創味坊

经过开长沙湾，咁啱想食中式小炒，上openice search附近有咩好食，见款式都几多，决定去试吓，我地叫咗咕噜肉同西兰花炒带子同xo酱小炒皇咕噜肉-d汁甜酸适中，d肉外脆内软，都几juice西兰花粉带子-带子好大粒，完全冇雪味，西兰花炒得啱啱好，唔过火整体都唔错…查看更多

平时经过都唔想行入去，因为企门口迎客𠮶个眼神感觉不大友善，今天中午见无人喺门口，终于走入去试一试d野食，一坐底睇下餐牌见到大部份由$44-$55左右，款式都算多而且又有炒粉面饭包汤及饮品，第一时间觉得CP值都几高㖞，于是叫左个美极炒饭($44)及渔香茄子炆米($55)，谂住睇下厨房师父D手势掂唔掂就知呢间野得唔得，中肯咁讲，2款味道都几好嘅又够热，不过共通点而且最不满就系份量，碟炒饭入面D肉碎真系少得可怜(叫杨州炒饭都有几只虾同火腿丝食下)，翠肉瓜粒都系一般的少，好似食紧一碟斋炒饭咁，到炆米，茄子正常size得3条，其余𠮶4-5条细条到好似普通成年人只尾指咁上下粗，跟住d肉碎又系少得可怜，都算啦因为味道真系几好，但食到一半见2个餐汤未到，一问之下对方答已送哂啦，所以无，咁样都得，落单时无讲，咁样即时觉得成餐饭真系唔抵食，一碟美极瓜粒炒饭，一碟幼茄子肉都唔多粒嘅炆米，同我一齐食嘅女仔都话如果系女士还可以，男仔就应该唔够饱，中午饭人均约$50一个头，俾多几粒肉、正常size嘅茄子人食下都唔系多好多成本啫，餐牌写明跟汤及饮品，无又唔出声又无野补，手法有问题，同例汤喺中午都可以无，揾笨…查看更多

一开始老板推荐食鳝 但本人不食鳝唯有改食其他菜 见到价钱比附近店铺贵一dd菜单有好多野食 都喺炒野主打 但见到有蒸饭就心思思想食 于是都等左一阵 例汤的味道唔错 好有妈妈喺屋企煲的老火汤味道觉得味道不错 味精不太重总体觉得很有妈妈煮菜的味道二人食晚饭 叫了个蒸饭 同 小炒王饭味很香吸了鱼的肉汁 好惊喜小炒腰果香趣可口 以为食完会好口干出乎意料之外 唔会经常喺附近食 觉得呢间野 位置有d偏僻但喺味道比附近其他小菜餐厅好老板问要唔要埋甜品 以为要钱 原来喺送既 真喺几好 红豆沙都好入味 仲有果皮 唔错…查看更多

长沙湾不嬲都多野食简，同朋友揸车一行3人，想揾个坐得舒服食物好味既地方，一谂就谂起呢间，其实之前都试过2次食晚饭，我钟意佢坐位宽阔，地方整洁，另外一定食物好味啦，如果唔系我唔会试咁多次，今次叫左1个细汤，5个𩠌，个个都好好味，我朋友第一次试都觉得好食，仲要倾计地方坐得舒服！门口又泊到车！真系超级方便大家有机会真系要试下…查看更多

经营餐厅同踢波一样，讲团队。好多人觉得餐厅服务唔掂，于是特登开个ac俾o个1个负评。可见餐厅服务几咁紧要，你无法阻止「猪队友」既存在，但一个「神队友」，一个救全Team。日日食新餐厅，原本冇谂住写呢间。但系佢既服务实在太值得一写。是日去到呢间创味坊，门口阿姐好醒目地招呼你入去，安排好座位。呢间餐应好多一人位同卡位环境亦比一般邻近茶餐厅为之企理。有装修过下。我望一望餐牌，叫咗秘制酱烧猪颈肉汤乌冬($46)一位阿叔帮我落单。大叔嗌一餐:「阿Ｘ，装碗汤黎！」１分钟后，汤上来了冇错，侧边还是条条揈的状态。拨开一看，是眉豆花生猪肉汤，味道还不错，颇为足料。过了廿分钟，完全冇野上枱，我就知道，其实是漏单了。正当我抬头准备张罗，还未举手，尚未开口，门口阿姐就９秒９奔到我身旁。问我点了什么，然后帮我追单。「真系神队友啊！」目定口呆！请到这样的店员，一眼关七，多重走位，可攻可守，会唔会太犀利呀？不出５分钟，乌冬来了。只有４片的猪颈肉，份量不多，然而厚身、够腍够咬口，相当入味好食。汤底是乳白色的，都几好饮。乌冬则是中式乌冬，圆身、密度较低。整体而言都是好食的。跟餐有饮品，我拣了柠茶一杯。用搪瓷杯盛著，都几美观。总结食完呢间餐厅，不无感触，无论职场、人生，不要呆下呆下地做猪队友，试著说「我要做神队友！」…查看更多