凱薈

营业中

休息中

之前搵結婚場地嘅時候，有留意過呢一間。最後冇機會喺呢度擺酒，反而今晚嚟咗食個晚餐！👍🏻脆皮燒腩仔呢一碟燒腩仔真係出色，肥瘦平均，口感特別爽嫩，外皮脆身！一客12件，兩個人食真係綽綽有餘。👍🏻金獎宮爆蝦球作為餐廳嘅得獎菜，擺碟真係好靚，用子薑襯上炸過嘅蝦皮皮蛋，特別香口。蝦球爆得有火候，而且炸粉唔重，食落爽口又彈牙！小編反而想讚一讚個醬汁，有少少辣度又唔會太甜，送飯一流。👍🏻招牌葡汁焗釀響螺即點即整，要所以預返相應嘅時間。葡汁嘅味道好香好濃，裏面嘅切得粒粒碎碎，頗有口感。👍🏻上湯金銀蛋白菜仔健康主義者表示出街都要食菜，上枱份量都幾多，上湯清清甜甜，啱晒中和一餐桌的餸菜。👍🏻金沙墨魚仔呢份小食絕對係邪惡嘅首選，蛋黃嘅顆粒感好香，而且墨魚仔好有嚼頭。💡餐廳同時係一個婚宴場地，光線都幾光猛，仲有成個為維港大海景。

食得西餐多，近期鐘意食中菜，感覺健康少少無咁熱氣The one嘅凱薈，地方又大又闊落，閒日都唔少人嚟食晚飯，仲見有人睇場for結婚㖭晚市都幾多菜式揀，要咗兩餸一湯😋🥢砵酒桶蠔煲💰$198蠔煲係我酒樓必食餸菜之一，鐘意佢上枱熱辣辣，一共六粒蠔，全部大大粒，好厚肉，加咗砵酒味道又香，少少酸更開胃更惹味🥢黑椒洋蔥牛仔骨💰$158牛仔骨好多塊，咀嚼感滿滿，黑椒牛仔骨特別香，好食🤤🥣五指毛桃燉海螺湯💰$108勁好飲！超鐘意飲湯嘅我去到酒樓必飲湯😋湯品有雞腳、豬骨、海螺，足料濃味，好清甜👍🏻第一次飲有五指毛桃嘅湯水，健脾化濕，行氣化痰，舒筋活絡，飲熱湯真係好正好舒服🥣姫松茸菌燉海螺💰$108一樣有海螺，燉完嘅螺頭好有咬口，配合姫松茸菌、雞腳、豬骨等，味道濃郁，材料豐富🚩凱薈 (尖沙咀) 📍尖沙咀彌敦道100號The ONE17樓

今日同朋友到尖沙咀食飯，餐廳不需要等位就可以入座。我們叫了呠酒桶蠔煲、風味什菜煲、招牌葡汁焗釀響螺、金獎宮爆蝦球、惹味海蜇。首先上的是海蜇，爽口而芝麻香足又不會太鹹。之後是宮爆蝦球，除了蝦球外還有皮蛋，皮蛋外表是先炸過，口感酥軟。而蝦球彈牙鮮甜，再加上醬汁甜中帶點酸，味道不錯。再來是葡汁焗釀響嫘，賣相很漂亮，一度以為是真螺殼。味道方面，葡汁配上螺肉，青豆，洋蔥等清新鮮甜。接住是呠酒桶蠔煲，蠔大隻而且有蠔味，酒味香而不濃剛好帶出蠔的鮮味。最後是什菜煲，入面有菜心、白菜、菇、粉絲和蝦乾。清淡中帶淡淡的海鮮味。整體而言，味道不錯，用料十足。

