出閘

已到過沙田馬場的喜馬當先及百勝廳用餐，今次來到餐點價位更為大眾化的出閘JUMP。JUMP的模式偏向快餐店形式，先到收銀處點餐，然後自行取餐。在網上訂座時已付款，所以在收銀處是主要是為凍飲加錢而付款。進出餐廳的識別label以打開了的閘廂為設計，配合餐廳名「出閘」。當日適逢《寶馬香港打吡大賽》主要賽事，每位價錢為HK$220，一般普通賽事的賽馬日每位價錢則為HK$170，價錢相差得不會太過份。這個價錢是膽拖三的餐飲組合， 一份主菜拖一款餐湯、一款甜品及一杯飲品。日間賽事的午餐供應時間為12:00 - 15:00，15:00開始轉為供應茶餐。茶餐必須預訂，每份另加$46，而我們這次並沒預訂茶餐。雖然JUMP的價位相宜，但餐廳的佔地都廣，座位亦不少。除了有寬闊的露台位置，可讓食客直接觀看賽道上的實事外，還有樓上一層會用作課堂場地之用來講解賽馬。意式燴燒牛肉配薯仔蔬菜，有3大塊牛肉，賣相不錯。醬汁味道香濃，薯仔烤得香又帶點微脆，惟牛肉稍稍overcooked，肉質韌，不夠軟稔，有點失色。芥末籽燒原隻春雞配忌廉薯扒意大利瓜，燒春雞都幾大隻，燒得皮脆肉嫩，仍能保持肉汁！芥末籽醬香濃惹味，與燒春雞的味道很夾！忌廉薯有薄薄一層脆脆芝士面，薯仔香滑，富有芝味。這隻「膽」完勝！餐湯有匈牙利牛肉湯及蘆筍忌廉湯，各點兩碗。牛肉湯內有些薄碎牛肉片，入口有淡淡牛香。忌廉湯一碗太鹹，一碗正常，要自己將兩碗溝勻。甜品是脆皮朱古力泡芙及藍莓芝士餅 (低糖)，朱古力泡芙的脆皮面猶如菠蘿包那種脆皮，泡芙微暖，內裡有流心朱古力漿，味道OK。反而低糖藍莓芝士餅比想像中好吃，本來怕低糖的味道會好淡，結果出來的味道剛剛好，不會淡亦不會太甜膩，藍莓醬亦滿滿，好吃！飲品質素則屬正常。可以拖的三隻「腳」，也能讓人選到不錯的「腳」啊！但整體食物水平有點不平均呢～～…查看更多

28/1/2024📍Jump 呢間係位於沙田馬場二樓看台馬會呢幾年都好想吸引啲年輕人參加呢間餐廳就係以賽馬做主題嘅時尚cafe環境明亮活潑 的確係想以年輕化做招倈有得俾你試下玩賽馬simulator 有iPad俾你用最重要就係有埋投注counter 俾你買馬😂食物嘅感覺好似buffet main都唔錯 不過湯同甜品就唔係好掂啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨雞肉忌廉湯忌廉味一般 麵粉味反而重啲 得幾粒雞肉✨雜菜湯超難飲🤢好似洗鑊水 飲落有啲反胃✨香煎三文魚配香檳飛魚籽汁三文魚幾大嚿 唔會煎得太乾 同個汁幾夾 覺得隔離嘅薯仔片更加好食😋牛油味好重 啲皮仲有少少脆脆哋添✨野菌栗子燴牛肉配牛油闊麵牛肉煮得幾淋 但個汁冇咩特別 麵嘅軟硬度適中 落左橄欖油撈 幾香✨黑森林蛋糕係可以想像到嘅味😗✨焗酥皮香蕉係唔可以想像到嘅味！首先酥皮淋晒 係面係壓得好實嘅香蕉粒溝埋椰絲 係好奇怪嘅口感😂不過味道唔難食嘅我地今次係有coupon 買一送一2個人總共食左$170呢個價錢都幾值嘅 main嘅質素都可以不過如果食原價 你又唔係馬迷就唔係好抵啦推薦指數🌟：3/5 …查看更多

