凱逸餐室

营业中

休息中

元朗一日遊，又涼涼地食下煲仔飯，上網見到就去。一行3人，叫咗個2人餐加碟椒鹽鮮魷。例湯不錯，有青紅蘿蔔南北杏，仲有d菇。薑汁臘味炒芥蘭， 潤腸味道唔錯，但係整碟嚟講非常好餸飯，因為鹹。啫啫雞煲， 都係好鹹，但係蔥同豬潤幾好味。臘味煲仔飯， 爆多臘肉臘肉，多到食唔曬。 飯嘅油份好多，亦都彈牙夠香味，不過冇乜飯焦， 我比較鍾意食飯焦，所以有少少失望。椒鹽鮮魷，脆皮炸得算幾脆， 魷魚熟得啱啱好，咬口唔韌。2人餐係$198 有1個煲仔飯加1個小菜，飯嘅份量都算夠兩個人食，不過如果可以配搭上可有清淡嘅小菜選擇會更加好。侍應服務唔錯，友善同有禮貌。

行完⛰屯門千島湖後，肚仔餓餓，要搵間茶記補充下～見到佢舖面事事正正就幫襯你啦！叫左兩個差唔多款嘅🍛下午茶餐，一份係瑞士汁🍗雞髀撈丁，另一份係瑞士汁雞翼撈丁🍝。事實反映，價錢一樣…叫髀係抵過叫翼，因為雞翼得3隻…真心覺得蝕咗😶不過好彩嘅係小妹叫嘅係髀🙃雞翼係Oppa order 嘅～瑞士汁唔算突出，比想像中淡，汁係夠撈曬成個麵。雞髀唔係柴，講唔上滑，$4X黎講…其實Big Happy $3X都有髀餐+上海麵，睇下大家會比較喜歡坐邊食。

咁岩黎到元朗😳🤔諗左好耐食咩聽聞有間煲仔飯 又想食所以就黎左試食舖頭入面環境都闊落 坐位有分卡位同其他坐位坐左係卡位既我 覺得舒服闊落🤣果日我地2個人叫左個2人餐本身$198 蚊 包一個煲仔飯（有限款式）同2個配菜再送2碗例湯但我地一心想食鼓油汁白鱔煲仔飯 另加臘腸 🤣🤣所以就要補返差價 +$41最後一個set total $239蚊去相先!!!鼓油汁白鱔煲仔飯 個煲仔飯好好食 本身有提示上菜後先落豉油 再焗食果時底有好多飯焦 😍完全食到煲仔飯既精華 而個鱔食落都好新鮮好好食 肉質好味😋最重要係臘腸🤣食煲仔飯 再配口臘腸真係最夾臘腸唔會過肥又唔會好乾 個油脂非常好食～香辣八味豉椒雞煲個雞煲好濃味 辣辣既帶到個雞煲好出😳好野味 不過如果只係單食其實有少少咸🤔不過配埋煲仔飯覺得好食既🤣中和返 幾夾欖菜肉鬆四季豆睇落去好油 但四季豆食落去好嫩 同時好野味!!! 不錯😳😳例湯就中規中矩啦~~

好多時都會起到食早餐，寫呢間食評都係第一次，有讚有彈，彈既係為左佢會進步。環境：3.5/5比起一般既茶記乾淨，但未去到大型連鎖餐廳的乾淨程度，座位多數會有d食物既殘餘，好多時都要自己輕輕清潔先坐，枱都係有點油即使會有人抹都好，可能係本身佢塊布都有點油。不過睇得出係有裝修。食物：3.5/5中規中矩，但早餐既炒蛋真係好好食，好滑有蛋香，有鹽的味道。而粉面正常，但豬扒雞翼果d較遜色，可能一早整好一大埋，比較乾身，試過有雞翼中間係有d血水，不過都有同返經理講，好快換返全熟既。早上叫既飲品出事，偏甜，最好自己同佢講聲自己控制糖水會比較好服務：4/5有位叔叔講野較為大聲，但有禮貌，會同人打聲招呼，好似有團火做呢份工，真係買少見少，係一件好難得既事。性價品：3.5/5好少可食茶記會有服務可以食埋，呢間既食物唔係話好出色，不過不失，價錢同附近既早餐差唔多，可能貴幾蚊咁，但我都覺得值既對比同level既餐廳。

意想不到元朗竟然會有煲仔飯，雖然門口堆滿了等號碼的人，但我還是被在旁邊用瓦斯爐煮著的煲仔飯吸引了🤩🤩等待時間雖然很長，但煲仔飯的質素我覺得是值得的，因為煲仔飯是即叫即做的。所以要等大約30-40分鐘，我會建議點個小菜。當天我就點了一個鮮魷炒通菜🦑來邊等邊食。大約30分鐘倒，會有侍應推著一煲一煲的煲仔飯進來。還未打開就香氣撲鼻，香噴噴的煲仔飯令人垂涎。 打開更不用說，拌上豉油排骨嫩口，加上我最愛的臘腸就令我很滿足了😍但還是要重申的是等待是美食必須的