同泰國朋友去咗The One的中菜廳食晚餐，可以睇到維港夜景，樓底又高，食物亦好高質，泰國朋友十分滿意！金獎宮爆蝦球-蝦球爆得好香口，蝦肉新鮮彈牙，夾埋微辣嘅醬汁，開胃-份量好多，有六大隻-配菜係蝦餅釀皮蛋，仲有子薑，令味道更昇華呠酒桶蠔煲-桶蠔非常肥美新鮮，蠔味十足，每隻都大大隻-加埋爆香左嘅洋蔥，洋蔥獨有的甜味釋放，吸埋蠔汁，秒清！黑糖叉燒-燒得好軟好入味，半肥瘦好嫩滑-蜜汁甜度剛好，第一次食黑糖的叉燒，冇咁死甜，欣賞！啫啫蝦乾芥蘭-店員上枱先放已半熟的芥蘭同蝦乾係煲度炒，完全唔會過燶，恰到好處-芥蘭翠綠爽口，啫啫蝦乾帶嚟微微嘅鹹香味，非常開胃

星期六同亞媽去尖沙咀行街，同事介紹the One嘅凱薈，有得奬名菜，梗係要繼續我嘅 #同亞媽飲茶系列 ！餐牌主打巧手小菜，傳統中式小炒、廚師推介，燉湯🥣等，選擇都幾多。餐廳座位濶落舒適，落地大玻璃可遠望維多利亞港景色，樓底極高、裝潢高雅好夠氣派！🍤金獎宮爆蝦球  $198擺盤精緻嘅金獎宮爆蝦球，滿滿皮蛋子薑、墨西哥辣椒等作擺設；大大粒蝦球先炸後拌，炸得香脆可口，醬汁酸酸甜甜十分開胃，蝦肉口感爽彈。炸皮蛋以蝦滑作皮，口感扎實鮮味十足！香而不膩！推介！🐚招牌葡汁焗釀響螺  $128/隻呢度得醬名菜之一，係平時飲宴先有得食嘅招牌葡汁焗釀響螺，可愛響螺上釀左滿滿嘅焗釀餡料，包括有螺肉、磨菇、洋蔥、肉碎及青豆等；葡汁十分惹味！口感豐富！🍗豉油雞 $140/半隻 賣相極吸引嘅豉油雞，半隻望落都好大碟！雞肉肉質鮮嫩，肥瘦均勻，雞皮爽口彈牙，味道同生熟都適中，配豉油一齊食更滋味！凱薈地址📍： 尖沙咀彌敦道100號The ONE 17樓

「凱薈」酒家位於尖沙咀The one 17/F，其佈置瑰麗堂皇，樓底高，整體感覺開揚舒服，枱同月台之間空間咁感十足，適合一家大細，家庭聚會，公司宴客嘅好場地。而系呢度食飯仲有小暖爐暖住個茶壺，唔怕茶涼。金獎宮爆蝦球 $198系呢度嘅招牌菜之一，擺盤外型賣相吸引，四邊伴有皮蛋酸薑，仲有紅噹噹的乾紅圓椒。顏色鮮豔，皮蛋外面又配上蝦膠炸粉，大蝦球除左炸得很香口外，仲有甜酸汁伴食，特別開胃。值得一試。秋葵燒汁一口牛 $168唔肥膩，口感又有少少軟熟，秋葵又炒得香。桂花銀芽花絲膠$168份量十足，配菜有蛋花，芽菜等，花絲膠數量絕不欺場。幼細，有口感，伴飯食一流。上湯金銀蛋 $98總結:食物足料好味，地點交通方便，又可以睇度維港夜景，糸聚會，宴會好地方。

呀女生日中午帶左來the one 飲茶，環境好舒服！對住海景又夠光猛，樓底高空間感十足，坐位係舞台前呀女勁開心跑來跑去仲係到跳舞玩得不亦樂乎😂.蟹籽燒賣皇 $48竹炭椰蓉包 $42蒜香蝦春卷 $42×0醬鹹水角 $42魚肚菜苗餃 $42瑤柱珍珠雞 $42醬香蒸鳳爪 $35潮州粉粿 $35蠔皇叉燒包 $42韭王鮮蝦腸 $48黑椒牛柳酥 $42.成枱點心😍全部都滿高質大家都讚好食😋呀女最愛叉燒包搶住食左兩件，我反而鐘意竹炭椰蓉包滿特別，包軟熟入面椰蓉甜絲絲滿不錯👍🏻燒賣大大粒蝦肉彈牙呀女食左兩粒🫣腸粉口感滑身，春卷脆卜卜靚靚擺盤，鹹水角蘋果造型打卡一流，牛柳酥皮酥脆牛油香入面係黑椒牛超正，餃皮做得出色薄身煙靭又足料.地點方便環境好正，價錢又合理，最緊要阿女食得好開心🥰.