唔係講笑，咁大個人第一次入馬場朋友同我join 左個馬會導賞團包lunch 食兩個鐘 + 有職員教你落注同參觀成個馬會, $160 (就咁上網訂餐廳就唔係呢個價, 下面有提到)馬會個cafe 好大四面環電視，直播馬會賽事枱面仲有一個固定既小電視, 俾你查下每場賽馬既資料, 爭分奪秒有些枱仲會有電腦/IPAD 俾你用添, 好多元化叫左個餐就可以坐全日而且會assign 個位俾你，而個位唔會再俾其他人我地食完野走去導賞時再返黎, 個位都唔會有人坐今次我跟團，如果個人入黎要上網訂, 唔係都應該會幾FULL 基本套餐價, 在普通賽事日$145, 在主要賽事日$195同埋佢既衣著都幾有要求, 以下既衣著都唔俾入場:長度不及膝的褲子破洞服飾背心，包括無袖T恤 拖鞋、塑膠鞋及平底涼鞋買野食同拎野食, 都係自己去排隊逐個輪候然後自己捧住個餐盤返埋位非常自助溫馨提示, 個白色餐碟都幾重下, 拎個陣要小心D lunch set menu 選擇唔多主要係3個MAINS 既分別成個組合係: main +starter+dessert+drink➽照燒雜菌雞卷, 蜜糖蕃薯角, 蔬菜賣相唔錯有一層雞皮包裹住一些碎肉粒﹑菇粒不過味道就不過不失成個卷幾散下唔點個汁好似冇乜味咁同埋個有少少溫凍, 唔係熱那那, 少左個熱度伴菜都幾多白蘿蔔好腍幾入味, 但有D 就有少少苦個蜜糖蕃薯角就好好食唔係好脆, 但口感都好食甜度岩岩好好味➽野菌忌廉湯菇味都有, 都幾香➽乳酪配粟米薄脆及芒果醬乳酪好食配芒果醬好夾➽凍檸茶+$5正常味道去到尾段我電話就冇電我就估餐廳係咪可以借尿袋因為而家個個都要用電話APP 落注馬會係呢D 位應該會配合到, 唔係因為電話冇電而落唔到注, 就損失不少了果然真係有得借, 簡單寫低電話同名就可以走個時還返俾佢就可以了整體說, 食物味道OK 都乾淨衛生服務就沒有的了因為主要目的係睇馬, 以呢個目的入去食野就覺得整體環境都OK坐得係幾舒服既…查看更多

今日係馬場煞科日 好多馬場餐廳都要一早book定。之前呢間食過一次 質素幾好 咁啱遇到優惠 135蚊兩位 真係幾抵 決定再去呢間。。佢哋每次餐牌都唔同我就叫左豬扒 忌廉湯 木康布丁 凍檸茶（加五蚊）豬扒非常淋同入味 忌廉湯有水準 唔係普通餐廳用嘅罐頭湯 布丁都非常有水準 每咬一啖都食到木康同布丁融合一齊嘅嫩滑口感。總搭嚟講 食物有水準 如果遇著優惠 每人都係六十幾蚊 又有得嘆住冷氣刨馬 人地就坐喺外面日曬兩淋 真係幾正 我地一定會再嚟。…查看更多

第二次入黎JUMP食飯，係，對我黎講係食飯🤣因為我唔賭馬。事前book 左位，黎到就掃QR code 入座，訂位同時都可以訂埋餐。餐廳有好多電視方便睇馬，亦都幾靚。⚫️紅酒會牛肋配蒜香薯蓉及雜菜份量好多，不過牛肋肉有點so ⚫️燒排骨配燒烤汁，脆薯格及牛油粟米份量真係好大，一個人食唔曬呀！仲配有甜品⚫️柚子啫喱⚫️歌劇院朱古力蛋糕…查看更多

有得成為特選客戶黎到沙田馬場參加導賞團，第一個活動就係黎出閘食個西南亞風味嘅午餐！宜家馬場不再是阿叔賭馬的地方，原來仲可以好chill，睇住電視，睇住ipad，食住嘢，飲住酒，同friend傾住計咁享受。免費午餐嘅食物質素都真係幾好喎！每個餐都有湯，主菜，飲品，甜品個ribs好軟，夠味，唔會痴牙！個粟米好香牛油味！如果啲薯蓉有啲薯仔粒就更好。個burger有大大塊菠蘿，塊肉都幾厚。不過不失。令人最最最驚喜係呢個yogurt！超好味！一路拎返位時，已經聞到好香！有好濃嘅奶味，又少少酸，加上berry醬同粟米片，正！雖然今次係免費，但正價都只係$135！可以hea一個下午，都幾正喎！…查看更多