見到好多人推介依間煲仔飯 所以先會黎試😀可惜失望而回個煲仔飯係我地食完其他野 都仲要等個半鐘先到成餐飯都谷鬼氣 好食都唔會再返黎食😀啲侍應淨係識叫人耐心等～但無其他措施安排😪幾好耐性都唔會等到個半鐘⋯見到其他人一入到黎就係叫左一人一煲煲仔飯 仲慘⋯咩野食都無食就要呆等個幾鐘另外叫左椒鹽鮮魷 都係好多人推薦既⋯睇相都可以見到粉漿好厚⋯同舊魷魚係分開既⋯😪食落當然惹味 有椒鹽實無死😂可以唔洗黎食 除非好鐘意等😂

食個飯本來都普通心情，咁岩撞到個朋友，係開心事黎既，打個招呼，啲員工禮貌到呢，語氣差到一個點，請人地行番出去都可以禮貌少少既，把口差到咁，仲要呼喝人地，咁樣做生意其實係咪想趕客？著藍色制服戴花花口罩個位同事，並不是經理，希望間鋪既經理可以睇到，同埋希望個位同事可以學下咩叫禮貌！唔識既話可以由幼稚園開始學起，小朋友都有禮貌過佢！咁大個人做服務性行業咁樣既態度真係差到一個點！ 不明白佢是如何能活在服務性行業！

失望在於我根本食唔到呀！😭我明白食煲仔飯係要有耐性，要等，我足足等咗45分鐘都冇催過佢哋，當我見到佢推住架車仔有6煲煲仔飯嘅時候，我充滿期待，但係點知一煲都唔屬於我，好明顯佢哋係漏咗單， 勁無奈囉🥺!!!佢嗰晚仲要壞冷氣， 喺勁熱嘅情況下等咗45分鐘都冇得食......至於衛生方面，我見住佢哋個著住黑衫嘅男員工，有個外賣盒跌咗落地，佢執返起，喺自己條褲上面拍兩下，然之後擺返喺個架上面， 唔好話而家係疫情期間，有冇疫情呢一個行為都令我非常側目。我真係想有人畀個理由我，下次可以去食個煲仔飯😡

陪媽咪更換身分證後，經過呢間餐廳，坐低嘆個下午茶西多士🤩🤩炸得非常好👍🏻我最鍾意佢呢個厚度，入面夠花生醬襯返杯凍檸茶，一流👍🏻但係服務態度就麻麻地了😥

依間煲仔飯突然係某谷好出名趁依家夜晚轉涼，一於試下我地三個人叫左兩個煲仔飯，兩個小菜，岩岩好煲仔飯最好快d 落單，因為即叫即製要耐d椒鹽鮮魷，份量估唔到甘多，魷魚都彈牙，但唔算入味，粉炸得較鬆散，d 粉好易鬆哂，有d 鬆拋拋白菜仔好甜！！！！ 配埋枝竹好食，湯又夠味，唔錯白鱔煲仔飯，d 豆豉辣椒唔夠，白鱔仍有陣腥味，飯依個比較濕少少，但都ok, 鳳爪唔算好淋，都仲有d咬口，但唔算太入味個種排骨肥瘦算適中，份量都夠依個飯比較硬身d, 所以更好食兩個煲仔飯個人鐘意鳳爪排骨多d, 白鱔始終唔夠味就腥，如果可以改善下個汁就更好我地食完大約八點，出面已經好多人等，想食真係要早d 黎

最鍾意去港式冰室開飯, 貪佢乜嘢款式嘅飯、餸、常餐咩都有， 可以迎合唔同人嘅肚皮 。 今日就去咗元朗嘅凱逸餐室 ，想食飽啲叫個飯叫個炒河， 想食港式all day breakfast 蕃茄通雪菜米成日都有， 而且餐廳空間多， 室外室內都有， 多啲人嚟一齊開飯都有位坐。豉椒鮮魷炒河呢到的炒河粉唔會太肥， 而且可粉又唔會炒到黐埋一舊舊。 鮮魷雪白有咬口，配搭惹味的豉椒和甜椒， 一客五十幾蚊連嘢飲，抵食啦。瑤柱福建炒飯56是日午餐選擇多， 而且包餐飲， 瑤柱福建炒飯即叫即炒， 而且材料亦都多蝦仁、雞肉粒、菜心粒 而且最重要重真係有瑤柱添。 炒飯底粒粒金黃，唔會黐埋一齊。 港式冰室有呢個質素實在唔講得少。常餐鮮牛肉通粉鮮茄濃湯火腿絲醃列，牛油厚吐司角除咗即炒炒麵飯當然少不了有常餐。 常餐 款式選擇多，雪菜、榨菜、鮮牛肉、仿鮑片等等都應有盡有 ，而且可以免費轉為鮮茄濃湯底。 鮮牛肉蕃茄濃湯底通粉， 大大碗， 而且番茄濃湯底都真係夠濃郁， 鮮牛肉又唔會錄到硬柴柴， 配埋大大件的火腿奄列， 與及多士， 四十幾蚊非常不錯。另外不得不提這裏的熱檸茶和凍檸茶茶底也非常濃郁夠茶味呢。