又出咗消費劵，決定帶媽媽去食餐好嘅。入到嚟見到有180度嘅落地玻璃望住出邊嘅維港景，室內裝飾都好靚，新式嘅水晶燈同埋花卉擺設，睇嚟呢度除咗係晚飯好選擇，仲係婚宴嘅好場地。入到去飲啖茶先，呢度飲茶有小蠟燭溫暖住茶壺，唔怕茶會涼。 之後我哋點咗四個小菜。薑蔥脆米啫啫桶蠔$198煲仔上枱，夠曬鑊氣，一打開蓋，薑蔥香氣四溢，急不及待試吓d蠔，肥美嫩滑，鮮味十足，連埋脆米同薑蔥一齊食，真係好香，佐白飯一流。金獎宮保蝦球$198呢個得獎蝦球其貌不揚，脆漿好薄脆，蝦球大隻，肉質爽滑，宮保醬汁的甜、酸、辣都好平𧗾。伴碟的子薑皮蛋不可錯過，皮蛋以炸蝦膠包住，口感層次豐富，連同爽嫩微辣子薑一齊食，味道極佳。秘製欖角一口骨$138好惹味，欖角味道好出，但不會死咸，排骨好掛到醬汁，而且排骨肉質鬆化，食得出是新鮮排骨。家鄉豆腐羅漢齋煲$128熱辣辣，豆腐勁嫩滑，配料有白菜，冬菇，草菇，雪耳及雲耳等，全部好入味，除咗用蠔油，應該仲用咗上湯餵，先會咁好味。總括而言，呢間酒家的環境同服務不錯，食物質素佳。下次黎下飲茶食點心先。

今天約了媽媽到尖沙咀撐枱腳，找到一間裝潢美美的、又可以飽覽維港景色的中餐廳——凱薈，好好享受母女共聚的時光。餐廳裝修優雅時尚，用色盡顯氣派，特別喜歡天花的設計，既像海浪🌊，又像薄紗，十分雍容華貴。餐廳播著柔和的音樂，中間還有雀鳥聲，讓人感覺舒適放鬆。金獎宮爆蝦球 $198賣相相當吸引，色彩繽紛，擺盤有心思。蝦球大大粒，炸得酥脆香口，蝦肉爽口彈牙，味道新鮮。醬汁亦調味得宜，既香辣，又酸甜，黏度剛剛好，讓人垂涎三尺。另外，炸皮蛋這配搭相當特別，外脆內彈牙，配上酸薑，味道更具風味。鴛鴦剁椒蒸大魚頭 $238我們都是魚頭的粉絲，剁椒更是我倆的至愛，這道菜一定要點。魚頭上鋪滿了剁椒，顏色有紅有綠，味道又酸又辣，，真叫人食指大動。魚肉質感嫩滑，味道新鮮，酸辣的剁椒令魚的鮮味更突出。生拆雞絲燴花膠 $88真材實料，絕無欺場。雞肉很有鮮味，花膠黏滑爽口，感覺喝完後皮膚都變好了。五指毛桃燉海螺湯 $108非常健康養生的湯水，味道清甜，海螺鮮味十足，裡面也有雞肉和雞腳。惹味海蜇 $68海蜇口感佳，嫩滑爽口，麻油味香，一個很好吃的前菜。