入沙田馬場睇馬都應該算是第一次除了美食大堂有各式快餐如KFC麥當勞等供應外馬場內亦有幾間獨立餐廳今次先試下JUMP,主打東南亞輕食餐廳環境寬敞裝潢算精緻四周都佈滿電視機確保食家不會錯過任何一場賽事餐牌非常有趣,以賭馬術語作餐牌MAINS主菜係膽,湯,甜品,飲料係腳至於食物水準是不過不失的香草包糠焗龍雪魚配香橙紅酒洋蔥汁,薯仔粉團及雜菜香草包糠有少少咸,可能是放多了粗鹽雪魚唔錯,但那個一粒粒的薯仔粉團太硬了至於香芒忌廉鴛鴦扒焗飯就不錯兩種扒的肉質都不俗不會太鞋口不會太乾身甜品椰子奶涷及朱古力慕絲餅亦不差就當是一般飯後甜點吃不用抱太多期望畢竟來到馬場大家的心都是想去看馬匹衝線贏馬馬贏了的話到此吃好一點亦是一件樂事…查看更多

今日我係被選中的幸運兒，參加賽馬會導賞團，第一次到馬場餐廳，感覺新奇亦從中了解更多。Café Jump我想是比較新穎設計裝修而成的餐廳。是日午餐有三款可供選擇：有日式、越式及義式。日式燒汁和牛牛面頰配珍珠飯及燴菜每碟每人有三大塊，份量絕對滿足牛魔王。燒汁味道溫和，沒有喧賓奪主，吃到牛的鮮甜濃郁味道。珍珠米粒粒飽滿，軟熟度恰到好處。份量來說，足夠兩位女士分享。（可惜以人頭計算餐點）越式大蝦海鮮撈檬粉雖沒有品嚐，但單憑賣相非常吸引。一隻大蝦燒到外殼至金黃香脆、兩隻青口又其他配粉。加上酸汁實在夏日醒胃之選。菠蘿米蘭汁焗黑毛豬扒飯醬汁源自於義大利米蘭，當中特色是醬汁沒有太大味道，但配搭起肉類卻有奇妙之處，更突顯主食。主廚細心切好，令食客可優雅地享用。個人來說我認為加上芝士會令味道更豐富。雞肉蘭度豆雜菜湯雞肉反而嚐不到，只吃到雜菜及口感類似鷹嘴豆的蘭度豆。味道胡椒味重，較清。個人建議配上日式主食是更配襯。甘荀蛋糕稍見心思的擺盤，一抹醬汁加上奶油糖裝飾。味道方面不令人深刻，一般。乳酪配粟米薄脆及柚子果醬味道不錯，但很像早餐而不是甜品。柚子果醬絕對是敗筆，稠度不夠，當乳酪稍為溶掉更是吃不下。果醬味道過甜，需要再調較或比例上減少。以人頭計算每人135元包馬場入場費，可算超值。有一個小平台供食客欣賞賽事，不錯的體驗。而且沒有限制時間，可以讓你待一整天。…查看更多

今日同男朋友黎馬場玩下因為馬會有優惠比特選客戶正價食既話應該要$120 左右一個餐其實都唔算貴可以坐足全日中下午又有湯 有飯 有野飲有甜品記得上網訂定想要既餐 焗飯通常遲去就賣哂幾好食既 份量都好夠包茶 咖啡涷檸水/ 可樂呢d +$5忌廉湯焗飯 酸酸味味 豬排🥩好大舊 切好一條條幾貼心…查看更多

