湊湊火鍋‧茶憩 (MOKO新世紀廣場)

营业中

休息中

旺角moko商場入面，湊湊火鍋，非常值得一試！首先，店舖環境真係好靚，光線柔和，氣氛輕鬆，令人一入到就感覺好舒服。職員服務態度有禮貌，呢個體驗加分唷。食物方面，新鮮程度絕對夠水準，海鮮、肉類都好新鮮，令人一口咬落去就感受到食材嘅質素。火鍋嘅湯底同樣係一大亮點，蟹粉湯底都勁好，令人停唔落口。自助區嘅小食選擇都多，啲即食小食質素唔錯，配搭得宜，仲有多款調味料可以選，真係可以根據自己喜好，隨意調配，令火鍋味道更加多變。湊湊火鍋不論係環境、服務、食材抑或小食選擇都表現出色，無論幾時嚟都唔會失望！

湊湊火鍋已經吃過了多次，今天吃的實在有點失望😖😖😖我們點了烏雞卷，皇帝菜，鱔魚，蓮藕片，雜菌湯底。雜菌湯太多油，點了鴨血和豆腐，但鴨血豆腐有點燶味🫠🫠🫠後來他們換了一碟說是剛做。每次餐後店舖也會送甜品，今次看到甜品是一早放在食物車上擱在通道一旁，沒有蓋着😰😰😰整整放了個多小時，為什麼不是客人用完餐才端上餐枱🤔🤔🤔這個絕對是衛生問題，真的要改善改善。

之前有去過其他分店，上兩星期經過想試試，但這分店完全不推薦，湯底沒有豬肚，而且蔬菜沒有洗，發現有蟲子和黑點，牛肉上有瘀血及肥肉太多，食物衛生感到惡劣，價錢跟食物質素對不上！講緊一個二人餐差唔多成800蚊，仲要無包兩杯飲品，出這樣的食物比客真係要幫佢宣傳下，已經叫身邊啲朋友唔會再嚟呢間店！！！食完真係一肚氣以及深深不忿，服務一般沒有特別，感覺洗咗比較多既錢去了茶餐廳食飯，只是門口水池吸引，真不覺得怎麼樣

長文，如實報道，唔想睇可skip近日天氣轉冷，約好友打邊爐，記得多年前曾經幫襯過K11 Musea 分店，覺得幾好，今次轉到Moko 分店再回味...當晚9點入座，知道有8折優惠，本身呢間食店一向定價唔平，有優惠都唔錯，侍應安排入座及點菜後，才是惡夢開始。先去自助小食及醬料吧，發現小食空空如也，心想可能晏入座，也諒解，但係當見到醬油區，連香蔥都無，問侍應幾時補充，只得到一句：『無晒啦，得其他配料。』的冷淡回應，已開始不滿，餐廳有收到自助吧費（每位19蚊）已經無大部份小食，連最基本的香蔥都無（之後連芫荽及生果都無），過份。店內人手極之不足，點菜及飲料後，超過20分鐘都未上菜，其間發現飲品已整左好耐，放係度，起碼超過10分鐘都無人理...食物質素不過不失，可能已經被影響到，唯一亮點是其中一位高級男侍應態度幾好。埋單最後折後700蚊（2人），總括黎講，我是不會再去此店，但會俾其他分店多一次機會，希望餐廳改善。

收得咁既價錢 已經唔係任食唔expect啲肉又薄又碎到咁 放入口妹兩吓就冇咗 係搵塊完整既都冇而且份量極少叫左個二人餐 其他配菜都係得啖笑啲蝦勁細隻 就菜正正常有幾條咁最後俾個米粉塞飽左總之性價比極低

之前都有喺另外一間分店食今次見OpenRice有折扣就訂咗到門口等咗幾分鐘冇人，最後我哋自己入咗去我哋叫咗個女侍應問佢套餐有冇OpenRice折扣，佢問非所答都無所謂，但係好唔耐煩咁同我哋重複咗一次完全冇答到我哋問題最後叫咗另外個男侍應嚟答我哋食物一向食開都係好好食嘅但係中途想叫人都係舉手舉到手軟🙋🏻‍♀️都見到人手係唔夠，佢哋比較忙但係講緊折咗之後都四百幾蚊蚊人均消費平時冇折係五六百蚊嘅人均消費比咁嘅服務就真係差啲好明白點解咁多人北上食嘢仲要最後喺OpenRice見到我No show咗個Booking❗️❗️ 即係其實開頭嗰位唔耐煩小姐係冇幫我哋撳到已入座❗️❗️但係我哋係有去到最後要我喺依度遞交返張收據審批咗先至改返已出席❗️❗️

