凱逸餐室

营业中

休息中

元朗多嘢食大家都知道，也有很多平民價又不錯的茶餐廳。凱逸餐室我也時不時去食，因為茶餐廳而言，它的環境算是比較新穎，坐得舒服。.我經常店的是自選西式午餐，因為可以自由配搭不同的扒類，餐蛋任揀，又可以揀黑椒汁蒜蓉汁或茄汁，食飯又得或者意粉都可以。我當然要食平時比較貴的牛扒，$55有這個長度，非常合格。而且這個西式飯都好有誠意，有兩粒西餐廳常用的車厘茄。又送熱飲而且飯都不少。.另外上身也很抵食，現時四十幾元的常餐真的少之又少了，最開心可以免費升級番茄湯，真材實料㗎有好多蕃茄！除了榨菜肉絲這類比較平的食材，連豬扒雞扒沙嗲牛肉都不用加錢！煎蛋又有流心，兩件餐肉又厚身，正！.梅菜蒸鯇魚應該很多老人家都喜歡食，魚肉很新鮮，不是普通雪藏的魚柳。一大碟份量都好多。.每個餐都送熱飲的，我當然要飲正宗的港式奶茶啦。

最近佛誕連五一假期有四日假，所以就帶咗媽咪出去元朗行街兼食夜晚飯。因為媽咪唔想食日本嘢同西餐，所以就食中餐。呢間凱逸餐室見到都好企理，而且有煲仔飯食，所以就入去試一試。佢入邊都非常之闊落，而且防疫措施都做得好足，所以食得好安心。我哋叫咗個北菇雞煲仔飯，味道都相當唔錯，雞肉好嫩滑而且仲有少少飯焦，好香口。如果冬天食就更加好食啦。最值得一讚嘅係佢嘅例湯，係青紅蘿蔔湯，估唔到幾足料同好鮮味。媽咪都讚好飲。另外我仲叫咗沙拉骨，炸得非常鬆脆，而且加埋沙律醬當係一個小食咁食，幾惹味。最後買單兩個人先$170，除開先70幾蚊一個人，有湯有飯，呢個價錢都算抵食。

今日行街行到累累地！在元朗見到那間餐廳望到門面都幾特別！入到去都算幾大坐落都好舒適！.至於食物方面:瑤柱福建炒飯賣相都好吸引！以前要去酒樓先可以食到這樣的味道！現在已經唔需要！這間餐廳就可以食到！睇得又食得原计原味真係唔錯！都好有鑊氣！材料十足恰恰好！..鮮茄濃湯五香肉丁米粉配火腿絲奄列迷你牛油脆豬非常之唔錯！湯底濃郁鮮茄味香！米粉軟滑！火腿絲奄列雞蛋嫰滑又爆汁撈埋火腿恰恰好！牛油脆豬包又夠鬆軟！外脆內軟好香牛油味！。飲品方面:即磨咖啡味道好香十分之濃郁！飲入口香濃咖啡味真係好重！唔錯之選！原味紅豆冰味道真係唔錯！红豆又夠腍身軟硬適中！味道恰恰好又唔會過甜！我覺得好似以前的茶餐廳的味道！至於價錢一般！食物質素都唔錯！喜歡食野D朋友可以試吓！

星期日瞓到自然醒！出元朗搵個地方食個早午餐嚟到呢間門口餐牌幾吸引，一於入去試吓！我選擇食店除咗啲嘢好食仲要求地方乾淨，呢度地方好乾淨坐得舒服😌朋友叫咗個西式午餐🍽腸仔牛扒飯配蒜蓉汁牛扒幾大塊唔係嗰啲用梳打粉醃到淋哂仲好有咬口，蒜蓉汁唔會好咸亦唔會蓋過牛扒肉味我嘅係秘制蔥油豬扒飯蔥油香口惹味配飯一流，喜愛食蔥不能錯過🥳豬扒不是太厚但用香茅醃得香口而且有兩大塊超抵食另外每人叫咗杯奶茶紅豆冰同阿華田紅豆冰，出面好少見有阿華田紅豆冰而呢度仲有好立克紅豆冰，紅豆粒粒起沙又不太甜！值得一試

今日同朋友食晚飯，落街行咗個圈見到咁旺場就入左去試，都唔錯👍🏻沙嗲牛肉粉絲煲🥘落單嘅時候侍應都有同我講係牛肉，唔係肥牛。不過都唔緊要，牛肉都照殺啦😎😋。沙嗲味好濃，撈飯食一流👍🏻。底部仲有好多粉絲添，仲索曬啲汁，好惹味。🤤牛肉唔會好老又唔會好韌，都算唔錯。不過個人來講都係鍾意食肥牛多啲。至於椒鹽鮮魷，佢就落咗炸粉，不過個炸粉底就有啲厚，但依然香脆好食😄。咁嘅價錢黎講都算抵食，會再黎👍🏻👍🏻