終於可以藉着Jump出閘發表一下對賽馬之我見。有人說，賽馬及賭波，好像日漸式微，情況的確如此。近日，亦都見到賽馬會不斷在其他範疇，推出各式介紹及推廣，吸引更多年輕人賭博，又或是宣傳一下自己的業務。畢竟，一談及賽馬，對於一般大眾，看來都只是一大班阿叔，褲袋或是衫袋褲袋插着馬經，粗言穢語、鬧人、或是拿着啤酒，又或是賭錢落海的形象。但其實，說到講賭馬，或是看電視上面的轉播賽事，都知道，英國皇族身穿華麗衣裳，帶着名貴的闊邊帽，又或是英女皇載着開蓬車出巡，你就知道，其實賽馬也可以是高尚的活動。而在我的友儕同輩之中，基本上可能100個人只有3、4名會留意或是熱中於賽馬。「唔買就中」，「嫌熱唔買但中晒」，「一膽3腳膽死腳單T」，「早知咁咁咁」，「慳$10冇$200」，「範圍一樣你賺幾千我輸晒」，「信自己眼光要追追幾次」，「熱避冷敲」，全都是屢見不鮮的術語或真實狀況，明白者明白，像一種暗語般。一天10場或11場賽事，可以慢慢研究賽事或是查看往績，研究一下大家的心理，10場賽事足足可以消磨時間兩天分析，如果將自己的投資控制得宜，可能可以以小博大，獲利不少，即使落敗了，只要不是沉迷賭博，越賭越大，也未見得一定會家破人亡。相比起商業化社會，看電影動輒$120一張戲票，只看個2-3小時，那麼比較，騎師在馬上的雄姿，馬匹在綠茵草上馳騁，吸引得多！理性的人，自然會控制自己的賭注，小注怡情，看看自己的心理、眼光以及推敲能力，配合投注策略，亟力以最少本錢贏取最多回報。這間Jump出閘，聽聞是近期才啟業，因為之前都沒有看到，一個餐就可以包括主食、湯、甜品以及飲料，據聞下午茶巴閉到要一早預訂，因此友人只好看著別人的多士流口水。西湯屬雜菌湯，如果不吃蘑菇類食物的，因此勉強要了個紅腰豆湯。想不到，紅腰荳湯，這屬中湯卻也相當杰身，有點西湯的質地感覺，味道也挺濃，不會覺得太鹹，底下也有不少紅腰荳，用料夠充足。友人點了照燒牛肉，看來份量也相當多，米粉有白米加入了幾粒紅米，份量也不少，看上來也有整整的一碗飯。照燒牛肉，亦都有大大塊的四塊牛扒，中間有點骨，切開之後都可以吃到不少的牛肉。旁邊亦都有點兒雜菜，令到整條飯不至於太過寡。飯的旁邊還有照燒汁，因此吃飯如果太過乾，還可以點照燒汁，雖然燒汁起上來有點而鹹，但是用來拌飯不算太鹹，如果吃牛排的時候，就可能比較鹹。而我的是日精選，就可以在當日的餐裏面揀選，但當時，照燒牛扒已經賣光了，因此就只剩下春雞以及大蝦長通粉可以揀選。像西九龍，點了餐後可在座位上刨馬等候，響鬧機响起就是食得之時。大大碟的大蝦長通粉，大蝦鋪在長通粉上面，非常之大隻，賣相媲美外邊人均百五的西餐。大蝦非常大，還在煩惱如何剝殼之際，就想起之前有一套用刀叉剝殼的方式；打算用在這大蝦身上的時候，就發現原來店方更加細心，已經將蝦殼剝去了旁邊，即是我用刀叉已經可以在旁邊把蝦殼去掉，極為方便。蝦肉非常之大舊，基本上，應該要切開四件，都仍然會感到非常之大件的蝦肉，大快朵頤，蝦肉也非常之香濃；而且在下頭裏邊，還有少許蝦膏。長通粉，友人覺得比較硬，我感覺它是彈力十足，但又不算是未煮熟的長通粉，因此留咬起上來十分具嚼勁。份量也非常多，以外邊西餐比較，可能多一盤半都有，以我這麼喜歡吃澱粉質（尤其麵條）的人來說，就可以吃個痛快，而且我還吃不完所有長通粉。Pesto醬，雖然之前曾經試過吃到有點兒敏感，即使嘴唇輕微敏感，腫脹了少許，但這次佢沒有，可能因為它的香草醬🌿，混和了不少橄欖油以及蒜粒，因此香草醬的份量不算太多，那種正合我意，不用吃到敏感，而又芳香無比。啫喱是柚子啫喱，底下見到不少平日沖製柚子蜜使用的那些柚子蜜醬，因此吃起上來，有只是十分熟口面。味道也顯得相當清新，是柚子啫喱，面頭有配上一件似柑橙的物體，香更美味甜，配合起柚子酸酸的味道，就相當之美好而清新。在主菜、餐湯、甜品都盡顯出色之下，熱飲無論是錫蘭奶茶，定或是咖啡就顯得比較遜色，因為味道比較淡薄而且流於表面，感覺上沒有什麼火候，咖啡味道亦都欠濃郁☕️，於整個套餐配合上來好像不太單調，是整頓飯稍不出色之處。牆上有很多大電視電算機📺，基本上和一般的賽馬會投注站，或是外邊的位置都沒有什麼太大分別。露台也算敞大，即是有10多20個適合到外邊觀賞賽事🔭，也不會太過擠迫。而本人到露台觀看賽事時有小插曲，就是當賽事準備開始，全部馬匹經已入入準備就緒的時候，旁邊那個隔住一條欄杆的餐廳，有兩名恤衫西褲、西裝骨骨的老外，竟然斗膽在準備開始賽事的10秒，拿來手機給我，叫我替他拍照，簡直是有失斯文，而又不禮貌。因此，這事情亦都證實了我一向的想法：着得身光頸靚，打扮斯文的人，禮貌可能比起周身臭汗的地盤漢子更差。如果與友人齊來，其實都不錯，因為不用在外邊日曬雨淋，或者被迫不斷吸二手煙，而且可以長期佔用一個座位。因為，你在外邊如果吃一個頹飯咖喱牛腩飯、柱候牛腩飯，再加一杯啤酒🍻，可能都差唔多要$100。這兒提供一個座位，整天佔用，以及提供電子設備，也堪完善，唯獨這兒卻獨沒看見充電設備或插頭🔌。…查看更多