大約7點多就到門口，負責帶位藍衫叫我哋等陣…初初諗等5-10分鐘啦，其間佢消失咗，其實出面都好多人等緊…想問佢幾時有位都唔得啊。唉，一等就等左接近廿分鐘多啲，心諗我book 黎做咩，結果都要等…佢很冷淡沒有招呼…very bad feel lol，入到去坐低餓暈了，想去拎肉醬飯結果無肉醬，想點椰子雞鍋又無，胡椒雞都無…問員工話賣哂，7點幾想食既無咗...服了，成餐好唔開心，一肚氣去洗手間仲見到藍衫係門口按手機，門口仲有客在等，非常不尊業，短期都不會再去湊湊吧了

因為1月沒時間去深圳吃，惟有在香港食，於是找了旺角MOKO「湊湊火鍋」。主要考慮品牌出名，應該冇伏，點知…..單點了➡️「金蛇賀歲特級美牛拼盤」$268，點後話冇，換了聖誕樹牛，不但沒有牛味，份量也少，怎麼樣看也不值$268（未計加一），心情已涼了一半。2. 新年華麗海鮮拼盤$268， 蜆肉有沙🙄，蝦不太新鮮。3.企鵝丸（墨魚漿製）$59，只可用來打卡。4.時蔬湊湊（小份）$98，不值。5.響鈴$58，比較ok。6.經典珍珠奶茶$29，可以接受。7. Order鴛鴦湯底：1.清涼椰子雞$138，2.清酒昆布鰹魚湯鍋$138😑8.手工蝦滑$68， 只有這個最好食。加一後總數$1351（4人)本來想在香港消費的，換來失望、唔開心。

超級抵食，超級推介，湊湊火鍋午市套餐👍🏻👍🏻但無意中比我見到原來最近推出咗午市套餐， 100多少少就食到，而且我覺得都幾多嘢食，半自助，出邊生果同埋滷肉飯可以自己攞，會食得飽，而且我覺得啲肉都質素OK，唔係普通劣質牛肉，唔單止只有肉，佢仲會有好多配料，仲有蝦滑，套餐包括一個刀削麵或者紫薯麵，我覺得紫薯麵係好食啲，刀削麵唔太識控制淥幾耐，而且午餐跟嗌飲品大約$15一杯就飲珍珠奶茶🤩🤩🤩我哋叫咁多嘢人均150

今日同朋友出來飯聚，喺新世紀湊湊火鍋，胡椒豬肚湯底，加花膠湯底，可以飲完兩個湯，再食火鍋，湯底非常唔錯，各種食物質素都好好。而最值得讚賞嘅就係侍應嘅服務態度，尤其某一個侍應，係而家香港飲食業難得一遇嘅，無論我哋三位女士幾咁刁鑽，幾咁麻煩，佢都好有耐性、細心咁樣回應我哋嘅問題！值得一讚！

旺角moko湊湊鍋- 三人同行，二人餐盛宴！之前食過湊湊鍋，覺得味道唔錯，但價錢有啲貴，兩個人食普通嘢過千蚊😅。今次同朋友再試，發現套餐選擇多咗好多，真係幾好！我哋叫咗個二人餐（$698），選咗鴛鴦鍋，湯底有：* **紅顏花膠雞鍋:** 呢個湯底好濃郁，店員推介先飲，飲咗好多骨膠原，真係好滋補！🥰* **珍鮮菌菇鍋:** 菇味好出，湯底清甜，非常適合愛食菇嘅朋友！🍄至於肉類，我哋揀咗：* **美國特選級牛小排:** 肉質鮮嫩，入口即化，真係好好味！🥩* **牛肩胛:** 嚼勁十足，味道濃郁，唔錯！👌丸類方面，我哋選咗：* **企鵝丸（墨魚漿製）:** 口感彈牙，墨魚味濃，幾有特色！🐧（最後一張相佢哋好可愛㗎，不過我竟然outfocus咗都唔知掛住食）海鮮方面，選咗：* **基圍蝦:** 超新鮮，上菜時腳仲郁緊，食到好滿足！🦐蔬菜就揀咗：* **萵筍:** 清脆爽口，幫手平衡肉類嘅油膩感！🥬最後，甜品我哋選咗：* **紅糖糍粑:** 外脆內軟，甜度啱啱好，完美收尾！🍡另外，我哋仲叫咗個**時蔬湊湊（$98）**，入面有粟米、波菜、芋頭、菇等，份量都好多，真係唔錯！😋自助區有啲小食同肉燥飯