今日同媽媽食飯特登搵間環境睇落舒適既中菜廳食去到真係好驚喜除左環境舒服之外每樣食物都好好食😍.💎$198 金獎宮爆蝦球不愧係店鋪既招牌菜之一🥰真係好好食蝦球每隻都好大隻 份量十足入口勁有鮮香味，醬汁酸中带甜而蝦球外層食落有少少香脆🤣充滿口感而旁邊既皮蛋都好好食 香而不膩.💎$128 家鄉豆腐羅漢齋煲 好足料既羅漢齋煲有幾款唔同既菇類 蔬菜同表皮勁香口 入面好滑嫩既豆腐🥰😍每樣食材都好新鮮而且煮得十分入味.💎$148 瑤柱桂花炒新竹米粉米粉好多地方都食到但呢個米粉係十分推介面質比較幼細 好有口感🤣炒得好香口 而且好夠味道 有住淡淡既瑤柱同桂花味道味蕾勁滿足.💎$138 秘製欖角一口骨勁有驚喜既一口骨外層帶點脆口 好惹味吃落啖啖肉， 更有入口溶化的感覺再加上甜甜地, 惹味濃郁既醬汁🥹食落真係勁滿足.💎$88 生拆雞絲燴花膠（位）好足料既湯羹雞絲同花膠既份量都好多入口完全冇腥味😎而湯底都好好飲.💎$17 茶（位）叫左普洱 茶味香濃仲有一個蠟燭台比茶壺放上去🤩等茶溫保持溫暖 好貼心

朋友生日🎂話想食中餐，今次我帶佢去一間新開無耐的酒樓試下，酒樓位於尖沙咀 The One 1️⃣7️⃣樓。食生日飯🎂，靚場靚景靚食物是基本吧😂。酒樓佈置得好有氣派，有宮廷🕌的感覺，而且樓底極高，完全無柱，好適合舉辦婚禮👰‍♀️，另外落地玻璃🪟可以欣賞尖沙咀和維港美景😍。靚場靚景，不知食物質素又如何🤔？可能新開張的關係，晚市餐牌📔選擇不太多，朋友鍾意食海鮮，所以今次點了幾款試試🥰。金獎宮爆蝦球 $198蝦球🦐大大隻，全部爽口彈牙，外層蘸滿了甜酸汁，非常惹味😋。伴菜的皮蛋🥚外層包住蝦膠🦐一齊炸，皮蛋晶瑩剔透，加上香脆的蝦膠🦐外層，口感豐富。整體味道出色，難怪可以得到金獎🎖。砵酒桶蠔煲 $198廣島蠔🦪大大隻，蠔味香濃，口感嫩滑，加上酒香所以非常惹味😋。由於是用煲仔上，所以食到最後仍然是熱辣辣🔥。蟹肉烤粉絲 $198份量多得驚人，蟹🦀已經拆肉，方便食用，但蟹肉的份量完全沒有欺場🥰。粉絲煮得入味，入面還有蒜蓉🧄、芫茜和肉碎🐖，非常惹味😋。招牌葡汁焗釀響螺 $128/隻🐚爆餡登場，響螺入面用葡汁釀滿了響螺肉🐚、蘑菇🍄、洋蔥🧅、青豆🫛和肉碎🐖，調味出色，焗得入味😋。總括而言，酒樓裝修氣派，坐得舒服，

食肆坐落尖沙咀高層商業大廈，當然能遠望維多利亞港的夜色。270度落地大玻璃，盡收燦爛迷人景色。另外其裝潢很有氣派很Grand，樓底極高;在此結婚擺酒都係一個唔錯的選擇。黑糖叉燒 10/10   ($168）果然係得獎之作，叉燒偏肥，入口軟熟。而且熱騰騰，完全有一種食幾多都唔夠嘅感覺。宮保蝦球 10/10   （$198）採用嘅蝦10分彈牙有口感，份量亦足夠。而且配菜加上酸薑及炸蝦餅皮蛋，感覺10分新鮮，即可以解去油炸的肥膩感。而蝦球的部份在攤凍了之後亦能保持脆脆的質感，10分出色乾煎大班球 8/10   （$228）相對上較為失色，價錢是今次最貴的一款，魚味濃郁及新鮮，但是除此之外並沒有10分出彩的地方 。蒜蓉白菜仔 9/10   （$98）相對普通的一道菜，但是味道濃郁。白菜仔亦非常爽脆新鮮整體是不錯的。