是日2月17日係花旗銀行香港金盃2019賽馬日，一直以來爸爸對賽馬都好支持😂，所以就想陪爸爸去沙田馬場體驗賽馬氣氛。所以我就搵下馬場有無餐廳可以book，舒舒服服有位坐，又唔駛同人迫。跟住我就搵到全新賽馬主題時尚Café「出閘」。 訂位好簡單，不需要投注戶口，上返到馬會網站就可以book，當日係普通賽事$130，包括主菜、餐湯、甜品及餐飲。以馬場消費黎講，價錢合理，而且仲可以自助揀位，非常方便。 我同爸爸口味都好似，所以當日我地都揀左兩個一樣既set。 墨西哥海鮮雜豆湯雖然海鮮湯入面只得半隻青口，一粒蝦仁，但味道偏酸，好開胃! 韓式炆牛尾泡菜石碢配白飯套餐都好正式，有泡菜，辣醬。泡菜只得少少辣味，普通。牛尾雖然係用石碢裝住，但只係微暧。味道出乎意料唔差，牛炆得都入味，有D肉仲一夾就分得開，夠曬淋滑，分量亦唔少。 杏仁車厘子香草奶凍餅值得一提，甜品可以食完主菜，再拎飛去拎，夠細心。賣相都算精緻，入口好香杏仁味又滑，車厘子帶微酸，味道好balance。 總括以言，依間馬會餐廳食物水平唔錯，服務又快又好，食完好快就有職員清理枱面，有機會會再黎的~…查看更多

開頭以為le間同跑馬地個間一樣有半buffet, 原來冇既，同埋好似普通快餐點咁，俾個托盤你，自己拎野食返位😂環境系幾舒服既，夠大，講返食物，有三個set揀，選擇較少，main course 叫左千層麵 (有點辣，因有泡菜) 同豚肉定食 (肉系東坡肉，肥既地方應肥，吾會漏，吾錯)，另配一款小菜，甜品同飲品。我朋友揀左三文魚沙律，我揀左溫泉蛋湯; 值得一讚系個柚子味奶凍，幾正，味道清新👍👍👍…查看更多