冒喜 (柏廷坊) (已搬遷)

今日出去上环拣左好耐去食咩好 由于好多老店都系收3:30揾左间冒菜食 OR见食评都高 不过网上啲评价伏左咁多次都唔敢抱太大期望钟意食辣嘅我 最好就系一个人独自快乐好多汤底都好吸引🤩有生椰蕃茄同白胡椒汤全部都想试 不过呢啲汤写明唔辣 我都系想食四川辣🌶️辣汤都有分重庆麻辣、青二荆条、升级秘制香辣、地狱蕃茄、贵州臭豆豉、酸辣汤真系选择困难啊最后拣左秘制香辣汤配4𩠌$58：潮汕手搥牛肉丸、蒜香墨鱼丸、贡菜、莴笋，中辣走芫茜多芝麻跟面+$5 不过我就走淀粉，惊太大碗所以叫4𩠌+自家制桂花蜜乌梅冰粉 $18店员细心解释再帮我落单 因为扫code系电子支付先付款后食 好快就食得 忍唔住第一啖就吸左啖汤先！今次真系「一口入魂」🤣个汤真系香辣！好正😋好似系久违了嘅麻辣烫咁！系四川版车仔面❣️汤底有蒜有豆豉，但真系好香，顿时觉得应该叫6𩠌吸汤/加个薯粉食应该满足啲虽然望落好油 但我今次食完冇肚疴啊！牛丸同墨丸比较细粒，肉质爽弹，墨丸食唔到蒜味，只可以话个汤太好味！牛丸就睇图啦，冇失望。贡菜劲爽脆，想encore,莴笋就煮透索哂汤汁！食哂成碗有啲意犹未尽，但唔想加粉面，我直头想外卖碗汤走🤣所以加左碗冰粉食，桂花蜜就冇乜，成碗乌梅味盖过哂，啲冰粉好滑好Q好似蒟蒻 另外几粒花唔系咁好食，汁又少。下次我会直接叫6𩠌$66钟意食辣嘅真系唔好错过😋…查看更多

一入门就闻到麻辣香，凉冷气迎面，好舒服。装潢摩登，有少少四川味，系夏天同朋友食嘢嘅好去处先来一碟藤椒鱼皮。脆口，捞上藤椒酸辣汁，麻中带酸，醒神得嚟开胃。再点个麻辣汤底，红油翻滚，花椒辣椒香气扑鼻。薯粉吸满汤汁，辣得过瘾。潮汕牛肉丸系主角，咬落去弹牙爆汁，配麻辣汤一流。肥牛同五花腩片油花靓，莲藕片清脆，层次丰富。另一边厢，生椰蕃茄汤清爽得嚟有椰香，酸酸甜甜，好解腻。番薯粉 Q 弹，牛肉嫩滑，毛肚爽脆，夏天食冇负担最后来一碗乌梅冰粉，酸酸甜甜，冰凉透心，完美收尾食材新鲜，汤底选择多，价钱合理。夏天想食辣又唔想太热气，上环冒喜系个好选择。…查看更多

估唔到中上环有咁抵食嘅餐厅，$58起就食到冒菜啦，啱晒喺附近返工嘅OL👍🏻餐厅有自选套餐同set好咗嘅套餐，自选嘅价钱就因应自选食材嘅数量而定八宝套餐（8款食材） $72吉祥套餐（6款食材） $66铜钱套餐（4款食材） $58我地当日order咗1个八宝套餐同1个吉祥套餐，望落超级丰富😂其中最特别嘅系贵州丁家脆哨，第一次见呢样嘢食，食落好似猪油渣咁，几特别。另外贡菜都系平时少见嘅食材，口感超级爽脆，值得一试。呢度嘅牛肉丸牛肉味超级浓郁，好juicy，牛丸爱好者一定要食！而其他食材亦都好唔错，就唔逐一介绍啦🙈汤底方面我地1个拣咗重庆麻辣汤，小辣唔算好辣，食得辣嘅可以拣返中辣起。平时食麻辣汤可能都会比较油，但呢度又唔会👍🏻而另一个汤拣咗养生白胡椒汤，系唔辣嘅选项，唔食得辣嘅都唔怕🙈主食方面需要额外+$5，选择都好多，最重要嘅系有土豆粉！口感Q弹得嚟又唔使嚼就好耐😋凉拌酸辣土豆丝 $28土豆丝比较粗身，口感软腍得来又唔粉👍🏻酸辣味平衡得好好，唔会抢咗彼此嘅味道桂花蜜乌梅冰粉 $18呢度嘅冰粉好特别，净系睇埋相都同平时食嘅唔同，食落意外地高质，因为系乌梅冰粉，所以食落酸酸甜甜咁，好开胃，适合解腻，而且价钱都好抵酸梅青柠乌龙茶 $15 似系喺柠檬茶嘅基础上加咗酸梅汤咁，酸酸甜甜又饮到乌龙茶嘅味道，味道好清新，适合夏天洛神花山楂苹果 $15感觉好养生，山楂令成杯饮品多咗一浸酸甜嘅味道，同样好开胃，食完饭refresh下啱晒…查看更多

今日约咗朋友嚟到上环食呢间辣嘢叫做冒喜！佢都几抵食，最平50几蚊已经有一大碗！我自己唔食辣，所以拣咗生椰蕃茄汤底，入面要咗冻豆腐鸭血魔芋等等，冇拣到主食因为已经好大碗！呢个汤底有少少甜甜地好适合钟意食蕃茄嘅人🥰其实佢嘅价钱仲平过返大陆食😆朋友拣咗胡椒猪肚汤，佢话都几好食，因为少少麻麻哋咁。毛肚都几新鲜！牛丸弹牙有咬口🥰小食拣咗鱼皮，虽然佢好辣但系惹味爽口❤另外都叫咗一支嘢饮就系山楂汁！酸酸甜甜唔错🥰甜品叫做乌梅粉，佢都几解难，亦都唔会太甜。有特色的!仲有好多分店!! 📍红磡总店║红磡芜湖街83号Y83地下G04及G05A号舖📍上环分店║上环文咸东街22-26号柏廷坊25楼 📍湾仔分店║湾仔谢斐道250-274号杜智台地下6号舖📍北角分店║北角和富道和富荟B50号美食广场A1号舖…查看更多

12点头到铺头，已经坐满要等位等左15分钟终于有位坐低点完餐又要再等多15分钟左右 😕因为餐厅有好多外卖order要做…终于有野食 - 铜钱套餐（四𩠌）配秘制香辣汤（小辣）+ 蕃薯粉贡菜 - 口感爽口，咬落卜卜脆，但食落无咩味冰豆腐 - 唔算好硬身，食到豆香，系吸汤好选择潮汕手搥牛丸 - 牛味几浓，好食毛肚 - 同出面既黑柏叶有少许唔同，佢比较薄身，但都几好挂汤蕃薯粉 - 煮得几有咬口汤底几香，入落唔算好辣好麻，但一样好抵赞既系碗粉送到枱面时好够热，个热度一直维持到我食完为止，食到我出汗，感觉几过瘾 🙃埋单$68无加一，整体成碗份量都几够，值得俾呢个价钱系略嫌餐厅冷气唔系太够…查看更多