够晒放松。必点麻辣鸡煲$148（半只），我哋叫咗小辣，个酱汁充满酱香，唔会太油腻，鸡件肥瘦适中，看看酱汁就知道取以油香平衡，加上新鲜芫荽，中和味蕾，增添鲜香。鸡件份量十足，皮脆肉滑，挂汁能力高，够晒入味。估唔到呢度烧味啲质素都几够高，我哋点了偏瘦的部位，边边位置烤至焦脆，可以一丝丝慢慢啜开，蜜糖够甜够滑cover 叉烧略略嚡的感觉。咁嘅价钱有呢种质素真系难揾，虾仁炒蛋虽然看似简单，功价却十足，熟成度都掌握得非常好，蛋面带有蛋汁，颜色泛起金黄，有光泽，绝非易事！原来有餐汤红汤白汤，我哋叫咗（红汤）罗宋汤，汤底材料十足，有蕃茄丶芹菜丶牛尾丶红萝卜丶椰菜等等，之后加入大量胡椒粒，使其味道层次更为丰富。入口酸丶涩丶辣丶呛丶爽，是一碗非常地道港式的罗宋汤。唔驶等抗疫价，呢度日日都系至抵价，𩠌菜连白饭都系$80以内有找，有成70款俾你任拣，东九龙嘅朋友可以一战。…查看更多

今日跟友人到蓝田购物, 之后带左我去呢间创荣茶餐厅, 估唔到又几唔错啊, 餐厅环境四正，有3间相连铺，坐位都寛濶，食物超多选择, 不论中,西式或小炒, 蒸𩠌类, 烧味斩料, 烤鱼, 甚至连海鲜都有, 真系想食咩都有. #姜葱炒蟹上菜时就闻到劲香姜葱味, 够晒镬气, 蟹肉肉质肥美, 而且有成3只咁多，好大碟啊. #豆腐鱼云汤很大碗，2个人饮唔晒，鱼云够滑又补脑，有菜有肉够健康。 #咖哩牛腩饭咁d牛腩都几多下，入面仲有牛根，带点椰香，而个咖哩唔会辣，捞饭食好夹。 太多野都想食, 故下次要约多2个朋友仔一齐去至得, 价钱合理，赞赞。…查看更多