.今日嚟到元朗凱逸食晚市，侍應先量體溫然後安排咗個卡位俾我哋坐👍🏻。睇到餐單有好多小菜都好吸引，我哋就叫咗兩個小菜：北菇滑雞煲仔飯同四川乾爆辣子雞。煲仔飯套餐仲可以用半價配餐飲，所以我哋叫咗鹹檸七🍹。餐湯係粟米蘿蔔豬肉湯，好足料亦夠濃味，應該唔算落咗好多味精，因為飲完唔會好口渴。至於煲仔飯，一上到枱要再焗多一兩分鐘，咁就可以有飯焦食啦🤤。雞好滑同埋有好多菇，$65蚊黎講好抵。另一個辣子雞小菜我哋無配白飯，因為驚太飽。份量好多，都好夠辣，$67都抵呀🤩🌟🌟🌟🌟🌟整體：4/5價錢：4/5環境：3.5/5服務：3.5/5味道：4/5

同朋友一齊黎度凱逸餐室食個lunch，因為朋友有啲趕時間，我去拎位先，發覺呢間餐廳都幾多人黎。當然有做足防疫措施探熱搓手液各樣都齊備。大玻璃ge外牆，內在有啲裝修設計，令人幾舒服。我叫左西檸滑雞飯 $51 配紅豆冰 +$14份量都幾多下 而且雞件都有六七件，另外酸酸甜甜ge醬汁好開胃🥰朋友叫左咖哩薯仔蝦球飯 $78又係大大份 咖哩有d辣，越食越過癮！蝦ge份量都唔少，爽口彈牙。唔錯！好彩上菜速度快，慳番唔少時間！ 趕時間又要醫肚一流！

屋企雪櫃因疫情關係被清空，只好外出補回物資，順道去食午餐。這間位於元朗的餐廳，午市時間以客飯及炒粉麵為主，價錢約$4-50，份量十足。干炒豬扒出前一丁目測至少有一個半至兩個出前一丁，而豬扒都有5件，切得太塊又厚，入口不會炸得太乾，丁麵加了些韮王及芽菜一起，爽口又唔會尸太油膩，好夠鑊氣。常餐：沙嗲牛肉通粉、火腿奄列配多士通粉爽口，配上有粒粒花生碎的沙嗲醬，非常惹味，牛肉都很腍，奄列很大件，本來想要脆豬，可惜賣完。另加$5可配特飲。

$45有常餐，平時有西多士，而這間餐廳就有脆豬仔包（好似有牛油烘底）！還有火腿奄烈可以選擇呢。常餐的麵食選擇也很豐富，平時可能要加錢的扒類亦是任選。我就當然要叫雞扒啦，厚賜而且沒有雪藏味，肉質也算嫩滑。而且湯底更可免費轉番茄湯-香濃，upgrade了這麼多免費的東西，是十分滿足的常餐！.而我朋友就叫了一個午餐-蒸魚，$50幾食到一大碟蒸魚，霎時有少少感動。魚不是平時的雪藏魚柳，而是很有海鮮鮮味的魚，很新鮮而且蒸得非常惹味呢、家的味道！常餐及午餐都送熱飲，是一間很抵食的茶餐廳。

這間冰室位於元朗近千色附近，位置方便，坐得舒服！今晚我點了一個中式牛柳的套餐$72，包一碗飯一個餐湯！餐湯幾足料的，青紅蘿蔔湯有埋南北杏😍牛柳我覺得有少少鹹，其他ok!

朋友問我為何有興致約她吃午飯，我答她雖然我們住得近，可是大家最近工作各有各忙，沒怎麼見面，難得放假，當然把握相聚機會去吃個午餐。我們怕太飽，故不吃飯，全都吃麵。朋友選吃常餐，鮮牛肉鮮茄濃湯出前一丁配火腿煎蛋及牛油厚吐司角。煎蛋屬漂亮級的太陽蛋，黃澄澄的蛋黃被嫩白的蛋白包圍，相當滑嫩，且沒有多餘調味，純粹蛋香。火腿挺有厚度，牛油厚吐司角烤得香脆。鮮牛肉鮮茄濃湯出前一丁湯頭喝來酸甜酸甜的，全都是新鮮蕃茄和洋蔥熬煮而成，出前一丁非常彈牙，至於鮮牛肉亦用料不手軟，大塊且厚實，煮得軟腍，整碗湯麵吃起來暖胃也滿足。最吸引我的就是秘製蔥油雞扒太陽蛋撈一丁，喜歡撈麵的我一看到撈一丁就毫不猶豫決定點來嚐嚐。趁熱的時候，我將秘製蔥油與麵條攪拌均勻，讓彈力十足的一丁能夠完全吸附蔥油，鹹香帶勁。雞扒外表煎得金黃酥脆，雞肉滑嫩，肉汁豐腴，十分可口。酷熱天氣最適合來一杯凍鹹柑桔話梅蜜，陣陣清香，話梅蜜和鹹柑桔比例搭配極佳，酸香甜美，入口回甘順口，無敵推薦大家喝呢。椰香芝麻奶露深得朋友喜愛，奶露不只椰香十足，同時芝麻味厚重，幼滑的椰子奶遇上小顆粒的芝麻，瞬間享受到雙重口感滋味，教人念念不忘。