星期六路過湊湊睇menu，服務員話宜家小火鍋搞特價，和牛小火鍋138一個。咁咪兩個人入去吃。結果埋單果陣收188 一個小火鍋，我問：點解唔係138？服務員就話：星期六日要收正價。我以為自己睇漏d term，被服務員誤導左，咪照樣俾錢。好彩後面的顧客提醒話根本menu 都沒寫星期六日收正價。服務員一見我地吵，好爽快地退款俾我，按138咁收錢。之後我又發現加一收多左，服務員話加一按正價計算，不是按實際吃的價錢計算的。係香港吃飯，咁dishonest 的收費方法真係前所未聞，大開眼界。btw，大紅袍奶茶幾好飲，只不過唔會再入去打邊爐

首先，這家我哋其實已食過N次，環境舒適同埋都覺得好好食👍🏻食完可以順便行吓消化下。之前都係午餐，有85折，今次係周五去食晚餐，正價，但計埋落嚟好似都差唔多！食材照舊係嗌一路食開個幾樣，一大一細，都食唔落太多，純粹係陪小朋友架咋。。但佢就覺得好好食同埋好鐘意黎呢一間食嘢話是否會有下次，係因為消費左657（两位，其實都唔平）。埋單時，我抄緊銀包，小朋友睇到收銀枱有宣傳單，問我是否要攞？我略略望左一眼:過咗期啦都…收錢小姐姐話都有其他可以用架，你可以拎返去慢慢睇吓！現金付款後，一路行一路睇，原來消費滿500蚊可以即時減100蚊喎咁我哋消費左657點解又未有出聲嘅？？？So,商家，如果你冇誠意，就撤左個啲嘢啦，廢時好似我呢啲客，後尾先有睇到細細個幾個字，幾咁肉赤？？？100蚊喎，有得減梗係好喇！點解係付款時，收銀話我可以攞之時未有一齊話畀我哋知吖

湊湊火鍋5週年午市推出優惠套餐😍午市套餐精緻小火鍋有6款比我揀1.美國特選級雪花肥牛小火鍋2.清遠走地雞小火鍋3.美國特選級牛板腱小火鍋4.伊比利亞梅花豬小火鍋5.甄選鮮活海鲜小火鍋6.日本A4和牛小火鍋我今次食既係1.美國特選級雪花肥牛小火鍋3.美國特選級牛板腱小火鍋湯底就揀左清涼椰子湯同昆布鰹魚湯兩款既牛都係非常新鮮而且好有牛味岩哂鍾意食牛既我😂而且佢無論係蔬菜籃同烏冬既份量都好多架🫶🏻仲有佢個蝦滑好新鮮同彈牙你都快的去試啦😉當然唔少得飲番杯珍珠奶茶啦同埋免費加會員可享用自助吧Tim有時令前菜時令水果滷肉飯等等😍仲有服務態度一流其中有個男員工要讚賞下👍🏻

湊湊火鍋🍲一向喺我同屋企人最愛，除了環境寬敞，身材新鮮，首先醬料都係用高質！依家只要$49就可以食到佢哋嘅小火鍋！我哋知道有呢個震撼超開心！準備去足五日🤣🤣🤣‼️午市套餐精緻小火鍋6款震撼半價或以下‼️1️⃣美國特選級雪花肥牛小火鍋（推廣價HK$49；原價HK$108）2️⃣清遠走地雞小火鍋（推廣價HK$54；原價HK$108）3️⃣美國特選級牛板腱小火鍋（推廣價HK$59；原價HK$118）4️⃣伊比利亞梅花豬小火鍋（推廣價HK$59；原價HK$118）5️⃣甄選鮮活海鲜小火鍋（震撼推廣價HK$79；原價HK$158）6️⃣日本A4和牛小火鍋（震撼推廣價HK$94；原價HK$188）以上套餐每份包含140克優質肉類🐷🐮🐔，仲有30克90%蝦肉含量手工🦐蝦滑同240克甄選時令蔬菜拼盤🥗，同埋烏冬！每位顧客更可免費享用自助吧，包括時令前菜、水果、甜品同滷肉飯等！唔好以為優惠價就會品質下降！就算半價都可以食到超高質肉類，包括有伊比利亞梅花豬、日本 A4 和牛、美國特選級雪花肥牛、美國特選級牛板腱、甄選鮮活海鲜拼盤、清遠走地雞等！我哋食嘅美國特選級牛板腱唔止肉質鮮味，脂肪分布平均而且牛味超濃！老公嘅清遠走地雞每一啖都充