之前曾經到過凱逸餐室吃過常餐，當時覺得份量比較少，不過都滿足了吃蟹皇麵的小願望。今次與朋友放工去千色購物，順道在附近吃個家常便飯便決定再試一下。今次發現晚餐都有不少選擇，有四頁之多，不論是想吃豬牛雞魚都能夠滿足。最後我們決定了點京都豬扒和金銀蛋菜心兩個小菜，再各自加$12有例湯和一大碗白飯。再用半價點了兩杯特飲。上菜速度算快，而且兩碟小菜都好大碟，看見份量已經覺得滿足！豬扒口感不錯，調味恰到好處，而且啖啖肉，正。始刻已經決定離開時要取一張外賣單，平時不煮飯都可以叫個外賣。至於金銀蛋菜心，其實我都沒有試過這個組合，不過又不錯，有新鮮感。蛋的份量都頗多，讚！這個晚餐以家常便飯來說非常不錯，價錢經濟實惠，而且座位都頗舒服，餐廳亦有很多卡位。

元朗西菁街食肆林立，最近回娘家發現有間新的凱逸餐室，親戚食過評價也高，今天我與老公吃晚市小菜。一入餐廳先度體溫，餐廳也算多座位，室外也有2-3張枱，菜牌相當吸引，而且小菜以款式排列，分雞、海鮮、蛋及豆腐、牛、蔬菜類，非常易睇。我們點了椒鹽豬扒及薑蔥魚頭煲，還加了$12 配中式湯及飯。中湯足料好味大碗，而白飯也是偏大！椒鹽豬扒大碟，香口惹味，肉唔會乾淨淨，而且已切好一塊塊方便食。薑蔥魚頭煲夠香口，香蔥薑非常香，魚頭相當惹味，我同老公吃不停，咸香送飯一流。食物送上速度快，店員服務好。希望下次再試其他食物。

中午時段，叫左兩個常餐外賣自取。佢地話冇哂牛油豬，所以焗住叫多士。炸雞翼蕃茄濃湯通粉配火腿奄列+牛油多士雞翼係炸雞翼黎，但係好奇怪地放落個湯度，所以林哂。其實明明可以放落多士同奄列個盒度。湯底淡左啲啲。個多士好失望，同冇烘過一樣，咁點解要叫多士？其餘就正正常常不過不失。豬扒蕃茄通粉配火腿煎蛋+牛油多士豬扒餣得唔好食之餘，又唔夠嫩滑，好乾好柴。野飲叫左熱阿華田同凍檸茶，正正常常，但係凍檸茶茶底唔夠濃。

千色隔離有一間新派啲嘅茶記，入面地方比普通茶餐廳寬敞，有唔少卡位，係令人坐得舒服好多嘅新式茶記。呢到當然都有提供茶記一般都有嘅常餐、碟頭飯或小菜，最估唔到係呢到竟然有煲仔飯叫！.生燒煲仔飯有六款：鳳爪排骨、北菇滑雞、窩蛋免治牛肉($65)、土魷肉餅($67)、鹹魚肉餅($67)同埋臘腸排骨($75)。落完order之後要等二十分鐘左右。.店員特別提醒，煲仔飯上咗枱之後要等多一兩分鐘先開蓋，咁可以焗多啲飯焦出嚟🥳打開蓋之後自己淋咗啲豉油，又閂番煲蓋俾佢焗吓😋兩個煲仔飯都好香呀！米飯煮得粒粒分明，軟硬適中，而且自己鐘意落幾多豉油都得😝煲仔飯豉油撈飯好正！啲餸都俾得好足料。滑雞都係有骨滑雞件，排骨份量都足夠，鳳爪如果煮得再腍啲就更好啦。重點係煲仔飯有唔少飯焦，飯焦唔會太濃，食落幾香脆，而且啲飯焦都唔難刮出嚟～.特別一提係隨煲仔飯附送例湯，碗例湯唔係平時茶記好hea淨係得味精嗰種，而係好真材實料煲湯嗰種🙆🏻‍♀️是日係紅蘿蔔南北杏蜜棗豬骨雞腳湯，真係見到啲材料㗎，飲落好甜好好飲。