利景酒家

萝卜糕好硬身，要点啲豆瓣酱先好味。葱油煎饼比较厚身，又干身，食落脆脆的。叉烧肠粉有啲菜，啲肉都几多，豉油唔会太咸。奶黄流沙包啲奶黄会流出嚟，样子都很可爱。斑斓糕是千层的，挺有咬口。雪山叉烧包外皮脆脆的，有很多叉烧在里面。马拉糕很松软，弹牙美味。…查看更多

话说今日打三号风球早咗出门口只不过系早五分钟啫买个外卖咁好笑嘅咩收钱就即刻收,买个外卖蒸饭🙈🙈🙈一个收钱一个蒸点心后尾有一个负责包外卖嘅,我就同包外卖𠮶个讲你可唔可以帮我包咗个外卖先呀佢竟然同我讲未到七点佢系唔会做嘢嘅咁就走咗去喇,唔知以为依间酒楼系佢开😡😡😡😡佢简直系帮佢公司倒紧米,除非贵酒家同我讲佢系老板娘啦佢啲服务态度真系超差😡😡😡😡市道已经唔好㗎啦你间酒楼好似觉得我哋系呓你买嘢咁🙄🙄🙄点解你哋会请啲咁嘅员工㗎？？？…查看更多

几个月无食过，近排食觉得比以前差咗好多！坐电梯要经人地住宅，咁啱大厦整电梯，行大厦楼梯，感觉已经劲污糟😣，地下油立立，个扶手直程唔想掂，厨房系点？自己谂啦。我系星期六食点心饮茶，叫左2笼虾饺，系酸嘅😨，当我发现嘅时候，老人家已经食咗一半😣平时薄撑都OK，今次薄橕感觉求其煎，上枱嘅时候都唔系热蒸牛肉饼饭，块牛肉硬硬地，唔系好新鲜，雪咗好耐咁，唔系好知自己食紧乜….肠粉普普通通，唔系薄皮𠮶种炸春卷好少少，上枱仲系脆下次带老人家黎，要谂谂🤔…查看更多

因为家居工程的关系要暂住湾仔一段时间，于是开始了新区揾食工作，首先试的就是利景酒家，经过时见到晚饭套餐选择多，价钱💰不贵，又有蒸鱼食，一于试试。晚餐完全不用订位，保证有位，服务态度好好，令人宾至如归。开茶点菜，友善提醒，两个人不需点太多，🥰很欣赏这样的服务，不以赚钱第一。点了一个蒸鱼🐠套餐，有一条蓝瓜子班，一碟猪油渣炒猪乸菜，🤩🤩这菜有个很文雅的名字，莙荙菜，还是第一次见，真是孤陋寡闻了。😅炒菜很快送到，大大碟，好香猪油味，好有小时候的感觉，但菜有点老，有渣落地。😂蒸蓝瓜子班好正，条🐠鱼大约12两，洗得干净，无鳞😅，蒸得好嫩滑，鱼肉白雪雪，见到就想食，两个人食到舔舔利😋😋。最差是白饭🍚，又硬又不热，虽然这里的茶位费和饭钱💰较平易，但感觉就大打折扣，最后有红豆沙送，算是补偿一下。🫣…查看更多

虽然湾仔区内呢间价格算偏贵﹐但点心品质高所以过往偶尔会帮衬。前年加价后点心反而越嚟越缩水越嚟越唔掂﹐下午茶三点几已经开始赶客﹐在食客旁边推板间房﹐伙记又成日自言自语爆粗﹐本来呢D大部份茶楼都系咁我都唔会特登去讲﹐但今日我叫左碗肥牛米线﹐中间成条头发突出嚟个伙记都睇唔到﹐夹出嚟长长一条汤汁饱满(我头发极短非常肯定唔系我掉的)﹐大家都知呢种情况叫佢换都冇意义﹐拎走之后都系俾番同一碗你﹐所以无谓吹毛求疵焗住照食﹐但碗野得块半肥牛真系少左D﹐肥牛有冇咁矜贵? D米线食落条条都有一截硬弸弸﹐系咪个煲唔够大D面突左出水面浸唔匀? 点解以往点心质素咁出色而家搞成咁仲点帮衬落去?另外对于初次光顾者我有个温馨提示﹕呢间茶楼有个茶钱陷阱﹐拎电脑飞等位时千祈唔好拣“不搭台”﹐茶钱会收贵好多。…查看更多