在尖沙咀這甲級商場內閑逛後正想找地方歇息及晚餐，在電梯大堂見到這粤式酒家廣告，决定探店👍🏼入座時間還早，侍應安排了窗口位，有维港夜景👏侍者推介店内拿手菜:金獎宮爆蝦球;薑蔥脆米啫啫桶蠔;我們一一接受，再加點:黑蒜蒸龍躉頭腩清炒西蘭花金獎宮爆蝦球，賣相吸睛，咕嚕味蝦球外脆内爽，伴上炸百花釀皮蛋及酸子薑，醒胃之極😋薑蔥脆米啫啫桶蠔， 鮮蠔放熱燙砂煱内，面灑炸香脆米，入口味濃又脆卜卜😋黑蒜蒸龍躉頭腩，魚肉新鮮，黑蒜渗出醋香，伴墊底粉絲金菇好和味😋清炒西蘭花，清淡爽脆，正好冲去前幾道海鲜重味😋结帳前侍應奉上陳皮紅豆沙，又多了一個回憶👏

weekend 緊係要嘆番個早茶先可以啟動啦😌呢間之前食過晚市 今日既然要出尖咀 就試下佢地既午茶喺The One樓上 大枱靠窗景觀不錯不過2個人就安排唔到LU~😩必叫蝦餃燒賣🦐💛筍尖鮮蝦餃蝦餃是傳統一口size ，外皮晶瑩通透，蝦肉爽口彈牙，皮薄餡靚。💛蟹籽燒寳皇又係有鮮蝦之作，冬菇豬肉香味好突出。💛蟹籽春風蘿蔔腸腸粉皮薄軟滑、外軟內脆，加埋蟹籽粒粒脆口，讓人回味無窮。💛魚肚灌湯餃個上湯好甜好夠味，餃勁大粒，餡料極多，好多蝦肉﹑仲有魚肚，魚肚吸收左湯汁精華，鮮甜美味，怪不得是招牌之一。👍🏻特色點心推介💛XO醬咸水角炸得脆卜卜，XO醬好多，非常惹味，而且做到小蘋果既造型，超可愛~小朋友大朋友都一定中意💛黑椒牛柳酥類似蘿蔔絲酥的做法，超酥脆鬆化，黑椒味濃郁，牛柳亦多，又係惹味之作🤤個人私心推介💛金沙墨魚仔金沙醬非常咸香，墨魚仔外層充滿咸蛋牛油香氣，極度邪惡既小食，但真係令人食到停唔到口，墨魚仔又鮮味脆身，正！💛蕃茄海帶苗第一次食海帶苗先知原來甘得意，上湯蕃茄湯勁入味，又鮮甜，味道比賣相好極多，超級好味

星期日同屋企人去飲茶，呢間酒樓位置方便，環境都幾好，有啲海景，坐得幾舒服😌而家仲有新張優惠，星期一至日午市有八折優惠，幾抵👍🏻魚肚灌湯餃- 灌湯餃大大隻足料，賣相靚，湯頭仲有啲魚肚件添😋X0醬鹹水角- 青蘋果造型好可愛， XO醬嘅鹹水角，真係第一次食，惹味香口👍🏻黑椒牛柳酥- 睇個樣以為係普通嘅蘿蔔千絲素，點知原來裏面係滿滿嘅牛柳粒，黑椒醬汁好好味😋筍尖鮮蝦餃- 皮薄餡靚，蝦肉爽😋蟹籽燒賣皇- 冬菇豬肉加上蝦肉爽口有肉汁👍🏻魚肚菜苗餃- 鮮蝦菜苗餃就食得多，呢個除咗蝦仲加埋魚肚，豐富😍蟹籽春風蘿蔔腸- 滑滑嘅腸粉包住脆脆嘅米紙，然後裏面係甜甜嘅蘿蔔條，口感十足😍脆米牛鬆炒飯- 炒飯粒粒分明，牛肉鬆分量多，牛味幾香😋配上粒粒脆米好香口焦糖馬拉糕- 馬拉糕唔同傳統嗰款，偏向多啲奶黃味道，賣相都幾精緻😍我哋當甜品食😆