疫情期間要額外注意衛生所以很多餐廳也會提供外賣自取.午餐的時候價格比較便宜，就買了三個飯回家.鳳爪排骨飯 - 比平時鳳爪排骨蒸飯更加好味，用中式醬汁再炒一炒，很惹味。大澳雙蝦炒飯 - 炒得很香，而且蝦都幾大隻，爽口。西式午餐 - 有不同種類的扒及餐蛋可以選擇，牛扒、煎蛋、黑椒汁就是我的選擇。這個餐10分適合喜歡鋸扒的香港人，黑椒汁多撈飯食一流！.飲品方面有阿華田、椰香胚芽奶露及紅豆冰。.值得一題這裏的飯盒不是用發泡膠，而是比較環保的紙盒，非常環保。

是晚又黎左凱逸度食晚飯，不知是否因疫情關係，門口無左煲仔飯檔攤，但餐牌仍有幾款選擇的。想了想，還是決定點小菜，兩個餸分著吃好了。餐飲要了熱檸茶，個人覺得茶底濃了點，再問店員要了杯滾水溝一溝就好多了。朋友點了西蘭花炒班片，賣相不錯啊。西蘭花炒得翠綠爽脆，好吃。班片鮮味有咬口，靚料喎，不是用魚柳頂替，哈哈。想吃咖哩就點了咖哩牛腩飯，滿滿一盤呢。牛腩炆得軟腍入味，內裏還有洋蔥，三色椒，薯仔等，咖哩汁很濃有辣勁，撈飯一流。白飯有咬口，水份控制得好呢，喜歡這口感。食飽飽好滿足，新餐牌還有很多餸想吃呢，留下次吧。

係元朗唸緊晚餐食咩，就被呢間落地玻璃門面大既凱逸餐室吸引咗，見到佢座位都多，枱與枱之間既距離夠安全，一於就試吓😉呢度既晚飯款式都算多元化，有煲仔飯、炒粉炒麵、多種唔同既家常小菜，啱哂冇煮飯但又想有家的味道嘅人啦！今次就試左兩個晚市套餐，粟米魚塊同鹹魚雞粒豆腐煲，配埋中式例湯同白飯，套餐加餐飲有半價優惠。粟米魚塊份量多，大大碟，粟米汁調味同稀稠度適中，魚塊既炸漿唔會太厚，而魚塊肉質較實肉；而鹹魚雞粒豆腐煲做得出色，上枱時熱辣辣，醬汁夠惹味，雞肉鹹香，而且用上小粒既豆腐，事前炸過夠香口，豆腐質感嫩滑，送飯一流😋附送既例湯係青紅蘿蔔粟米瘦肉湯，清甜得黎飲得出冇味精，表面唔會有油，夠哂健康😊今次加配埋飲品，試咗佢既椰香杏仁奶霜，杏仁味濃，甜度適中，都算特別，值得一試👍🏾

今日覆完診，夜晚約左朋友食晚飯聚下，突然想食啲家常小菜，所以就嚟附近試下呢間餐室。我地嗌左兩個餸share食，一個餸會跟一個湯一個飯。今晚係青紅蘿蔔湯，都好夠味，睇嚟都好煲左好耐，最緊要火冇味精。而佢呢度啲白飯都好大碗。入正題，講下啲餸先。我地嗌左個咕嚕肉，佢啲咕嚕肉酸酸甜甜都幾開胃，啲菠蘿都好好食，只係略嫌有幾舊炸粉厚左小小。而另一個就揀左通菜蝦醬炒鮮魷，個蝦醬同通菜永遠都係最夾，而且佢落得岩岩好，夠味得嚟唔會太咸。只係鮮魷可能因為係冰鮮嘅關係冇乜味，而都可能冇醃過，所以唔太夠味。整體嚟講，呢個時勢，出街食飯都係差唔多呢啲價錢，所以我覺得還可以。